رواية أتجوزني عشان أربيله أبنه بس الحلقة الرابعة والعشرون 24 بقلم رحاب القاضي
رواية أتجوزني عشان أربيله أبنه بس الجزء الرابع والعشرون 24 بقلم رحاب القاضي
رواية أتجوزني عشان أربيله أبنه بس البارت الرابع والعشرون 24 بقلم رحاب القاضي
 |
| رواية أتجوزني عشان أربيله أبنه بس الفصل الرابع والعشرون 24 بقلم رحاب القاضي |
رواية أتجوزني عشان أربيله أبنه بس الفصل الرابع والعشرون 24 بقلم رحاب القاضي
ــــــــــــــــــ
_تاني يوم كانت نيره نازله من بيت خالتها ورايحه الجامعه ولقيت سيف مستنيها قدام الباب ودراعه ملفوف بالقماش الطبي..
نيره بغيظ
انت ايه اللي جابك هنا تاني انت اتجننت..
سيف بدموع
ليه اتجوزتي انا كنت بقيت كويس بيكي انتي يا نيره..
نيره بغيظ
انت ازاي كده علي فكره انا فهماك كويس بس انا مش عبيطه زي اختي..
سيف بحزن
نيره لو سمحتي حتي خلينا نبقي اصدقاء بس..
نيره بزعيق
انت عبيط انت السبب في دمار حياتي، تصدق انا بقيت اكره نفسي عشان بتتعاطف معاك، فأوعي تستني اني اقولك تعالي ادخى حياتي ودمرني براحتك..
سيف
انا مش هدمرك يا نيره، اللي بيخب مش بيأذي وانا هفضل ديما في ضهرك واحميكي..
_قال كلامه ولبس نضارة الشمس بتاعته وركب عربيته البي بيسوقها سواقه الخاص، وفي الوقت ده وصل حازم اللي شاف سيف قبل ما يمشي، ونزل من عربيته وهو متعصب جدا وقال..
حازم
الواد ده تاني؟ انتي شيفاني ايه قدامك عشان تجيبي اللي ماشيه معاه لحد هنا؟...
نيره بدموع
ماشيه معاه ايه انا قولتلك ده تبع نور اصلا وكان جاي اا..
مسك ايدها جامد وقال
تعالي يا هانم فوق وتحكي كل حاجه، عشان قلة ادب مش عايز..
_خافت منه نيره جدا لان حازم اللي بيهزر وبيضحك اول ما بيقلب بيتحول فعلا لشخص يخوف.. وطلعو فوق شقته هو ودخل ورزع الباب جامد..
نيره بدموع
اهدي بس يا حازم وانا هحكيلك كل حاجه، سواء اني احكي ده صح ولا غلط بس انا هحكيلك..
حازم بغضب
سامعك..
نيره بدموع وصوت مهزوز
اا الولد ده كان متجوز نور اختي في السر..
اتصدم حازم وقال
نعمممم انتي بتقولي ايه يا نيره..
_عيطت نيره وكملت كلامها وقالتله كل اللي حصل بينها وبين سيف ورجوعه دلوقتي وهو بيكدب عليها..
حازم بغيظ
وانتي بقي يا بنت امبارح رايحه تنتقمي لوحدك من واد زي ده، انتي عبيطه يا نيرررررره..
نيره بضيق
اهو اللي حصل بقي، وبعدين انا علمته درس عمره ما هينسااه..
حازم
فين الدرس في ام الموضوع ده مش فاهم، هو انتي فاكره نفسك هنادي اللي في دعاء الكروان..وهو بقي احمد مظهر اللي هيحبك وكده..
نيره بغيظ
شوفت اهو انا ما كنتش عايزه اقولك عشان التريقه بتاعتك دي..
حازم قرب منها وقال
فاكره يا نيروو الرويات الفكسانه اللي كنتي بتخليني اقرأها معاكي زمان ان البطله لما بتغلط بتتعاقب يلا بقي عشان هعاقبك..
نيره بتوتر وكسوف
يا قليل الادب يا مش متربي..
حازم
نعم يا قلبي بتندهي عليا، ايه ده انتي خايفه مني يا نيره، ده انا خالتو الله يرحمها زمان كانت بتغيرلك البامبرز قدامي..
