رواية خادمة الصقر الجزء الثاني الحلقة الرابعة والخمسون 54 بقلم يوستينا سامي
رواية خادمة الصقر الجزء الثاني الجزء الرابع والخمسون 54 بقلم يوستينا سامي
رواية خادمة الصقر الجزء الثاني البارت الرابع والخمسون 54 بقلم يوستينا سامي
 |
| رواية خادمة الصقر الجزء الثاني الفصل الرابع والخمسون 54 بقلم يوستينا سامي |
رواية خادمة الصقر الجزء الثاني الفصل الرابع والخمسون 54 بقلم يوستينا سامي
مسك ادهم الصوره وبدات ملامحه تتغير والصدمه تترسم على وشه وقال / هو ده اللي تبع خيري معقول الكلام ده
صقر قلق على ادهم جدا وقاله / مالك يا ادهم في ايه هو انت تعرفه يا ابني
ادهم في اللحظه دي بصلهم جامد وكان عاجز ان هو يقول على حقيقه الشخص دوت وفكر في سره / هقولهم ايه...هقولهم ايه بس
خالد / ادهم انت تعرفه .. انت لو تعرفوا الموضوع هيسهلنا كثير قوي
ادهم /لا لا بس شفته قبل كده في حفله من الحفلات اللي كنت بحضرها واستغربت مش اكثر .. انا هدور عليه بس انا لازم اروح اشوف جميله عشان هي مستنياني لو حصل اي حاجه كلموني ماشي باي
كريم باستغراب/ هو في ايه .. الواد ده اتغير ليه كده حد ملاحظ ولا انا بس
صقر / ما فيش حاجه ادهم لو كان يعرفه كان هيقول ريحوا نفسكم ..
فعلا ادهم سابهم ورجع تاني الفيلا
________________________________________________
في اوضة ادهم 🤧
جميله واول ما دخل الاوضه لقاها قاعدة مستنياه وجريت عليه حضنته
جميله بفرحه /كنت عارفه اني مش ههون عليك ومش هتاخر عليا قولي بقى كانوا عايزينك في ايه
ادهم شال ايديها من حوالين رقبته وقالها / ما فيش حاجه يا جميله بس انا مرهق قوي ..ومحتاج انام شويه انتي اصلا ايه اللي مصحيكي
جميله باستغراب/ عادي ما جاليش نوم ..مالك ادهم انت ما كنتش كده قبل ما تمشي في حاجه حصلت
ادهم بصلها بخوف وقالها / حاسس ان الماضي بتاعي بيتلف حوالين رقبتي وبيخنقني .. حاسس اني مش قادر اتنفس يا جميله
جميله بخوف قربت منه ومسكت ايده/ بس ممكن تهدى وتفهمني مالك ..حصل ايه لده كله انت كنت كويس يا ادهم
ادهم حاول يتمالك أعصابه و مسك ايديها باسها /ما تخافيش انا كويس بس صدقيني بس محتاج انام شويه هرتاح لما انام
و دخل ادهم ينام و جميلة سابتله الاوضة علشان متزعجوش .. الا انه اول ما خرجت جميلة ..ادهم حط راسه علي المخدة و بدا يعيط بوجع و ضعف .
ادهم بدموع / اكيد هو مش هيظهر تاني في حياتي يبوظهالي .. اكيد لا كفاية بقي كدة
________________________________________________
وعدي حوالي يومين وكان عساف بيدور على رمضان لكن الغريب ان ادهم كان حابس نفسه في الفيلا ورافض انه يتكلم مع اي حد وكل ما حد يساله
بيقول انه بيدور .. لكن صقر كام مش حاسس كدة .
في بيت حنان 🌷
في المطبخ 🎊
حنان بانبهار / طب ما انتي يا كارمن طلعتي اروبه وبتعرفي تطبخي حلو وانا بقى اللي افتكرتك بنت زوات وتلاقيكي مش متعوده تخشي المطبخ
كارمن و هي بتحشي المحشي / مين دي يا حنونه ده انا ابويا اصلا شيف وعنده سلسله مطاعم في العالم كله ..طب ده خالد لما يحب يتمزج كدة بيدخلنا كلنا المطبخ ونقف جنبه ونشوفه وهو بيتفنن في الاكل
حنان بحماس / ايه ده طب ده حلو نتعلم منه اصناف جديده . بس عارفه يا كارمن انا حبيتك قوي حساكي كده فرفوشه ولذيذه
كارمن قربت وباست حنان من خدها وقالتلها / والله يا حماتي انتي اللي سكره ومهونه عليا كل عمايل ابنك .. بقى يرضيكي ابقى لسه راجعه من السفر النهارده ويقولي انا عايز اكل محشي ده بدل مايدلعني ويفسحني ويوديني عند امي عشان اشوفها
حنان بضحك / لا بصراحه في دي عندك حق ولو عايزاني اربيهولك انا ما عنديش مانع
كارمن / لا بلاش ابننا برده مش معنى ان هو يغلط فاحنا نموته ممكن نعاقبه بس و نولع فيه
في اللحظه دي دخل عز المطبخ وكان لابس هدومه علشان ينزل وقال / مين ده اللي تعقبوه .. اه انتوا اتفقتوا عليا صح انا قلبي حاسس والله وقايل في سري ربنا يستر من امي ومراتي
كارمن قامت وقفت /لا مؤاخذه انتي يا حاجه اديني الفرصه دي ... قصدك ايه ياض ...انت قصدك ان انا وحنونه هنتفق عليك طب ما دي الحقيقة . وبعدين تعاليلي هنا كده ايه الهدوم دي
عز ابتسم / استظرفي انتي كده كتير ما هو مش هتفضلي قاعده معاها طول اليوم هيجي الوقت اللي هتبقي معايا لوحدك و هربيكي برضو
كارمن بتمثل الخوف / شايفه يا طنط بيهددني قدامك ظابط وبيفرض سيطرته عليا يستخدم اسلحته ضدي
عز بانبهار بادائها / يسلام يا فنانة .. ايه الاداء الروعة ده ابهريني كمان و كمان
كارمن وطت و كانها بتحيي جمهور وقالت / دي اقل حاجة عندي عارف لو محمد سامي شافني والله عمره ما يسيبني
يا ابني انا ثروه قوميه
عز و والدته قعدوا يضحكوا
حنان قالت / انا مش عايزاكي تقلقي الواد ده
ولا هيقدر يقرب منك ولا يضايقك ولا حتى يبصلك طول ما انا موجوده طبعا ده انتي بنتي والله طول عمري كان نفسي اخلف بنت
عز / خلاص كده بعتيني .. ماشي اعملوا انتوا بقى المحشي عقبال ما انا اروح المكتب اشوف حبه شغل وهرجع على طول ..
