رواية احتل عالمي الحلقة الثالثة 3 بقلم هيا
رواية احتل عالمي الجزء الثالث 3 بقلم هيا
رواية احتل عالمي البارت الثالث 3 بقلم هيا
 |
| رواية احتل عالمي الفصل الثالث 3 بقلم هيا |
رواية احتل عالمي الفصل الثالث 3 بقلم هيا
فى منزل ديما على العشاء...
الجد...يقول بمحاولة اقناعها" امم برافو انتى بتاكلى الوجبات السريعة كأول وجبة ليكى من بعد مارجعتى مصر فى حين انك بتعرفى تطبخى كل حاجة مش هيبقا كويس انك تقعدى على سفرة العشا مع جوزك؟! وتعمليله أكلة حلوة من ايدك زى إلى بتعمليه ليا مش كدة و.. " مكملش كلامه بسبب مقاطعة ديما
ديما...بملل" ماهو أنا اكيد مش هتجوز عشان كدة بس "وتكمل اكلها بلامبالاة
الجدة...يحط أيده على وشه بملل ويتنهد قبل مايتكلم " اومال انتى عاوزة ايه عاوزة نوع من الشباب الأجنبية إلى بياخدوا المصروف من ابوهم ومش بيشيلوا مسؤولية اوعى يكون حد منهم فى دماغك لانك من ساعة مارجعتى من لندن وانتى ميهمكيش غير الشغل حاجة مش مقنعة "
ديما..."لا متخافش مفيش حد بدماغى لااجنبى ولاغير اجنبى أنا مشغولة بما فيه الكفاية فى الشغل وبعدين ايه إلى مش منطقى فى دة "
الجد..."تمام عشان كدة دبرت ليكى ميعاد الشاب إلى هتقابليه وتتعرفى عليه "
ديما ..ببرود "قلتلك أنى مش مهتمة مش كدة "
الجد...يتنهد بخيبة أمل ويبص على لارا وديما "أنا شاكك فيكوا "
لارا...بصدمة "ايه؟! قصدك الوان لاانا مش كدة " وتكمل بسخرية "حتى لو صح هى مش نوعى المفضل "
ديما...تضربها برجلها من تحت "ياغبيية "
لارا..."اااه"تبصلها باستغراب وبدون فهم ؟!
الجد...باستغراب "يعنى ايه الوان ؟!"
ديما... مغيرة الموضوع "ههه لاسيبك منها دى عقلها طاير اليومين دول معلش امسحها فيا"
لارا....باستنكار "اومال قصدك ايه ياجدو انك شاكك فينا "
الجد... "قصدى انكم وراكوا حاجة وبتخبوها عليا لان مش معقول دايما بتختفوا بدون سابق انذار ومش بشوفكوا كتير "
ديما ..."لا مفيش حاجة من دى اكيد مش هنقضى أربعة وعشرين ساعة فى البيت جدول مواعيدى بيبقا مليان مش اكتر فأكيد لارا لأنها سكرتيرتى هتبقى معايا دايما يبقا كدة مخبين حاجة ؟"
الجد ..."إذا كدة ادينى جواب منطقى انك مش عاوزة تقابلى عرسان أو تشوفيهم "...وفجأة يرن المنبه
ديما...بسخرية"انا بعرف اهتم بنفسى وعارفة أنا عاوزة ايه روح واتفرج علي برامج التلفزيون مش المنبه دة ليه "
الجد...بسخرية مماثلة "لاياحبيبة جدو دا معاد الدوا بتاع ضغط الدم بتاعى ضغط دمى عالى جدا الايام دى بسببك عشان كدة باخد الحبوب كل يوم "
ديما...ببرود"ازاى بسببى والموضوع دة اصلا وراثة فى عيلتنا إذا الضغط عندك عالى فدة بسببك انت "
الجد...بعصبية وقلة صبر "انتى ..." ويحط أيده على دماغه بتعب وبألم ....
✨✨فى مطعم زياد الخاص ...
