رواية خادمة الصقر الجزء الثاني الحلقة السابعة والأربعون 47 بقلم يوستينا سامي
رواية خادمة الصقر الجزء الثاني الجزء السابع والأربعون 47 بقلم يوستينا سامي
رواية خادمة الصقر الجزء الثاني البارت السابع والأربعون 47 بقلم يوستينا سامي
 |
| رواية خادمة الصقر الجزء الثاني الفصل السابع والأربعون 47 بقلم يوستينا سامي |
رواية خادمة الصقر الجزء الثاني الفصل السابع والأربعون 47 بقلم يوستينا سامي
في فيلا الحديدي 🌸
دخلوا كلهم و كانت نغم و همس و قمر في الجنينة
و شافوا عاصي و هو داخل .
نغم بصوت واطي / جالك كلامي قلتلك كانوا عارفين ان هو عايش طول عمرهم عالم خبيثه
همس ببتسامه / علشان كده عساف امبارح كان بيتهرب مني وما رضيش يقف يتكلم معايا ويحط عينه وفي عيني عشان عارف اني هقفشه ..
صقر بصوت عالي نسبيا/ يا جماعه عاصي السيوفي هيقعد معانا الفتره دي في الفيلا وهيقعد في الاوضه اللي في الجنينه
نغم بتريقه / يقعد ما يقعدش ليه يا اهلا و مراحب .. ازيك
يا مرحوم عامل ايه
عاصي ضحك/ تمام الحمد لله صحتي زي الفل . امال فين باقي العيلة يعني علشان اتعرف عليهم
معاذ بحده / لا يا حبيبي ملكش دعوه بباقي العيله ماشي واظبط كده اظبط ...بقولك يا بابا معلش انا همشي هروح عند سيلين اطمن عليها وارجع على طول
قمر/ لا طبعا مش المفروض تقعد عشان تساعد البنات في تعليق الزينه و عشان السحور كمان
صقر ببتسامه / احنا فين والسحور فين يا قمر خليه يروح بس ما تتاخرش يا معاذ وبلغهم تحياتي وقولهم رمضان كريم
معاذ قاله / الله اكرم يا حبيبي
و قرب و باس راس قمر / مش هتاخر والله ... يلا بعد اذنكم
و تحرك معاذ وراح على بيت جده سيلين عشان يطمن عليها وخصوصا انها كانت مكلماه فوق ال 20 مره
همس في اللحظه دي باصه لعساف بغدر وسابتهم ودخلت الفيلا في هدوء و عاصي ميل علي عساف و قاله/ واضح من بصتها انها مراتك وانها كمان غادرالك فربنا يكون معاك ..والله بدعيلك من قلبي
عساف/ طب ادعي بقى كويس علشان شكلها النهارده خناقه .. اوعى بقى من وشي يا ابن الرخمة
ودخل عساف الفيلا ورا همس وخالد كمان دخل هو ونغم وسابه عاصي واقف هو وادهم اللي كان ماسك التليفون
عاصي قرب من ادهم وقاله/ هو انا ليه حاسس ان انا ضيف تقيل وغير مرغوب فيه اصل كلهم سابوني ومشيوا
ادهم بصله باحتقار / حاسس مش متاكد عموما اكيد كلهم دخلوا يرتاحوا ..امبارح كان يوم صعب قوي تعالى اقعد هنا حد لما حد يعبرك
عاصي / طيب حاضر .. بس قولي هي فين لارا علشان من ساعه ما جيت الفيلا وهي مختفيه اوعى تكون تعبانه وانت مخبي عليا
ادهم حس انه بيتكلم بنبره قلق ولكن رفض الفكره دي وزعقله / بقولك ايه انت هتعملي فيها خطيبها هو مش معاذ قالك اظبط طب اظبط عشان مانزعلكش
وفي نفس اللحظه اللي ادهم كان بيكلم فيها خرجت جميله بلهفه ومعاها لارا علشان يطمنوا على ادهم وما كانوش يعرفوا ان عاصي تحت ..
جميلة جريت و حضنت ادهم بلهفة / وحشتني اوي . حرام
عليك يا ادهم قلقتني عليك و .. هو ده عاصي مش كدة
ادهم بستغراب/ عرفتي ازاي بقي
جميلة بتوتر / اصل كان في لايف علي الانترنت و شوفت شكله والله .. عموما حمدالله على السلامه
عاصي مكنش مركز معاهم و عينيه علي لارا اللي كانت واقفة مضطربة و مش عارفة حتي تقرب من ادهم علشان تطمن عليه ..
