رواية معاناة زوجة الحلقة الثامنة العشرون 28 بقلم ميفو السلطان
رواية معاناة زوجة الجزء الثامن والعشرون 28 بقلم ميفو السلطان
رواية معاناة زوجة البارت الثامن والعشرون 28 بقلم ميفو السلطان
 |
| رواية معاناة زوجة الفصل الثامن والعشرون 28 بقلم ميفو السلطان |
رواية معاناة زوجة الفصل الثامن والعشرون 28 بقلم ميفو السلطان
اقترب حمزه من خديجه لتصرخ انت بتقرب ليه اقترب وحملها وهيا تشتمه نزلني يا زفت والله اموتك.
هتف.... اعقلي بقه..
لتصرخ..... طنط خليه ينزلني
هتف حَمزه.. هاخدها نتفاهم يا حبيبتي واعقلها اخذها الي الاعلي وهيا تضربه. صعد بها الي شقته وفتح الباب ودخل بها وقفل الباب لتقف غاضبه انت مجنون انت عقلك خف شقه ايه اللي هقعد معاك فيها.
قترب منها... نفسي اعرف هتهمدي امتي عايز اخش دنيا.
صرخت.... وانا مالي بيك
هتف..... مانا هخش معاك يا قلب حمزه امال جايبك هنا ليه.
لتهتف.. خش عليك حيطه اوعي اما انزل اروح بيتي.
اقترب واحتضنها وهمس مش ده بيتك برضه اللي اسسناه حته حته ما وحشكيش كان مستنيكي من ساعتها ولا يوم الا ما بت فيه وانا مستني اليوم ده. يا خديجه اعقلي انا بحبك.
لتدفعه.... وانا مابحبكش يا حمزه بيه ايه رايك بقه واظن عيب بقه.
تنهد.... اعمل ما بدالي وقولي مابالك اخرك ليا.
صرخت.. انا مش عايزاك.
شدها اليه... بصيلي في عيوني وقولي انك بطلتي تحبيني.
لتشيح بوجهها.... انت بتعمل كده ليه.
مسك وجهها... بصيلي ماتشيليش عيونك من عيوني لتحس بقهر داخلها. همس... ليه... شايف في عيونك حب السنين ليه عايزه تبعدي عني ليه يا خديحه ليه يا عمري.
هتفت... ابعد بقه وبطل انت ايه ماشبعتش وجع.
هتف... طب ما بعدك وجعني انت بقه ماشبعتيش وجع ليكي وليا. انا اتمزعت كنت بنام احلم بيكي يا خديجه انا هموت وتبقي في حضني بتاعتي. انا ماشفتش حد غيرك من اساسه ولا دخل عنيا صنف ست حرام لما ترجعيلي عايزه تبعدي ليه ليه.
هتفت.. عشان خلصت القصه وعندي عيل افضاله واشوف دنيته انا خلاص قصتي خلصت من يوم ما مشيت.
شدها.. قصتنا هتخلص لما تبقي في حضني يا ديدا انت جواكي حب وانا شايفه وماعرفش حايشه نفسك ليه طب اتربيت وعرفت اني غلطت وخدت جزائي انا وامي ايه ما يشفعلكيش ده خالص. قبل يديها اعمل ايه عشان تعقلي وتعرفي اننا ما ينفعش نبقي الا لبعض
ابتعدت وهتفت... ماعتش ينفع اظن تحترم قراري انا هرجع بيتي واكمل حياتي وعمر ابنكو وانتو احرار في بعض.
تنهد وهتف.. طب يا قلب حمزه انا هسيبك تعقلي بقه ادي الشقه عندك بتاعتك فيها كل حاجه حتي هدومك مكانها واقعدي كده اهدي وانا هنزل.
صرخت.. هيا مين اللي تقعد با بتاع انت وسع بدل ما اسود عيشتك.
اقترب منها.. تصدقي بلاها انزل احنا نخش نمز في القمر ماهو انا همو ت واعمل ااحلي دخله ارتعبت عندما وجدته يفتح قميصه لتصرخ انت مجنون بتعمل ايه
ليهتف.. ايه هعيش بقه ماعيشتش وانت براحتك اما تعقلي ابقي قولي.