وشها قلب احمر وقالت
والله يا حازم لو ملميت نفسك لكون مصوته ونادها لخالتوو..
_حازم قرب منها اكتر وهي ما عرفتش تروح فين من الحيطه اللي وراها...
حازم
بلا خالتو بلا مش خالتو انتي بقيتي مراتي يا حته..
نيره بغيظ
حته بقي تقول لمراتك يا حته، هقول ايه رباية سجون وبلطجيه..
حازم غمزلها وقال
بس زي العسل واتحب ولا ايه؟..
ابتسمت نيره وقالت
ولا ليه، وبعدين اوعي كده متأخره علي الجامعه، ما تيجي توصلني ونفطر بره..
حازم
هو انا جعاان بس جعاان نوم بصراحه، هطلبلك اوبر استني، قوليلي صح هو الواد ده اللي بيجيبلك اسمه ايه؟..
نيره بقلق
خلاص يا حازم مش هيجي تاني انا اديته اللي فيه النصيب..
حازم بحده
اسمه ايه؟..
نيره بقلق
سيف اسمه سيف البدري رجل اعمال فاشل..
حازم
طيب لو ظهراك تاني في اي مكان اعرف يا نيره عشان ما ازعلش..
نيره مسكته من خدوده وقالت
حاضر يا كوكو يا قمر انت..
زقها بعيد عنه وقال
اوعي يا غلسه مش بحب الحركه دي..
ــــــــــــــــــــــــــــــــــــــــــــــ
_في بيت معتز صحي علي صوت المنبه وطلع بره اوضته ودخل المطبخ وكانت مريم بتجهز في الفطار واياد واقف جنبيها وبيقولها..
اياد
يا ماما مش عايز جبنه انا عايز مربي..
مريم
بس احنا اتفقنا لما تخلص الجبنه هديلك المربي..
اياد بضيق
ما هي مش راضيه تخلص..
مريم
خلاص يا ايدووو بقي بطل زن وروح صحي تيته..
اياد بحماس
هروح اصحيها واديها هي سندوتش الجنه واجي اخد المربي..
بصتله مريم بغيظ وقالت
طيب مس هتدوقها يا جزمه وو...
سكتت لما شافت معتز واقف وبصت قدامها بضيق وفضلت تكمل تجهيز الفطار.. وقرب منها هو وقال..
معتز
صباح الخير...
مريم
صبلح النور..
معتز
هي الشغاله ما جاتش ولا ايه؟..
مريم بضيق
اجازه..
معتز قرب منها اكتر وقال
تعبينك يا باشاا معانا معلش..
بعدت عنه بسرعه وقالت بحده
لو سمحت انا مش فاضيه تقدر تستني بره وهجيبلك الفطار...
معتز
هو كل ده عشان سيبتك امبارح وروحت الشغل، ما انتي عارفه الظروف اللي انا فيها لوحدك يا مريم..
مريم
عادي حصل خير..
زعق فيها وقال
ما بحبش ام الطريقه دي اتكلمي كويس..
ردت عليه ببرود وقالت
انت كنت فين لما كلمتك وقولتلك تعالي امبارح؟..
معتز
كنت في الشغل ما كنتش بلعب، طلعان عين اهلي في الشغل وارجع البيت الاقي نكد..
مريم بدموع
انا عايزه ارجع شغلي مش طايقه قعدت البيت...
معتز بضيق
بعد ما تولدي يا مريم..
ضحكت مريم وقالت بسخريه
لا يا راجل هو انت لسه فاكر اني حامل، لا لا كتير عليا والله الاهتمام ده..
معتز
في ايه يا مريم مش هسالك تاني؟..
مريم بدموع
ما فيش حاجه انا لا هزعق ولا هتخانق ولا هتهمك بحاجه وهستني انت اللي تيجي وتحكيلي عشان في الاخر ما تطلعنيش غبيه ومش واثقه فيك..
معتز بعدم فهم
انتي بتتكلمي عن ايه اصلا انا مش فاهم حاجه، بطلي اللغاز واتكلمي علي طول...
مريم مسحت دموعها وقالت
هنزل الشغل امتي؟..
