رواية نجاح الفاشلين الحلقة الأولى 1 بقلم رحاب القاضي
رواية نجاح الفاشلين الجزء الأول 1 بقلم رحاب القاضي
رواية نجاح الفاشلين البارت الأول 1 بقلم رحاب القاضي
 |
| رواية نجاح الفاشلين الفصل الأول 1 بقلم رحاب القاضي |
رواية نجاح الفاشلين الفصل الأول 1 بقلم رحاب القاضي
ــــــــــــــــــــ
_في فيلاا راقيه جدا وقفت عربيه سودا كبيؤه ونزل منها ست شباب «تلات بنات وتلات اولاد» وقالت بنت مغروره..
سما ـ
اممم وبعدين بقي ده مكان مهجور يا جماعه ما فيش جيران ولا حاجه..
رد عليها اسامه وقال _
وليد هو اللي طلب نيجي هنا وانتو جيتو واللي مش عايز يدخل يتفضل يمشي..
ملك مسكت ايد. اسامه وقالت _
انا معاك يا اسامه في اي حاجه..
سما وهي بتقلد طريقتها _
انا معاك يا اسامه في اي حاجه، بطلي تلزيق يا ماما..
ملك بغيظ ـ
انتي حد كلمك يا سما ما تخليكي في حالك..
قالت ناني صحبتهم ـ
خلاص بقي يا جماعه احنا في ايه ولا ايه، خلونا الاول ندخل ونشوف وليد عايز مننا ايه؟..
قرب منها عمار وقال _
ما انا مش بحبك من قليل يا كبير يا عاقل انت..
ناني بضيق _
لم نفسك بقي كفايه..
ادايق عمار من طريقتها وسأله خالد صاحبهم التالت وقال _
مالها ناني انتو متخانقين ولا ايه؟..
اتنهد عمار بضيق ورد عليه وقال _
بعدين ابقي اقول ليك..
لبس اسامه نضارة الشمس بتاعته وقال _
يلا بينا يا جماعه..
_دخلو هما السته الفيلاا ولقيو المكان من جوه اجمل من الرائع ومنظم بشكل حلو اووي...
ملك _
وااو المكان هنا حلو اووي..
سما بسخريه ردت عليها وقالت _
حقك تقولي كده ما انتي احلي مكان شولتيه كان بيت البواب بتاع الفيلا بتاعتي..
خالد بحده _
انتي بتكلميها كده ليه يا سما علي فكره غلط..
سما ببرود ردت عليه وقالت _
انا ما وجهتش ليك كلام يا خالد، فا ما لكش دعوه..
ملك بحده _
لا خالد يتدخل براحته ولا ايه يا اسامه..
سما بغيظ _
وانتي مالك بقي بأسامه ما تخليكي في حالك..
عمار بملل _
الخناقه هتبدأ..
قال اسامه بعصبيه _
انت بتدخل ليت بينهم يا خالد ما تخليك في حالك..
خالد بحده _
انا ما وجهتش ليك كلام، انا بكلم سماا..
ظهر ليهم وليد من خلال الشاشه بتاعت التلفزيون وقال بهدوء شديد...
وليد _
بااس منك ليها..
اسامه _
انت فين يا ابني وايه المكان ده وانت عايزنا في ايه؟...
رد عليه وليد وقال ببرود _
هلعب بيكم...
سما بحده _
انت اتجننت يا وليد، اخلص وتعالي والا هنمشي..
ضحك وليد ورد عليها وقال _
مش هينفع لاني قفلت كل الابواب، اااه نسيت اقول ليكم ده بيت الكتروني يعني بتحكم فب كل حاجه عندكم من هنا عندي..
زعق فين خالد وقال ـ
هاا وبعدين يعني عايز اين انت في اليوم ده؟..
وليد _
ما انا قولت ليكم انا عايز العب بيكم وخروج من البية ده ممنوع لاي حد فيكم واللي هيفكر يطلع الليزر محاوط البيت وهيتقطع علي طول..
ناني بحده _
انت بتهزر با وليد ازاي تعمل فينا كده..
ضحك ورد عليها وقال ـ
اعتبرو ان مقلب خفيف بينا، المهم النهارده هيكون بريك هترتاحو وبعدين هنبدأ اللعب من بكره..
ملك بقلق _
يا وليد انت عارف اني اهلي مش هيرضو يخلوني ابات بره البيت..
وليد _
ما تقلقيش انا كلمت مامتك وقولت ليها اننا مسافرين كلنا نصيف في مطروح..
سما بضيق _
المهم يعني احنا هنبات فين انا لازم تبقي ليا اوضه لوحدي..
وليد _
عارف يا برنسيسه سما واطمني كل واحد فيكم ليه اوضه فوق وفيها كل حاجه ممكن يحتاجها..
حط عمار ايده علي كتف ناني وقال _
طبعا انا وناني مراتي حبيبتي لينا اوضه واحده..
