رواية الوقوع في الغرام الحلقة الثامنة 8 بقلم هند الحجار
رواية الوقوع في الغرام الجزء الثامن 8 بقلم هند الحجار
رواية الوقوع في الغرام البارت الثامن 8 بقلم هند الحجار
 |
| رواية الوقوع في الغرام الفصل الثامن 8 بقلم هند الحجار |
رواية الوقوع في الغرام الفصل الثامن 8 بقلم هند الحجار
دخلت المكتب وهى حاولت تمنعنى فزقتها هادى اول ما شافنى وقف وجه عندى وقال :
_ هند تعالى ادخلى فى اى ؟!
اتكلمت السكرتيرة :
_ حضرتك دى زقتنى ودخلت بالعافية ازاى حضرتك تعرف الاشكال البيئة دى
بصيت وقولت بزعيق :
_ سامع ي هادى بتقولى اى وبتغلط فيا ازاى ،انا ساكتة لحد دلوقتى لأنى محترمة وجودك ، انا اسفة ي هادى انا ماشية ، انا اتزهقت هنا بما فيه الكفاية !!
كنت ماشية ودموعى نزلت غصب عنى هادى مسك ايدى وقال :
_ استنى هنا راحة فين ، ده هى اللى تمشى وانتى اللى تقعدى ،خشى اقعدى على مكتبى ي هند
بصيت ليها بأبتسامة انتصار ، ودخلت ومسحت دموعى وقعدت أما هو فسمعته وهو بيزعقلها وبيقول :
_ أما انتى فهكتفى بتحذيرك بس ،هند دى خط أحمر فاهمة ولا لأ ، وتقدرى تروحى تمسكى قسم الحسابات ، وهند هتمسك مكانك ،واتعلمى بعد كدا تعاملى الناس بأحترام ،احنا كلنا بشر ومفيش بينا فرق فاهمة ولا لأ ؟!
اتكلمت هى :
_ يعنى حضرتك بعد خدمة معاك خمس سنين ، تعين دى مكاانى
قال وهو رايح يقعد على المكتب :
_ انا مكنتش هعينها مكانك ولا حاجة ، انا كنت هخليها معاكى تساعدك ، بس بعد الأسلوب ده واللى اتعاملتى بيه معاها ،انا هكتفى بيها بس ، على الأقل هى بتعرف تتعامل مع الناس بأحترام وأدب ، اتفضلى اطلعى
بصتلى بغيظ وطلعت وقفلت الباب ، بصيت لهادى بأبتسامة وقولت :
_ ده انت طلعت مسيطر جامد على فكرة ؟!
قال وهو بيقعد على المكتب :
_ امال اى ي بنتى ، بصى انا ههزر معاكى بس لوحدنا ، إنما قدام الناس هيبقى فيه رسمية شوية ، لأن انا هنا صاحب الشركة فاهمة ؟!
هزيت راسى بمعنى ماشى
هادى ابتسملى بلطف وقعد يشرحلى هعمل اى بالظبط ، وانا حاولت افهم على قد ما اقدر وفى الاخر بعد ما خلص قال :
_ هااا فهمتى ي هند هتعملى اى ،لازم تكونى واعية وعارفة ده ملف مين ومين وتظبيط المواعيد وكل ده
جيت ارد لقيت لؤى دخل ومعاه يوسف
لؤى وهو بيقعد :
_ تعالى شوفه المجنون ده انا تعبت منه بجد
يوسف كان واقف وبيبصلى ومتفاجئ أن موجودة فى الشركة
هادى وهو بيقوم وبيروح عند لؤى :
_ اى فى اى مالك ي يوسف ؟!
يوسف مردش وراح ناحيتى وابتسم وقال :
_ هند اى ده انتى بتعملى اى هنا ؟!
قومت وانا بسلم عليه :
_ انا هشتغل هنا مع هادى ازيك ،الف مبروك على الخطوبة
سلم عليا وقال بحزن :
_ الله يبارك فيكى ، انتى عاملة اى ؟!
جيت ارد لقيت لؤى قطع الحوار وقال :
_ متوهش الكلام وقولت انك عاوز تتجوز سوزى ؟!
هادى بص بصدمة وقال :
_ يعنى اى تتجوزها ، انت اتجننت ي يوسف ، سوزى كل هدفها أنها تسيطر على ممتلكاتك ، ومش بتحبك احنا وافقنا على خطوبتكم عاشان نرضيك لكن مش هنشوفك بتضيع قدام عنينا ونسكت .
يوسف قعد وقال واتكلم وهو بيبصلى وكأنه بيغظنى :
_ انت ظالمينها على فكرة أنا اكتشفت انها بتحبنى وانا بحبها ولازم اتجوزهاا فى أقرب وقت !!
