رواية الجامحه والبدوي الحلقة التاسعة عشر 19 بقلم ميفو السلطان
رواية الجامحه والبدوي الجزء التاسع عشر 19 بقلم ميفو السلطان
رواية الجامحه والبدوي البارت التاسع عشر 19 بقلم ميفو السلطان
 |
| رواية الجامحه والبدوي الفصل التاسع عشر 19 بقلم ميفو السلطان |
رواية الجامحه والبدوي الفصل التاسع عشر 19 بقلم ميفو السلطان
كان كريم وسهيله يتشاجران وهو ينعتها بشرفها لتسمع هيا صرخه من ورائها لتلتفت لتجد امها تقع علي الارض ووجهها شاحب وتلفظ انفاسها لتصرخ سهيله ويخاف كريم ويقترب مسرعا لتهتف امينه خلي بالك من نفسك ومن اختك ماتخليش حد يقول عليكو تربيه مره.. انتو احسن بنات واحسن تربيه انا عارفه يا قلب امك انك انضف واحده خلي بالك من اختك الغلبانه وروحي لجواد اوعديني تروحيله يا قلبي ماتسيبيش حبك يضيعه الخسيس ده..
لتصرخ سهيله.. بس يا أمي اوعد ايه.
لتمسك امينه يدها.. أحلفي انك هتروحيله وترجعيه انت قويه انت لازم ترجعي حبك ومهما عمل اصبري هو موجوع وشاف اكتر حاجه توجع الراجل جواد بيحبك اوعي تسيبي حبك اوعديني .
لتصرخ سهيله.. اوعدك بس ماتسيبنيش.
لتهتف امينه... سيباكي وبدعيلك يجي يوم يفرح قلبك الموجع يا بنت امينه ولفظت انفاسها مره واحده و َتراخت بين يديها لتظل سهيله تنظر اليها بلا وعي.. ماما حبيبتي ماما قومي اخلي بالي من مين.. قومي يا قلبي قومي انت بتقولي ايه ماما فوقي ماما ظلت تهزها وتصرخ.
ليهب كريم ويستدعي حمدي جارهم لياتي مسرعا وسهيله تصرخ وتنتحب وتجمع اهل البيت و َنزلت رودينه مسرعه وقلبها سيقف لياتي حمدي وينعي خبر وفاتها لتصرخ سهيله وتظل تصرخ ورودينه قد اصابها الذهول وتصلبت في مكانها ليحتضنها حمزه بشده ويصرخ بها رودينه انطقي رودينه ماتسكتيش كده رودي والنبي انت عامله كده ليه لتتشنج و َتسقط مغشيا عليها ليحملها حمزه والكل اصبحت حالته بائسه.
فسهيله تنتحب والجد والجده في حاله حزن ورودينه مغشيا عليها وكريم يقف مذعورا وقلبه ياكله فهو السبب في موتها ليمر الوقت وتجري اجراءات الدفن.
اما البنتين فاصبحا في حاله تدمي القلب ولم يعد لهم احد ورودينه قد استفاقت ومنكمشه في احضان اختها لا تريد ان تتركها كانها اصبحت امها وسهيله لا تفعل شيئا ودموعها تنزل بهدوء صامته وقلبها قد مزق من الكل لتبدا في التماسك والعوده لشخصيتها القويه مره اخري وبداخلها تكونت قرارات لها ولكن ما يؤلمها اختها فحالتها غريبه والتصاقها بها مريب فهيا لا تقرب حمزه كانه ليس زوجها او سندها وتلتصق باختها كانها روحها.
لتقترب منها سهيله وتحتضنها وتهتف.. ايه يا حبيبتي هتفضلي كده.. ماما صحيح راحت بس هيا معانا وحوالينا.. لتنتحب رودينه وتلتصق بها لتهتف سهيله.... مالك يا قلب اختك بيكي ايه انت من يوم ماتجوزتي وانت مش طبيعيه وانا حفظاكي وصبرت كتير واقول يا بت انت اللي دماغك بتفكر كتير بس لا فيكي ايه مخبيه ايه.