ادهم بغيره ضرب عاصي في كتفه / انت بتبصلها كدة ليه شكلك مش هترتاح الا لما تضرب بجد
جميلة مسكت ادهم / بس اهدي شوية يا ادهم مش كدة ..
ادهم / اهدي ايه انتي مش شايفة واقف يسبل ازاي
و انتي يا لارا قربي خايفة منه ولا ايه
عاصي زعل اوي من الكلمة دي و قاله/ ليه تخاف مني
يا ادهم ..انا عمري ما هاذيها ..و لو انا مضايقك اوي كدة خلاص يا عم اغور في داهية من هنا
و لسه عاصي هياخد الجاكت بتاعه و يتحرك سمع صوت صقر وهو خارج و معاه شنطة فيها هدوم من حاجات معاذ مؤقتا
صقر بحده / سبق وقلتلك انك قاعد هنا في بيتي ومافيش حد ليه حق انه يمشيك غيري وانت يا ادهم وبعد كده ابقي اتعامل باحترام
ادهم بص صقر باحترام وقاله / انا اسف يا عمي انا هخش ارتاح شويه بعد اذنك
ودخل ادهم الفيلا وجميله دخلت وراه ولارا برضو فضلت واقفه وهي مش عارفه تتحرك وقرب صقر منها وحط ايده على كتفها وقال / ما سلمتيش عليه يعني ما فيش حتى حمد لله على السلامه
لارا بتوتر / هو فين بابا ما شفتوش يعني لما جيه انا هطلع اطمن عليه يا اونكل
صقر مسك ايديها / استني يا لارا انا عارف يا حبيبتي اللي انت حاساه وانك كمان متلخبطه بس الواد ده جاي وهو ندمان وعايز يعتذرلك
عاصي بلهفة / اه والله العظيم انا كان ممكن اسافر بعد المحكمه وابعد عن كل المشاكل وكده كده حقي هيجيلي بس انا صممت اجي هنا عشان اشوفك .. اشوفك انتي والله العظيم ما بكدب .
صقر / خلاص قفل علي الموضوع و اتكلموا شوية مع بعض .. كلام بس سامع يلا انت و خد شنطة دي فيها كام حاجة عقبال ما تجيب هدومك
و سابهم صقر و بعد بس كان برضو متابعهم من بعيد ....
عند عاصي و لارا 😑
عاصي / طب انت هتفضلي موطيه راسك لحد امتى انا ما اتعودتش اشوفك بالحزن ده ولا بالكسره دي انا اتعودت اشوف لارا البنت الجدعه هي ما بتخافش من حاجه ومش بيفرق معاه حد
لارا رفعت وشها وقالتله / ما فيش حاجه بتفضل على حالها عموما حمد لله على سلامتك انا لازم ادخل الفيلا لان
ما اعتقدش انه وقوفنا هنا ليه لازمه
عاصي مسك ايديها بسرعه وقالها/ لا طبعا ليه لازمه بقولك جاي عشان .. انا فوقت اصلا بسببك انتي عارفة اني كنت هسيب كل الفلوس وكل حاجه وابعد انا واختي ... انا رجعت عشانك ...انا بحبك اوي يا لارا
لارا بصتله بضعف/ لا مش بتحبني بلاش كدب بقي
انت عايز تجرحني تاني يا عاصي .. لا انا بقي مش هسمحلك
وبعدت ايده عنها و قالتله و هي رافعة حاجبها/لو الحركه دي اتكررت تاني ..اديك اللي انت فرحان بيها دي هتوحشك
و سابته وطلعت اوضتها عاصي ضحك قوي على كلامها وحس انها بدات تتعامل معاه زي الاول وده فرحه اما لارا كمان كانت فرحانه بكلامه لانها حست انه يمكن يكون بيحبها ...