ابتعدت... ابعد والله اموتك.
ابتسم واكمل خلع قميصه لتبهت وتخاف وتستدير مسرعه وتقفل علي نفسها الباب وقف هو ليضحك وهتف.. ما هو يا تعقلي يا اعقلك بالعافيه يا قلبي.. هتجوز امتي انا ماعتش هنفع.. بس لا علي مين والله ما هعتقها ام مخ تخين. ليستدير ويقفل الباب وينزل ليجد عمر محتضنا جدته ويتكلمان بمرح
لتحتضنه جدته وتهتف والنبي يا حمزه انا يا حبيبي غلطت زمان وعذبتها وربنا جزاني انا تعبتها وذلتها وربنا ذلني وخدت جزاتي والنبي يا حبيبي اقنعها ترجع وتقعد انت اكيد ليك هتقدر لو عايزني اترجاها اترجاها. يقعد معايا اخر ايامي سنتين هرو قلبي.
قال حمزه... عارفه يا امي انا واحد اتاذيت اول حياتي وكرهت الستات كنت معقد ولما هيا دخلت حياتنا حبيتها وانا ماعرفش كنت مقهور لما حبت مازن ما تحملت هربت لدبي عشان حاسس اني موجوع ومش عارف اني بحبها انتو عملتو فيها كتير. وانا ما كتش اعرف ولما شريف جه عشان ياخدها اتجننت حسيت انها بتاعتي ماتر وحش في حته كنت غبي ماعرفتش اللي جوايا ماعرفتش انها مغروزه جوايا واستمريت اضحك علي روحي بس والله كل نيتي انها تبقي جنبي اعاملها بما يرضي الله يوم الجواز لما بقت علي اسمي كنت هقلها اللي عملته كنت هقول بس؛شريف ما ادنيش فرصه هربت و قلبي اندبح. َمت والله مت زي ربنا عاقبنا احنا الاتنين قعدت استني جايز تهدي وترجع لحد ما حسيت اني ميت ومش قادر اخد نفسي عايش علي امل ترجع واخدها في حضني انا بحب يا امي ومش هسيبها ومش هخجل انا هموت عليها وقلبي بيوجعني ومش عايز حاجه من الدنيا غيرها
.. والله ماشفت طرف ست بعدها دا حبيبي لو السنين عدت هيفضل في قلبي زي ما هوا انا تعبت فسي ارتاح ماشفتش فرح . بس هيا حقها تفرح نفسي افرحها.
تنهدت اميمه.. وانا نفسي تنسعد يا قلب امك.
هتف حمزه سعيدا..... طب سيبيني انا بقه اعقلها ربنا يهديهالي ليجد والدته تبكي احتضنها. والنبي يا حمزه راضيها يا ابني وهاتها تسامحني بالله عليك اخاف اموت وشايله ذنبها.
تنهد وهتف.... طب يا امي عمر هيقعد معاكي وانا وخديجه هنفضل فوق لحد ما ربنا يهدهالي ادعيلي بالله عليكي ليتركها ويصعد شقته.
كانت خديجه قد قفلت علي نفسها عندما تركها حمزه.
استدارت لتشهق لتجد صوره لها بالحجم الطبيعي رجف قلبها اقتربت بهدوء لتكون بالقرب منها كان بجوارها احد الكراسي كان يبدو انه يجلس عليه ليتاملها لتنظر الي اللوحه لتجد عليها مخطوطات بخط يده.. كانت كلمات الحب تنساب علي اللوحه ما بين الاشتياق واللوعه كانت اللوحه تشع بكلمات غزل لتلك المحبوبه الغائبه.
تلمستها وتسيل دموعها لتحس به يحتضنها ويهمس... كنت بقعد لوحدي ابصلك بالساعات واكلم نفسي كنت بقعد اتغزل في حبيبي واكلم نفسي كنت بقلك اد ايه انت وحشاني اد ايه غلطت واد ايه حبيتك لمس اللوحه وهتف... دي الكلمات اللي كتبتها بعد ما مشيتي كنت ببكي واقلك سيباني لمين. سايبه قلبي لمين سايبه روحي لمين كنت منهار وقلبي بيتمزع مش قادر اسكت فكتبت عشقي ليكي.. وبدأ يقرأ.
