رواية روح جحيمي الحلقة الخامسة والثلاثون 35 بقلم هايدي سيف
رواية روح جحيمي الجزء الخامس والثلاثون 35 بقلم هايدي سيف
رواية روح جحيمي البارت الخامس والثلاثون 35 بقلم هايدي سيف
 |
| رواية روح جحيمي الفصل الخامس والثلاثون 35 بقلم هايدي سيف |
رواية روح جحيمي الفصل الخامس والثلاثون 35 بقلم هايدي سيف
- امم شكل فعلا محدش يعرف بحاجه زى دى
- حاجه ايه؟!!!
- أنه عنده ورم فى المخ
احست روح بصدمه كبيره وارتجف قلبها لسماع ذلك
- مكنش هنا كمتابعه هو اصلا مش مهتم بحالته ، معرفش ينفع اقولك ولا لا عشان دى اسرار مريض بس جايز كلامى معاكى يطلع بنفع ، هو ايامه معدوده ولما جه دلوقتى كان بسبب الاعراض الى بتظهر عليه فبيوقفها مش اكتر بس الورم بيكبر وممكن التلت شهور الى باقينله ميكملهمش .. حاولت اقنعه بالعمليه بس هو مش عايزه ورافض هى اه نسبه نجاحها ضعيفه بس احسن ما يكون قاعد ومستنى المرض ينهيه
مكنتش روح مصدقه الى سمعته وحاسه ان الارض لا تتحملها وكأنها صعقت بخبر شقها لنصفين، كان قلبها بيدق بخوف ورعب بصلها الدكتور من وشها التى تغير لونه قال
- انتى كويسه، بعتذر لو تقلت عليكى بالكلام
كانت فى حاله شبه لا واعى لتقول - مستحيل
بصلها وهى تردد فى نفسها وتنفى براسها وعينها مدمعه - مستحيل
مشيت سريعا وتركته وهو يطالعها ، خرجت روح من المستشفى وهى مصدومه وعينها ترتجف مسكت دماغه بكلتا يداها وبتفتكر كلام الدكتور افتكرت يوم اما كانو على السطح والتعب الى ظهر عليه افتكرت يوم اما كانو هيعملو حدثه ولقت دم بينزل من مناخيره منغير سبب .. هذا الضعف كان بسبب مرضه الورم بيكبر ممكن التلت شهور الى باقينله ميكملهمش "
- يحي
قالتها بصوت ضعيف افتكرته وهما على السطح " حققتى انتقامك ياروح .. عايزك تستريحى انا بموت سمعتينى "
نفيت برأسها بخوف وهى بتقول - لا .. انا عملت ايه
افتكرته لما كان مش فى وعيه " عيشت بتعذب على ذنب انا معملتوش، انتى نهتينا ونهتينى معاكى .. انا حبيتك بجد"
سالت دمعه من عينها وايدها بتترعش واعصابها تتلف
- عانيت قد اى يا يحي .. عانيت عمرك كله عشان يحصلك ده فى الاخر .. معقول اكون انا سبب من ضمن الاسباب فى مرضك
افتكرت نفسها قديما بكائها فى الليل انكماشها على نفسها وقوفها وهى تردد دعائنا ان يقتص الله منه، سجودها ليلا ونهارا دموعها التى كانت تتساقط وتدعى الله مع كل قطره الا تنزل هباءا .. معقول .. الن ينسي الله دعائها لحد هذا اليوم .. ان الله حقق مبتغاها وقبل دعائها بعدما شعرت انه لم يتقبله لكن لم تعلم انه سياتى هذا اليوم انها تتراجع .. هل بعدما أحبته سيسلبه منها كأى شئ احبته
- مش عايزه حقى .. مش عايزاه يارب .. بعد اما خلتنى احبه هتاخده منى لى ... بتعقبنى على اى انا عايزاه يفضل جنبى .. لى تردلى دعائى دلوقتى وتعاقبنى على قسوتى بالشكل ده .. يبقى ظلم وانت عادل مبترضاش بالظلم ابدا ... محدش اتظلم قد يحي، اتظلم كتير ومنى انا ... ازاى كنت غبيه كده وعيدت غلطتى للمره التانيه
افتكرت والدتها قسوتها ورؤيتها لها وهى مسطحه على فراشها وتعانقها وكان عناقها الاخير لها رغم انها لم تبادلها لكن يحي كان السبب فى ان تراها قبل مماتها .. متعملتش من الى حصل وازاى خسرت والدتها وهى لم تراها وبعيده عنها فتره كبيره .. دلوقتى عملت نفس الحاجه .. قسيت على ييحي الشخص الى رجعها من جديد واهتم بيها .. الى ضحكها ومسبهاش لحظه وتحملها بكل تقلباتها .. هتخسره بنفس الطريقه لكن بالموته الشنيعه .. الموت .. ذلك الشئ الذى سيأخذه منها .. ماذا فعلت بحماقتها .. كيف اوصلتهم لهنا .. صارت تلعن نفسها فى تلك اللحظه .. أنها عادت لرشدها لكن بعد ماذا
وصلت روح لشركه وكانت تسرع اليه قابلت احمد أستغرب من وجودها قال
- روح
بصتله بحنق تقدما منه وقالت بغضب - انت كنت عارف .. صح كنت عارف ومقولتليش اتكلم
- عارف اى
- ان يحي مريض يوم المستشفى كدبت عليا
سكت احمد ومردش وحاسس بالضيق صرخت فى وشه وهى بتقول
- لى سايبه كده .. ازاى تخبى عليا حاجه مهمه زى دى .. محدش يعرف صح .. محدش يعرف غيرك .. ازاى تسكت عن حاجه مهمه زى دى لى تكون عارف واحنا منعرفش
- ياروح افهمى يحي مش عايز حد يعرف .. هو اصلا مقاليش أنا عارف من قريب يعنى مش من مظه يوم كنت معاه فى المكتب ولقيت الأعراض إلى لتظهر عليه ووقع من طوله طلبتله الدكتور وودناه على المستشفى وقتها عرفت يعنى مش هو إلى قايلى .. هو مكنش هيقول لحد .. انا عملت الى فى ايدى والى قدرت معاه بس هو مبيسمعليش
- مش مبرر حرام عليك .. ا..انا لو مكنتش شوفته انهارده مكنتش عرفت .. هتقولنا امتى لما يموت
- ياروح انا ...
مشيت وسابته وهى متوجه ليحي بصلها بشده ولحقها قال - روح استنى
مردتش عليه وكملت طريقها فتحت الباب ودخلت المكتب بإندفاع كان يحي بيشتغل ومعه اثنان من موظفينه بصولها من دخلها دخل احمد وهو بيقول
- روح..
بص يحي ليها من وجودها وبص لأحمد التى كان يتبعها قالت روح
- عايزه اتكلم معاك
بصلها باستغراب لم يبالى كثيرا بص للموظفين اومأو له وذهبو بصتلهم روح حتى خرجو وقف يحي ببرود وقال
- اى الى جابك وازاى تدخلى المكتب كده
بصتله روح ومردتش استغرب من صمتها لقا عينها بتدمع وهى بتبصله وتندفع الى بقوه لتنصدم بصدره وهى تعانقه اتصدم يحي وبصلها بشده من قربها منه والحواجز التى لم تهتم بها
- روح
لقاها بتنشج اتصدم اكتر وبدأ صوت بكاها يعلو ويقدر يسمعه بصلها بشده قال
- مالك
ضمته اليه أكثر وهى تقول - متبعدش ارجوك انت وحشتنى اوى
مكنش فاهم اى حاجه واقف بصمت ويبصلها لتقول - لى مقولتيش ومخبى علينا حاجه زى دى
بعدت عنه وضربته فى كتفه وهى تقول- لى معرفش بمرضك .. فاكر انها حياتك لوحدك
اتفجأ من الى قلته هل باتت تعلم بمرضه .. لكن كيف ومتى ومن اين .. بص لأحمد ببرود الى كان يقف فهو من يعرف لا احد غيره
- مش احمد الى قالى انا عرفت من عن طريق المستشفى الى كنت فيها
- مستشفى!