لتنظر اليها رودينه فكانت في حاله ضعف وموت امها جعلها تحس انها فقدت الامان وان استجدائها لمشاعر حمزه اوجعها كثير لتنهار اكتر لتهمس سهيله.. فيه ايه انطقي انا قلبي مش مستحمل وحياه ماما لانتي قايله..
لتنهار رودينه وتخبرها بكل شئ وما فعله حمزه وما فعله ادهم واجبارها علي الزواج ورضوخها له لانها تحبه واذلاله لها وتفانيها في ارضائه واشعاله واغرائها له لعله يعود اليها ولكنه لا يريدها ويريد ان يذلها وطلبت منه الطلاق ولكنه نهرها وانها ستظل تحت طوعه تمتثل لاوامره.
لتهب سهيله والقهر يحرق قلبها.. بقي البيه اتجوزك غصب وبيذل فيكي وانت سيادتك عماله تغريه عشان يحن عليكي ويبقالك زوج.. ليه مالكيش كرامه ماعندكيش دم.. البيه واخوه بيذلو فينا ويعيبوا واحنا نسكتلهم لا وكمان تلبسيله وتقلعيله عشان يحن عليكي.. نهارك اسود شهر وانت بنت بنوت بتتذلي لده للجاحد ده ليه عملتي ايه. غلطتي اه انما يعمل كده ليه كان ربنا ماجيتيش تقوليلي ليه. هموت منكو لله قلبي محروق واحد يموت امك والتاني يموت كرامتك.. تتذلي لده ليه ترخصي نفسك ليه ليه.. واحد مش عايزك وبيهينك هو وامه وانت تلبسي وتدلعي عشان يتعطف ويحن ويبصلك انت عقلك ايه.
لتصرخ رودينه... بحبه وهو بيحبني بس هو مخه زباله.
لتصرخ سهيله.. حب.. ياختي منعول ابو الحب.. حب ايه اللي يذلنا كده ان كان انت والا انا.. حب.. حب يتعمل فينا كده وتقولي حب حب الذل حب المهانه حب الرخص انا وانت رخاص مابنتحبش ولاد امينه مابيتحبوش كل واحد يتجبي عليهم شويه ولاد امينه مش اد المقام لحمزه بيه و َكريم بيه ومعاهم اللي خلع قلبي وموتني خلاص تقوليلي حب.. الحب ينداس بالرجلين.. بت انت اسمعي بقلك اهوه الواد اللي فوق ده هيطلقك لتبهت رودينه لتنظر سهيله ايوه بصيلي كويس لو كان عايزك ياختي كان حن عليكي انما شهر ذل كفايه اوي انا خلاص هسافر واخدك معايا بكفيانا اوي اللي عملوه ولاد عاصم.
لتهمس رودينه.... اسيب حمزه.
لتصرخ سهيله.... تسيبي ايه هو انت كتي اتاخدتي عشان تتسابي. مانت متسابه ومذلوله ياختي ومرخصه نفسك ونازله رخص للبيه عشان يحن بس لا والله لاحرق قلبك يا حمزه. لتسمع طرقا علي الباب لتستدير وتفتح الباب لتجد حمزه لتبتسم بسخريه َلتهتف..... اهلا..
ليدخل حمزه ويتجه الي رودينه ويقبلها ويهتف ازيك يا رودي عامله ايه.. لتهز راسها وهيا صامته خائفه من اختها.
ليهتف... ايه يا قلبي مش كفايه بقه بيات بعيد عني هونت عليكي.
لتضحك سهيله.. تصدق انك مسخره يا حمزه
لينظر اليها مبهوتا... في ايه يا سهيله مالك بكلم مراتي.
لتضحك عاليا.. مراتك لا والله طب اديني اماره كده وعرفني.
