رواية أحببت ملتزما الحلقة الحادية والعشرون 21 بقلم سلمى فكري
رواية أحببت ملتزما الجزء الحادي والعشرون 21 بقلم سلمى فكري
رواية أحببت ملتزما البارت الحادي والعشرون 21 بقلم سلمى فكري
 |
| رواية أحببت ملتزما الفصل الحادي والعشرون 21 بقلم سلمى فكري |
رواية أحببت ملتزما الفصل الحادي والعشرون 21 بقلم سلمى فكري
21رمضان 2023
كل عام وانتم بخير
شكرا لدعكم على مدار شهر رمضان الكريم
🌹🌹🌹🌹🌹
وقفنا البارت اللي فات علي إن معاذ بيسال تقى عن اسر
معاذ : هاا ي تقى ايه رايك ف اسر
تقى : بصراحه ي معاذ اسر صاحبك و اخلاق و كل حاجه بس مش حاسه انه هيناسبني ولا هبقى مرتاحه معاه
معاذ : المهم عندي راحتك ي حبيبتي هو انا ليا مين غيرك
تقى : ربنا يديمك ليا ي حبيبي
________________________________________
تاني يوم في الشركه ، معاذ في المكتب مع محمد
معاذ : مش عارف ليه مش مطمن للصفقه دي
محمد : ليه دي هايله جدا و مربحه لينا احنا
معاذ : ما هو دا اللي قالقني
محمد : متقلقش ي عم كله خير باذن الله
معاذ : ياارب ثم قال الا قولي حددت معاد الخطوبه ولا لسه
محمد : باباها هيرجع من السفر قريب يكون اخوها حالته اتحسنت
معاذ : عندك حق و الله الواحد مش عارف يرد جمايله ازاي مره يتخطف مع اختي و مره يموت بدالها
محمد : دا فعلا راجل ثم استكملوا حديثهم ف الشغل
________________________________________
عند تقى في البيت
ريم : رفضتيه ليه ي رخمه دا عريس ممتاز
تقى : تحبي تاخديه انت
ندى : تاخده هي ايه لا ي ماما دا عريسي انا
ريم : لا ي حبيبتي انا اللي هاخده انا الكبيره
ندى : دا بتاعي انا علي فكره حتي لايق عليا اكتر منك
تقى : انت اتهبلت انت و هي هو انت شيفاه تيشرت في معرض لايق على مين اكتر
ريم : هههههههههههههههههه يخربيت الفصلان
ندى : احلي حاجه فيكي ي تقايا ان دمك سكر
تقى بفخر : طبعا يابنتي هو انا اي حد
ريم : اوعي بقا الناس اللي هتتغر علينا
ندى : و هي تقدر اصلا تتغر علينا
تقى : لا ي ماما احمدي ربنا اصلا انك بتكلميني دا شرف ليكي اصلا غيرك بتتمنى ابصلها بس
ريم بسخريه : حاسبي حاسبي شعرك هيقع من كتر الكدب
ندى : اين الجبهه انا لا اراها هههههههه بتحطي نفسك في مواقف بايخه اووي ي تقى
تقى : احم ايه الاحراج ده و قعدوا شويه مع تقى و بعد كده روحوا
________________________________________
احمد : هاا يابني اختك قالت ايه
معاذ : مش موافقه ي بابا
احمد بحزن : ليه
معاذ : ي بابا دي حياتها منقدرش نجبرها
احمد : طب اندهلها
معاذ : بابا متضغطش عليها
احمد : ناديلها بس عاوز اتكلم معاها
معاذ : حاضر ي بابا
طلع معاذ ل تقى اوضتها لقاها بتذاكر
معاذ : ممكن ادخل
تقى بتريقه : دا علي اساس انك مدخلتش لسه
معاذ : دمك شربات ي حبيبتي و بهمس : سامحني يارب ع الكدب ده
تقى : مش هيحاسبك عليه اصلا عشان دي حقيقه
معاذ بصدمه : انت سمعتي ازاي
تقى : ي حبيبي دا الجيران كانوا هيسمعوا صوتك
معاذ بضحك : يخربيت كده نستيني كنت عاوز ايه
تقى : بسرعه عندي مذاكره و عاوزه اخلص بسرعه
معاذ : بابا عاوزك تحت ي مجتهده هانم
تقى : طب انا نازله اهو
نزلت تقى و باست ايد باباها و قعدت جنبه
تقى : خير ي بابا كنت عاوزني في ايه
احمد : انت عارفه طبعا انك بنتي الوحيده و اني نفسي اطمن عليكي انت و اخوكي قبل ما اموت
تقى و معاذ : بعد الشر عليك ي بابا ربنا يطول في عمرك
احمد : ليه رفضتي اسر يابنتي
تقى : ي بابا مش حساه الشخص المناسب ليا
احمد : ليه ي حبيبت قلب بابا دا انسان كويس و
تقى : و اي بنت تتمناه و راجل و بيشتغل و مش عارفه ايه تحب اسمعلك باقي الكلام انا حفظته قبل ما انزلك
احمد : هتفضلي طول عمرك بتحبي الهزار كده علي طول ثم اضاف : يعني نقوله انك موافقتيش
تقى : ايوه ي بابا