اومأت له وهى تقول - اه كان عندى تدربت وشوفتك احساسي انى اعرف سبب وجودك خدنى بانى بحثت عليك لتكون من المرضى إلى هناك وقابلت دكتورك وهو إلى قالى
احس بالضيق من تلك الصدفه المستشفى التى ذهب إليها ذاتها التى كانت روح لديها تدريب اليوم بها، عادت لعناقه نظر اليها لتقول من بين بكائها
- كنت هتخبى لحد امتى
بص احمد ليحي وروح التى تعانقه احس بألم ايسر صدره تنهد وخرج ليتفادى ذلك المشهد فايا يكن ان قلبه لا يزال يحبها
كانت بتعيط وهى تطوق عليه بزراعيها وكأنها تريد ان تخترق صدره
- ابعدى
قالها يحي بجفاف بصتله بأعين دمعه وقالت - ايه
حط أيدها على كتفها وهو يبعدها بصتله بشده فهذه المره الاولى التى يبعدها عنه قالت
- عارفه انك زعلان منى .، عارفه انى قسيت عليك واذيتك بكلامى قبل افعالى .. عارفه انك استحملت كتير .. انا اسفه سامحنى
- عايزانى اسامحك وانا ملقتش السماح منك رغم كل الى عملته عشان سبتيني عشان كدبه .. بالسهوله دى اسامحك يا روح
احست بالحزن والذنب الملتف حول عنقها قالت
- انا .. انا مقصدتش نكون هنا .. عارف انى اتسرعت بس ..
قاطعها وهو يقول - بس اى يا روح .. اى هو الى مقصدتهوش ... كسر قلبى ولا انى اعيش تلت ستين بتعذب وانتى بعيده عنى .. اعيش مع ذنب مرتكبتوش
سكتت ومردتش ليردف - كنت بسأل نفسي انا بتحاسب على اى ومش لقيله اجابه ... عايش بتحاسب على اى طول عمرى ومحدش بيدينى جواب مقنع .. بس انتى جيتى وادتينى اجوبتى ويارتنى ما عرفتها .. شوفت نفسي مغفل اوى ان كل الى كنت بعمله على ما فيش .. كرهك مقلش وجودك كان لسبب وهو الانتقام .. بتعيطى لى دلوقتى احساس بذنب بس افرحى انا الشخص الى بتكرهيه وهتستريحى من شوفته الى لما بيجمعك مكان بس بتتخنقى لوجوده معلمى .. هترتاحى من كل ده زعلانه ليه
- اسفه على كلامى الى مكنش من قلبى والله كنت حاسه انى بقولك كده لرد كرامتى
قربت منه وهى بتقول - انا حسيت معاك بكل حاحه انت عملتها عشانى .. انا حبيتك بس .. مقدرتش اعترف بالحب ده لنفسي .. والله ما كان غرضى الانتقام انا مش عايزه غيرك زى بظبط .. والله بحبك
- وانا معدتش عايزك يا روح
حست ان قلبها بيتكسر من الى قاله ليكمل - وانا واقف قدامك شايفك كدابه بتخدعينى زى ما خدعتينى قبل كده، حتى الكلمه الى نفسي اسمعها منك بجد بقيت بضايق لما تنطقيها .. مش قادر اصدقك .. جوايا حاجه ماتت ناحيتك
- كفايه يا يحي كفايه ارجوك
- هو كفايه فعلا .. امشي
بصتله بشده اعطاها ظهره واكمل ببرود - امشي ياروح .. مش عايز اشوفك هنا تانى
سالت دموع من عينها بحزن وقهر وعينها منكسره وهى تشعر بألم شديد من ما فعلته به وبنفسها
لفت ومشيت وهى تتمنى ان يوقفها لكنه لم يفعلها .. ألم يعد يحبها هل انطفأ تجاها .. انها السبب فى كل ذلك .. يصلها أحمد من شكلها وهى تسير وحزينه فظن أن الأمور ستتحسن بينهم .. ماذا حدث
نزلت من الشركه رن تلفونها وكان على ردت عليه
- اى يا روح انتى فين
- فى حاجه
- سبتى التدريب وروحتى فين
- معلش كنت بعمل مشوار مهم
- تمم انا قلقت عليكى بس
- شكرا يا على
- على اى، اكلمك بعدين
وانها مكالمتها بصت على. الشركه من أعلى ناحيه مكتب يحي تتمنى ان تراه واقفا يراها لكنه لم يكن موجودا أحست بالخيبه ومشيت
كان يحي واقف فى مكتبه يضع يده فى جيبه بجمود دخل احمد بصله وهو معطيه ظهره قال
- يحي .. روح خارجه بتعيط لى
بصله يحي من سؤاله عنها قال بتوضيح - اقصد حصل حاجه
رد بكل برود - لا
تعجب احمد لكن لم يعلق وذهب أنه ظن أن وجود روح معه سيفرق معه الكثير وهذا ما يريده لكن يبدو أنه فهم خاطئا انه لا يبالى برؤيتها وعودتها له
فى المساء توقف يحي بسيارته امام منزله ترجل ودخل لكن تفجأ كثيرا واتبدلت ملامحه لما شاف روح قاعده على اول درجتين عند الباب وكانت ضامه دراعتها وباين انها قاعده بقالها كتير بصت ليحي ولاحظت وجوده وقفت لما شافته قربت منه بس هو قال بكل برود
- بتعملى اى هنا
حست بالحزن ولم تقترب اكثر قالت - مستنياك
- ليه؟
- محتاجه اتكلم معاك
- مفيش حاجه نتكلم فيها
- لا يا يحي ارجوك اسمعنى فى كتير الى بينا مش قليل
مهتمش بيها تخطاها وهو بيقول - روحى قبل اما الجو يقلب
- بس انا مش همشي قبل أنا أتكلم معاك يا يحي
- وانا معنديش كلام أقوله
- اسمعنى كفايه عناد مبينا احنا إلى اتنين .. ارجوك معدتش مستحمله كفايانا لحد هنا
سمع تلك الكلمات لم تتبدل ملامحه دخل وهو يقفل الباب تطلعت الى الباب المقفول فى وجهها وكأنه لم يعد منزلها تنهدت بحزن بصت لسما وتلك الغيوم والرياح
فى الليل كان يحي فى غرفه مكتبه بيشتغل سمع صوت الهوا يرتطم بزجاج والسحب تتصام ليبدأ هطول المطر تنهد وقام راح عشان يعمل قهوه بس وقف فجأه بص من الشرفه واتصدم لما شاف روح لسا قاعده ضامه جسمها والمطل يهطل والرياح شديد رمى الاوراق التى بيده بضيق
كانت روح جالسه وبدأت فى أن تتبلل فتح الباب لفت ورفعت عيناها ليحي قال بغضب
- ما مشتيش ليه
- قولتلك مش همشى غير ما نتكلم
قالتها بوجه يخلو من التعبيرات تعصب يحي مسك دراعها وقفها حست روح بألم قال
- انا مش قولتلك مش عايز اتكلم معاكى .. انتى مبتفهميش قاعده أحد دلوقتى ليه
مردتش عليه بص يحي على دراعها وغضبه فهو ينفعل فى الآونة الاخيره بعد أيده عنها
- أدخلى
بصتله روح بشده دخل وهو يقول - اعقدى جوا لحد اما الدنيا تتعدل ابقا اروحك، مش عايز حاجه تحصل زى المره إلى فاتت .. أدخلى متخافيش
- مش خايفه
يصلها لوهله لم يهتم وذهب
كانت روح جالسه تشعر بالبرد حست بحاجه تضع على كتفاها وكان يحي احضر غطائا لها بصت ليظاه وقربه منه لكنه لم يكن ينظر إليها ابتعد عنها وذهب، بصت على البطانيه إلى حطها عليها ليدفأها رغم أنه يشغل المدفأه
كانت قاعده لوحدها عطست لما حست بزكام لقت ايد بتمدلها وبها فنجان بصت ليحي خرجت أيدها وخدته منه وهى تقول
- شكرا
لم يرد جه يمشي مسكت روح أيده بتمنعه بصلها قالت
- أعقد معايا متسبنيش خلينا نتكلم ارجوك يا يحي
- معنديش كلام أقوله
- بس انا عندى ولازم تسمعه
- كنتى فين وانا كان جوايا جبل عايزه اقولهولك لقتنى لوحدى
دمعت عينها قالت بحزن وندم - انا اسفه ولله معترفه بغلطى انى سيبتك منغير ذنب .. معترفه انى مكنش ينفع اقولك يومها الكلام ده بس انا بخاف .. انا بخاف من انى اظهر مشاعرى الحقيقه .. بابين قسوه مش فيا خوفا على نفسي .. يحي انت اكتر واحد عارفنى .. حطلى عذر انت شوفت خوفى ده بنفسك .. خوفى من الكل انا كنت مضطربه نفسيا بس .. بس بيك رجعت زى الاول بس لما غلطت فى حقك .. انا معترفه بغلطى
وقفت قربت منه قالت - بصلى يا يحي .. انا روح الى كنت بتعتبرها بنتك قبل اما تبقى حبيبتك مش عايز تسامحنى .. قولتيلى قبل كده انك مبتزعلش منى .. معقول معدتش عايزنى زى ما قولت الصبح
- انا حبيت واحده مش موجوده بنيت شخصيه وهميه انتى رسمتهالى
سالت دمعه من عينها وقالت - والله كل إلى عشته معاك كان حقيقه .. مخدعتكش ولا كنت بمثل الحب عليك .. لو بصتلى هتعرف ده بنفسك .. روح لسا موجوده انت رجعتها وانت بس الى بتكون معاك على طبيعتها محدش غيرك .. يحي بلاش نبعد اكتر من كده كفايه
- معدتش له لزوم الكلام ده
- مش عايز تسامحنى يا يحي قولى اعمل اى ونرجع ...