محمد...يقدم أصناف الاكل المطلوب للزباين وهو لا يخلو من هزار والتحدث معهم ويرجع يدخل للمطبخ حتى ينتهى من باقى الطلبات
زياد...يطلع شواية من الفرن ويضعها على الطاولة المطبخ وهو ينظر لامه بضيق "يااااحبيبتى ايه إلى بتعمليه دة بس "
داليا..."ايه ياواد خضتنى مالك فى ايه "
زياد..."قلتلك مليااار مرة انك تتبليها كويس عشان تكون مقرمشة قلتلك لازم تكونى دقيقة شوية فى التتبيل " يقولها وهو بيمثل ازاى يعملها بقلة صبر
داليا.."ماانا بقلبه اهو !!!"
زياد...بقلة صبر وضيق " امى إذا احنا مش هنعمل كل حاجة صح وكويسة يبقى نقفل المطعم احسن " ويسيبها ويمشى يكمل عمله
محمد ...يبص لزياد باستغراب بسبب مزاج ابنه الى تغير فجأة...ويسمع صوت زبونة من المحل تقول بدلع وهى بتبص على زياد "معاه حق ياخالة بظن أن دة السبب أن الاكل يطلع تحفة من ايد زياد "
داليا.. بابتسامة مستفزة "طبعا بالنهاية هو بيشتغل فى شركة كبيرة اكيد لازم يكون شيف قد الدنيا "
محمد..."احم بقلك يابنتى انتى كنتى عاوزة طلبك صح خديه وامشى من هنا"والبنت تاخد طلبها بتذمر وتمشى بعد ماترمق زياد بابتسامة اعجاب وتروح ...أما فى الجهة الثانية زياد يكمل عمله بلامبالاة بها ولاباى شخص ويطبخ بهدوء
داليا...تبصله باستغراب"ايه مالك مزاجك مش حلو ليه النهاردة حصل حاجة "
محمد.."طبعا معاه حق مين إلى يشتغل كل الشغل دة فى يوم عيد ميلاده فى اليوم إلى المفروض ينبسط فيه مع صحابه مش كدة "
داليا...بعبوس وسخرية "وإذا؟! أنا ولدته بعد عشرين ساعة من التعب والمخاط "
زياد..يبصلها باستغراب وضيق !!!
داليا.."خلاص بقلبه كويس اهو اهو متتعصبش!! "
زياد...يبتسم بسره على أمه ويتنهد ويكمل شغله ..
✨فى المستشفى ...
ديما ..بقلق "طمنى يادكتور هو كويس "
الدكتور..."اه ضغط دمه أعلى من كل مرة بس مفيش حاجة خطيرة "
الجد.. يقول وهو بيتعدل "يعنى ايه مفيش حاجة خطيرة اخر مرة قلتلى أن رئتى وكليتى وامعائى كمان مش كويسة وخطيرة " يقولها وهو بيغمز للدكتور بالسر وهو بيمسك ذراعه ويقرصه بالسر وبيمثل القلق "مش كدة يادكتور طمنى "
ديما...تضيق عنينها بعصبية و بشك وهى بتبص لجدها
الدكتور ...يبصله بارتباك "اه اه صحيح افتكرت للنظر لعمره الأمور بتتغير بشكل جذرى يوم بعد يوم "
الجد...وهو يمثل الحزن مرة تانية "وقلت كمان أن لازم أتجنب التوتر اكتر من اى حاجة مش كدة ؟"
الدكتور..."اه اه صح ولازم تكونو حذرين معاه "
الجد...يبص لديما "سمعتى إلى بيقوله ؟"
ديما..بتذمر وضيق "جدو واضح اوى انك كويس ومش فيك حاجة وياريت كفاية تمثيل وقوم من السرير "
الجد..."انتى عايزة تشوفينى اموت بسببك مش كدة ؟!"
ديما..."بطل حركات الاطفال دى ياجدو بقا خلاص انا مصدقاك بس هنعمل فحص شامل لحالتك ايه رايك أنا همشى دلوقتى "بابتسامة مستفزة وبرود وبعدين تخرج برة الاوضة وتحط ايديها على وشها وتقعد وتتنهد وهى بتضحك على تصرفات جدها
✨فى مطعم زياد الخاص..