وخرج عز من المطبخ وكارمن بصت لحماتها وقالتلها/ عذرا يا حماتي هشوف جوزي واجيلك
وخرجت كارمن ورا عز بسرعه وحنان واقفة في المطبخ تضحك / ربنا يهنيكم يا رب ويسعدكم مع بعض ..
في الصالة 🤭
كارمن قربت حضنت عز من ظهره قالتله / ما قلتليش انك هتنزل انا افتكرتك هتقعد معايا ...انت زعلت ولا ايه انا كنت بهزر على فكره
عز شدها لحضنه وقالها / انا ازعل منك انتي وبعدين انتي
ما قلتيش حاجه اصلا بالعكس انا فرحانه قوي بعلاقتكم ... قولتلك هتحبك زي ما انا حبيتك
وعز كان لسه هيقرب من كارمن ويبوسها كارمن زقته وقالتله بتوتر / عز اتلم احنا في الصاله ايه نسيت
و لا ايه .. مامتك في المطبخ
عز حط ايده في شعره بغيظ وقال /هي دي المشكله ان الواحد مش عايش بيت لوحده .. بيحس ان هو محاصر مش عارف يعمل اللي هو عاوزه .
كارمن ضحكت وحط ايديها على رقبته / اتعود بقى حركاتك دي في الاوضه ها ...نتلم و متتاخرشي يا حضرت الضابط
عز بقرب منها وباسها من خدها وقالها / ماشي يا شبح مش هتاخر اعملي حسابك هنروح بالليل لنغم وخالد علشان هيستحلفولي لو انتي مرحتيش
يلا باي يا قمر
كارمن /ماشي يا عسل... باي .
وبعدها دخلت كارمن تحضر الغداء مع حماتها وكانت مبسوطه قوي انها ما بعدتش عن الجو العائلي اللي كانت عايشاه مع عائلتها
_______________________________________________
في فيلا الحديدي 💪
جميله قاعده في الجنينه مع لارا
لارا / صدقيني اللي بيحصل ده عادي يا جميله ادهم ممكن يكون مهزوز شويه سبب الشغل او اي حاجه مش شرط يعني يكون فيه مصيبه
جميله / لا اللي بيحصل مش عادي يا لارا انا حاسه بيه ادهم خلاص ما بقاش بس حبيبي ده جوزي لو انا ما وقفتش جنبه مين هيقف
لارا ابتسمت / طب خلاص طالما انتي عارفه انك الحضن الحنين اطلعي كده البسيلك حاجه فرافيشي وهزري معاه .. اقولك خوديه و اخرجوا
جميله بعصبيه / هو انا بقول ايه وانتي بتقولي ايه بقولك رافض حتى ينزل ياكل معانا بقاله يومين على الحال ده ...
و حابس نفسه في اوضته
لارا باستغراب/ طب انا اعملك ايه يعني ما انتم عيلتكم غريبه وكل ما نخلص من مصيبة نقع في مصيبة تانية
جميله / لارا قومي روحي لجوزك ..غوري في داهيه خدي السواق وامشي انا مش ناقصاكي
لارا / بقى كده دي اخرتها ماشي يا جميله انا همشي واولعي انت وادهم .. وباذن الله تتخانقوا
و سابتها لارا وركبت عربيتها ومشيت اما صقر كان متابع كل كلامها من بعيد وقرر انه يطلع لادهم اوضته ويتكلم بقى معاه
________________________________________________
ادهم كان قاعد في البلكونه وبيشرب سيجاره وبيفكر مع نفسه واتفاجئ ان البلكونه بتتفتح ودخل صقر عشان يقعد معايا
ادهم بخضه رمى السيجاره بسرعه من ايدي
وقاله /انا اسف يا عمي ما اعرفش ان انت جاي البلكونه
ما كنتش ولعتها والله
صقر ابتسم /ويا ترى بقى علشان انا تعبان ولسه عامل العمليه ولا عشان عيب تشرب سيجاره قدام عمك ولا بتحترمني ولا ايه بالضبط
ادهم ابتسم وقاله / يعني ممكن نقول ميكس ما بين كل دول ..
صقر / ماشي يا ادهم همشيها ميكس .. مالك المفروض واحد زيك لسه راجع من شهر العسل يبقى مبسوط وفرحان لكن انا مش شايف كده
انت تعرف رمضان مش كده
ادهم/ يا عمي ما انا قلتلك اني ما اعرفوش واني ..
صقر قطعوا في الكلام وقاله/ ياض يا كذاب المفروض انك اصلا تخاف تكذب عليا لاني هقفشك انت عارف رمضان ومش بس انا اللي شاكك في الموضوع ده لا كلنا ...وده لانك عبيط وخوفك وقلقك اترسم على وشك بمجرد ما مسكت الصوره
ادهم بقلق/ هما عرفوا مش كده وخدوا بالهم .