حس يحي بألم داخل رأسه وسمع صوت كصفير يعج رأسه اعتصر عيناه بألم وهو لا يسمع شئ سواه كان يراها تحرك فمها ولا يقدر على السماع
- ابعدى
سكتت روح بصتله وقالت - ايه
- ابعدى بقولك
اتخضت من صوته المرتفع وغضبه فلت أيده بقوه تألم روح مشي يحي وهو يحاول أن يتمالك حتى يبتعد عن ناظريها يحاول الا يظهر شئ به
دخل الاوضه مسك دماغه بوجع شديد وعروقه بارزه وجبهته تتعرق من ضعفه، كان لا يستطيع التنفس من الألم سند بيده على المنضده فتح التيشيرت قليلا
اتقدم روح من الأوضه إلى يحي دخلها لا تعلم لما تشعر بالقلق عليه طرقت الباب تستأذن بالدخول لكن لم تجد ردا تعجبت فتحت الباب بتردد وأما دخلت لقت يحي يسند على الحائط وباين عليه التعب
قربت سريعا قالت - يحي
مسكته برفق قعدته قالت - مالك انت كويس
أراح ظهره حط دراعه على عينه بصتله وتفاجأت حين وجدت دمعه تسيل على وجهه قربت أيدها من يده ومسكت زراعه بعدته عن عينه لقته عينه مدمعه قالت بهمس
- يحي
- من امتى وانا كويس
حست بالحزن الشديد وهى تراه هكذا ونبرته الضعيفه يبدو أنه يعانى من تلك الأعراض التى تشتد عليه، مسك وشه ومسحت دموعها وتتساقط دموعها هى، وكأنها لا تتحمل أن قلبها ينفرط من الحزن عليه
- مش هقدر اسامح نقسي ، انا السبب فى الى انت فيه .. سامحنى ارجوك كل الى قولتهولك كدب
يصلها قربت منه واحتضنته وهى تقول - انا بحبك اوى يا يحي .. بحبك وبخاف اعترف بالحب ده .. انا اسفه مش هقدر ابعد عنك أكتر من كده .. كفايه ارجوك كفايه نبعد عن بعض أنا محتجالك اوى
بصلها وهى تحتضنه وتبكى بانهيار وتنشج رأى خوفا وارتجافا فى كلماتها التى تخرجها بصعوبه، رفع زراعيه بتردد إليها استسلم لقلبه فلم يعد مكانا لتمثيل البرود أكثر من ذلك
احتضنها هو الآخر وكأنه ادرك أنه سيغادر الحياه لا محاله فلا داعى بأن يخفى مشاعره ويدع بروده يتملك منه أن أيامه محسومه، سالت دمعه من عينه وهو يحتضنها ربت عليها لتهدأ وهو يرى خوفها، ضمته روح أكثر اليها وكأنها تطمأن نفسها أنه معها لن يتركها لكن دموعها تستمر بالنزول تدعى بقلبها الا يسلبه منها أن يجبرهم بعطائه الواسع أنها خائفه .. هذا الشعور يقتلها الرعب الذى يحل عليها أن ترا زراعيها خاليين .. تتمنى أن يكون هذا كابوس ويفيقون عليه وهم نائمين جنبا لجنب ويطمأنها كعادته لكن يبدو أنه الواقع .. الواقع المؤلم الذى يعتادون عليه
- روح
هم هممت بمعنى نعم أبعدها عنه نظر إليها وعيناها وانفها الاحمران
- ممكن تهدى
ابتعدت غصه حلقها وهى تأومأ بالطاعة لكن دموعها تستمر بالنزول مسحت وجهها بيدها وقالت
- مش عارفه يا يحي .. سامحنى مش بأيدى
بصلها لثوانى مسك أيدها وهو يقول - لو بتحبينى بجد وقفة عياط عشان ده بياثر عليا أنا
احست بالحزن قالت - بحبك
- من قلبك
بصت فى عيناه مباشره وقالت - محبتش حد قدك .. عمرى مكدبت عليك فى الكلمه دى إذا كان زمان أو دلوقتى .. حبى ليك مقلش للحظه يايحي كنت علطول بفكر فيك
قاطعها وهو يقول - بلاش نفتح القديم
- حاضر
أنها الأخرى تريد أن تنسا اى شئ فى الماضى
- عيزانى
سكتت وبصت فى عينه إلى كانت مدمعه وكان هو الآخر حزين اومأت إيجابا دون تردد
- حقيقلى اخر امنيه ليا عايز اعيش معاكى اليومين دول الله اعلم هكمى أو لا
بصله فى عينها واردف- عايز املكك
شعرت بغصه فى حلقها وكبحت دموعها ابتسمت قالت
- هترجعنى امتى
يصلها وكانت هذه كمواقفه منها رأى ابتسامتها بادلها ابتسامه خفيفه قال
- دلوقتى
بصتله بشده وقالت - ازاى هتلاقى مأذون دلوقتى والجو و ..
- سبيها عليا .. بس كلمى والدك وعرفيه بحاجه زى دى ممكن يضايق عليكى من الطريقه ابقى هاتى أكلمه
- هقنعه
اومأ لها مسح دمعه من على وجهها بصت ليده وحنانه وقف وتركها
وفعلا يحي عمل مكالمه من هنا لأحد مسؤلينه التى يعتمد عليهم وبعد قليل أتى بمأذون وقام يحي بإرجاع روح إليه، كانت لا تعلم هل تشعر بالسعاده أنه عاد إليها ام الحزن الذى يحل عليهم لكن كانت ترسم ابتسامه صادقه نابعه من قلبها أنه أصبح زوجها
كانت واقفه فى الشرفه تحدث والدها قالت
- معلش يابا معرفتش اكلمك
- على قالى انك سبتى التدريب يعنى المفروض تكونى هنا من الصبح .. انتى فين لحد دلوقتى ومبترديش على تلفونك ليه
- معلش مسمعتوش حضرتك عارف انى بعمله صامت ايام التدريب فنسيت ألغى الخاصيه دى
تنهد بضيق قال بهدوء - ماشي يا حبيبتى أنا بس قلقت عليكى .. ممكن اعرف أنتى فين
- عند يحي
قال بصدمه - يحي
- اه
قال بغضب - عند يحي ازاى يعنى انتى فى بيته .. اتجننتى انتى فكراه لسا جوزك
- بقا جوزى ، يحي رجعنى ليه
اتفاجأ كثيرا مما تقوله قال بصدمه - انتى بتقولى ايه
دخل يحي ووقف بجانبها بصتله قالت - اسفه عارفه انك متفاجأ وهتضايق عشان مقلتلكش حاجه مهمه زى دى .. احنا قعدنا واتكلمنا وخدنا القرار
- ازاى تاخدى قرار زى ده منغير ما ترجعيلى
- مقصدتش اضايقك أنا بس ..