وعدى ساعات ويزن وكريم وهمس وميرا وصلوا الفيلا وكلهم كانوا مصدومين باللي حصل ليزن بس حاولوا يتعاملوا عادي عشان ما حدش يضايقه لحد ما جات تقريبا الساعه 10:00 بالليل وادهم و فهد كانوا في الجنينة بيعلقوا الزينة
في الجنينة 🤷
ادهم و هو واقف علي السلم و فهد كان بيهزله فيه برخامة
ادهم بصدمة / ولااا بطل تهز في السلم هقع
فهد بهزار / يا راجل ما تقولش كدة.. ده انت سوبر مان
ادهم بقلق / وربنا يا فهد لو وقعت من على السلم لانزل اكسر عضمك بطل سخافه اهلك دي بقى
لارا وهي بتضرب فهد في كتفه / ياض بطل لعب عيال وبعدين انت لو فضلت تزق في السلم كده هتوقعه وهيبقى بفعل فاعل انما لو اخذت سلك الكهرباء ده و كهربته .. هيقع لوحده
فهد بضحك/ يا بنت اللذينه وانا اللي كنت فاكر نفسي عبيط طلعتي انتي هبله .. كفك بقي
ادهم بصلهم بقلق هما الاثنين وحس انهم ممكن يعملوا كده فعلا فنزل بسرعه من على السلم/ طب وربنا بقى معلق حاجه يا بيت مجانين .. هتموتوني علشان حبة زينة
وسابهم ومشي وفهد ولارا كانوا عمالين يضحكوا
لارا بهزار / خد اقولك طيب . طب بلاش الكهرباء هنفكر في الصاعق ....واد يا ادهم يلا بقى عشان نلحق نخلص
لكن ادهم ما ردش عليك ودخل الفيلا و لارا بصت لفهد اللي كان واقف وسرحان وقالتله / طب ايه خلاص ادهم دخل اتفضل انت اطلع السلم عشان تعلق الزينة
فهد / هاااا انتي بتكلمي انا .. ليه هو انا عبيط واللي بعمله في الناس هيتعمل فيا ولا ايه ..و بعدين انا ما اطلعش على السلم ابدا انا اصلا بخاف من المرتفعات
لارا بغل / يا اختي جميله.. بقولك ايه احنا مقسمين نفسنا قمر ونغم وماما في المطبخ بيعملوا الاكل وجميله و كارمن بيزينوا الفيلا .. احنا هنعمل الجنينة بقي
فهد / اسمها هتعملي الجنينه هناك فرق ... اتفضلي اطلعي انتي على السلم وانا هقف اساعدك و ابقى في ظهرك ضد اي عدوه
لارا / ماشي يا اخويا بس اقسم بالله يا فهد لو حركت السلم لكون معلقاك من قفاك
و طلعت لارا على السلم وكانت لسه بتعلق الزينه لكن لقت عاصي خارج و بيزعق بخوف / ايه اللي انت عاملاه ده يا بنتي .. انزلي بسرعه قبل ما تقعي انتي عبيطه ...وانت واقف كدة بدل ما تطلع انت مكانها
فهد بص لارا / مين الدبدوب ده .. و ايه جابه الفيلا تعالي هنا يلاا
لارا نزلت بسرعه من على السلم وعاصي كان متابعها بعينه عشان كان خايف لتقع وقالت / اهدى بقى شويه يا فهد صقر هو اللي جابه هنا وقال ما حدش يواجهله اي كلام بطريقه مش كويسه سامع ..
فهد / ومين قاله اني هوجهله كلام انا هضرب على طول .. وبعدين احنا كنا بنعلق الزينة يا استاذ عاصي ايه متضايق تعال علقها انت
عاصي بحده / اه اعلقها انا لكن لارا ما تطلعش على السلم افرض وقعت او حصلها حاجة يا ناصح
فهد/ يا حنين تصدق قشعرت من حنيتك ديت طيب اطلع بقى .. علشان تعلقها
لارا كانت فاهمه دماغ فهد وانه عايز يطلعه عشان يوقعه فمسكت ايد عاصي/ لا لا بلاش تطلع انت .. احسن تقع
يا عاصي .. انا بعرف والله ثق فياا
عاصي زق لارا / اوعي بلاش هبل ..
و بمجرد ما طلع عاصي على السلم و وصل مكان عالي فهد بغيظ قاله/ قابل بقي يا حنين ....جاتك القرف
وراح زق السلم بقوه فوقع عاصي بالسلم على الارض و دخل فهد و سابهم و لارا جريت علي عاصي اللي مسك رجله بوجع ..
