رواية معاناة زوجة الحلقة الرابعة عشر 14 بقلم ميفو السلطان
رواية معاناة زوجة الجزء الرابع عشر 14 بقلم ميفو السلطان
رواية معاناة زوجة البارت الرابع عشر 14 بقلم ميفو السلطان
 |
| رواية معاناة زوجة الفصل الرابع عشر 14 بقلم ميفو السلطان |
رواية معاناة زوجة الفصل الرابع عشر 14 بقلم ميفو السلطان
. كان شريف بجلس مع اميمه فقال..... مازن كان اخويا وحبيبي وانا حابب اكمل مسيرته وكنت عايز اخدابنه في حضني واربيه.
هتفت اميمه..... تربيه. تربيه ازاي
قال.. .. انا عايز اتجوز خخيجه يا خالتي.. عارف انه صعب بس خديجه مسيرها تتجوز وتخرج خديجه صغيره ومش هتقعد. انا اولي بلحم اخويا اولي بابنه ومايبعدش عن العيله
لتنتفض اميمه وتسيل دموعها
هتف شريف..... والله يا خالتي هحطهم في عيني.انا عايزها يا خالتي وانا اولي من الغريب وابن مازن والله هيبقي في عيني وشوفو عايزين ايه هنفذه بس ترضو انت حبيبتي يا خالتي ومازن كان روحي.
هتفت بغضب.. تقوم تاخد مراته وابنه.
هتف... اخد ايه يا خالتي مازن الله يرحمه والحي ابقي من الميت انا عمري ماهنساه والله بس خديجه حرام تقعد كده واكيد اخوها مش هيسيبها هيقنعها تتجوز انا أقرب يا خالتي.
قالت...... كان علي عيني يا حبيبي بس ماينفعش.
هتف.... ليه يا خالتي.
فقالت... اصل حمزه خلاص طلبها وهيتجوزها.
بهت شريف.. ايه حمزه. اول مره اسمع الكلام ده . بس حمزه ما بيطقهاش ياخدها ليه يا خالتي حرام.
قالت... عشان لحم اخوه يا حبيبي
هتف شريف.... بس كده ظلم ليها حرام تعيش مع واحد مش عايزها. حمزه مش عايز ستتات هتتعسيها ليه يا خالتي.
لتهتف.. مالكش صالح يا شريف احنا عيله وهنكون لبعض سند.
قال.. مش لاقي كلام اقوله بس عَموما انا هتكلم مع حَمزه ليقوم غاضبا.
احست بنار داخلها.. اه رجعت تشتغل هتشوف نفسها وتتجوز وتاخد الواد نهار اسود مازن حبيبي ابنه ماقدرش لا.. صعدت اليها ودخلت عليها الشقه فارتعبت خديجه.. هتفت اميمه بغضب.. ايه يا ست خديجه خلاص ماصدقت الواد مات تدوري تشوفي غيره.
بهتت خديجه..... اشوف غيره يعني ايه
هتفت.. اه مش اشتغلتي هتتفرعني فاكره اني مش هقدر عليكي لا يا ست خديجه هاخد الواد واحرق قلبك.
صرخت خديجه.. واد ايه اللي تاخديه يا شيخه هو انا عبده عندك ارحميني برضه لسه مارجعتيش عن ظلمك.
هتفت اميمه.. ارجع.. لا ابني يموت وانت قاعده ترازيني وعايزه تفرحي وتتجوزيه.
صرخت خديجه.. اتجوز مين انت بتقولي ايه يا ست انت.
هتفت اميمه بغل.. اللي سمعتيه ولو حصل تغوري وتسيبي الواد هاخده من نن عينك وتركتها وخرجت.
انهارت خديجه.. اروح فين اروح فين يا رب ضاقت افرجها والله تعبت
مر الوقت ودخل حمزه علي امه يقبلها ويهتف ازيك يا حبيبتي.
قالت بغل.... ماليش زي في الهم والحزن يا ابن بطني.
استغرب وقال.. مالك بس.
قالت... مالي.. عمر هيروح هو كمان هياخدو الواد مني يا حرقه قلبي يانا.
قال باستغراب... مين اللي هياخد الواد فهميني طيب.
قالت... شريف ابن خالتك عايز يتجوز مرات اخوك.
نظر اليه ببلاهه... مرات اخويا.. مرات اخويا مين.
فصرخت..... فيه غيرها.. خديجه هانم عايز يتجوزها جاي يقلي حلوه وصغيره وعايز ياخدها.