مد يحي أيده بصتله ادته التلفون خده وكلمه بعيدا وبعد قليل عاد إليها بصتله خدته منه
قال عماد - تمام ياروح خلى بالك من نفسك
- مش مضايق منى
- هضايق ليه أنا كنت عارف انك لسا بتحبيه وبتكابرى وفى الاول وفى الاخر هترجعو بس اضايقت من الطريقه نفسها
- انا اسفه
- خلاص حصل خير ميفرقش حاجه عندى غير انك تكونى سعيده .. وانا عارفه أن سعادتك مش هتلاقيها غير مع يحي
ابتسمت وشكرته لانه يفهمها فعماد لطالما كان حنون معها وكأنه يعوضها عن حنان الابوه التى حرمت منه ويعوض نفسه هو الآخر بحبيبته التى فقدها وابنته التى تبقت له
بصت ليحي التى كان هادئا قالت باستغراب
- انت قولتله ايه
بصت ليحي الى كان هادئا قالت
- انت قولتله عشان يهدا كان باين أنه مضايق اوى
- فهمته الوضع مش اكتر إذا كان دلوقتى أو بعدين كنت هرجعك
بصت له بأمل وحب قالت - بجد يا يحي
بصلها ولم يرد ام يعلق لكن أمسك بيدها بحب وكأنه يعطيها الاجابه ابتسمت وامسكت بيده هى الأخرى
- أدخلى عشان متبرديش
- وانت ؟
- جاى وراكى
اومأت له بتفهم ومشيت وسألته وقف ينظر إلى السماء تنهد وخفض رأسه من المفترض أن يكون سعيدا .. لكنه ليس كذلك ابعد شعره للخلف وهو ياخذ نفسا بعد وقته من هدنته مع نفسه ذهب
توجه لغرفته وعندما دخل وجد روح تقف وكانت ترتدى قميص نوم اسود مناسق بجسدها يبرز مفاتنها وكانت جميله حيث جعلته متوتر أكثر منها لمجرد رؤيتها قفل الباب واتقدم منها كانت خافضه وشها الى كان احمر من الخجل مسك دقنها ورفعها ليه ليرى وجهها التى يعشقه كانت تتضع بعضا من مساحيق التجميل تزيدها جمالا وشعرها البنى الناعم التى رائحته تتغلغل فى انفاسه
- لسا عندك فرصه تتراجعى
نفيت برأسها بصلها يحي وكأنها تعطيه موافقتا الكامله تقدم واصبح امامها مباشره قرب من شفتاها وقبلها بحب وحنين، دمعت عين روح لكن بادلته وكبحت دموعها رفع ايده الى حملات قميصها وانزله من عليها ليقع ارضا أخذها بين زراعيها حملها الى السرير وهو ينزلها برفق وكأنه يخشي عليها ان يؤذيها كفراشه يعاملها برقه كى لا تخدش بمكروه
وزع قبلاته على رقبتها بشغف ودفأ لكن سمع صوت بص لروح لقاها دموع تسيل من عيناها وهى تغمضهم وكأنها تعافر احس بالحزن الشديد والندم قال
- لدرجادى مش عاوزانى وخايفه منى
فتحت عينها بصتله كان هيبعد مسكته وهى بتمنعه بصلها قالت
- لا يا يحي
- بتعيطى لى ياروح انا مش هقدر اجبرلك على حاجه
- انا مش خايفه منك انا .. خايفه انك تسيبنى
قالت اخر جمله بحزن وخوف عرف انها تقصد بمرضه التى سينهيه مسكت وجهه يكفيها وتقول
- خليك متبعدش عنى متسبنيش ماشي
احس بالحزن الشديد هو الاخر بصلها ومسح دموعها قال - مش هسيبك
بصتله بأمل وثقه وقالت - اوعدنى
سكت يحي وكأنه مش عارف يرد هل يوعد لها بشيء لن يتحقق ان مصيره محدد وهو الموت قبلها بشوق سالت دمعه من عين روح فلقد احست ان قبلته واقترابه كأنه يقوم بتوديعها ، كان مع كل لمسه يلمسهالها بحنان وحب وكأنه بيمحى اى ذكره سيئه تركها لها كان يمحى اثار الماضى ويذيقها عشقه وإلى اى قاع قد وصل
فى اليوم التالى كان يحي ينظر الى روح النائمه فى اعماق احضانه الدافئه وترتدى قميصه كانت لا تزال تبدو كطفله نظرته لها لا تتغير، كانت الصباح ينير وجهها ببشرتها الصافيه قرب ظهر أيده من وشها وهو يلمسها بحنان احست روح لمساته فتحت عيناها قليلا ابتسمت بنعاس اقتربت منه وهى تعانقه ابتسم عليها ابعد شعرها من على وجهها وهى تقول
- روح كفاياكى نوم
فتحت عيناها نظرت إلى صدره العارى التى تحتضنه رفعت وجهها ونظرت اليه- صباح الخير يا حبيبتى
قالها بابتسامه احمرت وجنتها خجلا وخفضت انظارها وهى تخبأ نفسها وترفع الغطاء على وجهها ابتسم عليها وقال
- ده إلى هو اى ده
مردتش أردف قائلا - هقوم اخد دش
اومأت براسها لكى يذهب ويتركها، ابتسم شال الغطا من على وشها اتخضت لقته بيبصلها فى عينها وبيقول
- متيجى ناخده سوا
بصتله بصدمه وقالت - انت قليل الادب
- انتى لسا واخده بالك
لقا وشها احمر كثيرا وكأنه سينفجر وتكتم غيظها منه باسها من خدها بصتله بشده قال- بحبك
قام وسابها ودلف الى الحمام حطت أيدها على خدها ابتسمت
فى منتصف اليوم دخل يحي المطبخ لقا روح واقفه تعد طعاما لهم وكانت لا تزال ترتدى قميصه التى يعطى جسمها منحنى اخر
قرب منها لف دراعه على وسطها من وراها اتخضت بس لما شافته هدأت كان يتشمم عنقها بتخدير وشعرها المنسدل كانت روح تشعر بلمساته لفت اليه واصبحت مقابله بصلها يحي طبع قبله على شفتاها دق قلبها جامد، حط ايده على وسطها رفعها وقعدها على الرخامه كان حاسس بضعف شديد وصدره يعلو ويهبط وينظر إلى شفتاها
قربت روح ايدها من ملابسه مسكته نظرت فى عينه وسحبته اليها وقبلته امسك يحي وجهها وتعمق فى قبلتها ثم ابتعد قليلا حتى تأخذ انفاسها حضنها وحاوطت رقبته بزراعيها شالها وهو بيقول
- بتعملى فيا ايه
ابتسمت خدها ومشي وقفته وهى بتقول - الاكل
- مش مهم دلوقتى ناكل بعدين
ابتسمت ومالت على صدره بأستجابه ابتسم عليها توجه لغرفتهم وضعها على السرير قبلها وهو يميل عليها وانفاسهم مختلطه .. ظن أن فى اللحظه الذى سيملكها سيكون اسعد انسان على وجه الارض لكن الوضع اختلف كثيرا يشعر وكان مع كل لمسه يلمسها لها قلبه يتحطم وتتناثر شظاياه من الانكسار والخوف الذى يحل عليه .. أجل بات يخاف الموت لأجلها .. ابتعد عنها قليلا بصتله روح قال
- اوعدينى انك متحبيش حد غيرى
شعرت بغصه فى حلقها ودمعت عينها ليردف - عارف انى انانى فى إلى هقوله بس انا مش عايز حد غيرى يملك دى اكتر حاجه خايف منها .. اتجوزى مش همنعك بس قلبك يكون ليا متنسنيش افتكرينى دايما بالحلو
سالت دمعه من عينه وهو يتحدث وهى تراقب حركه عيناه بحزن شديد
- اسف على انانيتى سامحينى على اى حاجه عملتها بقصد او منغيره