اتنهد بعصبيه وقال
قولت لما تولدي، وبعدين بيتك وجوزك محتاجينك اكتر مالوش لازمه الشغل...
مريم
هكلم المشرفه واقولها اني هرجع الشغل من الاسبوع الجاي...
معتز بعصبيه مسكها من دراعها جامد وقال
هو انا كلامي مالوش قيمه عندك، طيب اقسم بالله يا مريم ما انتي نازله الشغل تاني في حياتك وهنشوف كلامي هيمشي عليكي ولا لا...
_قال كلامه وطلع غير هدومه ونزل راح شغله علي طول، ومريم فضلت تعيط...
ــــــــــــــــــــــــــــــــــــــــــــــ
_ في بيت معتز القديم صحي الدكتور بهاء علي صوت ندي اللي كانت بتناديله وقالت..
ندي
لو سمحت يا كابتن انت يا غيبوبه..
بهاء
الله عيووون خضرا علي الصبح انا بحب العيون الخضراا اوووي..
ندي بحده
احترم نفسك وانت مين اصلا وبتعمل ايه هنا، وفين الظابط اللي جابني هنا..
بهاء
معتز هيجي كمان شويه، انما انا الدكتور بهاء فخر الدين 😉، دكتور نفساني جيت اكشف عليكي امبارح..
ندي بحده
هو انتو حد قالكم اني مجنونه عشان تجيبولي دكتور نفساني...
بهاء
لا لا المريض النفسي مش مجنون، صدقيني من واقع خبرتي ان كل مريض نفسي جه عندي هو عاقل جدا بس اللي جابه عندي ناس مريضه مختله عقلياً اذته لحد ما وصلته لدرجة الانهيار..
ندي بدموع
شكلك ابن ناس ومتربي ممكن تخليني امشي من هنا انا ما اعرفش حاجه عن يوسف ولا عن شغله..
بهاء
صعبتي عليا، بصي انا هكلم يوسف وهقوله يخليكي تمشي..
ــــــــــــــــــــــــــــــــــــــــــــــ
_عدي كام يوم وكان معتز مش بيرجع البيت خالص، وفي المستشفي عند بهااء كان واقف هو ومعتز بره الاوضه اللي فيها ندي، وطلع الدكتور وقال..
الدكتور
يا دكتور بهاء هو الاستاذ جوزها..
بهاء
لا ده المدام اخته..
الدكتور
ااااه طيب الف مبروك المدام حامل..
معتز بغيظ
ناااقص عبط انا علي الصبح، ما متنيل عارف انها حامل، ليه كل شويه تقع ويغمي عليها عايز حاجه تخلي صحتها تبقي احسن..
الدكتور
يا استاذ انا بقولك مبروك عشان المدام حامل في تلات بنات توأم..
بص بهاء ومعتز لبعض بصدمه، والدكتور قال
وفي الحاله دي الام بتكون تعباانه جدا، ولازم تكون متوفرلها رعايه كامله..
بهاء
تمام يا دكتور شكرا..
مشي الدكتور وقال بهاء
وبعدين هتعمل ايه، البنت دي لو حركه مش مزبوطه اتحركتها هتروح فيها..
معتز
ابعتلي ممرضه او اتنين علي البيت عندي، وابقي تعالي كل فتره كده شوفها..
بهاء
وانا مالي انا هو انا دكتور نسا، انا دكتور نفساني والمصحف....
_سابه معتز ومشي واخد ندي رجعها البيت، واول ما نامت علي السرير بتاعها قالت..
ندي
وبعدين انتو عايزين مني ايه؟..
معتز
انا قولتلك هسيبك لما تقوليلي فين مكان يوسف..
ندي ببكاء
ما اعرفش والله، اصلا هو كان مقعدني معاه غصب عني من لما شوفته ق....
سكتت وبدأت تتنفض، ومعتز سالها بخبث
من لما ايه شوفتيه بيخونك مثلا..
ندي بدموع
لو سمحت سيبني في حالي انا ما عنديش حاجه تفيدك..
معتز بحده
لا عندك ولو ما تكلمتيش بسرعه هرميكي في ازبل زنزانه في مصر..