بتدت عنه ناني بضيق، وزعق فيه وليد وقال _
اما تبقي تتجوزها رسمي مش عرفي يا عمار بيه..
_بصو كلهم لعمار بحده لانهم مدايقين انه متجوز ناني في السر ومش واضي يتجوزها رسمي...
اسامه _
وليد الشغل بتاعي انا في صفقات مهمه لازم اخلصها..
رد عليه وليد وقال _
من غير ما تقول عارف وواخد لكل واحد فيكم اجازه وانا هشوف الشغل مكانك يا عم المليونير..
اسامه بضيق _
لا لا ابعتلي لابتوب وانا هخلص شغلي من هنا..
وليد رد عليه وقال _
ممنوع اي اللكترونيات عندكم خاالص..
خالد بحده _
ده اللي هو ازاي يعني الدوري الانجليزي هيبدأ الاسبوع الجاي وانا لازم اتابع..
سما بغيظ _
وانا لازم اطمن الفانز بتوعي عليا..
ملك _
وانا المسلسل التركي بتاعي عايزه اسمعه...
ناني _
وليد ما تهزرش انا مش جايبه الشاحن بتاعي معايا..
وليد بسخريه _
ممنوع شحن الموبيل واللي هيغكر يشحن موبيله الموبيل بتاعه هيبوظ وهلي فمره ما فيش شبكه عندكم، المهم بطلو رغي وكل واحد يطلع اوضته اللي مكتوب عليها اسمه ونتقابل الصبح..
عمار بغيظ _
ننام ايه يا وليد ده تحنا لسه العصر..
وليد بخبث _
اتكلمو مت بعض واحكو هو مش احنا كلنا صحاب من ايام الحضانه لحد النهارده، ايه بقي تقيل اووي عليكم تتكلمو شويه مع بعض...
_خلص كلامه وقفل البث بينهم وهما بصو لبعض بضيق، وقالت ناني بحزن...
ناني _
وليد فاكر ان في امل بس هو خلاص كلنا ما بقينااش صغيرين وكبرنا، انا طالعه انام..
عمار بسخريه _
انتي هتمشي ورا وليد العبيط في كد هينام من العصر...
ناني بحده قالت ليه _
ما لكش دعوه بياا ممكن..
كتم خالد ضخكته وقال _
جبهتك بترقص هناك اهي...
عمار بعصبيه _
لا هي زودتها اووي وانا لازم افهم في ايه..
مسكت ملك ايده وقالت _
بلاش دلوقتي يا عمار استني بس تهدي شويه وكلمها..
سما بسخريه _
يا بنتي ما تخليكي في حالك وتسبيهم براحتهم..
خالد بحده _
انتي حد كلمك يا سما هي بتكلم عمار..
اسامه بضيق _
والله انتو مكبرين الموضوع علي الفاضي، المشكله كلها في عمار اللي مش ناوي يسترجل ويتجوزها..
عمار بعصبيه رد عليه وقال _
بقولك ايه يا مليونير علي ما تفرج انت خليك في حالك، لما سيبت سما يوم الخطوبه ما سمعتش كلمه من حد..
قرب منه اسامه وقال بحده _
لا ده انت قليل الادب وعايز تتربي..
سما بعصبيه _
هو غلط في ايه يعني، قبل ما تشوف اغلاط حد شوف نفسك غلطت في ايه...
ملك بهدوء _
خلاص يا هو احنا كل ما هنتجمع نتخانق كفايه، وبعدين كل حاجه نصيب..
قرب منها خالد وقال بسخريه _
معاكي حق كل جاجه نصيب ياريت انتي بس تقتنعي بحاجه زي كده.، انا طالع اقعد فوق اتخانقو براحتكم..
سما بحزن _
احنا فعلا لازم كلنا نطلع ننام وننسي اننا صحاب طفوله، لان ما فيش صحااب بينهم المشاكل دي كلها..
_طلعو كلهم نامو، وكانت ناني قاعده زعلانه في اوصتها ودخلت عندها ملك وقالت..
ملك _
ناني ممكن ادخل..
ناني بضيق ـ
لا انا تعبانه وعايزه انام..
_ادايقت ملك وطلعت لقيت سما في وشها وبصت ليها بسخريه وقالت..
سما _
ده اكبر دليل انك بعيده عننا وبتتلزقي فينا يا ملك من واحنا صغيرين...
ملك _
طيب وريني يا سما هانم ناني هترضي تخليكي تتكلمي معاها ولا لا..
_بصت ليها سما بثقه ودخلت عند. ناني اللي زعقت فيها وطلعت سما لقيت ملك بصت ليها بشماته وضحكت وقالت..
ملك ـ
اسامه هيحبني يا سما وهيتجوزني..
سما بدموع ردت عليها وقالت _
اصلا انتو كلكم ما تفرقوش معايا..
مشيت سما دخلت اوضتها، وقرب منها خالد وقال بحزن _
اسامه بيحب سما يا ملك بلاش تبقي بينهم لانك هتخسري...