زياد..وهو بيبص للقايمة بضيق وعصبية وهو بيكلم نفسه زى المجنون وهو بيتكلم بنبرة عصبية "أنا معرفش ايه فايدة حجوزات المجموعات بتديهم تخفيض ويملوا بطنهم بالوجبات الخفيفة المجانية هه حاجة غريبة والله ااااه"
داليا...تبص لزياد باستغراب وتهمس لوالده "هو ليه متعصب طول اليوم كدة ؟! "
محمد...باستغراب هو الآخر "معرفش شوفى ابنك ماله يمكن عامله عاملة "
داليا...تتكلم بلطف أو هى معتبراه كدة بابتسامة "زيااااد !! هو انت معندكش بنت فى حياتك تعملك حفلة لعيد ميلادك وتحتفل بيه معاك وكمان .... أدة ايه الصوت دة ؟! "
زياد..باستغراب ويخلع قبعته وكمامته ويخرج برة المطعم ويشوف أخته بتتخانق مع أحد
ملك .."أنا شوفت كل حاجة متكذبش أنا شفتك وانت بترمى دة قدام مطعمنا 😑"
الراجل..."يخربيتك انتى رغاية اوى بالنسبة لواحدة فى سنك صغيرة على الرغى دة "
ملك..."وانت مش عيب راجل زيك يعمل الحركات دى ؟!"
زياد...يروح عندها ويمسك الرجل من لياقته ويدفعه بقوة على باب المحل إلى وراه وهو بيزعقله بعصبية " عملت ايه لاختى ها انطق "
ملك...تمسكه " استنى استنى هو معمليش حاجة أنا كنت بتخانق معاه عشان كان حاطط سلة القمامة دى قدام مطعمنا "
زياد ..يبصلها بصدمة "نعم !! "ويرجع يبص الراجل إلى واقع فى الارض باحراج ويقول وهو بيمثل السخرية "احم تستاهل انت إلى بدأت "يمسكها من دراعها ويروح البيت
بعد مرور وقت يوصلو للبيت ...
محمد... بلوم"عجبك كدة اهو كسرت ازاز المتجر بتاعه"
داليا..بسخرية "طبعا اتضح العيلة كلها بتتعصب بسرعة " تقولها وهى بتبص لملك وزياد بعصبية
ملك...تبصلها بتذمر وتتجاهلها ومتردش
داليا..."لا وكمان كفاية ملك بدءت بالمشاكل وزياد راح كمل "
زياد.. بلا مبالاة وهو قاعد على اللاب توب يرى عمله "طبعا ورثتوا منكوا هو انتو شوية "
ملك..."ياماما دلوقتى ليه بتلومى زياد هو مش ذنبه حاجة ؟!"
داليا... تقول وهى تضربها على راسها " اووه ودة من امتى بتدافعوا عن بعض كدة " وبعد كدة تلف ترمى الشنطة بتاعة ملك على زياد
زياد...بتذمر "اااه مش انتى بتقولى العيلة كلها بتتعصب بسرعة ماهو عشان طالعلكم ثانيا عيد ميلادى النهاردة ليه الضرب المفروض تاخدينى فى حضننك وتعايدينى مش تضربينى رايح اوضتى عشان تعبان تصبحو على خير " ويروح لاوضته بزهق ويقعد وهو يتنهد بضيق
داليا..." لا ياحبيبى العذر دة مش هينفع معايا هه عملت ليك تورتة عيد ميلادك النهاردة الصبح دة مش كفاية ؟!"