اصمتته بقبله حنونه لكن كانت الدموع تتساقط من عيناها وهى تقبله ابتعدت وسندت جبهتها على جبهته قالت
- مسمحاك المهم انت تسامحنى .. متتاسفش أنا مقدرش احب حد أو حد يقربلى غيرك .. عيزاك تتأكد من حاجه اعحكه بس .. أنا ملكك انت وبس
كانت شايف دموعها إلى بتنزل وعارف الحزن والخوف إلى حاسه بيه من كلامه، مال عليها وهو يثبت ملكيته بالفعل ويغمرها فى بحور عشقه، يتمنى لو كان بيده لبقى العمر بأكمله وحقق ما تمناه معها .. لكن يتعهد بأنه سيفعل ما فى يده لأن يحقق بعضا من تلك الأمانى ويزيل الحزن والصعاب إلتى واجهتهم لتفرقهم لكن حبهم زاد عن السابق
فى المساء خرج يحي من الحمام وهو يجفف شعره بالمنشه لقا روح لا تزال نائمه ابتسم قرب منها وباسها على رأسها بحنان اتعدلت بصتله قال
- هتفضلى نايمه كتير .. صاحى بقالى ساعتين مستنيكى عشان ناكل سوا
قالت بنعاس وكسل - كل انت أنا مش جعانه
- لا منتى هتصحى فى الحالتين عشان مش هعقد لوحدى كده كتير
بصتله ابتسمت بادلها الابتسامه قعدت بس حست بوجع بصلها يحي قرب منها قال
- مالك
نفيت برأسها وقالت - مفيش تعبانه شويه
سكت يحي وحس بالحزن والندم فهى ليست بمقدورها أن تتحمله قال- أنا اسف
مسكت وشه بحنان وقالت - متتاسفش أنا كويسه
بصلها ومكنش باين عليها كذلك ابتسمت مسكت المنشفه وجفتت شعره بمشاغبه وقالت
- هتاخد برد لو خرجتلى كل شويه من الحمام وانت مبلول كده .. احنا مش فى الصيف
بص لأيدها وكأنها بتعامله كمثل أمه تعاتب ابنها ابتسم بص لشفتاها حس بالضعف بعد عنها فتلك الفتاه ستلقى بحتفها أن استمريت بتلك الأفعال سيفقد السيطره على نفسه وقفت اتوجعت لكن أخفت ذلك قالت
- يحي
بصلها أردفت بنبره طفوليه - أنا جعانه
ابتسم عليها بادلته الابتسامه خرجو وجلسو على السفره وأكلو سويا كانت روح تتدلل عليه وكانت بتأكله مسكها يحي وقعدها على رجله اتصدمت بصتله
- يلا أكلينى
بلعن ريقها من ابتسامته الماكره جت تقوم مسكها ومنعها قال
- لا وانتى كده
توترت أكلته حاوط خصرها وقربها منه ابتسمت عليه واكملو جلستهم
كانو قاعدين فى الشرفه روح مايله على صدر يحي وتمسك بفنجان قهوه بكلتا يداها والغطاء عليها وتنظر إلى السماء التى تبدو صافيه اليوم حيث يظهر القمر والنجوم .. أنهم تحت هذه الأجواء الهادئه
مسك يحي أيدها بصتله خرج شئ وتفجأت لما لقته خاتمها التى تركته على المنضده يومها
- لسا معاك
- احتفظت بيه ممكن يجى يوم والبسهولك تانى وكان معايا حق
ابتسمت لبسهولها وعى نظرت إلى الخاتم قالت - اقولك الصراحه فكرت قبل كده انى ارجع واخده عشان كنت حاسه بنقص كبير وانا مش لبساه .. كنت لنا اشوفه بيفكرنى بيك واحس بلأمان .. بس انا فقدته لما بعدت عنك بغبائى .. كنت عايزه اى حاجه تفكرنى بيك بس ملقتش غير دى
بصلها وكانت خرجت تلفونها ورته صوره واتفجأ لما لقاها صور ليهم كانو فى سويسرا وهم يتحولون فى الشوارع وبياكلو ايس كريم خد التلفون وبص عليها ابتسم وقال
- مش قولتلك يومها امسحيها
خدت التلفون منه سريعا وقالت بتذمر طفولى - وانا قلتلك لا، شكلك كيوت فيها انزلها على الفيس
قال ببرود - اعمليها
ابتسمت وقالت - خايف لحد يشوفك وتنهار مكانتك هاا
- لا المشكله مش فيا أنا متفرقش معايا حاجه غيرك .. فاياكى تنزلى حاجه عشان مش عاوز حد يشوفك
سكتت شويه قالت - عشان كده مفيش صوره ليا معاك
وكانت تقصد كلام نرمين إلى تتذكره لما قالت إنها بحثت عن يحي ومبقتش صور ليهم
- انا إلى منعت حاجه زى دى، مبحبش اعرض مراتى لحد
ابتسمت من غيرته الشديدة فهى فهمت خطأ كعادته .. امها لم تكن تفهم يحي على الرغم أنه لطالما كان يتفهمها
كان يحي صامتا وجدها تطبع قبله على شفتاه بصلها ابتسم وقال
- بقيتى جريئه أوى ياروح
بصتله بشده حست بالحرج قالت - لا كشكر مش اكتر
قرب منها بص فى عينها ووقال - طب والصبح شكر بردو
افتكرت حين كانو فى المطبخ وقبلته تصاعدت الدماء لوجنتها بخجل تضايقت سابته ومشيت
- راحه فين
- مش عايزه أعقد معاك
مشيت وهى بتسيبه دخلت بس لقت إلى بيسحبها ويشيلها اتصدمت بصتله بشده قالت- يحي انت بتعمل اى نزلنى
- عيب تسبينى وتمشي ولا اى يا روحى
بصتله اتكسفت قالت - روحك!!
- اول مره تعرفى
ابتسمت بص يحي لوجنتها قبلها بصتله روح ابتعد نظر إليها انزلها هلى الكنبه وهو مائل عليها بس مقربش منها كان باصصلها تنهد وقال
- لو حملتى منى عايزك تقوليله انى كنت بحبه .. اتمنيت انى يكون عندى ابن منك انتى بس ياروح
دمعت عينها وهى حاسه بغصه فى حلقها
- كنت عاوز احسسه بحنان ابوه مشافوش كنت هعوض نفسي فيه ومخليهوش يبقى زى .. متخلهوش يزعل منى عرفيه انى مكنش بإيدى انى اسيبه
- ششش
قالتها وهى تقاطعه بصلها مسحت دمعته قالت
- هتكون بخير إنشاءالله .. مش محتاجه أقوله انت بنفسك الى هتوريه حبك ليه .. متقولش الكلام ده تانى
أردفت برجاء - ارجوك
أومأ لها خدها فى حضنه ومسح بيده على شعرها وقال
- انا اسف
بادلته العناق وهى تدفأ به
مر اسوبعان وكانو عايشين بسعاده تغمرهم يوميا لا يبتعدون عن بعضهم يمرحون والعشق يملأهم لكن السعاده لا تكتمل فكان يحي تظهر عليه أعراض مرضه فى بعض الأوقات كان يخفى عنها بس بيظهر عليه كانت روح قلبها بينفطر عليه وهى شيفاه بيتألم ولما تسأله يقولها أنه كويس ويعود لمرحه معها كى لا يحزنها
فى يوم كانت بتسرح شعرها اتقدم منها وقف خليها حط أيده على كتفها قال
- طالعه جميله
قبلها من خدها حين انهى جملته ابتسمت بادلها الابتسامه وهو قريب منها ويدفن وجهه فى عنقها قالت
- يحي
- امم
- عايزه اتكلم معاك
- اتكلمى سامعك
سكتت شويه تنهدت وقالت - لازم تعمل العمليه
اتبدلت ملامح يحي بصلها بعد عنها بصتله وقفت وقربت من وهى بتقول بتفسير- يحي لو معملتهاش ه..