إلى الإنسانة اللي حبتّهُا حبّاً لا يوصف، إلى من تربّعت في قلبي، وجعلت حبَّها وساماً على صدري، إلى من تعيش ليلي ونهاري، إلى أميرتي وفتات أحلامي، إلى من نقَشتها الأقدار في قلبي، وحفرت اسمَهُا في عقلي وعروقي، إلى التي تهواها الرّوح والجسد، وإليها تركُن الآهات والوِئام، إلى من قضيت معهُا أسعد لحظات حياتي، إليكِ، يا من تغار منها الشّمس، والقمر، وكلّ البشر، إليكِ يا أغلى من عمري أهديكِ قلبي، وحُبّي، وعمري، لقد أصبحتِ كلَّ شيءٍ في حياتي، أنت دمعتي، وبسمة حياتي، أنتِ نبض قلبي، وأحلامي، وآمالي، أنتِ حبّيبتي الأوّلى، والأخيرة.
اليوم عاهدت نفسي اني اعيش راهب في حبك علي ذكري حبيبي..
تنهد... في اليوم ده كنت مكتفي بوجعي لاني بحبك وماليش حيل غير اني احبك يمر يوم ورا يوم يمر شهر ورا شهر ارجع اكتب واكتب لحد ما اتملت بعشقي واوجاعي الصوره دي توريكي اد ايه عشت موجوع عاشق لحبيبي اللي سابني وراح بس ما سابش قلبي كنت بغمض واتخيلك واقفه عالشباك تفكري فيا لاني عارف انك بتحبيني ليديرها ليجد دموعها تسيل بقوه من فرط عشقها له ليهمس عيونك دي بيقولو مش مستني اسمعها. اقترب من وجهها وهمس حمزه هيفضل عاشق وهيفضل تحت رجلك العمر كله يكفر عن ذنبه اللي عمله في حقك.
ملس علي الكلام وهتف شايفه الكتابه دي.. ليخرج من جيبه شيئا فشهقت ليهتف فاكره ده..
نظرت اليه بذهول فهو القلم الذي اهدته لمازن ومن حرقته أخذه منه مسك القلم.. سنين مابيفارقنيش كتبت عليه حروف اسمي واسمك..ماعرفش ساعتها عملت كده ليه كنت خايف حد يشوفه ماعرفش حروفنا كانت مربوطه ببعض. سنين وهو في جيبي علي قلبي كل اما افتكر امسكه واستعجب انا موجوع ليه اتاريني عاشق مجنون ماحسيت. كل اما اشوف اللوحه اكتب واعيط زي العيال كنت حاسس ان اماني راح كنت خايف ضعيف مهزوز يا قلب حمزه والله قلبه ليحتضنها لتنفجر في البكاء سنين البعد والقهر وعشقها له اوجعوها بشده سنين لم تنم الا وهيا تنعي اطلال حبه لبطل محتضنا اياها حتي هدات كانت تريد أن تظل مستكينه لتبتعد اخيرا وتهمس من فضلك بقه كفايه بجد انا مش قادره حمزه انا انا مش عايزه كده
اقترب وشدها حبيبي معايا ماقدرش اكمل سنيني كده.
ابتعدت.. انت حر بقه اظن تحترمي رغبتي اني مش عايزه وتبطل بقي وتسيبني امشي عشان مش هيحصل كويس
تنهد واتجه الي الدولاب ليفتح ويبحث فيه لتهتف... انت بتعمل ايه
هتف.... هكون بعمل ايه بنقي لحبيبي حاجه من هدومه والله لسه بشوكها بالتكت نشيل بقه التكت ونفتح البتاع ده ولو اني فتحته كذا مره وشفت اللي فيه حاجات ايه كان حبيبي جايبلي حاجات نار بس انا عيل فقر مالحقتش اتهني ليهتف.... هو ده يا لهوي هيبقي عسليه عالمز بتاعي ليستدير كان في يده احد القمصان الحريريه.
