رواية خدعتني بحبها الحلقة السابعة 7 بقلم سلمى تامر
رواية خدعتني بحبها الجزء السابع 7 بقلم سلمى تامر
رواية خدعتني بحبها البارت السابع 7 بقلم سلمى تامر
 |
| رواية خدعتني بحبها الفصل السابع 7 بقلم سلمى تامر |
رواية خدعتني بحبها الفصل السابع 7 بقلم سلمى تامر
ابتسمت بسخريه
_واضح انك هبلة ومش عارفه بتكلمي مين
يابت ده انتِ متسويش حاجه ومتحصليش خدامه حتى في قصرنا
وبعدين مش مكسوفه من نفسك وانتِ عارفه ان كرم بيعشقني حرفيا ومتجوزك علشان ينتقم مني
سهيلة بصتلها بشر وغيظ وحبيبة ضحكت بتسلية
_بتبصيلي كده ليه..ايه مش بقول الحقيقه اللي انا وانتِ عرفينها كويس اوي
_حبيبة
سمعت صرخة كرم بإسمها بغضب واللي كان بيبصلها بشر
_اخرسي ومسمعش صوتك واللي تأمرك بيه سهيلة هتعمليه
قولتلك قبل كده وهقولهالك تاني انك مجرد خدامه عندنا
بصتلهم ببرود ولامبالاه
_وانا مش هعمل حاجه وعلى ما في خيلكم اركبوه
دخلت اوضتها تاني وقعدت تفكر في اللي هتعمله بعدين
مسكت تليفونها وطلعت صورها هي وسيف وانفجرت في العياط
قد ايه كان باين انهم بيعشقوا بعض وانهم عمرهم ما هيتفرقوا
ازاي قدر يخونها..وهي ازاي قدرت تتجوز واحد غيره حتى لو بهدف الانتقام منه
فضلت تقارن بين سيف وكرم ولقيت ان سيف يكسب بإكتساح وانه مكنش بيقدر يشوف دمعة واحده بس من عينيها
________________
عدى شهر على جوازهم وحبيبة بتحاول تبان طبيعية رغم ان الندم أكلها وبقيت بقايا انسانه محطمه
قررت ان كفاية كده وهتطلق من كرم وترجع لحياتها القديمه وتنسى اللي فات
استغليت ان سهيلة مش في البيت وقررت تفاتحه النهارده لما يرجع من الشغل
بعد كام ساعه رجع كرم وكان شكله مش طبيعي
_كرم...انا عايزة اطلق
بصلها بغموض ونظرات مقدرتش تفسرها وكررت كلامها تاني
_في ايه ياكرم مترد عليا..بقولك عايزة اطلق
قرب منها وبصلها بنظرات شهوانيه واتكلم بعدم اتزان
_انتِ حلوة اوي...هو انا ليه سايبك لحد دلوقتي
نظراتها اتحولت لخوف واتكلمت بترجي
_كرم انت شكلك شارب حاجه.. علشان خاطري طلقني بهدوء وسيبني امشي وانا اقسم بالله ندمت على اللي عملته معاك ومستعده اعمل اي حاجه علشان تسامحني
_امم يعني عايزاني اطلقك علشان ترجعيله صح
ترجعي لحبيب القلب اللي اتجوزتيني بسببه
بالبساطه دي
_انا اسفه...علشان خاطري ياكرم حاول تسامحني وتنساني وتكمل حياتك مع سهيلة هي بتحبك
دموعه نزلت وبصلها بقهر
_طب ليه ضحكتي عليا من الاول وعيشتيني في امل انك بتحبيني
ليه بعد ما طلعتيني لسابع سما نزلتيني لسابع ارض
انا عملتك ايه علشان تعملي في كده
سكتت بخجل وندم وكرم صرخ فيها
_ردي
_كرم اناا
قاطعها وهو حاطط ايده على بقها
_شش متكمليش..هطلقك حاضر
بس قبل ما اعمل حاجه تفضل كسراكي العمر كله ومتقدريش تتعافي منها وعمرك ما هتنسي اليوم ده
ومش هاخد اي عقاب منا جوزك بقا
بصتله برعب وهو بصلها بإبتسامه شريرة وابتدى يقلع هدومه و..
يتبع...
لقراءة الفصل الثامن اضغط على : ( رواية خدعتني بحبها الفصل الثامن )
لقراءة باقي الفصول اضغط على : ( رواية خدعتني بحبها )