احمد : ماشي ي حبيبتي انا اهم حاجه عندي راحتك و انك تكوني مبسوطه
تقى : انا هبقى مبسوطه طول ما انا معاك ي حبيبي
معاذ بتأثر مصطنع : تيرارارا رارا انا اتأثرت و الله تراني ابغي ابكي من هذا المشهد الرومانسي
تقى : فصلتني ياعم كنت مندمجه ثم اكملت : اقولك سر ي بابا
احمد : قولي ي عيون بابا
تقى : لو كان ينفع كنت اتجوزتك انت ي عسل
احمد : و هو انا اطول اتجوز القمر ده يبقى يوم المني
معاذ : و انا ماليش في الحب جانب ولا ايه
تقى : دا انت الحب كله ثم قضوا بعض الوقت مع بعضهم
________________________________________
معاذ اتصل علي اسر عشان يقوله راي تقى
معاذ : السلام عليكم
اسر : و عليكم السلام و رحمه الله و بركاته
معاذ : ازيك ي اسر اخبارك
اسر : الحمد لله تمام و انت ي عريس
معاذ : كله تمام الحمد لله طبعا عارف انا متصل ليه
اسر : اكيد عارف هااا
معاذ : مش عارف اقولك اي ي صحبي بس كل شيء قسمه و نصيب
اسر : ولا يهمك ي معاذ لعله خير ان شاء الله
معاذ : عاوز حاجه
اسر : سلامتك في رعايه الله
معاذ : في رعايه الله
________________________________________
بعد يومين رجع ابو رعد من السفر كان رعد فيهم اتحسن شويه
ابراهيم : رعد حبيبي الف سلامه عليك اي اللي حصل
رعد : الله يسلمك ي بابا حادثه بسيطه متقلقش انا كويس
ابتسام جرت و حضنت والدها : وحشتني اووي ي بابا
ابراهيم : و انت كمان ي حبيبت قلب بابا
فاتن : البيت نور من تاني برجوعك
رعد : صحيح ي بابا ابتسام وافقت ع البشمهندس محمد و هو عاوز يجي
ابراهيم : خلاص كلمه يجي بكره بعد صلاه العشا
رعد : حاضر ي بابا
________________________________________
رعد اتصل ب محمد
رعد : السلام عليكم
محمد : و عليكم السلام و رحمه الله و بركاته
رعد : اخبارك ي بشمهندس
محمد : الحمد لله كله تمام
رعد : تقدر تشرفنا بكره بعد صلاه العشا
محمد بفرح : ماشي ي حبيبي
رعد : في رعايه الله
محمد : في حفظ الله
فرح محمد جدا و راح يبلغ معاذ عشان يروح معاه
معاذ : مبارك ي حبيبي عقبال الفرح
محمد : الله يبارك فيك ي صحبي اعمل حسابك هتيجي معايا
معاذ : اكيد طبعا هاجي
محمد : ربنا يديمك ي صحبي
معاذ : ياارب ياحبيبي
________________________________________
تاني يوم الصبح تقى في كليتها و تليفونها رن لقيتها ملك
تقى : السلام عليكم
ملك : و عليكم السلام و رحمه الله و بركاته
تقى : اهلا ب ملك هانم اللي مش بتسال
ملك : معلش ي حبيبتي انتي عارفه عروسه بقا و كده
تقى : ادلعي علينا كمان ياست العروسه
ملك : المهم عاوزاكي في موضوع كده ينفع اقابلك
تقى : اكيد طبعا
ملك : خلاص هستناكي قدام كافيه (.............)
تقى : هستأذن بابا و اجيلك
ملك : ماشي ي حبيبتي في رعايه الله
تقى : في رعايه الله
قفلت تقى معاها
ريم : في ايه ملك مالها
تقى : مش عارفه عاوزاني في موضوع مهم
ندى : ممكن عاوزه تخلع ولا حاجه
تقى : انت شكلك بتحبي تتهزأي ي ندى صح
ريم بضحك : ههههههه انت اول مره تعرفي
تقى : اسكتوا بقا برن على بابا
احمد : السلام عليكم ايوه ي تقى
تقى : و عليكم السلام و رحمه الله و بركاته معلش بستأذنك ي بابا ملك عاوزاني اقابلها ضروري
احمد : طب متتاخريش ي حبيبتي
تقى : حاضر ي بابا في امان الله
احمد : في رعايه الله
تقى : انا همشي انا بقى
ريم و ندي : في امان الله
________________________________________
راحت تقى لقت ملك مستنياها سلمت عليها
تقى : وحشتيني و الله
ملك : و انت كمان و الله
تقى : خير كنتي عاوزاني في ايه
ملك : هقولك بس متتصدميش
تقى بتوتر : قولي
ملك : بصراحه كده انا ........
يتبع....
لقراءة الفصل الثاني والعشرون اضغط على : ( رواية أحببت ملتزما الفصل الثاني والعشرون )
لقراءة باقي الفصول اضغط على : ( رواية أحببت ملتزما )