هب حمزه واشتعل.... ربنا ياخده البعيد هو مين اللي هياخدها دانا اخلص عليه هيا سايبه.
قالت اميمه.. ماهي صغيره وحلوه وهتتجوز انا هموت يا حمزه البت مش هتقعد انا عارفه ماهي صغيره يا حرقه قلبي عمر هيروح.
هتف غاضبا.. الواد ده عينه منها من زمان كنت بشوفه بيبصلها وكنت بكدب نفسي انما يجي يطلبها كده يا بجاحته وانا اقول لازق وبيسبسب اتاريه بيضبط الدنيا وهئ ومئ وماشي وراها.. اه يا شريف الكلب .. دانا اخد اجله ولا انه يقربلها.
قالت امه.. مانا رفضت وقلتله خديجه هتتجوز.
نظر اليها محصورة.... . يا نهارها اسود هتتجوز مين دانا اطين عيشتها هيا خلاص الهانم عيارها فلت هتتجوز مين دانا اقتلهولها تسيبني وتروح فين هيا(تسيبك.. انت مين ياض 😂 تاااكس الخانكه ياسطي) والله مايحصل تقعد تترزي هيا فاكراني اهبل أوافق علي انها تروح من هنا .. انطقي مين ده هتتجوز مين في أيامها السوده. خديجه خديجه هتتجوز وتمشي تمشي ماشوفهاش تاني تمشي من بيتي. (ربنا يشفيك وياخد امك 😂😂)
قالت... هتجوزك انت يا حَمزه.
بهت وتراجع.... تتجوزني انا تتجوزني ازاي انت بتقولي ايه.
صرخت... اللي المفروض يحصل نلم لحمنا وابن ابني مايروحش لحد وشركاتنا ومالنا والا هموت فيها هياخدو الواد واموت.
وقف حمزه مبهوتا وقلبه يرجف بشده.. همس بحنان... خديجه تبقي مراتي اتجوزها. وضع يده علي قلبه وسهم... (الواد ماصدق 😂😂
قالت بغضب... عارفه انك ما بتطيقهاش هيا ماتنطاقش اصلا بس نعمل ايه لازم وحياه اخوك ورحمه اخوك في تربته يا حبيبي توافق.
هتف.. ماما انت بتقولي ليه.
هتفت بهستيريه.. بقول اللي هيحصل.. ابن ابني ماهيروحش في حته ابن مازن لو مشي هموت دانا روحي متعلقه بروحه ويجي واحد يكوش بقه علي فلوسنا وتخرب وياخد الواد ويطفشو واعيش بحسرتي.. حمزه لازم تتجوزها هنقهر.
ليتنهد.... طب يا ماما سيبيني هفكر.
قالت بعزم.... لا هتوافق يا حَمزه والنبي البت هتبعد وتتجوز.
قال غاضبا.... دا بروحها تبعد عني (مفضوح قوي 😄😄) .. قصدي تبعد فين وتسيب ابنها هيا سايبه خديجه انا مش هسمح تروح لحد ولا في حته.
قالت.... طب يا حبيبي فكر وانا هكلمه.
خرج ودخل الي المكتب وجلس اغمض عينيه يفكر فيما قالته والدته.. كيف مر بتجربه سيئه َكيف سيعبرها ويدخل امراه حياته وخاصتا خديجه التي تغضبه بشده ورغم رجفه قلبه العجيبه والتي لا يفهمها الا انه ارتاح الي الامر فارجح ان السبب ابن اخيه كان مذبذبا انا اتجوز خديجه.. ازاي طب هعيش معاها ازاي دا بتولع فيا بقعد اعض فيها طول النهار. تنهد ايه اسيبها لشريف هو عايزها انت مش عايزها.
هب واقفا.. اسيب ايه دانا اموتها.. خده ربنا لا ماهسيبهاش. لا مايعوزهاش ولا يبصلها.. لا هعوزها عادي ايه يعني ماهي ست. اه عشان عمر. اه تقعد بالواد. شريف ماينفعلهاش اصلا. وانا خلاص هبطل عض وهبقي هبقي يعني كويس (وهشرب اللبن واسمع الكلام 😂)
مر الوقت ويعود اليه ابن خالته شريف مره اخري دخل عليه قائلا.... اسمع يا حمزه اظن احنا عارفين بعض كويس وانا عارف ان جوازتك من خديجه مش عشان خديجه عشان عمر.
