رواية الورث الحلقة الخامسة 5 بقلم رنا سليمان
رواية الورث الجزء الخامس 5 بقلم رنا سليمان
رواية الورث البارت الخامس 5 بقلم رنا سليمان
![]() |
رواية الورث الفصل الخامس 5 بقلم رنا سليمان |
رواية الورث الفصل الخامس 5 بقلم رنا سليمان
جمال:انت اللي حاولت تقتلها يا كريم؟!
كريم:انت اتجننت يا جمال…….قتل ايه اللي هفكر فيه دا اصلا………انا كنت بقول كده ساعه عصبيه…..لكن انا عمري ما افكر اني أذي حد يا جمال
جمال:هحاول اصدقك……بس والله العظيم يا كريم لو ليك يد في اللي حصل دا مش هرحمك
كريم:يعني هتعمل ايه يا جمال لو ليا يد في اللي حصل
زياد:انتو هتفضلوا تتخانقوا كده كتير……انتو معندكوش دم……راعوا الموقف اللي احنا فيه دا……بنت عمكم بين الحياه والموت وانتو قاعدين هنا بتتخانقوا
كريم:لا وانت اكتر واحد خايف عليها يا زيزو…….انا مراعي زعلاك عليها دا طبعا
الدكتور خرج من اوضه العمليات……الكل قرب منه
زياد:خير يا دكتور…..نور عامله ايه
فاروق:الاستاذه نزفت كتير جدا…….احنا وقفنا النزيف بس هي دخلت في غيبوبه والله اعلم هتخرج منها امتي…….الحاله صعبه ومحتاجه دعواتكم
سابهم ومشي……الكل كان واقف مصدوم من اللي الدكتور قاله……قعدت علي الكرسي وهي بتعيط
رحمه:يا حبيبتي يا بنتي……طول عمرها في حالها عمرها ما اذيت حد ولا زعلت حد ابدا……انا مش فاهمه ليه كل دا بيحصلها……يا رب اقف معاها دي ملهاش غيرك يا رب
كانت واقفه بتسمع كلامها من بعيد……اتكلمت بصوت واطي
شيماء:لا من ناحيه مأذتش حد فهي مأذتش حد فعلا……اهو ربنا جاب حق الكل منها
خالد:ايه الهبل اللي بتقوليه دا……هو دا وقته الكلام اللي بتقوليه دا
شيماء:اومال امتي وقته……مش بذمتك دا ذنب اللي كانت بتعمله فيكوا من يوم ما استلمت الورث
خالد:ورث ايه وزفت ايه دلوقتي……لو مش هتسكتي وتحترم الظرف اللي احنا فيه دا يبقي تروحي احسنلك
شيماء:اديني سكت اهو……اصل كلمه الحق بتزعل اوي
قامت من مكانها……بعدت عن الكل……خرجت برا المستشفى…….لقيت حد بيطبطب علي كتفها…….بصيت جمبها لقيته واقف وبيبصلها ب حزن
طارق:اول ما عرفت اللي حصل جيت علطول…….هي كويسه دلوقتي؟!
اتكلمت ب حزن
علياء:معرفش……الدكتور بيقول انها حالتها صعبه وانها دخلت في غيبوبه ومش عارفين هتخرج منها امتي
طارق:متخافيش ان شاء الله هتبقي كويسه
علياء:مخافش من ايه……بالعكس علي فكره انا مبسوطه جدا……خلاص انا شكلي هخلص من اكتر انسانه انا بكرها في حياتي واكتر واحده اذاتني في كل حاجه……اخدت مني حب اهلي وحب جدي……حتي الدراسه كانت اشطر مني فيها……دا حتي يوم ما فكرت ان الدنيا هتضحكلي واخد حقي من ورث جدو لقيته كتبلها كل حاجه ب اسمها هي واحنا ولا كأننا احفاده……حتي الشخص اللي حبيته اختارها هي وحباها هي وانا لا……ايه اللي يخليني ازعل لما يحصلها حاجه بالعكس انا فرحانه جدا اني اخيرا مش هلاقي حد ينافسني في كل حاجة زيها…..علي فكره انا……انا……علي فكره انا بكدب……انا اكتر واحده زعلانه علي نور وخايفه عليها……انا مش هقدر اعيش لو نور حصلها حاجه…….نور دي اكتر حد بحبه وبخاف عليه……كانت اقرب حد ليا واحنا صغيرين رغم انها كانت احسن مني في كل حاجه……كانت اكتر من اختي……انا اول مره اخاف كده……..انا خايفه اخسرها
رفعت راسها للسما وبدات تتكلم بصوت عالي
علياء:يا رب قوم نور بالسلامة يا رب……هي اكتر واحده غلبانه وطيبه فينا وعمرها ما اذيت حد ولا زعلت حد……احنا كلنا نستاهل اننا نكون مكانها……احنا عملنا حاجات غلط كتير نستحق نتعاقب عليها لكن هي لا يا رب…….يا رب اشفيها وخرجها من اللي هي فيه وخليني انا مكانها يا رب
طبطب عليها وحاول انه يهديها