الكلام كان بيوجعنى اوى وكنت حاسة أن تكة وهعيط بجد
لؤى :
_ اممم ،طب اشبع بيها بس فلا تلومن إلا نفسك تمام انا ماشى
لؤى قام ومشى ، وانا كنت ساكتة وقولت :
_ طب انا خارجة ي هادى عن اذنك
خرجت وقعدت على المكتب وانا محتارة ، هو اى ده بجد ، انا مالى انا بحب يوسف ولا هادى ،لى مدايقة انو هو هيتجوز واحدة غيرى ، ولى انا منجذبة لهادى ولشخصيته ،انا تعبت بجد ، احسن حاجة ليا بجد إن لا افكر فى ده ولا ده ، انا لسة صغيرة ، فاهمة ي هند انتى لسة صغيرة
فجأة لقيت سوزى دخلت وقالت :
_ انتى بتكلم نفسك ولا اى ؟!
بصيت ليها وقولت :
_ لا انا لا بكلم نفسى ولا حاجة ،ازيك مكنتش متخيلة إن ممكن اشوفك تانى ؟!
سوزى وهى بتبصلى من فوق لتحت :
_ ولا انا الصراحة ، اوحش حاجة حصلتلى فى يومى إن قابلتك تانى ، معرفش هادى اتجنن عاشان يعين عيلة صغيرة زيك سكرتيرته
مردتش عليها لأن مكنتش فى المود ، حسيت إن التجاهل احسن حل ليا وليها
********************
هادى : يوسف انت بتعمل كل ده ليه انت واعى للى انت بتعمله ، انت اكتر واحد عارف سوزى ،وقد اى هى إنسانة مش كويسة ، يبقا لى تعمل كل ده
يوسف :
_ مش عارف انساها ي هادى ، وعاوز انساها بيها
هادى بحزن :
_ مينفعش ي يوسف انت كدا بتظلم نفسك ، مع واحدة استغلالية ، وهند صغيرة عليك سبها تشوف مستقبلها ، انت مش شايف قد اى هى بريئة ،لسة الحياة قدامها ومحتاجة تخوض تجارب .
يوسف
وهو بيخبط على المكتب :
_ ما هى برائتها دى اللى بتجننى بجد بتخلينى عاوز اقوم احضنها ،هى جميلة اوى بجد
هادى وهو بيبتسم وقال :
_ سبها للنصيب ،و هى لو من نصيبك فصدقنى هتاخدها غصب عن اى حد ،ولكن متوقعش نفسك فى غلط اكبر ابعد عن سوزى ي يوسف
يوسف بص لهادى وسكت و كأن بيدور فى باله افكار ؟!
**************************
أميرة : ندى انتى فين ي ندى الحقينى اه بطنى بتتقطع
ندى كانت نايمة خالص
أميرة راحت وفتحت الاوضة وصوتت ووقعت على الأرض ،ندى قامت مرعوبة :
_ اى فى اى زلزال ولا اى ؟!
بصت لقت أميرة واقعة على الأرض صوتت اول ما شافتها حاولت تفوقها بكل الطرق مش عارفة خالص اتصلت على لؤى مش بيرد فى الاخر رنت على هادى
هادى فتح عليها وكان يوسف قدامه :
_ انتى بتقولى اى مال أميرة
ندى بعياط :
_ مش عارفة الحقنى ي هادى وقول للؤى انا مرعوبة ومش عارفة اعمل اى
هادى وقدامه يوسف وسامع كل حاجة
يوسف قال :
_ انا هتصل بدكتورة سارة وهخليها تجيلكم فى اسرع وقت ، متقلقوش احنا جاينلكم فى الطريق
***********************
كنت قاعدة برة وفجأة لقيت يوسف وهادى خارجين وبيجروا بسرعة ، وانا مش فاهمة فى اى ، قولت اكيد فى حاجة بس مش عارفه اى هى ، فضلت قاعدة زهقانة فجأة لقيت فى وسط ما انا قاعدة ،سوزى والسكرتيرة اللى اتخانقت معاها الصبح بتاعتها كانوا قصادى
سوزى قالت بشر :
_ مش قولتلك إن مسيرك هتقعى فى ايدى فاكرة أن كنت هسكت على اللى عملتيه فيا كدا بسهولة
جيت ارد لقيت فجأة لقيت السكرتيرة بترش فى وشى حاجة غريبة الدنيا فجأة بقت سودة فى وشى ومحستش بأى حاجة بعدها و !!!!!!!
يتبع....
لقراءة الفصل التاسع اضغط على : ( رواية الوقوع في الغرام الفصل التاسع )
لقراءة باقي الفصول اضغط على : ( رواية الوقوع في الغرام )