لارا بخوف قعدت جنبه على الارض / عاصي انت كويس .. حاسس بايه
عاصي / الواد ده غبي اوي و عيل بجد .. اه يا رجلي
لارا بقلق / طب استني اكلمك الدكتور يجي يشوفك
ولسه لو هتتحرك اهو ماسك ايديها وقال لها / بس انا كويس مش محتاج دكتور .. لارا انتي بتخافي عليا صح
لارا بصتله و سرحت في عينيه و هو كمان و مد ايده و شال الخصله من علي عينيها بس لارا زقت ايده و قامت من علي الارض / لا طبعا مش خايفه عليك ..و هخاف عليك ليه انت ولا حاجه بالنسبه ليا انا بس بعمل الخير
وثابت ولارا ودخلت الفيلا ساعه كارمن المعاصي قاعد على الارض متضايق ودخل معاذ اللي كان لسه واصل / مش كدة يا عاصي .. لو انت فعلا بتحبها ما تبقاش غشيم حاول تقرب كصاحب الاول عشان تعرف ترد جزء من الثقه اللي انت ضيعتها ...وقوم شوف رجلك عامله ايه دلوقتي
قام عاصي من على الارض وحاول يدوس على رجله
وقال / تمام ما فيش حاجه يمكن انا متسرع وده معاك حق فيه بس والله العظيم انا بحبها ونفسي تحس بيا وتسامحني ... بص انا هدخل الاوضه انا اصلا مش
مرحب بيه في البيت ده
معاذ حط ايده على كتفه وقاله / ما تقولش كده انت غلبان وطيب ومسيرهم ينسوا البلاوي اللي انت عملتها .. يلا ادخل ارتاح عقبال ما يجهزوا السحور
_______________________________________________
في الفيلا 🌷
جميله كانت في اوضتها بتعلق الزينه في اوضتها وكانت مهتميه بادق التفاصيل وده خلى منظر الاوضه تحفه ورقيق جدا زي شخصيتها و في الوقت ده دخل ادهم و كان مبتسم لانه كانت بتسمع اغاني و سرحانة معاها
قرب ادهم و حضنها من ورا / ايه يا عم الجمال ده ..
بجد شكل الاوضه يجنن انت ما ينفعش تطلعي دكتوره انتي بتطلعي مهندسة ديكور او ..
جميله زقت ادهم بعيد عنها / ايه لسه هتكمل كلامك
افرض حد دخل و شافنا هيقول ايه ساعتها
ادهم / اللي يقول يقول هو انا هخاف وبعدين الهانم خطيبتي ولا نسيتي
جميله / لا ما نسيتش بس برده عيب وما يصحش
قولي بقى ايه رايك في شكل الاوضه حلوه صح
ادهم ببتسامه/ زي القمر تجنن .. ايه الحلاوه دي يا ناس
جميله بكسوف/ الله بطل بقى بواخه وبطل تحرجني واطلع بره احسن صقر يخش في اي وقت عشان هو عارف اني بزين الاوضه
ادهم قرب منها وقالها / سبق وقلتلك انا مش بخاف من حد ومش هخرج من الاوضه الا لما اخد بوسه
وفي اللحظه دي لقه الباب بيتفتح ودخل صقر و معاه خالد
خالد بتريقة / لا هتخرج يا حبيبي و الاحسن انك تخرج علي رجليك احسن ما تخرج علي نقالة .
صقر/ لا استنى بس يا خالد ده بيقولها انه ما بخافش من حد و فاتح صدره قوي بيتكلم بثقه .
صقر مسك ادهم من قفاه / ما بتخافش من مين يالا .. هاا وقال ايه مش هتخرج غير لما تاخد بوسه
يا اخي باسك حنش
معاذ في الوقت دوت دخل الاوضه وكان ماسك شنطه هدايا وسمع اخر جمله وقال بهزار / يا نهار اسود في رمضان ...في رمضان عييييب والله
ادهم / انت بتشعللها يلا وبعدين دي كانت بوسه بريئه مش هي خطيبتي برده
معاذ / لا يا حبيبي مش خطيبتك واتلم يا ادهم بدل ما و ربنا افسخ انا الخطوبه دي .. و اتلموا بقي احنا في رمضان
ادهم / انت عندك حق انا غلطت ومعترف بغلطي سيبني بقى اخرج يا صقر والنبي
صقر/ ماشي هسيبك انزل بقى اعمل مع كارمن الزينه علشان السحور قرب .