هتف حمزه ببرود.... وايه مشكلتك يا شريف
هتف شريف.. عشان انت مش عايزها وانا عايزها انت هتتعسها وانا هسعدها يا حمزه انت ما بتحبهاش.
ليقف حمزه غاضبا..... وسيادتك بقه بتحبها ايه بتبص لمرات مازن.
هتف شريف.. لا يا حمزه اخوك اللي خدها مني. اخوك اللي خدها قبل َما اتقدم وانا اللي عرفته بيها يبقي انا الأولى.
هتف حمزه بغضب.... اسمع يا شريف مرات اخويا مش هتروح لحد غريب.
هتف شريف حانقا.... مانت بتكرهها ماتسيبهالي افرح بيها.
صرخ حمزه.. انت مالك احب والا اتزفت انت مالك. وتفرح وطين علي دماغك.
هتف شريف.... اولا انت مش والي عليها وحاكم وليها راي تقول وترفض انت ماتقولش هيا ماعادتش مرات اخوك هيا ارمله اخوك يبقي خلاص نسالها هيا اللي تقول.
اقترب حمزه ومسكه من ملابسه..... يمين بالله لو قربت منها لاكون ناسي صله القرابه فاهم وحس علي دمك بقه وراعي اننا اهل.
ظل شريف ينظر اليه بغضب فاستدار وانصرف من حنقه.
استدار حمزه مشتعلا....دخل علي والدته وهتف.. خلاص يا ماما انا موافق كلميها نتجوز بدل ما ينطلنا حد كل شويه لتنسعد الام بابنها وتركها وخرج هاربا من البيت.
دخلت سهام علي حمزه في مكتبه حانقه.. ايه يا حمزه انت اللي سمعته ده.
نظر اليها..... سمعتي ايه.... سمعت انك مش موافق علي جواز شريف من خديجه ليه هو بيحبها.
هتف بغضب.. عشان دي مرات اخويا وابنه وماتطلعش لحد
صرخت بغضب.. وانت بقه اللي هتطلعلك. انت مابتحبهاش ومابتطقهاش وهيا مش بتطيقك اصلا فيه ايه.
هتف هو بغضب.. يا ريت تخليكي في حالك يا سهام.
نظرت اليه بغضب هنا دخلت خديجه عليهم.. هتفت.. حمزه التقارير اللي جبتهالك لما طلبتها.
نظرت اليها سهام.. خديجه شريف كان عايزك بعد ماتخلصي عند حمزه عايزك في موضوع مهم.
نظرت خديجه.. حاضر اخلص مع حمزه.
واستدارت سهام.. مافيش حاجه غصب يا حمزه اطلع منها انت.. وخرجت ووقف هو غاضبا..
نظرت اليه.... فيه ايه
صرخ هو.. مافيش مافيش.
نظرت اليه باستغراب.. طب اسفه اجيلك وقت تاني واستدارت ووقف هو يغلي.. الواد واخته بيلفو عالبت اه عينه هتتخرم عليها الواطي له شهور بيلف عليها وهيا هبله وطيبه ايه الغلب ده. انا بتحرق من جوا دا هم ايه ده استدار وخرج فوجد شريف يقف علي جانب وينظر لخديجه نظرات محبه اقترب هو مسرعا.
قال شريف.. عايز اتكلم معاكي ضروري حياه او موت.
نظرت هيا.... قول عايز ايه.
هتف تعالي.... نقعد في مكتبي استدار .
هتفت.. هودي الورق واجيلك انصرف شريف. هنا اندفع حمزه ووقف امامها وهتف عايزك.
نظرت باستغراب.... خير فيه حاجه..
نظر حوله ثم هتف.... اه يلا هنمشي.
قطبت جبينها.. طب ليه لسه الدوام ماخلصش.
نظر اليها بغضب.. احنا اصحاب الشركه انت عقلك خف.
هتفت باستغراب.. طيب هروح اشوف شريف عايز ايه الأول.
قاطعها حانقا.. لا ماتروحيش نظرت اليه باستغراب فهتف .. يلا يا خديجه ماتخنقنيش.
تنهدت واستدارت وراءه بغلب ونزلا وركبا العربه ظل يدور في الشوارع محترقا.. اعمل ايه هيكلمها اه هيكلمها ياخدها خده ربنا اه مانا بعض في الهانم ايوه انا بعض فعلا هتقعدلي ليه هيا.. (الواد هيفطس.. غلاية جاااز 😀)
كانت تنظر اليه بدهشه ملامحه تتغير بين اللين والشده. كان ياكل روحه.. هياخدها اه انا عارف توافق هيا ماهو نحنوح .
