رواية عشق بغير حسبان الحلقة الحادية عشر 11 بقلم ندى الشريف
رواية عشق بغير حسبان الجزء الحادي عشر 11 بقلم ندى الشريف
رواية عشق بغير حسبان البارت الحادي عشر 11 بقلم ندى الشريف
 |
| رواية عشق بغير حسبان الفصل الحادي عشر 11 بقلم ندى الشريف |
رواية عشق بغير حسبان الفصل الحادي عشر 11 بقلم ندى الشريف
وإتفاجئت بيها جريت عليا وشدتني بسرعه ورم*تني من فوق الجبل..
فتحت عيني لاقتني نايمه علىٰ السرير!! وتميم بيغير هدومه جنبي..
بصيت حواليا لاقتني في أوضتي انا وتميم الجديدة،
قولتله وانا بمسح العرق اللي علىٰ وشي:_
تميم ايه حصل؟
قالي وهو بيقلع الجرافت:_ ياااه أخيرًا فوقتي.
قولتله وانا بحاول أجمع أفكاري:_
هو انا كنت بحلم!!
قالي وهو بيديني كوباية ماية:_
شكلك حلمتي بحلم زبالة...خدي أشربي.
شربت بوق مايه وقولتله:_
هو مش انا كنت مخطوفه!!
قالي بصدمه:_ مخطوفه؟
قولتله وانا بخبط بإيدي علىٰ راسي:_ مش انت ضربتهم وطلعت تنقذني من الجبل!!
قالي وهو بيبرق:_ جبل ايه؟! يبنتي احنا كنا راكبين العربية ومروحين وانتي نمتي في الطريق!! جيت افوقك عشان نطلع قعدتي تقوليلي مش وقت هزار يا سالم...وجي بي إس...وتكتمي بقك..انا قولت انتي جالك صرع وخدتك ودخلنا وأهلك روحوا.
اتنهدت وقولت:_ الحمدلله...دا حلم زبالة، ايه الأوڤر اللي انا فيه دا؟
قولتله وانا ببص علىٰ لبسي:_ مين غيرلي الفستان؟!
غمزلي وقالي:_ تفتكري مين؟
ضربته وقولتله:_ انت يا معفن.
قالي وهو بيقوم:_ يا ستي أقعدي أمك اللي غيرتلك، انا رايح اخد دوش..
قولتله بتذكر:_ أومال ايه الرسايل اللي كانت بتهددنا دي؟!
لفلي وقالي:_
هو انا مقولتلكيش؟!
"_لأ مقولتليش.
:_مش انا لاقيت اللي كان بيبعت الرسايل دي..
" _بجد..مين؟
:_حازم اللي طردته من الشغل عشانك ساعه الحفله.
"_ياااه...وعملت في ايه؟!
:_متشغليش بالك.
"_طب سؤال.
:_نعم.
"_هيا البت الصفرا اللي كانت جنبك في الحفله..قريبتك؟
:_لأ ليه؟
ضحكت علىٰ خيال الواسع وقولتله:_ مفيش حاجه.
قالي وهو بيخرج:_ هروح انا بقا ومش هعوق..
قومت وبصيت علىٰ نفسي في المرايا، ايه الحلم المرعب دا!!
بس إزاي بجد مجاش في بالي ان الحلم أوڤر!! وجبل وكلاب وسالم سابني وجري...ايه كل دا.
فتحت موبايلي ورنيت علىٰ سالم...جالي الرد وقالي:_
الو.
" _ايه يا سالم.
:_ايه يا عروسه مالك؟!
"_مفيش انا كنت بطمن عليك.
:_بتطمني عليا دلوقتي...تميم فين؟
"_بياخد دش.
:_اااه عشان كدا فاضيه...طب اقفلي دلوقتي عشان انا في معاد مهم.
" _معاد ايه دا؟
:_معاد مع بسنت.
"_بسنت صاحبتي؟ انت بتشقطها؟
:_يا ستي أقعدي هيا اللي وقعتني...إن شاء الله هنحصلكم قريب..بس في مشكله.
"_ايه؟
:_هيا هبله أوي.
ضحكت وقولتله:_ طب أسيبك بقا مع الهبله.
قفلت معاه وبصيت في السما وانا بشكر ربنا إن اليوم عدا علىٰ خير.
لفيت لما لاقيت تميم داخل بالبرنس وبيفرك شعره بالفوطه.
قولتله وانا بربع إيدي وببتسم زيه:_
علىٰ فكره عيب إني اشوفك كدا.
قالي وهو بيقرب:_
بقا كدا؟
:_أيوا.
جري ورايا وقالي:_
طب تعالي بقا!!
تمت بحمدالله.
لقراءة باقي الفصول اضغط على : ( رواية عشق بغير حسبان )