قال ببرود - اى هموت .. متعرفيش أن كده كده الموت هياخدنى بس بالى بتقوليه بتسرعى موتى
قالت بصدمه - انت بتقول ايه .. العمليه هتريحك من الوجع ده
- هتريحنى اه .. بانى أموت
- وإلى انت بتعمله ده اى .. سايب نفسك للهلاك بتخبى الالم إلى بتحس بيه والى متعرفش انى بشوفه وقلبى بيوجعنى عليك
- تعرفى أنا بتحمل ده لى عشان اعيشهم معاكى
قربت منه بحزن وقالت - وانا عيزاك تفضل معايا اعملها وانشاء الله تبقى بخير ونعيش حياتنا عادى
- افهمى بقا نسبه نجاحها ضعيفه .. أنا عايز اعيش معاكى الأيام إلى فاضلينلى الشهرين دول عايزك انتى بس .. بالى بتكلبيه انتى بتخديهم منى .. أنا فى الحالتين هموت
ردت بغضب مضاهيه وهى بتقول - هتفرق اى انك تحاول .. انت مش عارف أنا بحس ب اى .. أنا بنان والخوف مش سايبنى .. خايفه من بكرا قبل انهارده .. خائفه ملقكش جنبى وده إلى مش هستحمله
كانت الدموع متحجره فى عيناها لتردف - مش عايزه اجرب الشعور الفقد ده للمره التانيه .. مش هستحمل يا يحي .. انت لو حصلك حاجه أنا هموت بعدك
أصاب قلبه الخوف قرب منها وقال - اوعى تقولى كده بعد الشر عليكى
مسكت أيده وقالت - شوفت خوفت عليا ازاى حسيت بالى بحس بيه كل يوم فى لحظه بس الشعور دا ماسكنى علطول .. اعملها ارجوك حتى لو كانت نسبتها ضعيفه فهى امل فى ربنا كبير وإنشاء الله هتخف وترجع احسن من الاول
- ولو منجحتش
بصتله وقد شعرت أن كلامها تنافر يصلها وقال
- وقتها هكون اتحرمت من الشهريين إلى اعيشهم معاكى .. العمر إلى فاضينلى خدته بإيدى على احتمال ضعيف والله اعلم هرحغ زى أما كونت أو لا .. العمليه ليها اضرار منه الاستئصال ممكن يحصل حاجه فى انسجه المخ .. اظن انك دارسه ده كويس
سكتت روح مشي يحي وهو يتركها
- واخرتها يا يحي
وقف بصتلها وعينها مدمعه اتقدمت منه وقفت جنبه وهى تقول
- هتعيش الايام دى فى وجع وكل الم بيزيد عن إلى قبله .. فكرك لما اشوفك كده هكون مبسوطه .. مبسوطه وانا شيفاك بتموت وبتفرج عليك .. ولما المده تخلص هتكون فين
بدات تقطع لنشيج بكاىعا - ه..هتكون سلمت نفسك لربنا وهى هى نفس النتيجه إلى انت خايف منها .. بس هتفرق أن دى محاوله والعمليه مش هينتج منها ضرر إنشاءالله هتكون حسب تكافؤ الدكتور نفسه .. بس على الاقل تقدر تضمن أن لما تنجح هتعيش
مسكت أيده بحنان وقالت برجاء - هتعيش معايا طبيعى منغير ما حاجه توجعم، منغير مده هنعيش زى اى اتنين .. فى كل مره بتقربلى نظراتك ليا وكأنك بتودعنى .. ارجوك مش هقدر اعيش من غيرك أو اجرب الشعور ده من تانى .. اعملها عشانى يا يحي
لم يرد عليها لكنه شعر بالحزن وكأنها عانت من الخوف فى العيش معه لم تكن سعيده بل كان قلبها يؤلمها .. بعد أيده عنها ومشي وسابها بصتله روح بحزن
مر اليوم وكان يحي جالس فى بمفرده لم يحدثها منذ الصباح كانت تراقبه من بعيد فهو طلب منها أن يبقى بمفرده وتؤجل اى نقاش فلم تزعجه رغم خيبتها لا تريد أن تضغط عليه فيسبب له الأرق
كانت وقف بعيده ويتتكلمو فى التلفون قالت- اتكلمت معاه بس مدنيش موافقته تفتكر لسا عند قراره ورافض العمليه
- يحي خائف يسيبك يا روح العمليه متفرقش معاه .. فى الاول مكنش مهتم أن عاش أو لا دلوقتى عاوز يعيش يومين ضامنهم وهو معاكى
- وبعدين يا احمد .. بعد اليومين دول اى .. يحي لازم يعمل العمليه
سكتت روح شويه وقالت بإستدراك - ممكن حد قادر يقنعه من كلمه
- مين إلى هيقدر يغير رأيه .. سلمى كلمته وعمته بس هو مش سامع لأى واحد فيهم حتى سلمى هترجع مصر اخر مره كلمتنى فيها كانت بتعيط من خوفها عليه وهو متأثرش رغم أنه بيحب أخته وتفرق معاه
- بس فى واحده تقدر
استغرب قال - تقصدى مين ؟
- إلى عرفتها يا احمد
كان يحي جالس بمفرده حس بخطوات أحد عرف انها روح قربت وقعدت جنبه قالت- بقالك يومين مبتكلمنيش هتفضل مع كتير
- عايز ابقى لوحدى شويه
- يحي انت زعلان منى
بصلها وعينها مدمعه تنهد وقال - لا ياحبيبتى قولتلك مبزعلش منك
- امال مبتتكلمش معايا ليه .. حتى امبارح نمت فى اوضه وانا فى اوضه .. بسبب اخر مره اتكلمنا فيها عن العمليه .. من ساعتها وانت متغير
- اقفلى الموضوع يا روح
حست بالحزن والخيبه مشيت وسابته اضايق يحي حس أنه زعلها
فى الليل دخل الاوضه كانت روح نائمه استغرب لانها نامت بدرى قرب منها ونام جنبها وخدها فى حضنه قال بصوت هامس
- متزعليش منى أنا منمتش من امبارح عشان مبعرفش انام غير وانا معاكى
لقاها بتحضنه هى كمان وبتقول - متبعدش تانى
ابتسم لأنها مكنتش نايمه رفعت وشها ليه يصلها وقبلها بحب وشغف وخلدو لنومهم
فى اليوم التالى كانت روح قاعده مع يحي قالت- لسا مغيرتش قرارك
سكت ومردش لما عرف قصدها بصتله روح عرفت انه لا يزال كما هو بصت فى الساعه تنهدت ومشيت وتركته شاردا بعد قليل عادت قالت
- يحي
بصلها أردفت بتكمله - فى حد عايز يشوفك
تعجب لكن ما أن رآها حتى تبدلت ملامحه مئة درجه لفرط الصدمه وهو لا يصدق انها موجوده هنا .. أنها من يراها وأتيت إليه .. قرب منها وخطواته ثقيله وبؤبؤ عيناه يرتجف وهو ينظر إليها والدموع تتجمع
اتقدمت منه حتى توقفت حين شعرت بهالته سالت دمعه من عينها رفعت يداها وهى تريد أن تلمسه
- يحي
بص لإيدها حس بغصه فى حلقه مسكها وهو يشعر بدفأها احس بانكسار فلقد ظن أنه لن يمسك يدها ثانينا رفعت يدها إلى وجهه وهى تلمسه اغمض عينه لتتساقط دموعه بحزن وحنين
- وحشتنى اوى
قالتها بحزن شديد بصلها وجدها تعانقه بشوق لم يكن يصدق ما يحدث لكن نسي كل شئ.. مشي كل شئ أمام مجيئها وعودتها إليه .. أنه تمنى أن يراها .. هل حقق الله أمنيته .. لم تكن الان فقط بل هو تمنى ذلك منذ أن تركها .. تمنى أن يعود إليها لكن شعر أنه لن يكون مرغوب به وسيكون ولد ثقيل على عاتقها لهذا لم يقدر على فعلها واراد أن يريحها منه .. لكنها الآن تحبه بصدق
- استنيتك كتير يا يحي مجتش ليه مش أنا امك .. سبتنى المده دى كلها .. هونت عليك
انهمرت الدموع من عينيه عانقها وهو يدفن وجهه بها ويبكى كطفل التى عادت إليه أمه
- آسف .. خوفت اتقل عليكى ومتكونيش عيزانى
- معقول تفكر أن امك تكون بالقساواه ديه .. حقك عليا أنا إلى خليتك تحس بده، بس انا مكنتش سيباك أنا كنت بتابع اخبارك من بعيد .. بتابعكو كلكو واطمن عليكو بس شيفاكو بخير منغيرى حسيت أن وجودى هيسبب اذيه مش اكتر .. خوفت تتاذو منى خلتنى بعيد وسائله ضميرى بيقتلنى كل يوم فى بعدكو
مسدت على رأسه بحنان وقالت - سامحنى يا يحي .. سامحنى يابنى على الأذى الى سببتهولك .. أنا رجعتلك الاملاك كلها من سنتين
- انا مسامحك من يومها .. مش عايز حاجه كفايه انك رجعتيلى والله ما كانت تفرق معايا ملاك ولا فلوس .. مكنش يفرق معايا حد قدك
- عارفه يا حبيبى أنا اسفه مش هبعد عنك تانى
قالتها بحنان ابعدته قليلا وكان وجه مغترق بدموعه مسحته بكفيها وقالت
- وانت كمان مش هتعد عنى .. مش كده يا يحي
حس بالحزن ومردش قال بتأكيد - صح يا يحي هتعمل العمليه مش كده .. هتعملها وترجعلى بخير .. ترجع لعيلتك روح سلمى احمد زينب وانا .. هترجعلنا احسن من الاول
- حاضر
ابتسمت لسماع ذلك اخدته فى أحضانها وسالت دموع من عينها بحزن وخوف رغم ذلك سعيده لانه عاد لرحاب صدرها
دمعت عين روح وهى واقف بجانب احمد وينظرون اليهم ومساعدين من موافقه يحي أخيراً وسعادته لرؤيه كوثر التى فرقه معه كثيرا ليتهم فعله ذاك من قبل
قال أحمد - لسا شايفه أنها مبتحبوش .. دموعها وخوفها عليه حقيقى
- بتهيألى انى كنت غلطانه
F
قالت روح- فكرك هتوافق تيجى وتقنعه
قال احمد - لى بتقولى كده .. يعنى لما تعرف أن يحي مريض ومحتاحلها هتسيبه .. حتى لو مكنتش محتاحينها تقنعه هترجعله عشان هتخاف عليه