واول ما صقر ساب ادهم جري على تحت وصقر بص الجميله بتحذير وقالها / انت اه صدتيه بس المره الجايه انشفي اكثر اتفقنا
جميله ابتسمت وقربت من صقر وحضنته / اتفقنا يا بابا
ونزل صقر وخالد يتابعوا باقي الزينه والاجواء في الفيلا اما معاذ فدخل شنطه الهدايا لنغم وكان فيها حلويات جده سيلين عاملاهم بنفسها وبعتاهم للعيله
________________________________________________
في اوضة يزن 🔥
ميرا و هي بتقلع يزن التيشرت / حساب بس دراعك حاسب
يزن بوجع/ بالراحه يا ميرا عشان مش قادره اتحرك وسبيني كده شويه ارتاح
ميرا / خلاص بالراحه اهدى ..و امسك بقى خد الدوا دوت اللي قبل الاكل وبعدين اعمل حسابك ما فيش حاجه اسمها هتصوم الدكتور قال ماينفعش
يزن وهو بياخد الدوا / كلام الدكتور ده يمشي عليك انتي و اللي زيك مش عليا .. انا قلت هصوم يعني هصوم انا مش عيل صغير عشان رمضان يفوتني
ميرا اتغاظت قوي من كلامه لكن حاولت تاخد نفسها بهدوء وتتكلم بالراحه علشان عارفه ان يزن مش هيجي بالعصبيه
او بالعند
ميرا قربت وحاطط ايديها على كتفه السليم و بدات تتكلم بصوت هادي و رقيق / يا روح قلبي انت بتاخد ادويه كثيره جدا وتقيله ازاي بس تاخدها وانت صايم هتقع من طولك والجرح هيفك
يزن / والنبي علي صوتك وانتي بتتكلمي وبلاش صيغه المحن ديت عشان مش هتاكل معايا ... وبعدين مش انا برده اللي بتاخد على قد عقله وقلتلك هصوم يعني هصوم ريحي نفسك بقى
ميرا بغيظ قامت من على السرير وضربته جامد في كتفه السليم وقالتله / اولع يا يزن ...اولع
يزن / يا بنت الجزمه ماشي.... ماشي خدي بالك كاسك بدا يتملي اوي معايا يا ميرا
ميرا واقفه قدام المرايه وفكت شعرها بدلع ..و بدات تفك الجاكيت اللي كانت لابساه و يزن كان قاعد بيتفرج عليها
و هو مبتسم لانه عارف انها بتضايقه
يزن بهزار / احسن حاجه فيكي انك بتعرفي تنقي الوقت الصح.... خشي جوه يا ميرا غيري هدومك في الحمام
ميرا وهي بتمسك البيجامه وبتبصله تناكه / على فكره انا كده كده كنت هدخل اغير في الحمام عشان انا بتكسف لاني محترمة ..ومش بفكر في الحاجات اللي انت بتفكر فيها يا قليل الادب
وسابته ميرا ودخلت الحمام و يزن كان قاعد يتحسر علي حاله/ ماشي مسيري اخف و هربيكي يا ميرا .
________________________________________________
في اوضة فهد 😟
فهد كان قاعد متضايق جدا ومتغاظ من وجود عاصي في الفيلا ونسمه كانت واقفه قدام الدولاب بتنقي هدوم وفهد لاحظ ده
فهد / هو انتي بتعملي ايه بقالك نص ساعه واقفه قدام الدولاب وانا عمال اكلم نفسي.. بقولك متغاظ ومتضايق
نسمه وهي بتطلع فستان وبتقيسه قدام المرايه / وايه جديد من طول عمرك كده بتبقى متضايق و متعصب ومتغاظ وبتهدى فجاه لوحدك .. انا حفظاك يا فهودي
فهد / يخرب بيت برودك ده انت ابرد من جميله يا شيخه .. هو انتي بتطلعي هدوم ليه هو انت نازله يعني وانا ماعرفش
نسمه / اللهم طولك يا روح وانت ما تعرفش تقعد في مكان غير لما تعمل دوشه ...و اه بجهز هدوم علشان بكره هنروح انا وانت نفطر عند بابا اهو مش هبات عشان ما تتعصبش