همست هيا حمزه..
استدار بعنف.. لا يا خديجه مش هيحصل.
بهتت من عنفه ونظرت اليه بدهشه.. لا ايه... هو فيه ايه.
احس باندفاعه.. هاه.. اصل اصل... مفيش مفيش.
تنهدت وهمست.... طب مش هنروح.. ظل واقفا.. اه هنروح امال هنروح طبعا. تنهدت وفتحت تليفونها ابتسمت قطب جبينه ولمح اسم شريف.. هنا انفعل وشد الفون ليقرا الرساله كان يشاكسها بالكلام. فصرخ عايز ايه ده.
احست بالخجل.. مفيش بيسأل مشيت ليه. رن تليفونها فوجدته شريف فاحس انه سيقتلها فهمس.... اياكي تفتحي له.
نظرت اليه بدهشه.... فيه ايه انت فيه حاجه.
نظر اليها.. هو شريف قالك حاجه هو واخته.
نظرت اليه.. قالي قالي ايه.
قال.... لمحلك بحاجه اي حاجه عنه.
قطبت جبينها.. لا بس قالي ان طنت كت عايزاني ماعرفش ليه.
نظر مبهوتا... طنت مين.. خالتي.. اه طبعا ماهو لازم تعوزك امال هيخش ازاي خش عليه عزرائيل وانا خالتي عقربه مش هتسكت عشان مصلحه ابنها هتسكت لا بعينهم عالبت اللي عندنا (البت اللي حيلته 😂) .. اه هتاخدها خالتي هيا تلف وسهام تلف وسي طين يلف طب هحلق ازاي. هموت من الحصره. لا لا لازم تتجوزها تلحقها قبل ماتروح منك.. قصدي تروح من بيتنا اه. (ايوه من بيتهم.. بيت الامه 😂😂)
لازم خلاص كده خديجه هتبقي بتاعتك عشان بس ابن اخوك مش حاجه تانيه.(تانيه بس دا تانيه وقاعده ونايمة.. بس شهقول انا 😁)
كان ساهمه وهيا تنظر اليه بغرابه.
همست.... حمزه فيه حاجه.
تنهد هو.. اه فيه هتعرفي بعدين ويلا عشان هنتغدي.
نظرت اليه.. لا مالوش لزوم اصل..
نظر اليها.... خديجه انت مابتتعلميش حمزه كلمته واحده يلا.
نظرت اليه بغضب وظلت جالسه. تنهد هو.. يا ربي كتير عليا اعصابي مش طايق.
نظرت اليه بغضب.. تمام روحني حد قالك تقعد مع حد مش طايقه. انا عارفه انك مابتطقنيش اصلا والكل شايف وبيقول.
اشتعل عن اخره..... هو مين اللي بيقول.. البيه النحنوح صح اللي ملا ودانك اني مش طايق وبالمرة بعض مش كده. ايه بلاش انطق. بكلم روحي ببرطم هاه تاخديهم عليكي ليه. افطس بخنقتي.
هتفت بغرابه.. انا مالي بيك انا ماباجيش جنبك
فصرخ.. ليه ليه. (😂😂😂يا واد بقه )
نظرت اليه بذهول واشاحت بوجهها تنهد هو وكبت غيظه.. ظل يهدئ من روعه فهمس بلين.. ممكن ننزل ناكل جعان طيب ونفسي اكل سمك ماحدش بينيلي سمك من ساعه ما كنا في الشاليه.
نظرت اليه باستغراب.. سمك ايه دلوقتي.
كان يريد جو الألفة وان تجلس وترعاه وتفصص له. فهتف بحنق.... خلاص مش عايز منك حاجه.
نظرت اليه بغلب.. همست.. طيب حاضر انفرجت اساريره ونزلت وطلب انواع مختلفه من السمك.. وبدات تفصص له السمك وهو يتابعها فهمس.. لسه بتحبيه يا خديجه.
قطبت جبينها.. فاكمل مازن.
تنهدت هيا وصمتت.. كان جوزي اكيد.
قال... يعني ممكن يجي غيره يخش حياتك.
رفعت حاجبيها.. مين انا.. لا ماعتقدش انا مابفكرش في كده خالص.