محمد..بملل"انتى نسيتى تحضيرله التورتة حتى النهاردة دلوقتى نقطيتنا بسكاتك"
داليا....باحراج "احم صح "
فى اوضة زياد...يروح يقعد على مكتبه ويفتح دفتره ويلمح جواها التذكرة إلى ادتهاله سارة يرجع راسه لورا بضيق ويقوم ويروح على سريره وينام
⭐فى الصباح ⭐
تصحى من نومها على صوت المنبه و تجهز نفسها وتنزل تحت وتتكلم بمرح ..."صباح الخير نمت كويس؟ "
الجد...يسيب الجريدة إلى فى أيده ويحطها جنبه ويتجاهلها وياكل
ديما...تشرب المية وتبصله "كنت عاوزة اقلك خبر.."يقاطعها صوت جدها
الجد... "جالى تلفون من عزت النهاردة "
ديما...ببرود"ااه إذا كدة انت عارف الخبر قبل ماقلهولك كنت عاوزة اقلك انى هطرده "
الجد..باستغراب "ايه ؟!وايه السبب "
ديما.."اختار المقاولين الفرعين بشكل مش قانونى "
الجد...بتبرير"لكن بالرغم من كدة هو قدم للشركة كتير فى شغله "
ديما...بسخرية "وكمان بنى بيت صيفى على أرض شركتنا واستغل الموظفين عشان مصلحته هيكرر الموضوع تانى إذا سبناه "
الجد...يتنهد بضيق "عزت ابن الاستاذ عبد الرحمن صديق ليا غالى وهو ساهم كتير فى نجاح الشركة وهو طلب منى أنى اهتم بابنه لما يتوفى "
ديما...بلامبالاة"عادى انت ممكن تهتم بيه شخصيا لمااطرده "
الجد...بضيق "خلاص خلاص ..يبقا فى المقابل اسدى ليا خدمة "
ديما..تبصله باستغراب مستنية طلبه !!
الجد..."اخرجى فى المعاد إلى قلتلك عليه "
ديما...بملل وضيق "جدى أنا قلت ..." وقفت بسبب مقاطعة جدها
الجد..."بطلى اعذارك دى اكتفيت منها واعملى الى قلتلك عليه وبس أنا بخلف الوعد إلى وعدته لصاحبى الميت دة أقل حاجة ممكن تعمليها عشانى "
ديما...بملل وقلة صبر" مااشييي "
الجد..بابتسامة "اهو كدة ريحتينى "
فى الشركة ....
يكون قاعدة بالاستقبال وقدامه اللاب توب بضيق " اااه يازياد باينك اتجننت فى شبابك هى حياتى ناقصة ثوانى هحسبها المجموع 800الف راتب الشهرى مطروح منه فلوس مدخرات وقرض الشغل هه وانا من فين اجيب 800الف "يحط أيده على وشه بتعب ويقفل اللاب توب ويروح لمكتبه بضيق
اياد...يدخل المكتب هو الآخر ويقعد على مكتبه "سمعتوا إلى حصل شكلى أنا الوحيد الى سمعت بالخبر خلاص تمالكو نفسكم "
زياد...يقعد على مكتبه بملل " ايه إلى حصل مين مات ؟"
اياد..." ههه لا مش للدرجادى الاستاذ عزت طردوه"
كارمن...بصدمة " انت متاكد من الى سمعته دة واحد من رجال رئيس مجلس الإدارة "
زياد...باستغراب "طاب وطردوه ليه "
اياد..."يمكن لانه كان بيقبل الرشاوى من المقاولين الفرعين "
كارمن..."اوه سمعت أن المديرة ديما صارمة شوية مش كدة "
زياد...يجيله رسالة من موبايله من مالك أنه يقابله بالكافيه ..يتنهد ويحط موبايل بجيبه ويخرج برة المكتب من غير ما يقول حاجة تحت استغرابهم ...بعد مرور ساعة على وصول زياد الكافيه وحديثه مع مالك
مالك..."ههههههههههههه"
زياد...يشرب القهوة ويبصله بقرف !!
مالك..." هههه يعنى انت رحت هناك عشان تقضى وقت معاها وانتهى بيك انك بوظت حفلة حد تانى "
زياد..."ماانت المسؤول انت إلى زرعت افكار براسى "...ويرن موبايل مالك
مالك..باستغراب وهو بيبص على موبايله"من امتى الاهتمام المفاجأ من ابويا دة بيتصل بيا ليه ؟!".....بعد مرور ثوانى مع محادثته مع أبوه ويخرج من الكافية ويمشى بعصبية..."ازززاى يطلب منى أنى أخرج واتعرف على عروسة "
زياد..يبصله ببرود و..
يتبع....
لقراءة الفصل الرابع اضغط على : ( رواية احتل عالمي الفصل الرابع )
لقراءة باقي الفصول اضغط على : ( رواية احتل عالمي )