ملك ببرزد ردت عليه وقالت _
شكرا علي النصيحه اللي ما لهاش اي لازمه دي يا خالد تصبح علي خير..
طلع عمار وخبط علي باب ناني وقال _
براحتك يا ناني انا مش عارف اصلا انا زعلتك في ايه، بس انا بحبك ومش هتخلي عنك خليكي فاهمه كده كويس..
فتحت الباب وقالت بعصبيه _
اهو كلام مش هتتنفذ منه حاجه علي فكره..
_خلصت كلامها وقفلت الباب في وشه وطلع اسامه من. اوضته وقال ليه بسخريه..
اسامه _
انا لو مكانك ما اتكلمش تاني، وابقي بتاع افعال..
عمار _
شوفو مين بيتكلم علي الافعال..
خالد _
طيب خلاص مش كل شويه نتخانق ويلا بينا ننام عشان نشوف بكره الاستاذ وليد هيلعب بينا ازااي..
ــــــــــــــــــــــــــــــــــــــــــــــ
_تاني يوم الصبح صحي عمار ونزل المطبخ عشان يفطر لقي سما بتاكل في بسكوت، فسألها وقال..
عمار _
فين البسكوت ده انتي جيبتيه منين؟..
ردت عليه سما وقالت _
ده بتاعي كنت جيبته معايا..
عمار _
طيب هاتي حبه عشان بحبه..
_اتنهدت يما بضيق ورمته ليه علي الترابيزه فاتعصب عمار وقال ليها...
عمار _
ايه يا بنتي التناكه دي ما تقولي اتفضل...
سما بغيظ _
بقول ليك ايه احترم نفسك بقي..
عمار بضيق _
عارفه يا سما من واحنا صغيرين وانا اطيق اي حد رزل وما اطيقش وشك..
ردت عليه ببرود وقالت _
من القلب للقلب، وبعدين انت مش بتطيقني بتاخد البسكوت بتاعي ليه...
رد عليها وقال _
عشان بحبه وعلي راي المثل ابو بلاش كتر منه..
بثت ليه بقرف ونزلت ناني وقالت لسما_
صباح الخير يا سما..
سما _
صباح النور يا ناني بقيتي احسن دلوقتي؟..
ناني _
تمام الحمد لله..
عمار بغيظ _
ايه يتني انا هوا شفاف مش هتقوليلي صباح الخير..
سما _
ملزق اووي علي فكره..
رد عليها عنار بغيظ وقال _
اكتمي يا سما بدل ما اخبطك بالطبق في وشك..
_بعد شويه اتجمعو كلهم ووليد كلمهم وقال بسخريه..
وليد _
يا سلام اول مره اشوفكم متجمعين في هدوء..
اسامه _
اخلص يا وليد وقول هتلاعبنا ايه، او اقول ليك سيبنا نمشي احسن..
ـ كلهم وافقو انهم يمشو بس وليد ادايق، ورد عليهم وقال..
وليد _
هتلعبو لعبة تحدي هتبقو فريقين قصاد بعض، والفريق اللي هيكسب هيبقي هو رئيس مجلس اظارة شركة فراين اللي كنا هنفتحها سوا انا خلصت كل حاجه فيها ومش باقي غير الاداره..
اسامه _
المفروض اللي هيمسك ادارة الشركه دي حد فاهم فيها..
وليد بحده _
ده عندها يا اسامه هاا، انا اللي عملت الشركه دي بمجهودي والاداره هتتقسم علي اربعه انا ومعايا تلاته بس، والتلاته دول اللي هما الفريق اللي هيفوز بالتحدي اللي انا هعملو..
عمار _
طيب وايه التحدي بقي، وهنقسم بعض ازاي..
وليد _
عمار وسما وملك في فريق..
عمار بحده _
انا مستحيل ابقي مع سما ابدا..
ملك _
وانا كمان...
سما بغيظ _
وليد ما تهزرش انت عارف اني مش بطيق الاتنين دول..
وليد _
كل واحد يعرف فريقه اسامه وناني وخالد فريق، والتحدي الاول هيكون..
_بصو ليه كلهم بحماس وقال هو بكل هدوء وخبث..
وليد _
التحدي الاول مين الفريق اللي هيعمل بيض بالبسطرمه ليا عشان افطر، وفي خلال نص ساعه يكون خلصو وانا هدوق مع السيف سيف وحيد صديقي وهنقول مين اللي نجح فاول تحدي..
وقف عمار وقال بعصبيه _
ده عند طنط سميره مامتك البيض بالبسطرمه ده..
_اول ما خلص كلامه لقي مايه بتنزل عليه من فوق ووليد بيضحك و؟؟....
يتبع...
لقراءة الفصل الثاني اضغط على : ( رواية نجاح الفاشلين الفصل الثاني )
لقراءة باقي الفصول اضغط على : ( رواية نجاح الفاشلين )