ليقطب جبينه ويتوجس وينظر لرودينه لتنكمش ليحس ان هناك مصيبه ليهتف... هو فيه ايه مالكو معوجين ليه.
لتقترب منه وتهتف باستنكار.. معوجين.. لا مالناش حق نتعوج علي سيادتك.. ولاد امينه تربيه المره مالهمش ينطقو قدام البهوات.
ليبهت حمزه.. ايه كلامك ده انت اتجننتي رودينه فيه ايه.
لتهتف سهيله بغل.... . مالكش دعوه بيها يا حمزه بيه وكلامك معايا انا.
ليهتف.... انت اتجننتي دي مراتي ماليش دعوه بيها ازاي.
لتهتف.. تاني هتقول مراتك تاني ليه انت كت دخلت عليها يا حمزه بيه.
ليبهت ويتراجع مذعورا لتضحك وتهتف.... ايوه نلعب بقه عالمكشوف يابن عمي. هاه... شهرى شهر يا حمزه... شهر خدت البت غصب وتذل فيها عشان ايه انطق كت وصي عليها تتحكم وتعاقب.. كل ده عشان استنجدت بيك وعملتك راجل تروح تنجدها.
لينظر اليها مصعوقا.. لتهتف ايوه عرفت اللي الزباله عمله وانها غلطت بس بصراحه انت تفوقت عالزباله ان كان انت والا اخوك زي بعض ماتفرقش. نصبت نفسك حاكم عليها وتهين وتتجبي عليها و َهيا هبله لا وتقعد معاك وترضي وتراضي سيادتك وانت وامك تسمعوها مافي الخمر ليه يا حمزه بيه حقه. شايف نفسك عليها ليه.. لتصرخ فيه ماتبصلهاش بصلي ايه هتخوفها وانا واقفه انت فاكر ان امي ماتت ومالناش حد لا فوق دانا اخلع قلبك من مكانه واخدها من نن عينك.
ليصرخ.... تاخدي مين انت اتخبلتي دي مراتي بتاعتي.
لتضحك... بجد تصدق انك غلبان.. بورقه وسخه من اي محامي يطلقها منك ماهي بنت بنوت بعد شهر شكلك هيبقي وحش اوي يا حمزه.
لينظر اليها مصعوقا.. هتودينا المحكمه يا سهيله.. هتدخلي ابن عملك المحكمه َتفضحيه.
لتضحك.. ابن عمي.. لا يا راجل بجد انت مصدق نفسك انتو ولاد عم تعر انتو عار والله.. اسمع بقه يابن عاصم البت دي هتطلقها وتنسي خالص ان ليك ولاد عم وهاخدها ونغور من هنا وماتعرفولناش طريق.
ليصاب بالجنون.... اطلق مين انت مجنونه اطلق مراتي وتاخدي مين انت فاكراني هسكتلك.
ليستدير لرودينه... انت ساكته ليه سايباها تبعدنا عن بعض لتنكمش رودينه خوفا وتنتحب. لتهتف سهيله... هيا مش سيباني انت اللي سيبتها يا حمزه شهر وهيا تحت طوعك راضيه وساكته وصابره علي غبائك و َكبرك اختي ما سابتكش وانت ماسبتلهاش حاجه تانيه تقعدها معاك. اختي ماتسابتش عشان ماتاخدتش من اساسه.. بنت امينه ابن عاصم اتجبر عليها واستكتر نفسه وعمل نفسه قاضي وجلاد عقد نقص تطلعها عالغلبانه عشان هبله وطيبه لا وازيدك بقه من الشعر بيت عشان حبتك يا حمزه وانت ماتستحقش الحب ده انت قليل اوي عليها يا حمزه بيه.
لييصرخ.. اسمعي يا سهيله جايز اكون غلطت وغبائي اتحكم فيا انما رودي بتاعتي مراتي لو انطبقت السما ما هسيبهاش ليذهب الي رودينه ويشدها الي احضانه ويهتف رودينه دي قلبي من جوا واستحاله لو علي موتي ماسيبهاش ليقبل راسها.