هتف.. بس انت صغيره ولسه قدامك الدنيا.
تنهدت وقالت.. الله اعلم اللي جاي ايه.
هتف.. طب لو حصل عايزاه ايه يا خديجه.
احنت راسها ودمعت عيناها كانت تلعب في الأكل وهمست.. عايزاه..... تنهدت... سندي ضهري اللي ماينقطمش. عايزاه يعوضني عن أي وجع عرفته وشفته.. مايغدرش. الغدر وحش قوي. عايزاه كلمته واحده راجل يحافظ عليا.. عايزاه حنين لما اتوجع مايسيبنيش موجوعه. عايزاه طيب لو زعل مني يراعي ربنا فيا.. ربنا دايما يبقي قدام عنيه.. مرطه النفس وحشه ووجع القلب صعب. عارف بابا زمان كان لما يزعل من ماما ياخدها في حضنه ويقلها الزعل مالوش دعوه بالقرب.. قربي ليكي بيدوب اي زعل نداوي بعض بالقرب.. مش نزعل من بعض وكل واحد في عالم تاني.. فيه ناس الحنيه عندها مغروز وفيه ناس مفيش عندها ريحه الحنيه.. قله الحنيه بتوجع.
كان قلبه يرجف وهمس.. عايزاه راجل عن حق.
تنهدت واشاحت بوجهها فهمس.. ده مش شريف انت بتوصفي حد بعيد عن شريف.. وضع يده علي قلبه... وتذكر وقت ان كان متزوجا كيف كان يعامل زوجته كان يجعلها ملكه كان يحن عليها ويصب حنانا كان لا يبخل عليها واذا تدخلت امه يقف لها كان رجلا عن حق..
تنهد ونفض ما براسه ونظر اليها.. خديجه ماتسمعيش لشريف انا اه عصبي وممكن اكون بتجاوز بس ساعه الجد هتلاقيني قدام اي حد يقرب منك ومن عمر.
تنهدت.. مرسي يا حمزه.. انا غلبانه مش بعمل مشاكل اهو عمر ابنك تحافظ عليه من غدر الدنيا. نظرت اليه وهمست بصدق انا متأكده انك هتبقي عم وسند لابني انت حد محترم يا حمزه حقاني وحقيقي مش خايفه علي ابني منك خالص بل العكس مطمنه تماما عليه في حضنك
هتف مندفعا وانت يا خديجه.
قطب جبينها.. انا انا مالي..
هتف.... خايفه مني صح.
تنهدت.. انا ماعرفش ماعتقدش اني هيكون بينا اللي يستدعي اخاف او لا انت عم ابني واستحاله تكون حاجه تانيه هخاف ليه. هم ان يتكلم.
فرن التليفون مره اخري.. ففتحت تليفونها.. فهمست شريف.. هنا اشتعل حمزه ونظر اليها.. همست معلش كان حصل ظروف وروحت.. هاه ظروف يا شريف.
هتف حمزه بصوت عالي.. معايا يا شريف بنتغدي.
نظرت اليه بغضب فهتف ايه هخبي عالبيه بنتنيل نأكل.
تنهدت وهزت راسها... طب يا شريف اما اروح هكلمك.. ايه هكلم طنت.. هتيجي وماله تشرف.. هتيجي عند طنط.. امال هتيجي فين.. شقتي انا انا يا شريف طنط لا عادي تنور طيب هروح ونشوف بس اديك ميعاد حاضر.
ابتسمت هيا وقفلت الخط فاندفع قالك ايه خلاكي تبتسمي كده هاه.
نظرت اليه بذهول.. فيه ايه..
هتف.. فيه زفت علي دماغ امه طيب والله لهوريه.. ازاح طبقه ولم ياكل..
تنهدت ولم تفهم شئ فهمست مش هتاكل.
هتف حانقا.. مش هتنيل خلاص نفسي اتسدت عبوشكله.
قالت بلين... طب ينفع اعملك كل السمك ده وماتاكلش.