طارق:علياء…….نور هتكون احسن من الاول وهتخرج من اللي هي فيه…….انتي لازم تقفي جمبها وتدعيلها انها تقوم بالسلامة ولما تخرج لازم تعرفيها قد ايه انتي بتحبيها وتفضلي جمبها…….اللي انتي بتعمليه دا مش هيغير حاجة ولا هيخليها كويسه……لازم تصلي وتدعيلها انها تبقي احسن وان شاء الله هتخرج من هنا في اقرب وقت
هزيت راسها ب ماشي……دخلوا تاني المستشفى……راحت قعدت جمبه ومسكت في ايده……بصلها وابتسم…….اخدها في حضنه……فتح ايده وبص علي الخاتم اللي في ايده……ابتسم بحزن …….غمض عينه وبدا يفتكر اللي حصل قبل موت جده بينهم
كان بيتكلم بصوت عالي وعصبيه
زياد:اكيد انتي اللي اقنعتيه بالجوازه دي ولعبتي في عقله……مهو مش جديد عليكي
عبد الرحيم:اتكلم عدل مع بنت عمك يا زياد
نور:سيبه يا جدو…….خليه يقول اللي هو عايزه براحته…….انت فاكر اني هموت علشان اتجوزك ولا اني ميته في حبك…….انا زيي زيك بالظبط لا طايقاك ولا طايقه جوازه منك……بس الجوازه دي فيها مصلحه للكل ولازم تتم
زياد:مصلحه؟!……مصلحه ايه دي اللي هتيجي من وراكي انتي يا ست نور…….هو انتي مفكره نفسك مهمه اوي يعني ولا ايه……انتي لو اخر واحده انا لا يمكن اتجوزها
عبد الرحيم:لا دا كده كتير اوي ……..انت زودتها اوي يا زياد هو انت محدش همك ولا ايه
زياد:هو ايه الغلط في كلامي مش فاهم……واحد ومش عايز يتجوز واحده ايه هيتجوزها عافيه ولا ايه يعني
عبد الرحيم:وانت تطول تتجوز واحده زي نور……نور دي اي حد يتمناها
زياد:الا انا……انا مش بحبها ولا عايز اتجوزها
نور:جدو لو سمحت ممكن تسيبنا لوحدنا شويه…….انا محتاجه اتكلم مع زياد شويه
عبد الرحيم:لا يا نور…..مش قبل ما نخلص الموضوع دا الاول
نور:علشان خاطري يا جدو……لو بتحبني سيبنا شويه……في كلام عايزه اقوله ل زياد قبل اي حاجة
عبد الرحيم:يا نور
نور:علشان خاطري يا جدو
عبد الرحيم:حاضر يا نور…….مانا عارف انك عنيده واللي بتعوزيه بيحصل
سابهم وخرج
زياد:خير عايزه ايه
نور:عايزه اعتذرلك…….اعتذرلك علي حاجات كتير اوي
زياد:تعتذري علي ايه
نور:انا كنت دايما بكدب جدو لما كان بيقول عليك انك قلبك اسود وانه عمره ما وثق فيك وانه دايما متاكد انك انسان مبيهموش غير نفسه وبس……كنت دايما اقوله لا زياد قلبه طيب وعمره ما يأذي حد وان تفكيرك فيه غلط يا جدو……بس انت كنت بتثبت وجهه نظره فيك كل يوم……كل يوم تعمل مصيبه اكبر من اللي قبلها وجدو يساعدك ويقف جمبك ويخرجك منها وبردو تعمل بعدها مصيبه اكبر وجدو يساعدك ومع ذلك انا كنت عندي امل في انك تتغير وتكون انسان احسن بس بعد المصيبه اللي عملتها دي ف لا انت عمرك ما هتتغير وتفكر في غيرك……هتفضل طول عمرك اناني يا زياد…….انا اسفه اني كان عندي امل فيك انت بالذات وفي انك تتغير للاحسن……انا اسفه اني حبيتك وفتحت قلبي ليك في يوم
سابته ومشيت……فضل باصص عليها بصدمه وساكت ومش عارف يتكلم لا يعمل حاجه……خرج من القصر كله
فاق من سرحانه علي الممرضين وهما بيجروا علي العنايه……قرب عليهم بخوف هو وكل اللي قاعدين
كان قاعد علي الكرسي……حاطط ايده اللي اتنين علي دماغه وباصص في الارض……كانت بتتكلم بصدمه وعينيها كلها دموع
داليدا:ليه يا حاتم…….ليه عملت كده……..مش كفايه اني سمعت كلامك وبعدت عنها طول السنين اللي فاتت دي……ليه حاولت تقتلها يا حاتم……انت خلاص مبقاش في قلبك رحمه…….حتي اختك مسلمتش من شرك دا
قام من مكانه……بدا يعلي صوته ويتكلم بعصبيه
حاتم:قولتلك خلاص بقي يا داليدا……اللي حصل بقي…….كنتي عايزاني اعمل ايه بعد اللي عرفته دا…….دا اللي كان لازم يحصل يا داليدا…….اختك دخلت نفسها وسط ناس غلط وعرفت حاجات مكانش لازم تعرفها ولو انا مكنتش عملت كده كنا زمنا مكانها دلوقتي……يا ريت تهدي بقي وتسبيني افكر هعمل ايه في المصيبه دي بقي
يتبع...
لقراءة الفصل السادس اضغط على : ( رواية الورث الفصل السادس )
لقراءة باقي الفصول اضغط على : ( رواية الورث )