- احمد انت بتتكلم على مدام كوثر
- مش فاهم دى امى ياروح لو مش واخده بالك .. انتى فهماها غلط .. هى اه بس كانت بتحب يحي بجد .. ممكن الفلوس عميتها بس اول ما هو سابها عرفت حبها ليه .. هى كانت بتعتبر يحي وسلمى ولادها عاشت معاهم سنين وهى امهم وحست بده ناحيتهم ومكنتش بتثمل الحب .. هى مش قاسيه زى ما انتى متخيله، مكنتش تقدر تأذى يحي وده لانها اعتبرته ابنها يوم عرفت موضوع هبوط أسهم شركته عرفت انها هى بس مش لسبب غير حبها ليه
- حبها ليه تقوم تخسره الشركه إلى بناها سنين
- مبقولش أنها مغلطتش بس انا بقول أنا مش مستفاده حاجه هى بس عازت أنها ترجعه ليها .. شافت انك خدتيه منها ولما يحي شركته تقع هتسبيه ويعرف أنها هى إلى حبته بجد بس هو مرحلهاش وده إلى ندمها اكتر .. فى يوم روحت اطمن عليها من بعيد عرفت أنها بتعقد تسنانا عشان نرجع .. قاعده فى القصر وحيده على أمل أننا نتلم حوليها من تانى .. بروحلها بس مبعقدش معاها كتير لأنها بتكون ساكته وكأنها مش عايزه تتكلم يدوبك بشوفها وامشي واقول للخدم لو حصل حاجه يتصلو عليا .. مبتتكلمش كلمتين على بعضهم معرفش إذا كانت زعلانه منى من اخر مره او مستنيه حاجه منى ترجعها من جديد
- والله يا احمد أنا مش عارفه اقولك اى بس مقدرش اقول انى مصدقه الكلام ده على والدتك مقصدش حاجه بس ... ما علينا لو هى فعلا بتحب يحي هتجيله ولو مش كده هنضطر نحاول معاها وانت ابنها اتمنى تقدر تقنعها
- ملهاش لازمه المحاوله
- يعنى ايه عارف انها مش هتوافق
- مقولتش كده
- امال
- هتعرفى بعدين
B
بصت له وقالت - انت اتكلمت معاها ازاى صحيح
- بمجرد ما ذكرت اسم يحي ليها حسيت انها ابتديت ترجع تتكلم على طبيعتها من الأول
F
دخل احمد لقتها قاعده فى اوضتها على كرسي بصمت قرب منها لكنها شعرت به
- اتأخرت اوى المرادى .. أنا بستنا مجيتك عندى
- أنا آسف يا امى
احست بأن دقات قلبها تسرع لذلك اللقب التى قاله ابتسمت بحزن وقالت
- تعالى يا احمد اتكلم معايا شويه قبل أما تمشي وتسيبنى
- حضرتك إلى عايزه تعقدى هنا عرضت عليكى تيحى تعقدى عندى بس انتى مبتتملميش ممكن دى اول مره تاخدى فى الكلام معايا من يوميها
ابتسمت وقفت قربت منها قالت - عشان قلتلى امى .. المرات إلى كنت بتحيلى فيها كأنك غريب بتقضى وأحب وتمشي تتكلم برسميه كانت بتخلينى اتخنق ربنا ما يوريك الوجع إلى بحس بيه
حس بالحزن مسك أيدها قال - متزعليش منى
نفيت برأسها وضع يدها على يده وقالت - كفايه انك رجعتلى
- عايز اقولك على حاجه بخصوص يحي
اتبدلت ملامحها لذكر هذا الاسم قالت بلهفه - يحي
- ايوه
- هو عامل ايه رجع لروح ولا لسا
اتصدم وقال - حضرتك عارفه ازاى
- متتفجأش مكنتش قاعده هنا وغافله حاجه عنكو
- بس يحي مش احسن حاجه
قالت بقلق - ليه ماله
صمت قليلا تنهد ثم قال - عنده ورم خبيث فى المخ
B
- كانت خايفه عليه كأنه ابنها بظبط لما سمعت بس بحاجه زى دى قررت انها تيجى وتشوفه وانا لسا معرفتهاش أننا محتاجينها بخصوص العمليه عشان تقنعه
سكتت روح بصت لأحمد وقالت بإمتنان- شكرا يا أحمد انك كنت بتساعدنى
بصلها من ابتسامتها شعر بالسعاده بادلها وهو يقول- معملتش حاجه .. يحي اخويا قبل أما يكون صاحبى مكنتش هسيبه
ابتسما وهم يطالعوهم بص يحي لروح وشاف ابتسامتها مع احمد اختفت ابتسامه الاثنان لنظرته البارده التى رمقهم لها
- شكله هو إلى مش هيسيبنى فعلا
ابتسمت روح وفلتت قهقه منها لكن ابتلعتها على الفور من نظرته الحاده
- لا أنا كده هيتقرى عليا الفاتحه بجد .. روحى اقفى معاه عشان ميقتلنيش انهارده
ابتسمت اتقدمت منهم وهى تتفادى عين يحي
- روح
قالتها كوثر إليها قربت منها وقالت - نعم
- عارفه أن علاقتنا مكنتش احسن حاجه زمان اتمنى تنسي ونبدأ صفحه جديده
بصت روح ليحي أنها لا تنسي أنها إذا حبيبها لكنها ترى حبها الآن إليه قالت
- اكيد
ابتسمت قالت - خليكى مع يحي
- مش محتاجه توصينى على جوزى بس حاضر
- موصتهوش عليكى عشان عارفه قد ايه هو بيحبك .. بس هو دلوقتى محتاجلك ربنا يخليكو لبعض
فى المساء دخل يحي المطبخ وجد روح واقفه تعد الطعام قرب منها قال
- مالك
ردت بوجه يخلو من التعبيرات - ماليش
قرب أيده من أيدها فتوقفت عما كانت تفعله سار على جسدها دق قلبها اقترب منها وابعد شعرها واقترب من عنقها توترت وهو يقبلها قالت- يحي
هم همم بمعنى نعم لفها ليه وقرب من شفتاها بس روح بعدت عنه بصلها قال- فى اى ياروح انتى مضايقه منى
- اه
يصلها بإستغراب تقدمت منه وقالت بغضب - انت مبتحبنيش وكنت بتكدب عليا طول الفتره دى .. معقول تكون بتحبها اكتر منى اول ما قالتلك على العمليه وافقت وانا إلى كنت بحاول معاك فضلت متمسك برفضك
- مين قالك إلى أنى كنت متمسك بيه .. أنا قعدت يومين بفكر في كلامك بس كنت متردد .. والتردد ده كان بسببك .. خوفى انى أفقدك إلى كان مرددنى .. متزعليش منى أنا وافقت أهو مش ده إلى كنتى عيزاه
بصتله عينها دمعت فخوفها له لم يقل ابتسمت بشكر واومأت له قرب منها قال
- بعدين مين إلى قالك انى مبحبكيش
- محدش قالى أنا قولت لنفسي
- يبقى تتعاقبى
بصت لها قرب منها رجعت لورا قالت - يحي
- هوريكى حبى ليكى
- دى مشاعر غيره وراحت لحالها
- بس مشاعرى لسا موجوده
طلعت تجرى ابتسم عليها وتبعها، دخل الاوضه وهى تقف أمامه جت تجرى مسكها ودفعها على السرير وهو فوقها
- لو لقيتك بتضحكى تانى مع حد مش هيحصل طيب
عرفت انه بيفكرها بأحمد اومأت له بخوف قرب اصبعها من شفتها وقال
- على الله اشوفك بتبتسمى لحد تانى .. هتجنى على نفسك انتى وإلى شاف ابتسامتك .. عشان مينفعش حد يشوفها غيرى
دق قلبها وابتسمت بخجل وحب بصلها قرب منها وقبلها وهو يأخذها فى أحضانه
كان يحي لسا صاحى شاردا بص روح التى كانت شبه نائمه بعد شعرها من على وشها وهو بيتأملها حست بايده رفعت وشها من على صدره وبصتله
- منمتيش ليه
ضمته وهى تقول - مش جيلى نوم زيك
ابتسم سكت شويه قال - روح
هم همنا بمعنى نعم فقال - غنيلى
اتسعت قدحتا عيناها رفعت عيناها اليه وقالت - ايه
- صوتك حلو
توترت وقالت - وانت عرفت منين
سكت شويه وهو بيغتكر زمان قال - مره كنت معدى من اوضتك فى القصر سمعتك بتدندهى بس باغانى الكرتون كنت عايز اضحك وده الى استغربته وقتها انك قدرتى تخلينى ابتسم ورغبتى انى اضحك تكاد تكون معدومة بس اتغيرت يومها، معرفش ان فى سر له بعدين وانك فعلا هخلينى اضحك وابتسم زى دلوقتى
ابتسمت روح بخجل بصلها قال - الدندها بتعتك كانت ناعمه عشان كده عرفت ان صوتك اكيد احلا دلوقتى فغنى يلا
سكتت شويه بصتله وكان فى انتظارها
"وعرفت قيمتك لما بعدت ورجعت بعد فراق"
"جربت اعيش من غير هواك وادى النهاية"
"انا بعد منك توهت وضيعت انا ضيعت مالاشواق"
"وانت كمان ضيعت وبجد حرام كفاية
"احساسي بيك يا حبيبى لما رجعت ليا .. زى الى اول مره بيحس بأمااان "
خليك معااايا .. انا مش هسيبك مرة تانية مهما كان
خليك معايا انا مش هكرر غلطتى وياك زمان"
رأى دمعا فى عينها احساسها بكلماتها التى دبت فى قلبه وكأنها تحدثه تعتذر له عن هذا البعد وتخبره الا يبتعد، هل يخبرها انه هو الآخر خائفا مثلها، خدها فى حضنه قال بهمس
- بحبك
حضناه هى الاخره وتحاول كبح دموعها قالت- وانا كمان
مر اسبوعان وكان فى ذلك قد جهز كل شئ لسفر يحي إلى سويسرا فهو سيتمم العمليه هناك كانت روح حضرت مستلزماته إلى هناك دخل بصلها كانت بتتاجهله
- هتفضلى زعلانه كده كتير
- لى متاخدنيش معاك يا يحي .. لى عايز تروح لوحدك حتى احمد مانعت أنه يكون معاك .. ممكن احجز طياره واجى معاك مش هعطلك والله بس اكون جنبك
- مينفعش ياروح .. مينفعش تيجى لو ..