_قال كلامه ومشي رجع بيته واول ما دخل جري عليه اياد وحضنه وقال...
اياد
وحشتني اووي يا بابا، انت كنت مسافر فين ماما كانت زعلانه اووي انك مسافر..
معتز
معلش يا حبيبي الشغل بقي..
وقرب معتز من مامته وقال
عامله ايه يا ماما مش كويسه..
الفت
لا مش كويسه يا معتز...
معتز
ليه كده يا ماما حصل ايه بس؟..
الفت بحده
بزمتك يا شيخ وحياة ابنك ده، لما كنت متجوز ملك الله يرحمها كنت تقدر تتاخر في الشغل من غير ما تقولها؟..
معتز بضيق
ولزمته ايه بس السؤال ده يا ماما؟..
الفت
كنت بتحترم ملك وبتعملها حساب رغم انها بصراحه ما كنتش تستاهل، وعند مريم اللي عوضت ابنك عن مامته وقبلت تتجوزك من غير فرح ولا شبكه ولا حتي عفش جديد حضرتك بتبيع فيها وتشتري علي مزاجك، بقالك اسبوع اهو بايت بره البيت لا نعرف فين ولا بتعمل ايه، ليه بتعمل كده يا ابني..
معتز بضيق
عشان انا اول مره في حياتي امسك قضيه زي دي، وانتو كلكم شوفتو الناس اللي بتعامل معاها عامله ازاي؟..
الفت
يبقي سيبها مدام جايه علي حياتك وعلي بيتك سيبها..
معتز بسخريه
يا ماما هو لعب عيال وبعدين انا خلاص فاضلي تكه واخلص..
الفت
طيب زين بيه النهارده عزومته، روح صالح مراتك ومدها وروحو يلا..
_قام معتز ودخل اوضته لقي مريم قاعده وفي حضنها اياد وبيتفرجو علي اللابتوب، قعد. جنبيهم وقال..
معتز
ممكن اتفرج معاكم..
اياد
قول لماما انا ماليش دعوه..
معتز
طيب يلا بقي انت وماما قومو اجهزو هنروح عند جدو زين وعلا..
مريم
انا تعباانه ومش قادره اتحرك..
معتز
معلش مش هنطول والراجل طالبك بنفسه عشان تروحي وانتي عارفه ما الدرش اقوله لا..
_قامت مريم غيرت هدومها ولبست اياد ونزلو، واياد قعد ورا وهي كانت باصه من الشباك وهي مدايقه..
معتز
ما خلاص بقي يا مريم والله وحشتني ضحكتك..
مريم بجمود
انت في حاجه عايز تقولهالي..
معتز
ايوه وحاجه مهمه اووي..
بصتله باهتمام وقالت
هي ايه اتكلم؟..
معتز غمزلها وقال
بحبك ووحشتيني اووووي..
اتنهدت بضيق وسكتت. وقال معتز بضيق
والله اللي حصل مش مستاهل كل اللي انتي بتعمليه ده..
مريم بدموع
كلامنا في الموضوع ده لما نرجع البيت..
_وصلو بعد شويه، وعلا قابلتهم وسلمت عليهم وقالت لمريم بضيق..
علا
اهلا يا مدام..
مريم
اهلا..
علاء
تعالي يا ميزوو نسلم علي بابي يلا يا اياد..
مسك. معتز ايد مريم وقال
اوكي يلا بينا...
سحبت مريم ايدها منه ومشيت لوحدها، وهو ادايق جدا من. تصرفها.. وبعد شويه قال زين لمعتز..
زين
مالها مراتك يا معتز سيبانا وواقفه لوحدها هناك ليه؟..
معتز
لا ابدا يا عمي بس هي تلاقيها متوتره شويه بسبب ان الحمل جديد..واول حمل ليها..
زين
طيب انا. هقوم اديها كام نصيحه..
_وقام زين وقرب منها ووقف جنبيها وهي باصه علي النيل قدامها وقال..
زين بحده
انتي ازاي تحملي من معتز؟..
مريم بعدم. فهم
نعممم وانت مالك اصلا بحاجه زي دي؟..
