رواية من عالم آخر الحلقة الأولى 1 بقلم زهرة اللوتس
رواية من عالم آخر الجزء الأول 1 بقلم زهرة اللوتس
رواية من عالم آخر البارت الأول 1 بقلم زهرة اللوتس
 |
| رواية من عالم آخر الفصل الأول 1 بقلم زهرة اللوتس |
رواية من عالم آخر الفصل الأول 1 بقلم زهرة اللوتس
كنت بحضر لعيد ميلاد خطيبي.... ماتتصوروش فرحانه
قد ايه وانا بجهز الحاجه علشان يفضل اليوم ده ذكري
طول العمر... هو النهارده خطيبي بس فضل خمس سنين
حبيبي اللي كنت مستعده استناه العمر كله........
اعمل ايه القلب ومايريد 🤷🏻♀️
اتفقت مع اخوه وزوجته اللي هي بنت عمي
اننا هنروح الشقه ونزينها مع بعض بس طبعا انا ماكنتش
عايزه مساعدتهم بس علشان ما ينفعش اروح وحدي
كنت في الهايبر بختار الزينه بعد ما وصيت علي التورته
اللي عليها صورته ووصيت اوي انها تكون بالكريمه هو بيحب الكريمه اكثر من الشيكولاته علي رغم انا بحب الشيكولاته 😂........
:=هدتينا ده احنا لو بنحضر لطفل مش هنجيب كل ده
طبعا ده صوت ماريه بنت عمي واقرب حد ليا
رميت الشنط اللي كانت في ايدي وارتميت علي الكنمبه
وانا خلاص مش قادره
بصتلها وبعدين وقفت بصدمه =نسيت اجيب البلونه اللي علي شكل قلب
ماريه ما ستحملتش ومسكت المخده حدفتها عليا
=اتهدي الله يهدك
انا ضحكت اوي... اتكلمت وانا بلبس الكوتشي تاني بسرعه
=مش هتأخر بسرعه
وطلعت اجري علي الهايبر تاني هو ماكنش بعيد من بيتي اوي.........
«نسيت اعرفكم بنفسي.... انا جهاد عوض النيلي
عندي ٢٦سنه خريجه كليه طب بشري قسم جراحه»
واخيرا رحنا انا وماريه وكريم اخو زياد خطيبي
الشقه وهو كان في الشغل كالعاده مش بيجي قبل
واحده اتنين باليل كده يعني لانه بيشتغل في شركه للاصدار والتصدير هو اصلا محاسب.......
وكل حاجه تمت زي ماانا عايزه لا واحلي كمان....
فضلت ابص علي الزينه وانا فرحانه اوي اخيرا ممكن اعمل حاجه تفرحه... كل سنه كان بيكون نفسي اعمله كده
بس ماكنش ينفع لانه ماكنش خطيبي ............
وكمان التورته جت............
ماريه بإندهاش=واوووووو تحفه
كريم بضحك =يابختك ياعم زياد
ضربته ماريه بغيظ =ياسلام ماانا لسه عملالك عيدميلاد
ضحك كريم اوي..=ياروحي بجاريها جاريني انت كمان
انا بصتلهم بغيظ.. ودخلت احط التورته في التلاجه.
وسبتهم بيتخانقوا.... ماريه دي غيورا اوي
بس فجاه رجعت بظهري وانا شايفه باب في المطبخ
رفعت حاجبي بتعجب =ايه ده هو في باب سري في المطبخ.....
الفضول جبني.... ورحت نحيته بعد ما سندت التورته في التلاجه...........
ورحت نحيت الباب ده وانا مستغربه زياد عمره ماقلي انه
في باب سري في المطبخ..... مش دي شقتي من حقي اعرف تفاصيلها.......
طبعا اقتنعت بكلامي. وفتحت الباب واتصدمت لما لقيتها
مش باب خلفي ولا حاجه ولقتها اوضه وكانت مظلمه وبشده
حاولت ادور علي كبس افتح بيه نور الاوضه........
واخيرا فضلت احسس علي الحيطه لغايه مالقيت كبس
دست عليه الاوضه نورت ويارتها مانورت
فضلت ابص وانا مصدومه علي كل اللي انا شيفاه
واهز في راسي بلا بجنون ودموعي عرفت مجراها كويس وانا مش مصدقه.... بس بسرعه
سبت الاوض وقفلت النور والباب ولسه هطلع من المطبخ
ماحستش بنفسي غير وانا بفقد وزني من الانا شفته و...
يتبع...
لقراءة الفصل الثاني اضغط على : ( رواية من عالم آخر الفصل الثاني )
لقراءة باقي الفصول اضغط على : ( رواية من عالم آخر )