رواية أبنة الراقصة الحلقة التاسعة 9 بقلم روزا
رواية أبنة الراقصة الجزء التاسع 9 بقلم روزا
رواية أبنة الراقصة البارت التاسع 9 بقلم روزا
 |
| رواية أبنة الراقصة الفصل التاسع 9 بقلم روزا |
رواية أبنة الراقصة الفصل التاسع 9 بقلم روزا
هدي خبطت خبطه خفيفه علي الباب المقفول استنتجت أنه جوا كان مفتوح قبل ما تنام وصحيت لقيته مقفول .. خبطت خبطتين بخفه ورجعت لورا وبعيدن خبطت تاني ..
رامي من خلف الباب : امممم محتاجه حاجه .
هدي: لا مافيش حضرت الفطار مش هتفطر .
رامي باستغراب : طيب ثواني .
هدي : مستنياك .
رامي غير هدومه وفتح الباب واتفاجئ أنها حضرت كل حاجه ومستنياه .
رامي : اي الاكل دا كله انا مش هاكل كل دا .
هدي : معلش لازم تفطر امال هتكمل يومك في الشغل اذاي.
رامي وهو بياكل : لا انا مش نازل .
هدي وهي بتقف : ليه مش هتنزل لي .
رامي بتعجب : انتي يعني هبله ولا اي انا محتاج ارتاح هو انا واقع من علي السرير دول عربيتين خابطيني .
هدي : عربيتين لي هما كانو قاصدينك يعني .
رامي : هتعرفي في الوقت المناسب .
هدي بقلق : طيب والنبي انت تعرف عماد منين ولي اختارتني انا الي اساعدك .
رامي وهو بيخرج زفير : مالكيش دعوه اعرف عماد منين انا وعدتك مش هيلمسك بس ما تغدريش بيا ...كمل بفضول بس انا ممكن اسمعك لو حابه تتكلمي .. انا محتاج اعرف عنك كل حاجه عشان لو بابا دور ورايا الحق اتصرف ... احكيلي كل حاجه عنك وعرفتي وعماد اذاي .
هدي بتوتر : اسمي هدي رضوان بس أنا فولت لباباك ان اسمي هايدي .
رامي بإعجاب : اسمك جميل اوي... بس كويس انك قولتي كدا زمانه بيدور علي اصلك وفصلك .. معلش كملي .
هدي : ااا انا يعني ما كنتش عايزه اتجوز بس اتجوزته عشان اهرب من زن جوز امي عليا ...كل شويه عايزني اشتغل معاهم بس انا ما كنتش موافقه وهو مش عايز يصرف عليا عشان ما بشتغلش معاهم .. دا حتي طلعني من التعليم وانا كنت شاطره اوي كنت تالته ثانوي وما دخلنيش الامتحان السنه اللي ابويا مات فيها ...و كملت بعياط :امي اتجوزته بعد ما مات ب اربع شهور بس وكأنها ما صدقت .. كنت موجوعه منها اوي لدرجه ما كنتش عايزه اكلمها بس عيشت ونسيت التعليم ونسيت الحنيه مع موت ابويا .. ودخلت في نوبه عياط هستيري .
رامي من غير ما يحس مسك ايديها وطبطب عليها هدي استغربت لأول مره تحس ان حد حاسس بيها وواقف جمبها .
رامي : طيب وعماد .
هدي : عماد دا اكبر مقلب اخدته في حياتي انا بكره نفسي اني عرفته وقبلت اني اتجوزه .. وسكتت شويه وبصتله .
رامي بتشوق : ها كملي .
هدي فضلت تحكي كل حاجه عملها معاها والي هي عملته فيه لحد ما قابلته في الشارع ..
رامي : يااااه هوفي حد كدا بس انتي بردو دمرتي رجولته دا تلاقيه فاكر أنه ...
هدي : كان عايز يتجوزني عشان فلوس أمه اللي خدها منه جوز امي .. كان هيقتلني بس هربت نفدت بعمري ..
رامي : بس كويس أنه ما قريش منك كان زمانك كراهه نفسك .
هدي : مش عايزاه يقربلي حتي لو ما كانتش دي الحقيقه وكان كويس انا مش عايزه اتجوز واخلف بنت ابهدلها زي ما اتبهدلت ولا اتجوز واحد عايز يشغلني رقاصه واصرف عليه انا عايزه افضل لوحدي كدا .
رامي بصدمه : رقاااصه .
هدي : ايوه رقاصه كان عايز يتاجر بيا عشان أمس خلاص بقي سوقها وقف .
رامي : هدي انا عايز اقولك اني ما اعرفش عماد بس قولتلك كدا عشان تقبلي تساعديني بس دلوقتي اوعدك مش هسيبك غير وانتي متطلقه منه واعتبريني اخوكي ..
ابتسمت هدي :يعني بجد هتخليه يسيبني .
رامي : ااه طبعا دلوقتي تسمعيني كويس لان في ضيفه أنا متأكد انها جايه في اي وقت ..
___________________rose __________________
الحاجه سعاد : يا نوسه يا نوسه .
نوسه : يا حجه.
الحاجه سعاد : اقعدي يا بنتي عايزاكي .
نوسه : أمري يا حاجه .
الحاجه سعاد بحرج : معلش يعني أنا شايفاكي كاشفه شعرك ولبسك يعني مش مناسب لأخلاقك .
نوسه : والله يا حاجه انا اتعودت علي كدا خصوصا يعني اني كنت متربيه في بيئه مش نضيفه اوي يعني زي ما انتي فاهمه .. بس كنت بعمل زي ما بيعملوا اللي حوليا.
ونزلت عينيها في الأرض بخجل .
الحاجه سعاد : طيب ما تجربي وبعدين ما تنسيش انا مش عايزه حد يقول الحاجه سعاد البنت اللي عندها بتلبس كذا ولا يقول عليكي كلمه انتي بردو في زمتي مهما كان .
نوسه بحب وإحساس اول مره تعرفه : اللي تأمري بيه يا حاجه .. انتي حنينه اوي يا حاجه يامه كان نفسي امي تبقي في حنينك .. وفرت دمعه هاربه من عينيها .
الحاجه سعاد بحنيه : يا حبيبتي يا بنتي انا عمري ما هسيبك تتبهدلي تاني وإن شاء الله انا الي هجوزك بإيدي .. بس يعني ما ينفعش تغيري اسمك دا .
نوسه : انا اسمي الحقيقي ايناس بس هما كانو مسميني كدا عشان اجاري الجو .
الحاجه سعاد : انا سامعاكي من الصبح تقولي اجاري الجو والناس حواليا هو يا بنتي كانو بيشتغلو في حاجه حرام ولا اي .
نوسه بخوف من رد الفعل : بصي يا حاجه انا مش هخبي عليكي انا هقولك بس وحياه سي حسين عندك ما تقوليله اني قولتلك حاجه .. انا كنت بشتغل عند رقاصه و وجوزها كان هو اللي مشغلها.. بس انا كنتش بشتغل معاها انا كنت بقلعها والبسها واعدلها هدومها انضف البيت كدا يعني .
الحاجه سعاد بابتسامة : مش مهم يا بنتي الشغل مش عيب المهم انك تحافظي علي شرفك وكرامتك قوميةكدا معايا ..
البسي دي ودا ودول وتعالي فرجيني ..
يتبع...
لقراءة الفصل العاشر اضغط على : ( رواية أبنة الراقصة الفصل العاشر )
لقراءة باقي الفصول اضغط على : ( رواية أبنة الراقصة )