لتصرخ سهيله وتذهب اليها وتشدها.. ابعد عنها بقلك انت فاكر ان سيادتك تامر فتطاع لا يا بيه مش وقت ماتحب تبعد وتذل تبعد ووقت ماتقرب تقرب انسي انا هاخد اختي واحرق قلبك انت لازم تعيش عمرك تبكي وتنحسر عليها فاكرنا ايه عبيد وانتو أسياد اللي ذيك يا حمزه عويل اه والله مايقدر النعمه الا بعد اما تروح منه. الغرور عندك والكبر كيف بتستمتع بيه.
ليصرخ.... بطلي انا بحبها...
لتضحك.. هاتلي اماره واحده.. من انهي ناحيه.. ليله فرحها فرحتها نيمتها فرحانه. خدتها في حضنك وداديت ودلعت. رودي مش سهيله رودي حنينه عايزه حد بيحس انت مابتحسش وجبله ومقرف بجد.. بتحب ايه يا اخي منك لله.. العبده اللي جبتها وقهرتها هيا اللي بتحبك.. ايوه هيا اللي بتحب استحملت منك ايه شوف.. كسرت فرحتها واستحملت.. قهرتها واستحملت. هنتها انت وامك واستحملت. هيا اللي حبت واحد مايستاهلش. عشان كده انت تستاهل تتساب وتترمي. وهتشوف هقهرك ازاي واخدها منك.
ليهتف بعنف... وانا مش هسكتلك تبعديها عني ظلا يتناحران.
لتنهار درودينه وتصرخ بس بقه بس حرام عليكو بس ارحموني بقه انا بموت لتنهار وتسقط مغشيا عليها ليهوي قلب حمزه ويحملها مسرعا وياخذها ويصعد بها لشقته رغم اعتراض سهيله وصريخها ليستدعي صديقه حمدي ليحضر ويخبره بانهيارها ليعطيها مهدي وينصرف ليظل كل من سهيله َو حمزه جالسان امام بعضهما ورودينه نائمه لتقول اخيرا يا رب تكون سعيد بنفسك يا حمزه.. يابن عمي يا راجلها علي اللي هيا فيه بس يكون في علمك رودينه مش هسبهالك رودينه خلاص خرجت بره دنيتك.
لينظر اليها ويتنهد متعبا ليهتف.. اسكتي يا سهيله انا قلبي تعب كفايه بالله عليكي بصي لاختك وفكري في قلبها ووجعها.
لتهب وتصرخ.. قلب مين انت سيبتلها قلب انت ايه جاحد.
ليهتف... اهدي هيا تعبانه.. انا غلطت يا سهيله ورجعت في كلامي وكنت والله هراضيها قبل ما طنط تتوفي والله كنت هراضيها انا بحب رودينه يا سهيله.
لتهتف.... انتو مابتعرفوش تحبو انتو مش بني ادمين اساسا.
ليهتف.. انا مش كريم يا سهيله ماتحكميش عليا باخويا انا ماليش ذنب في اللي عمله.
لتهتف..... بجد مالكش ذنب وقهره اختي دي وسيبانها شهر تذل فيها وهيا صبره ومابتنطقش ماصعبتش عليك يا حمزه وهيا لوحدها معاك مابتنطقش وصابره جايز تحن عليها انا مش مصدقه انت ازاي جاحد كده وتقلي بتحبها اللي بيحب مايقساش.
ليهتف..... وانت كتي حبيتي فين عشان تعرفي والا ماتعرفيش انت طول عمرك بطولك مابتحسيش بحد وجاحده وماعندكيش مشاعر
لتبتسم اليه بقهر.. صحيح وانت هتعرف منين ان ماعنديش مشاعر لا يا حمزه بيه عندي مشاعر. تصدق سهيله الدكر عندها مشاعر لا وحبت كمان.