زين بغضب
انا جايبك هنا عشان اقولك كلمتين، انتي هتنزلي اللي فبطنك ده، ومش هتخلفي تاني غير لما حفيدي يكبر ويبقي علي الاقل عنده 15 سنه..
اتعصبت مريم وقالت؟؟.
ــــــــــــــــــــ
زين بجمود
اللي في بطنك ده هينزل وانتي مش هينفع تخلفي غير لما اياد يبقي عنده 15 سنه علي الاقل..
مريم بهدوء
كمل كلامك وايه تاني يلا قول قول ما تتكسفش عشان لما اهزأك ما حدش يقولي عيب ده راجل كبير..
زين بضيق
مشكلتك الوحيده انك قويه وانا ما كنتش اتمني تكون الام التانيه لحفيدي كده.، اتربيتي من غير ام واب وكبرتي وبقيتي بنت كويسه حياتك مستقره اتخزلتي من اقرب صحابه ليكي وخطيبك خانك معاها وبرضو مكمله حياتك..
مريم
عارف ايه السر كنت بشرب اللبن وانا صغيره قبل ما انام، وما كنتش بلعب مع عيال وحشه ما اتربتش..
زين بحده
من غير قلة ادب كلامي يتنفذ والا الاختيار هيكون لمعتز عشان لو هو رفض انا هاخد منه حفيدي ومش هخليه يشوفه تاني ابداً..
مريم بغيظ
لا ده انت مصمم تتهزأ بقي والاحترام مش جاي سكه معاك، انت راجل كبير وليك كلمه في البلد بس انا بقي ما بخافش من حد ولو علي احترامي ليك واني اقدرك واجي هنا ده بس عشان خاطر ايااد يبقي حفيدك، انما هتفكر تحرمني من ابني اللي لسه ما جاش علي وش الدنيا او اياد ابني والله العظيم اكلك بسناني فاااهمم يا راجل يا خرفاان انت..
_خلصت كلامها وراحت شالت اياد اللي كان جنب علا وقالت لمعتز بعصبيه..
مريم
انت كمان اتنيل قووم..
معتز بقلق
في ايه يا حبيبتي مالك حصل ايه؟..
مريم بعصبيه
اتنيل قووم انت لسه هترغي..
معتز بص ازين وقال
انا اسف جدا يا باشاا بس اا..
مسكت مريم ايده وقالت
هي طنط الفت ما قالتلكش وانت صغير ما تكلمش العيال الوحشه..
معتز بغيظ
وحياة امك انتي اتهبلتي يا مريم..
_ ما ردش عليها معتز وقام مشي معاها، ورجعو البيت، ودخلت مريم اوضتها وفضلت تعيط...
اياد
بابا هي ماما مالها زعلانه ليه؟..
معتز بضيق
معلش يا ايدوو هي بس تعباانه شويه...
اياد بدموع
يعني هي تعباانه زي ماما وهتسيبني..
قعد معتز جنبيه علي الارض وقال
لا يا حبيبي بعد الشر، بس ميمي تعباانه عشان هتجيبلك بيبي صغير تلعب معاه، انت مش عايز بيبي صغير...
اياد
لا مش عايزه عشان ماما تعبت منه وانا مش عايز ماما تبقي تعباانه..
حضنه معتز وقال
لا ماما مش تعبانه منه وهتخلف وهتبقي كويسه، بس انت بلاش تتعبها الايام دي ولما انا اروح الشغل انت تخلي بالك منها...
اياد
يا باشا انت تؤمر ده انا عيوني ليكم..
معتز بتعجب
امشي يا اياد روح العب عند تيته يا مريم يا صغير انت..
_مشي اياد ودخل معتز عند مريم اللي كانت بتعيط اووي، وقعد. جنبيها وقال بقلق..
معتز
في ايه يا مريم حصل ايه؟..
مريم. بحده
انت بتسأل في ايه، انا مشوفتش في برودك والله..
اتنهد معتز بضيق وقال
هعتبر اني ما سمعتش حاجه بس لسانك لو طول عليا تاني هتزعلي يا مريم..
مريم ببكاء
علي اساس يعني اني مش زعلاانه، انا لو سيف ساب فيا حته سليمه انت دلوقتي بتدمرها بس الحق مش عليك انا اللي غلطاانه اني خليتك تاخد مكان في قلبي انت ما تستهلوش..