صقر /هما اه خدوا بالهم بس ما حدش يعرف السبب
بس انا عارفه ..هو ده اللي كان بيجيبلك المخدرات يا ادهم مش كده
ادهم في اللحظه دي حط ايده على راسه بوجع وقاله / انا كنت حاسس انك عارف من زمان لا ما كنتش حاسس انا كنت متاكد انك عارف ... ومع ذلك وافقت انك تسلملي جميله .. امنت عليها ازاي يا عمي مع واحد مدمن زي
صقر بحده /انت عبيط يلا ولا ايه
انت ابني قبل ما تكون ابن اخويا ... ابني انا اللي ربيتك وكبرتك انا اللي كنت السبب في جواز امك وابوك ... ده انا اصلا اللي سميتك ادهم .. بعد ده كله تسالني امنتك علي جميله معاك ازاي
وبعدين ايه يعني ايه اللي حصل مشكله وقعت فيها ما كلنا وقعنا في مشاكل ... عندك خالد عمك كلنا بندفع ثمن مشكله هو عملها زمان من 15 سنه وانتم بتحملوها معانا وعساف كمان معكوك معاه
كلنا بنغلط وكلنا بنتحمل نتيجه غلطنا دي وانت قعدت في المصحه كثير عشان تتعالج ...بس ايه اللي جد تاني و وجعك كدة
ادهم بدموع /مش عارف... اول ما شفت صورته افتكرت الحاله اللي انا كنت فيها وخفت لارجع تاني للادمان ...خفت اضعف والجا لحاجه كانت بتنسيني وجعي وحزني ... اه كانت بتخليني مغيب عن العالم لكن على الاقل ما كنتش موجوع
لما شفت رمضان افتكرت تاني لحظات وجعي وضعفي وحسيت ان انا هرجع تاني ..انا خايف قوي يا صقر مش بس خايف عليا خايف على جميله حاسس اني مستهلهاش .
(✨ودي معلومه للاسف حقيقية مدمن المخدرات بيبقى ضعيف جدا ومهزوز حتى ثقته في نفسه قليله اوي و بيبقى عنده استعداد يرجع للادمان تاني في اسرع وقت وده اللي ادهم حاسه حاليا✨)
صقر قام واخذ ادهم في حضنه وبدا يطبطب عليه
ويقوله / لو انت ما عندكش ثقه في نفسك انك تقدر تحمي جميله انا بقي واثق فيك ... خذ ثقتك مني واعتبرني ابوك
يا ادهم
ادهم كان بيعيط بينهار وهو في حضنه وقاله / رمضان مش بس هو اللي كان بيجيبلي المخدرات لا ده هو اللي دخلني الطريق ده اصلا وكانه شيطان بياخد بايدي للموت ..
صقر / واديك طلعت منه استغل بقي الفرصة دي و ابدا من جديد ..وانا معاك بس الاول لازم نقفل كل الماضي ..وعلشان نقفل عليه يا ادهم يبقى لازم تساعدني ان احنا نلاقي رمضان
ادهم بحماس / وانا هقدر الاقي مكانه انا بس اول ما شفت صورته اتوجعت وضعفت ..
وفعلا ادهم وقتها ما قدرش يستنى وقرر انه يوصل لادهم عن طريق الاماكن اللي كان بيقابله فيها والناس اللي شافهم معاه صدفه ولكن الموضوع اخد وقت و بعد شهرين كاملين
وفعلا قدر يوصل لرمضان و عرفه مكان خيري 💪
________________________________________________
في القسم 👏👏
كان يزن شغال على قضيه وبيتناقش هو وعز في تفاصيل واتفاجئ بباب المكتب بيتفتح ودخل عساف
يزن باستغراب / اي ده . في ايه يا عساف ايه اللي جابك هنا
عساف بعملية / انا اتكلمت مع اللواء حمدي وطلبت منه انك تطلع معايا مش انت بس انت وعز للقبض على خيري
يزن في اللحظه دي حس بسعاده و فخر انه اخيرا كرامته هتتردوا تاني بعد ما فات فتره طويله وقال لعساف / ايه ده انتم رصدتوا الاماكن اللي هو فيها ايه بس انت ايه علاقتك بالقضية
عساف بجديه / يزن انا مش طالب منك كلام كثير انا عايز الظابط يزن وعز الدين يبقوا معايا مستعدين
وفعلا يزن وعز انضموا للفريق بتاع عساف علشان يقبضوا على خيري وتمت العمليه بنجاح واتقبض عليه وكانت المفاجاه الاكبر ماتم بعد ما اتقبض عليه ..