فهد بتريقه / نفطر عند بابا انت عبيطه يا بت .. انا مش بفطر الا في بيتي ممكن نروح لباباك نتسحر معاه ...نقعد معاه بعد الفطار لكن افطر في بيتي انا بقلب كلب بري بسبب الجوع والعطش
نسمه و هي بضحك / اصل انا مش هصوم فمش هبقى حاسه كل الحاجات دي فربنا معاك .. وعموما تعال على نفسك بكره بس
فهد بتركيز/ اه انتي مش هتصومي عشان حامل و الجو ده .. بقولك ايه انا لو شفتك شربتي بق ميه واحد قدامي ولا اكلتي يا نسمه والله العظيم هعلقك
نسمه بضحك/ اذا كان الدكتوره سامحه ليا افطر وربنا مديني الرخصه انت بقي هتمنعني انت عبيط يا فهد اوعى تكون زي الناس ما بتعرفش تتحكم في عصبيتها في الصيام
فهد / عليكي نور انا بقى من الناس دي ....انا بعيط كده في الصيام بعيط وربنا من الجوع والعطش
نسمه بضحك / متجوزه انا ابن اختي صح ... عموما يحلها بكره الف حلال
و فاجاه قعدت تضحك عليه وهي بتقول / مش متخيله شكلك وانت جعان وعطشان يا فهد انت كل حاجه بتعملها بتاكدلي انك لسه طفل .. انا بحبك. اوي يا كتكوت
فهد ابتسم و قام باسها و قالها / انا هدخل اخد شاور
كملي تطليع هدوم انتي يا اختي ..و تبقي محتشمة هااااا ..
وفعلا عدى وقت طويل وكانت همس ونغم وقمر وياسمين كمان جهزوا تقريبا كل الاكل وخالد دخل معاهم و مصمم ان هو اللي يعمل الفول بنفسه لانه ليه طريقه خاصه ..
وجهزوا كل الاكل وحطوا السحور على ترابيزه اللي في الجنينه واتلمت العيله اللي كانت مكونة من
كريم وياسمين ويزن وميرا 🌷
وصقر وقمر ومعاذ وجميله وادهم 🌹
وخالد ونغم وكارمن وفهد ونسمه 🌸
عساف و همس و لارا و عاصي 🌼
وبعد ما اخلص السحور قعدوا مع بعض شويه لحد ما جاءت صلاه الفجر وقاموا كلهم اتوضوا وبداوا في الصلاه وكان صقر هو امامهم 🌸
و بعد صلاه الفجر طلعوا كلهم يناموا و لكن عاصي فضل قاعد في الجنينة بيكلم وعد في التليفون
في الجنينة
عاصي بحب / رمضان كريم يا قلب اخوكي.. اتسحرتي مش كدة يا قلبي
وعد / اه يا حبيبي و صليت كمان الفجر و انت قولي اتكلمت مع لارا .. صارحها بقي باللي في قلبك يا عاصي
عاصي/ صارحتها يا وعد بس هي مكشمالي اوي
تفتكري هتسامحني يا وعد
وعد / اه هتسامحك يا عم قول يا رب .. ما النهاردة اول يوم رمضان ادعي من قلبك و ربنا هيستجيب صدقني .
عاصي / ماشي يا ستي هدعي .. بس قوليلي هو تامر فين .
وعد بتوتر / احم تامر . مافيش نزلنا انا و هو جيبنا حاجات للبيت عندي و مشي والله حتي مطلعش معايا .. رفض
و قالي ميصحش علشان عاصي مش موجود
عاصي بخبث/ يا وعد.. ماشي يا ستي عموما هو طلب ايدك مني و انا وافقت
وعد بفرحة / بجد و النبي يا عاصي .. علفكره هو طيب اوي و جدع و ابن ..
عاصي قاطعها بهزار / الله الله ده حب بقي ... عموما اول ما اظبط أموري و اشوف هستقر هنا و لا في امريكا هنظبط ميعاد كتب الكتاب علطول
وعد/ عاصي انا مش عايزة اقعد هنا في امريكاا
وحياتي عندك خلينا نعيش في مصر
عاصي / باذن الله يا وعد .. يلا بقي روحي ارتاحي شوية
و لو حصل حاجة كلميني علطول .. تصبحي علي الخير
يا حبيبتي
و قفل عاصي التليفون معاها و قعد في الجنينة و هو شايل الهم و بيفكر في علاقته مع لارا .