وقف معتز قدامها وقال بهدوء
طيب اهدي وقوليلي انا عملت ايه، ولو علي اني بسيبك كتير اليومين دول فاقسم بالله الشغل اا..
ضربته علي كتفه جامد وقالت بعصبيه
بطل كذب انت مش بتسيبني عشان الشغل، انت بتسيبني عشانها، عشان البنت اللي انت بتخوني معاها...
معتز بحده.
تاني يا مريم نفس الكلام اللي كان هيخرب حياتنا زمان تاني..
مريم بسخريه
وهي لسه مخربتش انا تعبت منك ومن حياتك، وكمان واخدني عند حماك القديم وبنته اللي مش بطيقوني، انت حتي يا معتز ما فكرتش فمشاعري انا وهناك هتكون ازاي، المهم عندك انك تكون مرتاح ومريم لا دي كلمتين وهصالحها بس والله المره دي ما هتعدي كده وخلاص..
معتز بحده
شوفتي ايه عليا يا هانم عشان تقولي اني بخونك..
مريم بضيق
ما شوفتش انا سمعت صوتها وهي جنبك وانت بتكلمني في الفون...
معتز بعدم فهم
والله العظبم انا مش عارف انتي بتتكلمي عن ايه...
مريم بعصبيه
لا عارف يوم ما كلمتك من موبيل فتحي وقولتلي انك جاي وسمعت صوتها جنبك بتقولك ااه مش قادره، كنت بتخوني وقتها ولا لا...
معتز بهدوء
لا ما كنتش بخونك دي مرات يوسف فخري كانت هربانه معاه وهو هرب وسابها وانا اخدتها وخبيتها في بيتنا القديم عشان اضغط عليه واخليه يظهر وكمان هي حامل واليوم اللي سمعتي صوتها فيه تعبت جدا واللي اخرني اني طلبتلها دكتور وكده يعني..
مريم بغيظ
وما قولتليش ليه حاجه زي دي من الاول، هو انا لازمتي ايه في حياتك...
معتز
انتي عايزه تتخانقي وخلاص، وبعدين دي اسرار شغل المفروض انتي ما تعرفيش عنها حاجه..
مريم بدموع
ماشي دي هعديها، الكلام اللي قاله الراجل العره حماك ده انت هتعمل فيه ايه؟..
معتز بقلق
قالك ايه؟..
مريم بخوف
قالي انزل البيبي وما افكر اخلف غير لما اياد يبقي عنده 15 سنه والا هياخد منك اياد..
معتز بعصبيه
نعممم هو قالك كده؟..
مريم
ايوه قال ولو سمحت بلاش تخليني اروح هناك تاني..
حضنها معتز وقال
وانتي يا غبيه جايه تساليتي هختار ايه، انتي واياد بالنسبالي واحد مش هقدر اعيش من غير حد منكم..
مريم بسخريه
اممم عشان دلوقتي حامل..
بعد عنها وقال بغيظ
اوعي يا مريم انا مش عارف انتي ليه بتفكري كده، واخر مره هقولك لما دماغك الحلوه دي تصورلك حاجات ما حصلتش تيجي تقوليلي بلاش تكتمي جواكي والا المره الجايه هزعل يا مريم..
مريم بضيق
ما انت لو بتلم نفسك انا دماغي مش هتودي وتجيب، وبعدين انا لسه زعلانه نسيت لما كنت بقولك اني حامل وانت بكل برود سيبتني ومشيت..
معتز قرب منها وقال
ايوه صح افتكرت انا اسف يا حبيبتي، ومستعد اصلح غلطتي دلوقتي يلا بقي اعملي نفس الجو اللي كنتي عملاه تاني بس بلاش الفستان الاسود وشه وحش علينا، خليه الاحمر وهقفل الموبيل خالص اهوو..
مريم بخبث
كان في وخلص يا عينيا، ده انت ايامك الجايه اسود من لون الفستان ولا فيها اسود ولا احمر مافيخاش غير اسدال الصلااه وتقعد هنا بادبك ده انا عشت ايام ما يعلم بيها غير ربنا وهطلعهم عليك..