ان خيري اعترف ان هو اللي قتل ام ميرا و و جوزها و اعتراف علي اللواء حمدي و مراد و اتجازوا علي خيانتهم
و نظرا لاجتهاد يزن و عز في القضية و بحثهم عن خيري وتعطيل حمدي ليهم تمت ترقية يزن و عز
ولكن ده كان اسوء خبر وترقيه مرت على يزن واعتبارها مكافاه نهايه الخدمه وقرر انه يستقيل و يبعد عن كل العالم ده
_______________________________________________
و بعد مرور حوالي اسبوعين 🤷
في بيت يزن 😟
كان عمال يلم في ورق وميرا كانت واقفه مستغربه جدا اللي هو بيعمل وقربت منه وقالتله / ممكن افهم بتعمل ايه .. وايه الورق ده كله يا ابني
يزن بصلها وابتسم وشدها وقاعدها على رجلي وقالها/ ابدا بجهز حاجاتي علشان بنفذ الوعد اللي انا اخذته على نفسي
ميرا قربت منه وحضنتها/ وعد ايه بقى ان انت اخده على نفسك يا باشا
يزن ضمها ليه و كانه كان محتاج لحضنها اوي / خلاص هستقيل يا ميرا .. العالم ده مش بتاعي وجودي في العالم ده لوثني كتير وخنقني وانا مش قادر اكمل
ميرا قامت فجاه وبصيتله بخوف/ اوعى تعمل كده
يا يزن ..البني ادم طول عمره ابن بيئته ولو خرجت من شغلك ده انت مش هتعرف تشتغل في حاجه ثانيه
يزن بحده / الكلام ده كدب احنا الضباط بنضحك بيه
على نفسنا .. بنفضل نقول احنا لو خرجنا من الشغل ده نموت بس دي كدبه
انا هقدر اشتغل في اي حاجه ثانيه انا مش فاشل ميرا
لو بتحبيني بجد ساعديني و اقفي جنبي علشان اقدر انفذ القرار ده لانه انسب قرار ليا
وسابها يزن وفضل يجمع باقي الورق وكل حاجاته عشان يسلمها الاداره ويستقيل .. وميرا ما قدرتش تقف تتفرج عليه وقررت انها لازم تبلغ كريم بالقرار ده قبل ما ينفذه و خصوصا ان عز فشل انه يقنعه
________________________________________________
في فيلا عاصي 💋
تامر ووعد كانوا عايشين معاه في الفيلا ولارا كانت حابه الموضوع جدا وحاسه انها تقدر تكون عيله تاني ..
في الجنينه 🌼
وعد/ بس يا ستي وعاصي صمم اني لازم انزل الشغل معاهم في الشركه .. وتامر كمان وافق يعني نفسه ان انا شخصيتي ترجع تبقى قويه وما اخافش من حد ابدا
لارا كانت ماسكه كوبايه النسكافيه في ايديها
وقالتلها / هتقدري ده غصب عنك على فكره ولو مش عشانك علشان عيالك لما يجوا الدنيا يلاقوا امهم قويه ومفتريه علي ابوهم كدة
وعد ضحكت جدا و لارا سابت الكوباية ووقامت و قعدت جمبها / ايوة كدة اضحكي محدش واخد منها حاجة .. طب انتي عارفه اول ما خيري دوت ربنا يولع فيه بجاز اتقبض عليه انا قلت خلاص الحياه هترجع تاني حلوه وهرجع اتنفس بقى
وعد بحزن / عندك حق يا لارا
عارفة اصعب حاجه في الدنيا لما يكون حد عايش
من غير ما يعمل حاجه في حد ومع ذلك بيتاذي ويتوجع بسبب ذكريات قديمة بين الاهل
لارا اتاثرت جدا بكلامها وقالتلها / صح وانا اتاذيت وفهد وادهم وانتي وعاصي و بسبب ايه طمع بين الاهالي اصلا ..و احنا لحد دلوقتي ما نعرفوش
وعد / طب انتي عارفه اني فرحانه جدا ان عاصي اتجوزك .. انتي مش متخيله حياته كانت عامله ازاي وانتي بعيده
لارا ابتسمت / لا متخيله لاني عشتها قبله ... خلاص بقى
يا وعد ما ترخميش عليا انا مش بحب افتكر الذكريات دي احنا ولاد النهارده ..
ولسه كانوا بيتكلموا لقوا عاصي نازل من الفيلا وهو لابس بدله شيك جدا ورايح على شركته بس لارا جريت ناحيته و مسكت ايده بسرعه
وقالتله / رايح فين وايه ريحه البرفيوم القمر دي
عاصي ابتسم وبسها / والله مراتي حبيبتي يا ستي جابتهالي وقالتلي اوعى تحط برفيوم غيرها
لارا بدلع / واضح ان مراتك مش بتغير عليك خالص يا استاذ عاصي علشان اي حد هيشم ريحتك هيتسحر فيك على طول.
عاصي قربها منه و ابتسم / والنبي ايه .. مالك مزاجك رايق قوي النهارده برغم انك كنتي قالبة بوز الكلب من يومين
لارا / غصب عني والله يا عاصي كنت خايفه على جميله ما انت كنت شايف حاله ادهم عامله ازاي ولا فهد يا حبيبي صعب عليا قوي
عاصي بغيره ضغط عليها دراعها وقالها / حبيبي ايه دي يا بت انتي .. لا بقولك ايه افصلي علاقتك معاهم وانتوا صغيرين وان انتم متربيين في بيت واحد والجو ده ....دلوقتي انتي مراتي سامعه
لارا مسكت خده بدلع / يا خرابي على الغيره وبعدين انتوا الاتنين عمر علاقتكم ما هتتصلح ابدا
عاصي بحده / ده عيل غبي وتافه .. كارهني من غير سبب
اذا كان صاحبه الشان نفسها سامحتني واتجوزتني كمان
لارا / يا ابني فهد ده اخويا الصغير وما كانش بيستحمل
ان حد يبصلي فمش بسهوله كده يحبك ويتقبلك يا عاصي وبعدين اديك شايف عساف نفسه مش طايقك
عاصي بتريقه / لا يا ماما هناك فرق عساف مش طايقني عشان انا اخذتك منه لكن فهد دوت انا مش فاهمله حاجه بصراحه انا ومعاذ ويزن وادهم بقينا اصحاب وهو لا برده
لارا/ خلاص بقى فكك من الحوار ده انا عايزه ارجع شغلي تاني التمرين
عاصي / اه يا اسطى لارا عايزه ترجعي تاني للورشة وللعربيات والحاجات دي ومع يامن مش كده برده
لارا ابتسمت / على فكره ده كان حوار واتقفل ودلوقتي انا ست متجوزه فما فيش داعي للغيره دي
عاصي / ومين قالك اصلا اني بغير عليك بغير عليك ليه يعني وبعدين ..