نظرت اليه بغضب تصدق انك وقح وقليل الأدب.
ضحك.. اه قليل الادب ونفسي اقل ادبي راجل ما قلش أدبه من سنين دانا هوريكي قله ادب مكبوته ربنا معاكي
صرخت... اتلم بقه احترم سنك
ضحك... تصدقي انا عايز اقل ادبي مخصوص عشان ابطلك الكلمه دي اقترب منها.
لتهتف بخوف ايه عايز ايه
ضكك ويغمز اليها عايز كتير ويلا بقه وريني جمال حبيبي بدل ماتهور والبسه بايدي
لتبتعد... والله يا حمزه لو ما لميت نفسك لاصوت والم عليك البيت
ضحك .... هيقول دخلنا هتفضحي نفسك تعالي بس بطلي حمقتك دي هنلين القمر وهيتوه في ايدي ليهجم عليها لتصرخ ليحملها ويدور بها حبيبي حبيبي حبيبي اللي وحشني وبموت عليه.
تعلقت به وهتفت.. بطل بقه ماتعقل عيب كده ليذهب ويجلس ويجلسها علي قدميه لتتنهد وتحني راسها ليهمس بالقرب من وجهها طب ايه اللي مزعلك ايه اللي يرضيكي عشان تليني ليا اطلبي اللي عايزاه من ايدك دي لايدك دي
لتهمس بحنان... مش عايزه حاجه بطل وسيبني.
ليتلمس رقبتها اسيبك ازاي حطي ايدك كده علي قلبي بيصرخ والله اسيبك ازاي قربك دلوقتي هري قلبي مش قادر هموت واخدك واتوه بيكي واشبع منك وتبقي بتاعتي نفسي انام مره مرتاح يا ديدا انا بعشقك كانت مغمضه عينها ليه بتحاربي الي جواكي ليه يا قلبي سيبينا نفرح سيبي مشاعرك مش كفايه وجع لتسيل دموعها ليهمس طب بتعيطي ليه اعمل ايه عايزك حبيبتي
لتهب وتبتعد.. عايزني اثق فيك تاني راجع تمدلي ايدك يا حمزه انا مسكت الايد دي مره وقلت اماني ودنيتي مسكتها مره يا حَمزه واستحاله امسكها تاني.. نظرت اليه بعشق مش هكدب انا بحبك بس هموت.. لتتبتعد بقهر وتنكمش بعيدا ليتنهد.يقوم ويديرها. طب اراضيكي ايه اللي يرضيكي. يعني اسمع بحبك دي واسكت انقهر. يا رب بقه... تنهد يا حبيبي بالوقت اهوه صابر وماهنطق دا حبيبي طيب وحنين.
رفع وجهها مش طيب وحنين برضه يسيبني موجوع اهون عليه.
نظرت اليه وسالت دموعها وهمست.. زي ماهونت عليك تهون.
تنهد ومسك وجهها.. انا موافق عايزه توجعيني اوجعي تموتين وموتي بس وانت في حضني يحاوطها بيديه.. دا حضنك انت وبس.
تنهدت بغلب... كفايه حرام عليك.
همس انا هسكت اهوه حسي بيا بحضني طيب.. ظلت ساكنه تريد حضنه وهو يملس علي ضهرها بحنان ويقبل راسها.. همست سيبني بقه.
هتف.. اسيبك اعملها ازاي طيب.
ابتعدت وهتفت..... تسيبني في حالي اربي ابني مش عايزه منكو حاجه اشتغل واصرف علي روحي واستحاله اخد منكو حاجه.
هتف..... تاني بتتكلمي المصاريف.
صرخت... ما هيا السبب هيا اللي خلتك تخلعلي قلبي هيا اللي موتتني خوفكو علي فلوسكو مني كت هعمل ايه حرام عليك انا كت في حالي.. ان. ا كرهت الدنيا بسببك يا اخي طفشت عشان ارتاح راجع تقلي نرجع.. انا البيت ده بكرهه ماشفتش فيه يوم فرح مرجعني تكمل ذل فيا..