معتز بغيظ
اقسم بالله الخيانه في امك حلال..
ــــ #بقلم_الكاتبه_رحاب_القاضي ـــــــــ
_ بعد شهر، علي الجبل كان يوسف متعصب جدا، وقعد جنبيه عوض صاحب باباه وقال...
عوض
بكره هنهرب الحج فخري وهيجي علي هنا، اصلا المحكمه بتاعته بكره..
يوسف بجمود
الواد الظابط ده لازم يتقتل..
عوض
هيحصل والله بس مش دلوقتي..
يوسف بحده
لو ده محصلش بكره انا اللي هنزل من هنا بنفسي واقتله، ده دمر حياتي والنار اللي جوايا مش هتطفي غير لما اشوفه سايح في دمه..
عوض بضيق
انت ما بنفعش تنزل اصلا من هنا، انا هشوف حل ليها بس انت مش هتنزل من هنا..
يوسف
انا لازم تجيب مراتي من عنده، وده مش هيحصل غير لو هو مات..
عوض
اعتبره حصل بس اوعي تغفلني وتنزل من هنا فااهم..
_في بيت معتز القديم، كان بهاء قاعد مع ندي في البلكونه..
بهاء
طبعا بقي لما دخلت علم نفس القيامه قامت في البيت...
ندي
طيب ما انت كده كده هتبقي دكتور ايه اللي زعلهم..
بهاء
بابا كان عايزني ابقي دكتور جرااح زيه، وانا عايز ابقي دكتور نفساني هو بقي كان مقتنع ان ازاي دكتور نفساني هيمسك مستشفي كبيره زي بتاعته..
ندي ابتسمت
بس انت اثبتله العكس اهو، اكيد فرح بيك..
بهاء
لا ما هو ما لحقش لما عرف اني دخلت علم نفس راح فيها..
ضحكت ندي غصب عنها وقالت
ههههه انا اسفه اني بضحك بس طريقتك هي اللي بتضحكني..
بهاء سرح في ضحكتها وقال
هو في كده يا شيخه، المهم قوليلي بقي انتي ايه اللي يخليكي تتجوزي مجرم زي يوسف ده..
ندي بدموع
لو سمحت انا مش عايزه اتكلم، انا عايزه ادخل انام..
بهاء بجديه
معتز مش وحش وعمره ما ظلم حد، لو اتكلمتي هيساعدك حتي عشان تلاقي مستقبل كويس لبناتك..
_مسحت ندي دموعها وسابته وقامت وكانت ماشيه بشويش جدا بسبب تعبها الغير طبيعي من الحمل..
ـــــ#بقلم_الكاتبه_رحاب_القاضي ـــــ
_في شقة حازم كان واقف هو ونيره وبيبصو علي الشقه اللي اتفرشت باختيارهم...
حازم
اقسم بالله مش مصدق ان كلها يومين وهنعيش لوحدنا هنا..
نيره كتمت ضحكتها وقالت
غلباان فاكر انك هتعيش حياه رومانسيه..
حازم
لاا رومانسية ايه، ده انا اكتر حاحه نفسي اعملها اني اسغل فيلم رعب وحد يتفرج عليه معايا عشان بخااف...
ضحكت نيره وقالت
هههه طيب عايزه اسألك سؤال هو انت تعمل ايه لو الفرح باظ او انا اختفيت اصلا..
حازم بضيق
ومين بقي اللي هيسمح ان حاجه زي دي تحصل، يعني ابقي صابر كل ده ويجي يوم الفرح يبوظ..
نيره
الله واعلم يمكن يحصل زلزال زي المغرب او اعصار دنيال بتاع ليبيا يجي عندنا..
حازم بغيظ
هو الحج دانيال مش لاقي غير فرحي عشان يجي فيه، اسكتي يا نيره وتعالي بقي نطمن علي باقي الشقه..
نيره
امممم لا مش هطمن علي حاجه عشان عارفه نيتك..
حازم بخبث
يا بت ده انا بقيت جوزك والله يعني اتكلم احضن ابوس اا..
نيره بكسوف
هتاخد بالقلم علي وشك يا حازم عيب كده..
