رواية موعدي مع الحب الحقيقي الحلقة الأولى 1 بقلم نشوة عادل
رواية موعدي مع الحب الحقيقي الجزء الأول 1 بقلم نشوة عادل
رواية موعدي مع الحب الحقيقي البارت الأول 1 بقلم نشوة عادل
 |
| رواية موعدي مع الحب الحقيقي الفصل الأول 1 بقلم نشوة عادل |
رواية موعدي مع الحب الحقيقي الفصل الأول 1 بقلم نشوة عادل
-انا كنت عاوزة اقابل مستر حسام انا جاية بخصوص الاعلان بتاع شغل السكرتاريه
السكرتيرة بأدب : تمام اتفضلى حضرتك املى الورقة دى واستنى دورك
اخدت الورقة ومليتها وقعدت بتأمل البنات من حواليا ولبسهم والمحارة اللى بوشهم وانا بقول لنفسى ازاى هيقبلنى بشكلى وسط المزز دى .. لكن ثقتى فى نفسى كانت عالية سيكا ..احم كتير بصراحة عدى الوقت وجه دورى ودخلت فيس تو فيس لحسام المنشاوى واحد من اشهر مهندسين الكومبيوتر والبرمجة
حسام دون النظر اليها: اسمك وسنك ومؤهلك ؟
-احم اسمى سارة المهدى عمرى ٢٦ سنة ومؤهلى بكالريوس حاسبات ومعلومات ومتخرجة بتقدير عام جيد جدا
حسام : تمام اشتغلتى فين قبل كده؟!
سارة : هو انا اشتغلت كذا مرة كاشير فى اكتر من سوبر ماركت وصيدليات ومطاعم واشتغلت كمان فى شركة مايكروسوفت وده اخر مكان وكله موجود فى السى فى
رفع حسام وشه وبصلها باستغراب واعجاب فى نفس الوقت وقال بجدية: انا هنا يهمنى ردود اللى قصادى اكتر من الكلام المكتوب يا انسة
سارة: تمام حضرتك
حسام : يهمنى جدا الالتزام بمواعيد الشغل سواء فى الحضور او الانصراف ومبحبش اى اخطاء مهما كانت مفهوم
سارة : اكيد مفه........ ثانية واحدة بس هو انا كده اتقبلت فى الشغل صح؟!
حسام: انتى شايفة ايه!
سارة بعفوية : روح ربنا يسترك يا شيخ
حسام بتفاجئ من تلقائيتها ابتسم وبانت غمزته اللى بتزيد وسامته لكنه اتكلم بجدية شديدة وقال: هو احنا واقفين فى فرن عيش يا انسة ايه اللى بتقوليه ده؟!
سارة بعد ما ادركت اللى قالته: احم انا اسفة جدا والله
حسام: ياريت تخلى بالك من الفاظك بعد كده احنا مش فى السوق العمومى هنا
رفع حسام السماعة وقال: هبة تعالى ع المكتب
دخلت هبة بعد ان طرقت ع الباب: افندم يا مستر حسام
حسام: الانسة سارة هتكون السكرتيرة الجديدة عاوزك تفهميها كل حاجة عن طبيعة الشغل وبعد ما تفهميها تقدر تروح وتيجى من بكرة ان شاء الله بس ياريت كمان تفهميها طبعى واعتذرى لباقى الناس اللى برة
هبة بهدوء: حاضر اتفضلى معايا انسة
خرجت سارة مع هبة وابتدت تشرحلها كل حاجة خاصة بالشغل كبيرة وصغيرة ...هبة: فهمتى؟!
سارة: جدا جدا انتى شطورة اوى برافو عليكى
هبة بامتنان: شكرا ليكى ربنا يوفقك معانا ان شاء الله وعشان تضمنى وجودك ياريت متنسيش اللى قولته ليكى بخصوص مستر حسام
سارة: اكيد ان شاء الله اقدر امشى
هبة: طبعا واه اتفضلى ده رقمى لو احتاجتى توضيح لاى حاجة هتلاقينى معاكى
سارة: ميرسى لزوقك يا قمر باى
مشيت سارة برة الشركة ولقت فونها بيرن من رقم مش متسجل بصت ع الفون ولما شافت الرقم فتحت ع طول: ايوة يا عادل باشا
عادل: ها طمنينى عملتى ايه؟
سارة بثقة: عيب عليك يا باشا هو انا اى حد ولا ايه اتقبلت طبعا وبكرة هستلم الشغل
عادل: هايل جدا عاوزك فى اقرب وقت تقربى من حسام وتكسبى ثقته ولازم تحاولى تدخلى بيته وتجبيلى الورق اللى قولتلك عليه ومتنسيش تعطيله الدوا
سارة بتساؤل: هو ايه حكاية الورق اللى حضرتك ملهوف عليه اوى كده ودوا ايه اللى اعطيه ليه بدون علمه ده ووووو....................
يتبع....
لقراءة الفصل الثاني اضغط على : ( رواية موعدي مع الحب الحقيقي الفصل الثاني )
لقراءة باقي الفصول اضغط على : ( رواية موعدي مع الحب الحقيقي )