هتف.... لا مش ذل مرجعك تعيشي جوا قلبي
صرخت.... مش عايزه قلبك.
لينفعل.. يبقي تخبطي دماغك في الحيط انت مراتي وهتفضلي مرات انا كفايه عليا هم كده افهمي بقه ليه عايزه تبعدي وتوجعيني وتتوجعي ليه ليه
لتصرخ... عشان ارتاح ايوه يا حمزه عايزه اوجعك. عايزه اوجعك واشوفك موجوع حتي لو هتوجع.. بص بقي مش انت خدت عمر ومضتني علي اني اقعد اشتغل هقعد يا حمزه وهقعد في البيت حاضر عشان تكملو ذل ليا كمان بس عمري ما هكون ليك لو روحي طلعت انا اشد روحي بايدي ولا اني ادهالك.. ادتهالك مره ورميتها بالرخيص.. اه اسفه ماكنش رخص رميتها بالفلوس والشركات.. بس اعمل حسابك من هنا ورايح هتلاقي حد تاني خديجه اللي اتكبرتو عليها خلاص شبعت منكو اخرتها ايه يعني تعملو ايه ذل وجربت حرمان من العيشه جربت وجع. نتش قلوب جربت.
انا اهوه يا حمزه بيه قدامك هقعد واربي ابني عايز حاجه تانيه قول تحت امرك مازن زمان والست والدتك ودلوقتي انت يلا كمل كمل الله يعينك علي ذلي.
ليتنهد ويذهب ليجلس ويحني راسه ويضع يده علي راسه بوجه ليظل فتره صامتا وهيا تنظر اليه بوجع.. ليتنهد ويرفع راسه.. وحلك ايه طيب سيبان مش هسيب.
هتفت... وانا تحت امرك يا حمزه بيه
ليرفع حاجبيه... يعني انت كده هتنبسطي لما تعيشي مسلوبه الحياه وتستسلمي لعيشتي ومش عايزه تخشيها تقعدي معايا جثه مابتحسش دا اللي تختاريه او اسيبك.. طب انا مش هسببك يا خديجه وحب هديهولك وعشق هغرقك فيه سنه اتنين الف مش عايزه ارميه بس انا هدهولك لاني ماعتش قادر ابعد انا غلطت بس مش هعيش عمري مغروز في الغلط.. عايزه تشتغدي اشتغلب مروح دخول براحتك بيتك اعملي فبه مابدالك انما سيبان مش هسيلك يا خديج ليقترب منها ويحتضنها هفضل ادور علي قلبك العمر كله لحد ماتسامحي يا ديدا ومن هنا لحد هناك حبيبك معاكي وجنبك لحد مارجع ثقتك فيا ليشدها يحتضنها بحب ليهمس يا ريت تحسي بنبض قلبي حسي يا ديدا وحياه حبك ليا اللي حاسس بيه بيغلي جواكي.. لو اقدر اشيل وجعك واموت بيه كت عملت لو اقدر اعيش من غيرك كت عملت بس انا اموت ولا انك تبعدي اهون عليا اموت لو كرهاني ادهي اني اموت يا قلب حمزه لو مش عزيزاني ادعي اني اروح من دنيتك دي اروحها ميت لاني ماقدرش اعيش من غيرك سامحيني بالله عليكي بتمني لو ما تبقيش في حياتي اكون مش في الدنيا دي ليقبلها ويتركها وينزل ليترك لها مساحه للتفكير لتجلس بقهر فهيا تعشقه وتريده ولكن وجعها يمنعها كرامتها لا تترك لقلبها فرصه فتلك العائله ملكت من الجحود ما هلك قلبها ربما عاد الحب ولكن الوجع لا يمحيه الحب وكلمات الحب يمحيه الصبر فلتصبر يا حمزه فانت اوجعتها من الوريد للوريد اصبر لهل الله يلين القلوب ويداوي القلب العليل
يتبع......
لقراءة الفصل التاسع والعشرون اضغط على : ( رواية معاناة زوجة الفصل التاسع والعشرون )
لقراءة باقي الفصول اضغط على : ( رواية معاناة زوجة )