حازم بغيظ
ماشي كلها يومين ولو سمعت كلمة عيب دي..
نيره
ايوه هتعمل ايه بقي..
حازم ابتسم وقال
ولا اي حاجه هو انتي حد يقدر يعملك حاجه يا قادره يا مفتريه...
نيره بغيظ
عيشت وشوفت في حياتي رومانسيه كتير تركي وهندي واجنبي انما الرومانسيه بتاعتك دي انا عمري ما شوفتها..
حازم
محن نختلف عن الاخرون، بقولك ايه وربنا ما هتنزلي غير لما نطمن علي الشقه...
_وفي المكان اللي قاعد فيه عمر دخل عنده خالد وقال..
خالد
خد يا عم انا جيبتلك نسخه من المفتاح بتاع شقة اختك اللي هتتجوز فيها، بس اللي انت عايز تعمله ده هيوديك في داهيه بجد..
عمر
عادي اصلا انا الدنيا ما بقتش تلزمني في حاجه، اخواتي اللي كنت بلحس تراب الارض عشان اريحهم واعملهم اللي هما عايزينه وما اخليهمش محتاجين حاجه وطو راسي وضيعو شرفهم..
خالد
اللي انت شايفه يا صاحبي هيريحك اعمله وانا معاك فيه..
ــــ#بقلم_الكاتبه_رحاب_القاضي ــــــ
_في بيت زين الشناوي دخل معتز وقابلته علا اللي سالته وقالت..
علا
في ايه يا معتز بابا بقاله شهر بيبعتلك عشان عايز يتكلم معاك وانت مش بتيجي وهو اتعصب جدا..
معتز بضيق
علا انتي عارفه انك غاليه عندي زي اختي فلو سمحتي عشان ما نخسرش بعض تخليكي بعيد عن الموضوع ده..
علا بقلق
طيب في ايه طيب فهمني..
جه زين وقال بحده
انا هقولك في ايه، البيه نسي ان عنده طفل والعروسه الجديده لحست دماغه..
معتز بعصبيه
انت مش هتخاف علي ابني قدي، وبعدين انت بصغتك ايه تطلب من مراتي تنزل ابني، بصفتك ايه تدخل في حاجه زي دي اصلا..
زين بعصبيه
بصفتي ان اياد ابنك يبقي حفيدي ومن حقس اخاف عليه ولما الاقيك انت والبنت اللي متجوزها هتهملوه اخده منكم واحميه..
معتز بحده
وانا قولتلك انت مش هتخاف علي ابني قدي، ومش معني اني بحترمك وبعملك حساب اني خايف منك لااا انت فاهم غلط اووي، انا ما بخافش والبي يقرب من عيلتي مش هيبقي عزيز عليا خالص..
علا بضيق
خلاص يا معتز بابا اكيد ما يقصدش حاجه زي كده..
زين بحده
لا اقصد وافتكر كلامك ده كويس فاللي جاي، عشان انت اللي جيبته لنفسك يا ابن فاروق..
معتز بجمود
وانا بقولك لو قربت من ابني او مراتي مش هتشوف مني خير..
مشي معتز وعلا قالت بعصبيه
ليه كده يا بابا، معتز مستحيل يعمل حاجه تتعب اياد..
زين بعصبيه
انتي تخرسي خالص، انا عارف انا بعمل ايه وكلامي هيتنفذ..
علا بغيظ
وانت ليه بتتحكم في حياة الناس كده، هو انا لو مكان مريم انت كنت هتخلي حد يتحكم فيا زي كده..
زين
وانتي من امتي بتحبي مريم دي اخدت مكان اختك، وهي لازم متنساش نفسها انها مجرد مربيه لاياد..
_ادايقت علا وسابته ومشيت طلعت اوضتها، بس قررت انها هتعمل....؟؟؟..
ــــــــــــــــــــــــــــــــــــــــــــــ
يتبع....
لقراءة الفصل الخامس والعشرون اضغط على : ( رواية أتجوزني عشان أربيله أبنه بس الفصل الخامس والعشرون )
لقراءة باقي الفصول اضغط على : ( رواية أتجوزني عشان أربيله أبنه بس )