و في الوقت ده شاف عاصي لارا خارجة للجنينة و معاها اللاب توب بتاعها و اول ما شافها ابتسم اوي
عاصي بفرحة/ اي ده هو انتي منمتيش ليه لحد دلوقتي
لارا قعدت علي التربيزة و فردت الاب و شغلها و قالتله ببرود / و دي حاجة تخص حضرتك يا استاذ عاصي
عاصي ابتسم / يا خرابي علي طعامة اسمي منك . اللهم اني صايم يا جدعااااان
لارا ابتسم بشماته / طب اتلم بقي علشان انت صايم و ياريت تبعد عني او تدخل تنام علشان اعرف اشتغل ممكن
عاصي / لا والنبي ايه .. بقولك ايه ما تقوليلي انتي بتفكري في ايه انا حاسس انك نويالي علي نية محترمة
لارا ببرائة / انا برده .. معتقدش يا عاصي خالص .. انت اصلا مش في دماغي و مش فارق معايا
عاصي / معقولة برضووو .. طب يا ستي انتي بقي فارقة معايا اوي و في دماغي و نفسي تسامحيني يا لارا انا بحبك .
لارا بتريقة / طب ما لازم تحبني علشان انا اتحب بس المهم بقي انا و انا مش بحبك
عاصي غمزلها بتريقة/ طيب ده كلام بالذمة .. بقولك ايه
ما تقوليلي كدة علي بلاطة احنا هنفضل على الحال ده
انا وانتي لحد امتى
لارا /هنفضل على كدة لحد امتى يعني .. لحد ما اثق فيك
يا عاصي وتثبتلي انك بتحبني شوف بقى هتعرف تعمل ايه عشان تثبتلي ده
عاصي بابتسامه/ هدعي انك تكوني ليا و هعمل اي حاجة عشان تصدقيني اني بحبك والاهم هحاول ابني نفسي وشغلي عشان استحقك يا لارا لانك غالية اوي عليا
و قام عاصي و سابها و دخل اوضته اما لارا غمضت عيونها بسعادة من كلام عاصي و قالت / وانا كمان هدعي انك تبقي ليا يا عاصي .. بس برضو لازم اربيك الاول .علشان بحبك
و عدي اليوم و قامت لارا و دخلت تنام و كملوا اليوووم لحد الصبح و كل واحد راح لشغله و معاذ اخد نسمة في طريقه للجامعة علشان امتحانهاا ..
يومها بليل قبل الفطار ...
صقر و خالد كانوا اتموا الورد اللي مخصصينه ليهم في اليوم و نزلوا يقعدوا مع العيلة .
صقر / اومال فين فهد يا كارمن
كارمن و هي بتتفرج علي التليفزيون/ فهد في المطبخ واقف معاهم بيحاول يتصبر بشكل الاكل ياعيني
صقر بحده / ايه الهزار ده .. هو عيل صغير ما تقول حاجة لابنك يا خالد
خالد ابتسم / قوله انت لاني صايم و مش قادر اناهد و مش هينفع اشتم
صقر ضحك /والله عندك حق .. طيب انا هروح اجيبه من قفاه
و دخل صقر المطبخ و لقه فهد واقف و هو متحسر
صقر قري منه و مسكه من قفاه / طب والنبي ما مكسوف من نفسك شحط و مدير في شركة و قربت تكون اب و لسه برضو مكبرتش
فهد / انتي فاهم غلط يا عمي والله ده انا بساعدهم بامانة
صقر / لا والله طب اطلع اتلقح معانا براا .. . اطلع
و خرج صقر و لقه معاذ بيسند يزن علشان يقعد برا استعاد للفطار ..
صقر بحده / برضو يا يزن صمت مش كدة ...بجد عمرك
ما هتتغير ابدا .. عنيد طول عمرك
يزن / انا عارف ان الموضوع صعب بس انا مش هقدر افطر هو رمضان بيجي كام مره في السنه يعني يا عمي
عساف وهو نازل بعد ماتم الورد بتاعه /ربنا يتقبل صيامك ويعينك يا يزن .. سيبه يا صقر علي راحته
عاصي دخل من الجنينه وقعد وسطهم/ طب والله يزن ده راجل بس بقولكم ايه انت هتتابعوا ايه في مسلسلات السنه دي انا لازم اتابع ضرب نار .. اصلي بحب العوضي اوي
عساف بزهول /يا نهار اسود على البني ادم اللي محسوب علينا فرد في العيله .. اتفرج يا اخويا علي ضرب نار ...انا بقي هتفرج علي العمدة ده بتاع محمد رمضان دمه خفيف
لارا قرب من ابوها و حضنته من ضهره / اي ده ياعساف ..