لينظر اليها مبهوتا لتكمل... اه حبت يا حمزه وحبت اوي وكتر خيره اخوك قضي عالحب ده ووقع بيني وبين اللي بحبه ومع ذلك ماقسيتش علي اللي حبيته مع انه سابني ماقسيتش يا حمزه لاني حبيت وحبيت اوي ولو انعاد الزمن هحب بس اخوك ما ادانيش فرصه اخوك قتلني وموت امي اخوك ده شر ومنقوع نجاسه غرز غرزته وخلع قلبي.. الجاحده اللي بتقول عليها نتش قلبها من جوا.. انا حبيت وبحس بالحب انت ماحسيستش اختي بحبك لو كنت حنيت وعرفتها غلطها كانت وقفت جنبك مش تلزق فيا بعد موت امها من خوفها انت مش سند يا حمزه ولا عمرك كنت سند رودينه بتحبك ومش حاسه بحبك ولا بامانك عشان كده انهارت. رودينه مش زيي يا حمزه رودينه رقيقه وطيبه وغلبانه ماتستحقش ده.. بتحبك وصبرت وانت ماكفتهاش ولا شبعتها من حبك ولما فقدت امها قلي اترمت في حضنك يا حمزه خدتها بين درعاتك. عارف ليه رودينه اترمت في حضني لانها حست اني امها وامانها وسندها رودينه فقدت كل حاجه وانت مادتهاش اللي يعوضها.. السند مش كلام السند فعل. الحب مش كلمه الحب تحسسها انها غاليه َانت دست ورخصت فيها علي طول دراعك.. لو عندك دم تحس اد ايه انت وجعتها دا لو بتحس من اساسه. انا نازله اهي عندك لو رضت تقعد ودا ماظنش هسيبها. بس بقلك رودينه مش هتقعدلك خلاص لاني همشي يا حمزه ورودينه خايفه ومش هتسيبني هتعملها ازاي هتجبرها والا تحبسها.
ليهب واقفا.... لا هعرفها اد ايه انا بحبها وبعشقها.
لتضحك سهيله.. الكلام حلو يا حمزه.. اسيبك ربنا يعينك علي حالك نفسي اختي تنسعد ماتمناش ليها الهم واللي هلاقيه يسعدها هعمله يا حمزه. مش عند ولا كبر لا محبه اختي اللي يسعدها هعمله لو علي رقبتي ورقبتك وتركته ورحلت مقهورا.
ليقوم ليقترب من حبيبته يتلمسها بحب.. كده يا رودي تقوليلها والله كنت هراضيكي واحطك جوا عيوني للدرجادي خوفتك انا فعلا زباله ومادتكيش الامان. اسبوعين وانت راشقه في حضن اختك وماقربتيش مني اد ايه انا فعلا زباله وهيا عندها حق في كل كلمه وعندها حق اني مادتكيش الامان واني اتجبرت عليكي والله مالاقي ليا حاجه عدله عملتها وانت طيبه وغلبانه واستحملتي. انا فعلا ماستحقكيش يا قلبي بس والله بحبك وبعشقك كنت غبي وطور وفاكر اني لما اعاقبك هتبطلي تقفيلي زي زمان وتقولي حاضر وطيب.. وما كنتش عارف ان حاضر وطيب ماتجيش غصب لا تيجي بالمحبه اراعيكي واديكي امانك ساعتها هتديني اللي انا عايزه لانك بتحبيني.. انهارده خوفي كان رعب ان اختك تبعدك عني وانا مكسوف منها شهر كامل وانت صابره وانا زباله شهر كامل وانت حنينه وانا قاسي بس والله جيت الاخر وقلت خلاص هاخدك في حضني ولا ازعلك ابدا والله كنت خلاص قبل ما طنط الله يرحمها بس انا ربنا بيردهالي وهيعيشني رعب الدنيا انك تروحي مني دانا ساعتها اموت والله اموت قومي يا قلب حمزه وانا هراضيكي والله هراضيكي ظل يقبلها لتتململ هيا بين ذراعيه لتفتح عيونها ليهتف.. حبيبي انت كويسه لتغمض عيونها مره اخري وتفتحهم لتهمس سهيله فين.