مفاجاه عاصي شدها من وسطها وقالها / طب انا بغير ايه رايك بقى ومن حقي على فكره عندك اعتراض
لارا قاعدت بتضحكي / يخربيت الازدواج في الشخصيه وبعدين لا مش عندي اعتراض بس انت عارف ان ده شغلي انا مهندسه ميكانيكا سيارات يا عاصي
عاصي / خلاص لما ارجع نتكلم في الموضوع ده .
ما تجيبي بوسة ..
لارا قربت ووباسته بحب و عاصي ودعها و راح شركته .. اللي حلف بيني وبين نفسه انه يكبرها في اسرع وقت ممكن ويعلي اسم عيلة السيوفي في التجاره وبرغم ان ده كان صعب جدا علشان مشكله مختار والفضيحه اللي حصلت الا انه قدر يحط رجله على اول سلمة .
________________________________________________
في مطعم خالد كان عساف موجود في مكتبه وهو بيتكلم معاه
خالد بملل/ يا عساف بقالك ساعه ونص بتتكلم في حوارات ملهاش لازمه وتقولي هقولك على خبر مهم بس اهم حاجه ما تتعصبش ما تنجز
عساف كان بيتوه / بص انا كلمت صقر وقررنا ان احنا نحتفل بعد كل القرف اللي حصل ده وقالي ما تستعجلش عشان الفرح معاذ اخر الشهر بس
خالد قاطعه في الكلام ومسك الطفايه اللي قدامه
وقاله / وربنا لابطحك بيها الكلام ده انت عدته عشر مرات لحد دلوقتي. اخلص انا عندي شغل
عساف / بص ومن الاخر كده انت عارف كويس قوي انه اسامه هو اللي صور الفيديو بتاع فهد و نسمة و اللي سلط اسامة هو رمضان بامر من خيري
خالد بملل/ اخلص يا عساف ...اكيد عارف كل القرف ده
عساف/ بس انت اللي ما تعرفوش ان اسامه اكيد مش هيعرف يعمل كل ده ويقرب من فهد الا لما يكون في حد وسيط بينهم والوسيط ده صاحب فهد او واحد كان صاحبه
خالد بعصبيه / انت بتتكلم بالالغاز ما تخلص يا عساف مين ده اللي كان عايز ياذي ابني
عساف / عمر هو كان فاكر باللي عمله دوت هيقدر يبعد فهد عن نسمة بس القدر كان ليه راي تاني خالص انا بقولك كده عشان خايف على فهد وفي نفس الوقت خايف لفهد يتهور على عمر فقلت لازم اقولك
خالد قام من مكتبه بعصبيه / بقى عمر اللي عمل كده في فهد ده انا هوديه في ستين داهيه هو واللي خلفوه وهمحيهم من على وش الدنيا
عساف ضحك / وانا اللي كنت خايف من فهد ليكون متهور طلع ابوه متهور اكتر منه .. اقعد يا خالد وبلاش تخلف والموضوع ده مش هيتحل الا بقعده عائلات بالبلدي كده
ولازم نقعد مع ابوه ونركبه الغلط و اللي اسمه عمر ده يمشي من الجامعه عشان نبعد بقى عن الخلافات دي كلها
خالد / يسلام بالسهوله دي .. وبعد اللي عمله في ابني وفكر ان هو ياذيه لا يا عساف الموضوع مش هيخلص بسهوله دي
عساف/ لا هيخلص يا خالد كفايه كده انا تعبت ..والله العظيم تعبت ايه ابنك فاضله شهرين بالكتير ويجيبلك حفيد ..بذمتك مش نفسك بقى تعيش دور جد في هدوء هنفضل في صراعات دي لحد امتي
خالد سمع كلام عساف وشبه اقتنع بيه ان ممكن الموضوع يتحل ودي وخصوصا ان عمر دوت ما زال عيل
وفعلا بلغوا صقر باللي حصل علشان يقدر يبلغ فهد ويتحكم فيه من غير ما يتهور وقدر ان هما يحلوا الموضوع ده ودي ...ووالد عمر اتحرج جدا من الي لابنه عمله وقرر انه يسفروا بره مصر يكمل تعليمه
________________________________________________
في فيلا معاذ 🌼
كانت لسه بتتشطب وسيلين كانت معاه هي وعساف بيتفرجوا
عساف / والله ياض يا معاذ الفيلا دي هتبقى تحفه وبجد الديكورات تجنن جدعان والله
معاذ بفخر / عيب عليك والله عيب عليك ده انا معاذ الحديدي بص بقى في الجنينه هنعمل ديزاين مختلف جدا ..
سيلين بتناكه / انا عايزه افهم هو انت بتتكلم عن كل حاجه بصيغه مفرده.. انا العروسه هنا و ليا رأي
عساف ابتسم/ يا واد انت مغرور ...صح ياض انت واخد القرار في الفيلا كلها مش تسيب العروسة تنقي برضوو
معاذ حط ايده على كتفها وقال / ده انتي بالذات تامري كدة وانا انفذ يا عسل
عساف / لا انت لو ما اتلمتش هديك بالجزمه احترم اني موجود وانا في مقام ابوك يعني قولي عمو عساف .. اظبط كده واستني لما امشي
معاذ قعد يضحك/ ايه قد ابويا دي انت عساف وبس انا اصلا مش مصدق انك قد ابويا
عساف/ فشر انا اصغر منه بسنه وبعدين هو انا مش كشري زي صقر عشان كده تحسني اصغر منه شوية
معاذ ضحك/ يا عم راعي انه ابويا برضوا الله في ايه
سيلين/ بالعكس والله انكل صقر ده من اطيب الناس اللي شفتها في حياتي .. ربنا يحميه يارب
معاذ / على فكره بقى صقر طيب قوي وخالد حنين فوق ما تتخيلي وعساف ده اجدع واحد ممكن تشوفيه شايل هم العيله علي كتفه .. اما كريم وعمي جاسر الله يرحمه شافوا هم العيله وشغلها لوحدهم
بجد احنا عيله جميله والله
عساف / اه والله بسم الله ما شاء الله علينا .. الله يحرقك
يا معاذ انت لو عايزنا ناخد عين مش هتعمل كده ..
