رواية الورث الحلقة السادسة 6 بقلم رنا سليمان
رواية الورث الجزء السادس 6 بقلم رنا سليمان
رواية الورث البارت السادس 6 بقلم رنا سليمان
![]() |
رواية الورث الفصل السادس 6 بقلم رنا سليمان |
رواية الورث الفصل السادس 6 بقلم رنا سليمان
كريم:كنت فاكر لما اخلص من جدك.....هورث بعده وحياتي هتبقي تمام.....بس اختك دمرت كل حياتي واخدت كل حاجه.......واللي احنا عملناه دا مكانش ليه اي لازمه
حاتم:محدش قالك تروح تقتل جدك علشان الفلوس يا كريم
كريم:هي مش دي كانت فكرتك انت واختك......مش انتو اللي قولتوا ان لو جدك مات الكل هياخد حقه من الورث واختك هتكون لوحدها وساعاتها هتيجي لحد عندكم وتطلب منكم انك تسمحهوها
داليدا:احنا قولنلك لو جدك مات......مش تروح وتقتله انت بنفسك
نور:تقتله؟!
بصوا ناحيه الباب.......لقوها واقفه عند الباب وبتعيط.....قربت منهم بالراحه.....بدات تتكلم بصوت واطي
نور:يعني الموضوع مكانش حادثه.....انتو اللي خططتوا لقتل جدو ونفذتوا......وكل دا علشان ايه......علشان الفلوس........الله يخربيت الفلوس اللي خليتكم تعملوا كده
داليدا:نور......انتي مش فاهمه حاجة
نور:هو ايه دا اللي مش فاهماه يا داليدا......ايه هو اللي مش فاهماه.......دا انا سمعاكم ب وداني......هو جدو كان عملكم ايه علشان تكرهوه وتقتلوه
كريم:لا لو عايزه تعرفي هو عمل ايه فهو عمل كتير اوي......جدك كان دايم واقف ضد اي حاجه هتسعدنا كلنا كان دايما السبب في أذي اي حد قريب مننا......اي حاجه كنا بنحبها كان بيمنعها عننا.......كان السبب اني اخسر امي واني اخسر اكتر واحده قلبي حبها........دمر حياتي وخد مني كل حاجه بحبها.......ولما وقفت قصاده في قرار اخده من قراراته الظالمه طردني من بيته وهددني انه لو شافني قريب من الشركه او المصنع او حتي البيت ممكن يقتلني......جدك عمره ما كان ملاك يا نور........انتي الوحيده اللي كنتي شايفاه كويس وبس لكن كلنا كنا فاهمينه صح.......جدك طول عمره شيطان.......كان السبب في موت امي وامك انتي كمان بس انتي اللي مش عايزه تقتنعي ب كده........وعلي فكره انا مش ندمان علي اللي عملته دا ولو رجع بيا الزمن تاني كنت هعمل كده وانا مرتاح
كانت حاطه ايديها علي ودانها وبتهز راسها ب لا.......اتكلمت بصوت عالي والدموع علي وشها
نور:كفايه بقي كفايه.......حرام عليكم .......كفايه كدب بقي.......جدو كان اطيب حد في الدنيا.......عمره ما فكر يأذي حد او يزعل حد فيكم........انتو ليه مصممين تشوفوه وحش ومؤذي
حاتم:علشان دي الحقيقة اللي انتي بتحاولي تخدعي نفسك بعكسها........جدك عمره ما كان شخص كويس يا نور
نور:انتو بالذات تخرسوا خالص........من ساعه موت ماما واللي حصل بعدها وانا طول الوقت بفكر فيكوا ونفسي يجي اليوم اللي تفهموا فيه ان جدو ملهوش ذنب في موت ماما الله يرحمها وكان نفسي انكم تسامحوني اني سيبتكم واخترت اني اكون معاه علشان ميبقاش لوحده وكنت خايفه عليه........عمري ما كنت اتخيل ان حقدكم عليه وكرهكم ليه يوصلكم لقتله.......انا مكنتش اتخيل انكم تبقوا زباله اوي كده.......لا وانا اللي جايه انهارده علشان اطلب منكم انكم تسامحوني وتقفوا جمبي قصاد ولاد عمامكم وتحموني منهم بعد ما جدو كتب كل حاجة ب اسمي علشان مليش غيركم......تطلعوا السبب في موته.......اكيد طبعا انهارده كنتو متجمعين علشان تفكروا في موتي انا كمان علشان حقكم يرجعلكم مش كده؟!........علي فكره يا كريم انا كنت بفكر اني اشيل الحِمل التقيل اللي علي قلبي دا وارجع لكل واحد فيكم حقه وامشي.......بس بعد اللي سمعته دلوقتي دا انا مش هرجع ل اي شخص فيكم جنيه واحد من حقه........طالما كرهكم لجدكم خلاكم تخلصوا منه يبقي انتو متستحقوش انكم تاخدوا جنيه واحد من فلوسه