ليحس بكلبشه في صدره ليهمس موجوده يا قلبي موجوده ماتخافيش.
لتنظر اليه بوهن..... حمزه.
ليهتف..... عيون حَمزه من جوه.
لتهتف..... انا خايفه هاتلي سهيله.
لتنزل دموعه ويحتضنها...... طب انا اهوه جنبك يا قلبي ماتخافيش والله ماتخافي والنبي يا رودينه حسي بحضني والله ماهخوفك ابدا.
لتهمس...... انت مش عايزني يا حمزه هاتلي سهيله انا خايفه.
ليشدد عليها ويهتف.... بس بس مين دي اللي مش عايزها دانا هموت عليكي يا قلب حمزه ليقبلها ويغرقها بقبلاته والله عايزك وبعشقك وبموت عليكي اوعي تخافي دا حضنك وامانك والله ماهخوفك تاني ظل يقبلها ويمسد عليها نامي يا قلبي نامي حمزه حبيبك مش هيسيبك ابدا.
لتهمس وتتوه.. انا موجوعه وخايفه.. انا حبيتك وانت مش عايزني يا حمزه خلاص هاتلي سهيله.. انا عايزه سهيله سهيله عمرها ماتسيبني.. لتهمس اخيرا انت هتسيبني سهيله مش هتسيبني.. لتنام مره اخري من جراء المخدر وحمزه دموعه تنهمر ويعتصرها بقهر.. الله يخربيتك يا حمزه منك لله.. موجوعه يا عمري اسف والله اسف. حبتيني يا عمري عارف والله وماستحقش الحب ده بس بعشقك والله بعشقك حقك عليا اسف اعمل ايه يا رب والله عايزك َهموت عليكي. اجبلك سهيله ايه بس انت في حضني حضن حبيبك اللي بيعشقك يا قهرك يا حمزه منك لله عملت ايه وجعتها كده ليه منك لله انا كت عارف وحاسس ان هيجي يوم وربنا يوجعني فيها يا رب انا غلطت وقليت ادبي عليها سامحني.. قومي يا قلب حمزه وانا هحطك بعيوني واخليكي ملكه والله ولا يوم ازعلك استغفر الله يا رب ماتبعدهاش عني يا رب لياخذها في احضانه ويظل بجوارها يبثها حبه ووعوده لها بالامان.
*******
عند سهيله كانت جالسه مقهوره ايه يا سهيله هتجبري اختك تبعديها عنه وهيا بتحبه ماتقسيش عليهم ماتاخديش حمزه بذنب كريم لو حمزه عرف غلطه سيبيهم جايز اختك تنسعد وتفرح َانت شوفي حالك بعيد ابعدي يا سهيله عن الكل جواد راح وامك راحت وماعادش ليكي حد من اساسه.. وحشتيني يا امي ماكنتش عارفه اني هبقي وحيده كده لتظل جالسه وتفتح تليفونها وتبعث له رساله قصيره.. امي ماتت يا جواد وبقيت لوحدي يا قلبي كان نفسي اترمي في حضنك بقيت لوحدي انا خايفه اوي خايفه من نفسي حاسه اني هبقي حد مريض جاحد معقد انا خايفه قلبي بيوجعني يا قلبي انت مش هترجعلي خلاص كده كل حاجه راحت يا قلب سهيله.. انا ايه جواد والنبي ارجعلي يا قلبي انا بحبك انا خايفه جواد انا خايفه اخرب بيت اختي انا خايفه ابقي من غير مشاعر انا حاسه اني هتجنن وزي ماحمزه قال هبقي قاسيه َجاحده والنبي يا جواد ارجعلي جوايا بيموت وبتحول لحد غريب ميت انا بموت وهبقي جثه انا مرعوبه يا جواد انا اللي بقرب منه بأذيه انت رحت وامي ماتت واختي هبوظ حياتها.. قلي اعمل ايه.. لتصمت وتنتحب.. اعمل ايه عشان احافظ علي حبك جوايا انا جوايا بيروح الحلو كله بيروح وحاسه اني بقيت لعنه. ابعد يا جواد ابعد خلاص انا بموت ابعد بدل ما اخلي اللي حواليا يكرهوني ابعد يا قلبي انت رحت وانا مت خلاص انا مت خلاص كفايه عليا دنيا لحد كده هو انا يعني كنت فرحت طول عمري انا انكتب عليا ابقي لوحدي واموت لوحدي.. لتغلق الخط وتظل جالسه لفتره تفكر.