وفجاه وهم بيكلموا دخل كريم وهو متوتر جدا وتعبان وقال / كويس ان لقيتك يا عساف انا عارف ان انت الوحيد اللي هتقدر تتكلم معاه وتقنعه ان اللي بيعملوا ده غلط
عساف / بسم الله الرحمن الرحيم في ايه اتكلم مع مين واقنع مين .. هو خيري هرب ولا ايه
كريم/ لا انا بتكلم عن يزن مصمم ان هو يستقيل من الشغل وانا عارف ابني لو عمل كده هيتكسر كسره محترمه
عساف فهم اللي حصل وكان عارف ومنتظر ان يزن يعمل كده وخصوصا بعد ما ثبت ان حمدي مرتشي وده كان قدوته ..
عساف / اهدى يا كريم حقه يعمل كده انا هتكلم معاه ..بص روح انت وانا هكلم يزن يجيلي على البيت وانت يا معاذ روح سيلين وحصلني
وفعلا عساف كلم يزن علشان يروح له وكريم روح البيت ومعاذ كمان حصلهم بعد ما هروح سيلين
________________________________________________
في بيت عساف 👀
و خصوصا في مكتبه 🥳
كان يزن ومعاذ وعساف متجمعين كلهم
يزن كان بيتكلم بابتسامه عكس النار اللي قايده في قلبه وبيقول / انا مش فاهم انتوا ليه مكبرين الموضوع كده .. واحد وقرر ان هو يسيب شغله و يشتغل حاجه جديده ايه بقى اللي يزعل
معاذ /اللي يزعل ان احنا اكتر ناس عارفينك وعارفين ان انت مش هتقدر تستحمل نتيجه القرار ده يا يزن انت متعلق جدا بشغلك ومستحيل تسيبه
يزن /دي كدبه انت نفسي مش مقتنع بيها يا معاذ لاني زي
ما اتعلقت بالشغل ده ونجحت فيه هقدر اتعلق بغيره وانجح كمان فيه على الاقل ابقى مامن مستقبلي انا ومراتي وعيالي
عساف / بس يا معاذ سيبه .. يزن مش صغير و عارف كويس ايه اللي هيريحه مش كدة يا يزن
يزن بتردد / اه دي حقيقة ...انا فكرت و قررت متخافوش عليا
عساف / طيب .. امشي انت بقي يا معاذ روح شوف خطيبتك و باقي تجهيزات فيلتك .. يلا امشي
معاذ قام و اخد مفاتيحه / ماشي يا عساف.. بس لو عوزتني كلمني .. سلام يا ابو دماغ ناشفة.
و مشي معاذ و ساب يزن قاعد قدام عساف و لكن موطي راسه و متجتب انه يبصله او يفتح معاه حوار و قطع الصمت ده صوت ضحك عساف ..
عساف / عارف بحس ان الايام بتعيد نفسها .. انا برضو من اكتر من عشرين سنة كنت قاعد نفس قاعدتك دي و قولت لصقر اني هستقيل و هبعد لما يوسف صاحب عمري مات
بس مقدرتش
قام عساف من علي الكرسي و قرب من مكتبه و بدا يبص علي ذكرياته و تكريماته و ابتسم وقال/ علشان الحاجات دي .. علشان لما ابص لنفسي في المراية اتاكدت اني كنت في يوم من الايام شخص اثر في المجتمع و في الناس .
و علشان عيالي و احفادي يتفاخروا بيا
قعدت من نفسي و سالتني سؤال مهم اوي هتقدر يا عساف بعد ما حققت كل ده تمشي و تسيبه لقيتني برد في نفس الثانية... هسيبه لما روحي تفارق جسمي غير كدة مش هقدر
يزن قام من مكانه و قرب من عساف / بعد الشر عليك يا عساف .. بس انا و انت الوضع مختلف
عساف حط ايده علي كتف يزن / بالعكس يا عبيط
ده هو هو .. اه والله انا سبت الشغل بعد ما اتصدمت في صاحبي واخويا و زميلي و انت اتصدمت في اللواء .. هو انت فاكرني مش عارف
يزن غمض عينه بوجع / صعب عليا اوي اني بعد العمر ده كله اكتشف ان قدوتي هو اللي بيعمل كل ده
انا اتعلمت كل حاجة علي ايده و في الاخر انا برضو اللي اثبث انه حرامي و بيستغل سلطاته
عساف / ياض انا حاسس بيك بس مش معني كدة انك تبوظ حياتك و تضيع مستقبلك ..اقولك اطلب نقلك لمكافحة تانية وانا هساعدك بس اوعي تستقيل اوعي يا يزن علشانك انت
يزن بص لعساف بحيره و قرب منه و حضنه و عساف بادلة الحضن بحب ابوي و فاجاه الباب اتفتح و دخلت لارا و هي فرحانة
لارا / اي ده .. واضح اننا جينا في وقت غير مناسب بالمره مش كدة
عاصي بقلق قرب و حط ايده علي كتف يزن / استني
يا لارا .. انت كويس يا يزن
عساف زق ايد عاصي / اه يا اخويا زي الفل كمان ملكش انت دعوة بيه
عاصي / استغفر الله العظيم يارب.. انت كارهني ليه بس كدة يا حمايا .. طب ده انا بحبك
لارا / مش وقته الكلام ده .. يزن انت فيك حاجة
عاصي رفع حاجبه / وانتي مال اهلك بيه مش فاهم
عساف / نهار ابوك اسوود و قدامي يا غبي
يزن ابتسم/ اهدوا يا جماعة يخربيت ده سؤال .. انا كويس متقلقوش .. عساف انا لازم امشي علشان كريم مستنيني