سابتهم وخرجت
داليدا:اخرج وراها يا حاتم بسرعه
خرج وراها بسرعه وهو بيحاول يلحقها.......ركبت عربيتها.......طلع وراه بعربيته.......حاول يلحقها بس كانت بتسوق بسرعه.......وقف عربيته قدام عربيتها.......حاولت تدوس فرامل قبل ما تخبط فيه بس مكنش فيه فرامل......العربيتين خبطوا في بعض
فاق من سرحانه.......مسح دموعه وبص عليها.......مسك ايديها وبدا يتكلم وهو علي وشه ابتسامه
كريم: مكنتش اعرف انك ضعيفه اوي كده .......كنت مفكرك قويه وهتخرجي من بسرعه........بقالك شهر في الغيبوبه دي يا نور.......فوقي بقي يا نور......علي فكره انا في كلام كتير اوي عايز اقولهولك.......بس تعرفي انا يمكن مقدرش اقولهالك وانا باصص في عينك بس هقدر اقولهالك دلوقتي.......نور انا.......انا بحبك يا نور.......وعلي فكره انا بحبك من زمان اوي......كنت دايما احلم باليوم اللي انا وانتي هنبقي لبعض فيه.......عمري ما فكرت اني اجي واحكيلك اللي في قلبي في يوم.......وفي نفس الوقت كنت دايما خايف لتروحي مني وان حد تاني ياخدك مني ……احد ما قررت اني اجي واطلب ايدك من جدو …….يومها الفرحه مكانتش سيعاني اني خلاص هخطب اكتر انسانه قلبي حبها وان خلاص مبقاش في حاجه هتمنعني عن حبي ليكي واني اقولك علي اللي في قلبي…..لحد ما قابلت جدو واتكلمت معاه وطلبت ايدك منه……ساعاتها قالي انه لا يمكن يجوزك لواحد زيي وقالي انه لو فتحت الموضوع دا تاني هيفضحني وسطكم كلكم ويقول علي مصايبي كلها …….ساعاتها انا خوفت اني اتفضح قدامك……كنت خايف تكرهيني واخسرك ……شيلت الموضوع من دماغي بس انتي كنتي طول الوقت في قلبي ودايما بفكر فيكي…..انا عمري ما كرهتك يا نور ……كل اللي كنت بعمله من يوم موت جدو دا كان من ورا قلبي بس انا والله يا نور بحبك……قومي بقي يا نور قومي وشوفي قد ايه كل اللي هنا بيحبوكي وواقفين جمبك……قومي وانا مش هوريكي وشي تاني لاني عارف انك مش طايقاني من ساعه اللي عرفتيه وسمعتيه……انا اهم حاجه عندي اني اشوفك بخير حتي لو انا بعيد عنك……فوقي علشان تقدري تنفذي وصيه جدو وتجمعي الكل يا نور علشان خاطري
فضل ماسك ايديها وبيعيط
قاعده في الاوضه…..بتبص علي كل حاجه في الاوضه والدموع مغرقه وشها…….فتح الباب ودخل قرب منها…..قعد جمبها وابتسم…..بدا يتكلم بهدوء
زياد:هتفضلي حابسه نفسك هنا كتير يا علياء؟!
علياء:شهر بحاله وهي في المستشفى يا زياد……انا بدات احس انها مش هتقوم من تاني……انا خايفه اوي عليها يا زياد
زياد:اوعي تقولي كده يا علياء……نور هتخرج من اللي هي فيه قريب اوي يا علياء وترجع وسطنا هنا……وساعاتها احنا كلنا هنرجع هنا ونعيش مع بعض غصب عن الكل وكلنا هننزل الشركه والمصنع ونكبر اسم العيله من تاني ونور هي اللي هتدير كل حاجة
علياء:غريب……حادثه زي اللي حصلت لنور دي تخلينا كلنا يتقلب حالنا وبعد ما كنا كلنا مش طايقين بعض نرجع ونقف جمب بعض ونخاف علي نور اللي كلنا مكناش طايقينها…….ازاي احنا نقف جمبها وخايفين عليها مع اننا كنا شايفينها اسوء واحده فينا علشان كانت دايما مع جدك وواقفه جمبه رغم كل مصايبه دي…….في الوقت اللي اخواتها نفسهم بعيد ومحدش فيهم حاول يتصل ويطمن عليها حتي……انا مش فاهمه ازاي اختهم هانت عليهم كده
فجاه سمعوا صوت عالي وزعيق…….جري بسرعه وهي خرجت وراه……بص من فوق لقاه مرمي علي الارض غرقان في دمه وهي واقفه ماسكه السكينه وواقفه قدامه
علياء:خالددد
نزلوا بسرعه ناحيتهم……رميت السكينه بخوف……جسمها كله كان بيترعش……دموعها مغرقه وشها
يتبع...
لقراءة الفصل السابع اضغط على : ( رواية الورث الفصل السابع )
لقراءة باقي الفصول اضغط على : ( رواية الورث )