لتتوه وتنام من قهرها.. لتاتيها امها في الحلم... سهيله انت وعدتني ترجعي جواد انت وعدتني ترجعي حبك هو موجوع رجعيه واستحمل وصيه امك يا بنت امينه تدوري علي حبك واستحملي عشان تنسعدي اصبري امك بتقلك هيجي يوم وتنسعدي... روحيله يا سهيله اوعي تسيبي حبك.
لتقوم مفزوعه تبحث عن امها لتجهش بالبكاء لتهتف اروح ازاي اذل نفسي ليه اترجاه يعني يرجعلي طب اعمل ايه يا ربي ايه الوجع ده.
كان جواد جالسا ينظر الي السماء وقلبه مخلوع وكلما اغمض راي صورتها وهيا بين أحضان كريم بجسدها العاري ليقوم ويكسر ما حوله كان يعيش ححيما من نوع آخر شخص عشق عشق لا مثيل له وما يحرقه انه هو الذي سعي الي ذلك العشق.. لتنزل دموعه ليخرج صورهم معا ويتلمسهم بحنان وقهر ليقول... ليه ماحبتنيش ليه دانا جوايا حب ليكي هيقتلني ليه.. انا بدوي وقلبي حر عارفه يعني ايه لما اشوف مراتي كده عريانه كان لازم اقتلك ماقدرت ماقدرت لابس عار بسببك عشان ماقدرش اقتلك تفسك في الدنيا هو نفسي ليه ليه دانا كنت بحلم بيومنا مع بعض كنت بحلم بليله بدويه يتحاكي عنها البلد كنت هعملك الحلو كلو ليه يا حبيبتي ليه هو انا قليل قوي كده حاسس اني هموت والله هموت. يا رب يا رب انا بحبها اعمل ايه ليحتضن صورها ويصرخ بحرقه.. اااه قلبي يا عالم محروق مراتي فضحتني ودعست شرفي وماقتلتهاش. غلبت تقلك ابعد ابعد ومافسختش الخطوبه وانت اهبل بس ليه ماكنش عندها الشجاعه تقلك عايزاه. ليصرخ انت تستاهل حرقه قلبك انت اصرخ ويصرخ ليتهالك عالارض باكيا محني الراس يشعر بخلعه قلبه هعيش ازاي من غيرها ازاي ليجهش بالبكاء ويركن علي جانبه ينعي حبه الذي خلع قلبه.