عساف / ماشي يا حبيبي امشي .. انا مش هضغط عليك
بس واثق في قرارك
يزن ابتسم / وانا فهمت كلامك .. يلا سلام
و مشي يزن من البيت و راح عند كريم الشقة اللي كان قاعد علي اعصابه و مستنيه
عساف قعد علي الكنبة و اخد لارا في حضنه / طب انا كلمت بنتي و قولتلها تعالي علشان وحشاني ..انت بقي ايه اللي جابك هنا
عاصي قعد جمبه علي الكنبة / هو انا اقدر ماجيش برضويا عساف.. طب ده انت حبيبي و بعدين انا عارف اني واحشك اوي بس انت بتكابر
عساف بص للارا اللي في حضنه / لا بيقولك عارف اني واحشك ..واثق اوي من نفسه ميعرفش اللي في قلبي
لارا / امم والله قولتله متجيش بس هو صمم هنعمل ايه بقي
عاصي بحده / ايه ده هو ايه اللي صمم وقلتله ماتجيش ايه المعامله الزباله دي
عساف / وطي صوتك يلااا .. عموما انا كنت هاجيلك بنفسي لمكتبك عشان عايز اتكلم معاك في شغل
يا عاصي باشا
عاصي باستغراب/ شغل ايه وبعدين ايه الرسميات دي ده
انا جوز بنتك
عساف كشر تاني وقاله/ كده انا كرهتك بسبب الكلمه دي
و بطلها عشان اعرف اتقبلك يا عاصي وبطل تغلس عليا بدل ما احلف انها مش هتروح معاك
وابقي غني بقى انت ظلموه
عاصي قعد وحط رجل على رجل قاله / مش مشكله خليها معاك وانا حماتي حبيبه قلبي هتيجي عشان تعملي اكلي وتدلعني في الفيلا
عساف في الحظه اتحول عليه ومسكوا من قميص
وقاله / ولا ما فيهوش هزار في الحاجات دي و ما تهزرش معايا تاني انا مش بالعك .. سامع
عاصي قرب من عساف وباسه ومن خده وقاله/ حقك عليا
يا كبير والله بهزر ..طيب خلاص قولي كنت عايزني في ايه
عساف بدا يتكلم برسميه وقاله / انا سمعت ان في اخر فتره شركه السيوفي بقت محققه مبيعات كثير والاسهم بتاعتها بدات تعلى في السوق علشان كده كنت عايز ادخل شريك حتي لو بنسبه بسيطه جدا من الاسهم
عاصي بص للارا بزعل وقالها / انتي قلتيله يا لارا مش كده رغم اني قلتلك اني مش بحب اي حد يعرف اي حاجه عن شغلي
عساف ضربوا في كتفه / انت بتتكلم معاها كدة قدامي طب علي الاقل خاف مني ..و بعدين لارا مش بتتكلم معايا تماما في اي حاجة تخصك وانا نفسي مش بحب اسمع اي حاجه عنكم
عاصي باستغراب/ امال حضرتك عرفت ازاي اللي محتاج شريك الفتره دي
عساف / ولا هو انت ناسي حماك يبقى مين ده انا عساف وشريك في شركه الحديدي يعني عارف كويس قوي ايه اللي بيدور في السوق .. بس بصراحه اللي قالي عن شركتك وشغلك بالتفصيل وجابلي كشف كمان بالارباح هو ادهم
عاصي / اه انت بتتجسسوا عليا يعني
عساف ابتسم قوي / اه هي حاجه زي كده وبعدين فكرت بدل ما تدور على شريك غريب ... انا اشاركك
لارا بفرحه باست عساف من خده وقالتله / بجد يا بابا هتعمل كده .. انا كنت مرعوبة اوي من حكاية الشركاء دي
عاصي اتحرج جدا من نفسه و بص لعساف وقاله/ انا مقدر جدا حبك ليا وانك اكيد خايف اكيد على بنتك بس صدقني انا راجل وهقدر اقف على رجلي من غير اي مساعده من حد
عساف بعد عن لارا وبصله وبدا يتكلم معاه بعمليه
وقاله / اسمع يلا انا لو شايف ان شركتك دي بتقع عمري
ما هتدخل ولا هطلب اني شركه لانك زي ما قلت انا خايف على بنتي والفلوس اللي املكها دي كلها من حقها هي ...فاكيد مش هاجي اضيعها دلوقتي
ثانيا بقى وده الاهم لو انت مش عارف الانجازات اللي انت حققتها في شغلك انا ممكن اقولهالك او اقولك ممكن نفتح التلفزيون واسمع الاعلامزبيقولوا ايه وبيشكروا ازاي في النجاح اللي حصل من ساعه ما انت مسكت الشركه واحتياجك لشريك ده امر طبيعي جدا
عاصي / طب انت ليه عايز تخش معايا شريك برغم انك مش محتاج يا عساف ما شاء الله يعني
عساف/ علشان الفلوس متفضلش مركونة كدة يا ابني ده شغل بيزنس يعني وبعدين انا لو ما شاركتش جوز بنتي هشارك مين
عاصي فرح جدا بكلام عساف و حضنه وقاله / وانا موافق ..انا لو اتمنيت ان يكون عندي حمى زيك تفصيل عمري ما كنت هلاقي
عساف زقه / تفصيل في عينك .. بس انا كمان عندي طلب وعارف انه صعب جدا عليك بس دي امنيه اتمنى انك تحققها .. انا عايزه اشتري فيلا كبيره وتعيش انت ولارا معايا ووعد وتامر كمان
عاصي / ايوة بس ...