- لو اى يا يحيى ؟!
تنهد قربت منه قالت- لو اى .. انت راجع صح .. اوعدنى انك هترجعلى أنا هستناك متتأخرش
بصلها ابتسم ابتسامه خفيفه ليطمأنها وقال- حاضر يحببتى ممكن تهدى بقا
اومأت رغم خوفها ودقات قلبها التى على وشك التوقف
- يلا يا يحي
قالتها كوثر إليه بصلها قال - حاضر
بصله لروح ابتسم وقبلها من رأسها قبله رقيقه قال- خلى بالك من نفسك
اومأت له وهى تقول - وانت كمان
ابتسم واومأ بالكاعه قرب من والدته مسك أيدها بحب ربتت عليها بحنان وقالت- ترجع بالسلامه متخافش عليها أحنا معاها هى مش لوحدها
- عارف
ابتسمت له نظر لروح منظره وداع دمعت عينها وكان هو الآخر ينظر إليها وكأنه يروى عيناه رؤيتها تنهد ومشي
خرج وكان عماد وأحمد وعلى ينتظروه قال عماد
- ترجع بالسلامه
قال على - ربنا معاك دكتور إدوارد شخص ناجح عرفت انه إلى هيعملك العمليه .. إنشاءالله خير
- شكرا
قرب احمد من يحي خد شنطته لم يكن بها الكثير قال- ياريت متمانعش مجيتى معاك المطار كمان
كان متضايق منه لأنه أراد أن ياتى ليكون بجانبه لكن يحي يرفض أن يصطحبه أحدا فى تلك السفريه التى لا يرتاح إليها، كانو متضايقين منه فكيف سيتواصلو معه لكنه أخبرهم أنه لن يقطع اتصاله، تقدم من السياره سمع صوت من خلفه
- يحي
وقف لف وكانت روح ركضت إليه وعانقته بصلها تنهد وبادلها العناق وهو يشعر بالحزن والخوف ولا يريد أن يخرجها من بين اضلعه همست له وهى تقول- متتأخرش هستناك
- حاضر
كانو ينظرون إليهم حم حمم عماد بحده ابتعدت روح بحرج وخجل
- يلا يا يحي عشان طيارتك
بص يحي لروح ابتسم وابتعد عنها فتح باب السياره يصلها ابتسمت له بص قدامه واتبدلت ملامحه وعينه مدمعه وكأنه يخفى حزنا، تنهد ودلف لتذهب السياره ويبتعدا عن ناظريهم
دخلت روح وهى تشعر بالحزن قعدت ولا تعلم لما لا تشعر بالارتياح أنها قلقه كثيرا قعدت كوثر معاها قالت
- متخافيش يا روح إنشاءالله يكون بخير
- يارب
جلسو وبعد قليل عاد احمد وأخبرها أنه قد صعد الى طائرته وبعد ثلاث ساعات ونص سيكون قد وصل، فانتظرت روح على اخر من الجمر اتصاله
مر اربعه ساعات ولم يتصل بعد كانت قلقه لحين ما سمعت صوت هاتفها اسرعت بالذهاب إليه وردت عليه
- يحي
- اى ده عرفتينى بالسهوله دى
ابتسمت من مزاحه واتطمأنت كثيرا قالت - وصلت
- اه معلش لو اتأخرت عليكى فى اتصالى شكلك كنتى مستنيه
- عادى المهم تتصل بيا علطول وانت هناك وعرفنى اخبارك
- حاسس انى بكلم امى مش مراتى .. بس حاضر
ابتسمت طلبت منها كوثر أن تحدثه فاعطته لها وكان يحي يريد الحديث معها هى الأخرى
- ربنا معاك يا يحي وترجع سالم
حست روح بدوار قربت منها كوثر عشان ايدها الهاتف بس روح أيدها على بقها وبعدتها عن طريقها على الفور وهى تركض اتخضت كوثر من فعلتها التى لم تفهمها
- فى حاجه يا امى
- معرفش روح جريت شكلها فيها حاجه
قال بقلق - روح مالها
- متخفش هى كويسه .. خلى بالك انت بس من نفسك
وانهو المكالمه ذهبت كوثر لترى روح اين هى كانت تتحسس الغرف سمعت صوت توجهت ناحيته وكانت فى الحمام قالت
- روح انتى كويسه
كانت روح بترجع جوا وحطا أيدها على بطنها بتعب
كانت كوثر واقفه لقت الباب بيتفتح وروح تخرج قالت - مالك حصل حاجه جريتى كده لي
قالت بحزن - مفيش يحي قفل
- اه كنتى عايزه تكلميه
- خلاص عادى هو هيتصل تانى
- اه إنشاءالله
- طيب
جت تمشي بس داخت ووقعت أرضا اتصدمت كوثر انحنت قربت منها قالت- روح
تحسست وجهها وعلمت أنها اغشي عليها نادت عليهم جاء عماد وانصدم وهو يرى ابنته ملقاه على الأرض اسرع اليها وقال
- روح .. اى إلى حصلها
- معرفش والله لقتها وقعت من طولها
جه على وبص لروح اتصدم بصله عماد وقال- اطلب الدكتور
- حاضر
حمل عماد أبنته فهو لا يزال فى قوته وايضا روح ليس بثقيله وجسمها هزيل، حطها على السرير وكان قلق عليها قربت كوثر وحطت أيدها على جبهتها لقتها متعرقه رغم أن جسمها بارد استغربت
فتحت روح عينها بصت على الغرفه وكانت كوثر بجانبها وعماد واقف ينظر إليها اتعدلت فى جلستها منعتها كوثر وهى تقول- خليكى مرتاحه
- هو حصل اى أنا مش فاكره حاجه
ابتسمت كوثر وقالت - مبروك يا روح
بصتلها روح باستغراب وقالت- مبروك على ايه؟
- انتى حامل
اتبدلت ملامحها لصدمه كبيره
يتبع...
لقراءة الفصل السادس والثلاثون اضغط على : ( رواية روح جحيمي الفصل السادس والثلاثون )
لقراءة باقي الفصول اضغط على : ( رواية روح جحيمي )