من امتي و انت بتحب محمد رمضان يعني
عساف / من النهارده يا بنت همس وبعدين بقولك ايه انتي مش عارفه تحنيني قلب امك عليا ..دي قابه عليا من امبارح قوليلها ان رمضان كريم و المسامح كريم
عاصي قرب من عساف وقاله /بصراحه يا عمي انا اتكلمت معاها وهي زعلانه منك قوي بتقول ينفع برده تخبي عليها اني كنت عايش.. بصراحه الحركة كانت وحشه منك قوي
عساف حط ايده على كتف عاصي وقاله /ايه ده انت كمان قعدت مع همس وعرفت اللي مزعلها ..ده انت بقيت خارق يا عاصي والله اطلع بقولك ايه
عاصي بحماس/ خير يا حمايا يا عسل انت
عساف / كمان حمايا ... اطلع بره واقعد في الجنينه لحد ميعاد الفطار لاني مش طايق اشوفك
عاصي / اي ده ... لا مش هطلع انا في حماية عاصي باشا
و قعدوا كلهم لحد ميعاد الفطار
علي السفره 💪
فهد / و هو بياكل والله الواحد كان هيموت من الجوع
يا جدعان بجد
صقر و هو بياكل / المهم انك تقول الحمدلله انك عرفت تصوم و تفطر علي خير ....و بعدين انتوا المفروض تختموا القران ولا ايه يا معاذ
معاذ باحراج / معاك حق يا بابا بس النهاردة كان يوم صعب علشان الامتحانات بدات في الكلية بس هحاول والله
صقر / ربنا يقويك يا حبيبي ...و انت يا عملي الاسود
فهد / الله انت بتبصلي ليه كدة ما انا كنت في الشركة من صباحية ربنا هي مش فلوسك دي برضو اللي بخلي بالي منها
خالد / طظ في الفلوس .. الشهر ده بذات لسه مكانة كبيره اوي و لازم تقرب من ربك فيه مش بس صيام ..حتي لو علي حساب الشغل
عساف / ايه الحكم دي كلها يا شيخ خالد بس
خالد بهزار / لا ده انا اعجبك اوووي
فهد / خلاص شجعوا بعض .. احنا الصبح بنقعد مع بعض انا و قمر و همس و ياسمين و اخدنا كارمن و ميرا
و اول ما نسمة و جميلة يخلصوا الامتحانات هينضموا لينا
كريم / نغم عندها حق ..خلاص يبقي عاصي و يزن و ادهم
و فهد من بكره ينضموا معانا ... ها يا شباب
فهد بغل / انا والواد اللي اسمه عاصي ده نبقي مع بعض لا طبعا انا معترض جدا
صقر رمي المعلقة علي فهد بغل و قاله/ رمضان كريم يا فهد و اتلم احسن اقوملك انا بنفسي
فهد مسك ايده بوجع و بعت بوسة لصقر في الهواء / الله اكرم يا حبيبي ..و ماله عاصي ده حتي بشوش و بحبه
و فعلا من اليوم ده بدوا يشجعوا بعض
و فضل الوضع علي الحال ده وكان كل يوم عاصي بيقرب اكتر للارا وعساف كان ملاحظ ده بس كان مديها الفرصه انها تختار حياتها بنفسها
وفي الوقت ده عساف رفع قضيه على المختار اللي كان محبوس بالورق اللي كان معاه اللي كان مش بس بيدينه هو لوحده انما كان بيدين خيري كمان ودي كانت مفاجاه بالنسبه ليزن ان خيري ومختار على علاقه ببعض في اغلب صفقتهم و اتحكم علي مختار و لكن خيري كان هرباااان 🤷
و بعد مرور حوالي 20 يوووووووووووووم
و اصبحوا في اخر 10 ايااااااام في رمضان 😜
اسفة جريت الشهر عليكم 😂💙
قدام مصنع القطع الغيار اللي كانت لارا بتتعلم فيه خرجت و اول ما بقت في الشارع شافت ...
ربنا يستر 😜😜😜
يتبع...
لقراءة الفصل الثامن والأربعون اضغط على : ( رواية خادمة الصقر الجزء الثاني الفصل الثامن والأربعون )
لقراءة باقي الفصول اضغط على : ( رواية خادمة الصقر الجزء الثاني )