نظر اليها ببعض الغضب ابتسمت له ابتسامه ساحره فابتسم لا اراديا..لا والله هاكل.. (وايه كمان😀)
ابتسمت هيا وهمست طب هقوم اغسل ايدي واجي.. قامت هيا وجلس هو... هيجيب امه ويجي اعمل ايه.. اه اول ماوصل امي تكلمها وبس وخلصت وتروح هيا بقه تشوف اختها... اه وتضبط بقه وتقعد هعملها اللي تعوزه اه. عشان بس ماتاخدش الواد.. هبقي حنين شويه انت عضاض يا حمزه بطل تعض عشان توافق . وخليك حنين انت كت حنين زمان وقلبت طور (لا العفو جاموسه بقرون 😂😂) كنت بتدلع المحروقه مراتك وتهننها.. ايه بطل تنطحها..انت تطلع حنيتك عشان توافق هيا وتدلعها... ابتسم وسهم.. وادلعها ادلع خديجه. (لا امها 😀😀عيله مجانين) .
اتت خديجه فوجدته ساهما مبتسما.. فهمست حمزه. فهمس... هدلعها والله عالاخر.
ابتسمت هيا وظنته يتكلم عن سهام. فهمست حمزه
فانتفض... هاه ايه.
هتفت ايه سافرت فين... اللي واخد عقلك..
تنهد.. اللي واخد عقلي كتير.
هتفت.. طب ما تتجوزها لو شغله بالك كانت تقصد سهام.
تنهد.. اتجوز ها.. اه هتجوزها اه.
ابتسمت.. طب والله خير هيا كويسه علي فكره
نظر اليها.. اه عالاخر كويسه هيا. (😁😁)
اكملت.. طب ماتكلم شريف تاخدها.
انتفض هو من سرحانه... اكلم مين شريف..
هتفت.. اه عشان انت وسهام تتجوزو طالما بتحبها.
انتفض كان لسعه عقرب فهتف.. مين سهام مين مين جاب سيرة زفته.
نظرت اليه باستغراب.. انت اللي جبت.
صرخ فيها... ماجبتش ومابحبهاش ولا فكرت فيها يوم.
هب من مكانه يلا قومي.
مشت ورائه متعجبه.. هو ماله اتجنن
دخلت العربه فصرخ.. اللي هيقول عليه مش هيحصل فاهمه انا بقول اهوه
نظرت اليه... هو ايه.
هتف محترقا... اي حاجه يقولها وخلاص.. وخلصنا اسكتي بقه
هتفت غاضبه.. هو ايه اللي اسكتي بشتغل عندك ماتكلمني كويس.
صرخ.. مش عارف اتهبب مش عارف بغلي من جوايا اسكتي عشا اهدي
صرخت هيا.. انا عملتلك حاجه والا جيت جنبك انت صعب.
مسك يدها وشدها.. حمزه صعب حمزه زفت وطين مش كده انما شريف حلو وبفيونه استدار مشتعلا.. طب يا زفت الطين انا هوريك.
فنزلت مسرعه ودخلت علي حماتها واندفع بالعربيه.
لتستدعي خديجه وتهتف..اقعدي يا خديجه جلست خديجه.... بصي يا مرات ابني انت دلوقتي من غير راجل ولوحدك وجميله ومسيرك تفكري في الجواز.
لتبهت خديجه .. جواز جواز ايه يا طنط انا استحاله اتجوز.
قالت اميمه.... لا يا خديجه هيذي يوم وتتجوزي وساعتها مش هتسيب الواد فعشان كده انا فكرت َعملت حسابي لكل حاجه وهجوزك
بهتت خديجه انت بتقولي ايه اتجوز ايه بعد السنين وهتجوزيني مين
هتف اميمه.. بصي فكري بالعقل انا ََكان ممكن اخد منك العيل واطلعك بره الشقه البيت ده باسمي يعني هتخرجي بسهوله وهاخد الواد ماهو انت مش هتعرفي تصرفي عليه يبقي قدامك حاجتين يا تتجوزبي وتقعدي تربي الواد يا تاخدي بعضك وتمشي من سكات.
لتصرخ خديجه ليه كده بتعملي فيا كده ليه حرام عليكي انت ايه ما كفاكيش عذاب تاني اتجوز وتذلوني ويا تري هتجوزيني مين يذل فيا عشان اقعدلك.
لتنشل خديجه مره واحده ويهوي قلبها حين قالت لها.. حمزه يا خديجه هجوزك حمزه.. لتتراجع هيا برعب.. نهاركو اسود عايزاني ايه.. عايزه تجوزيني ده.
لتسمع صوتا من ورائها يهتف بغضب
يتبع......
لقراءة الفصل الخامس عشر اضغط على : ( رواية معاناة زوجة الفصل الخامس عشر )
لقراءة باقي الفصول اضغط على : ( رواية معاناة زوجة )