عساف / عاصي يا ابني انا كبرت وما بقيتش قادر اعيش لوحدي ثاني .. وانا و همس مش قادرين نتخيل ان احنا ممكن نشوف بنتنا زيارات بصي انا مش هجبرك بس فكر
عاصي بحب / وانا موافق بس بشرط الفيلا دي هنلاقيها انا وانت وهنقسم فلوسها عليا انا وانت علشان ما احسش ان انا عايش معاك عاله ولا انا ولا تامر قلت ايه
عساف ابتسم وقال / لو كنت انت عملت غير كده كنت هقول عليك عيل واطي بس طلعت راجل
وفرحت جدا لارا بموافقه عاصي وبداوا في رحله بحث عن الفيلا علشان يتجمعوا كلهم كعيله مكان واحد
________________________________________________
في بيت كريم 🤍
وصل يزن و اول ما دخل من باب الشقة ميرا جريت عليه بلهفة
ميرا / اتاخرت اوي ليه كدة .. انا قلقت عليك انت روحت قدمت استقالتك
يزن قرب منها و حط ايده علي وسطها/ حسابنا بعدين
مش هناا .. كدة برضو تقوليلهم اسراري
ميرا بتوتر / خوفت عليك اوي من نفسك .. بحبك بقي اعمل ايه
يزن / لا مش هضعف و حسابنا برضو بعدين
و قطع كلامهم صوت ياسمين / اي يا يزن اوعي يا ابني تكون نفذت اللي في دماغك
يزن قرب منها و باس راسها / للدرجة دي كلكم متنكدين بسبب الموضوع ده .. ده انتوا بتكرهوا شغلي اساسا
كريم / لا مش علشان الشغل.. طب ده انا المحبب علي قلبي انا و مراتك و امك انك تسيب الشغل ده علي الاقل قلبنا يطمن عليك بس احنا عارفين انك لو عملت كدة هتتوجع
يا ابني
يزن / عندك حق يا كريم .. انا مش هعرف ابقي حاجة تانية غير ظابط شرطة .. علشان كدة طلبت نقلي بس يعني ابعد شوية
ميرا حضنته بفرحة / هو انت جوزي حبيبي يا نااس
يزن كان بيبصلنا بخبث و قالها / طيب يلا بقي نروح علشان احنا اتاخرنا اوي يا ست ميرا
ميرا بقلق قربت من ياسمين و قالت / لا انا بحب اقعد
مع ياسو .. قولي حاجة يا حماتي بقي
ياسمين / اه هتقعدوا معانا .. كدة كدة انت بتنزل من الصبح بدري و تسيبها بيتوا بقي ..
يزن بخبث / معلش يا حاجة النهاردة بالذات مينفعش.. يلا
يا ميرا .. يلااا
و فعلا اخد يزن ميرا و روحوا مع بعض
________________________________________________
في بيت يزن و ميرا
ميرا كانت نايمة في حضنه علي السرير و كلعادة هو قالع التيشرت
ميرا / هو انت ليه بتحب تقلع التيشرت علطول .. ايه مش بتبقي سقعان
يزن بصلها بخبث / تؤ مش بسقع .. بس انتي لو سقعانة ممكن ..
ميرا زقته من فوقها و قامت من علي السرير / ده بعينك .. انت وعدتني انك تفكر في الموضوع الي قولتلك عليه
يزن قام من علي السرير / اممم .. طيب تعالي بس علشان انا معقبتكيش علي الموضوع الاولاني يا عسل
ميرا / غصب والله اني قولت بس قولي انت اعمل ايه. اسيبك تضيع مستقبلك و اقعد اتفرج
يزن ابتسم و قرب و باسها / بحب اوي يا ميرا و بحمد ربنا انك في حياتي و علشان متزعليش انا وافقت اننا نعيش مع امي و ابويا.. هااا عايزة حاجة تاني
ميرا بفرحة / هييييييه و حضنت يزن بفرحة ..
و فعلا راحوا يعيشوا مع ياسمين و كريم و بعدها بفتره قليلة ميرا حملت و كانوا في فرحة كبيره ✨
وبعدها كمان معاذ عمل فرح كبير واتجوز هو وسيلين والمفاجاه اني مامتها لما عرفت وافقت بسهوله بسبب كلام صقر معاها لدرجة انها حبت طريقه صقر جدا وده زعل قمر جدا وخلاها تغير منها و مش طايقة وجودها في مصر ..
________________________________________________
و بعد مرور فتره 🤌
في اوضة فهد و نسمة ..
قبل العملية بيوم 👀
نسمة نايمة في حضن فهد و متوترة جدا / انا خايفة اوي يا فهد .. تفتكر عيالنا هيجوا بالسلامة
فهد باس راسها / ايه الكلام الغلس ده . اه طبعا هيجوا بالسلامة البنت هنسميها اي قررتي
نسمة ابتسمت بتعب / اه الولد خالد و البنت خديجة
لو حصلي حاجة سميهم كدة يا فهد وحياتي عندك
فهد خاف جدا علي نسمة و ضمها اكتر لحضنه / اوعي تقولي كدة ..والله انا واثق انك هتبقي كويسة اوي بس ممكن ترتاحي بقي شوية
د
احم احم .. لسه فهد خايف كدة عليها و هل بكره هيعدي بخيييييييير ..
يتبع...
لقراءة الفصل الخامس والخمسون اضغط على : ( رواية خادمة الصقر الجزء الثاني الفصل الخامس والخمسون )
لقراءة باقي الفصول اضغط على : ( رواية خادمة الصقر الجزء الثاني )