عند كريم كان يجلس في حجرته لا يخرج منها منذ وفاه زوجه عمه والذنب ياكله وينهش قلبه.. انت ازاي زباله كده ماكفاكش اللي حصلك زمان ماكفاكش يا ازبل خلق الله انت راجل انت تخطط وتوقع البت بنجاستك بنت عمك توصمها بعار كده َتموت الست الطيبه الغلبانه انت ربنا مش هيسيبك اخرتك جهنم يابن عاصم ايه الشر ده البت طول عمرها ما اذيتكش ويوم ماتحبك مره توجعها وتعتدي عليها ولما تبعد ترجع تاني توجعها مالهاش حق تقرر وتختار انت زباله هتحب فيك ايه اخص عليك وعلي تربيتك انت اللي زيك حقه يموت الست ماتت بسببك. نعت بنتها بقله الشرف والست ماستحملتش.. الست الطيبه اللي طول عمرها بتحن عليك ولا هانتك ولا وقفتلك علي عمايلك السوده ويوم ماتيجي تتكلم تقفلها وتتبجح وتهين بنتها.. موت الست وانبسطت.. قضيت علي سهيله ورجعتها تموت تاني انت ازاي كده انت زباله زباله ليجهش بالبكاء الله يرحمك يا طنط امينه سامحني يا رب كان الشيطان عميني اعمل ايه بحرقه قلبي والذنب هيخلص عليا اعمل ايه اكفر عن ذنبي ازاي ارجعلها حقيها ازاي.. عارف عمرك يا سهيله ما هترضي عني مانا اللي موت امك انا اللي قهرتها بس غصب عني كت محروق ماليش مبرر بس كنت محروق تسيبيني وتروحيله.. ليظل يبكي.. دلوقتي خلاص اهو اتجوز وسابك وانت السبب يا زباله انت السبب ارتاحت غرزت غرزتك ومزعت قلب بنت عمك ونعتها في شرفها ويوم ماتحب وتدخل حد دنيتها بعد سنين توقع بينهم.. طب اعمل ايه اهو سابها واتجوز ارجعهولها ازاي يا رب اعمل ايه انا تعبان هموت من قهري وذنبي هيخلص عليا خايف حاسس اني هخش جهنم عاللي عملنه.. منك لله يابن عاصم فضحت لحمك منك لله.. ليظل جالسا فتره يفكر ليهب بس لا البت دي لازم تفرح وحقها يرجعلها لا يا كريم لازم ترجعلها حقها وتكفر عن ذنبك لازم تبقي راجل مره واحده في حياتك ليقرر ان يفعل شيئا يعيد الي ابنه عمه المغدوره منه حقها ويعيدها حياتها ليقوم مسرعا والقهر تنهش قلبه ليأخذ عربته ويسرع ليذهب لجواد ليخبره بكل شئ فلم يجده فقد سافر جواد ليعود والقهر متلبسه يشعر بعار ما بعده عار وأثناء عودته كان يبكي بحرقه ودماغه مشوشه لتاتي احد العربات وتصدم عربته لتشتعل العربه ويتجمع الناس بسرعه ويسحبون كريم من العربه ليذهب به الي المشفي كانت حالته ليست سيئه ولكن الله أراد أن يلقنه درسا قاسيا فكريم كان يمتلك من الوسامة الكثير وهذا ما زاد غروره لنزل عليه رب العباد عقابه ان نزع منه تلك الصف وكما وضع فيه صفه الجمال والسوء نزعها عنه بابشع صوره فجانب وجهه قد تشوه تماما ليشعر الكل بالحزن علي ذلك الشاب وما حدث له ولكن كريم يشعر بأنه يستحق ذلك وانه يستحق اكثر من ذلك. لما فعله بعرضه وشرفه. جلس كريم يري وجهه وكيف يبدو ليهتف.. حقك جالك يا بنت عمي في الدنيا ولسه الاخره لسه اخرتك يا واطي قذف المحصنات يا رب تبت انا خايف يا رب سامحني انا عارف اني استحق الحرق بس تبت والله تبت.. عقاب ربنا تم ونزل ولسه عقابك يابن عاصم في الاخره.. ذنب سهيله وامها النفس الطيبه.. منك لله يابن عاصم استني اخرتك وعيش بقه مع ذنبك العمر كله.
يتبع...
لقراءة الفصل العشرون اضغط على : ( رواية الجامحه والبدوي الفصل العشرون )
لقراءة باقي الفصول اضغط على : ( رواية الجامحه والبدوي )