رواية زواج بشروط الحلقة الثانية 2 بقلم اسماعيل موسى
رواية زواج بشروط الجزء الثاني 2 بقلم اسماعيل موسى
رواية زواج بشروط البارت الثاني 2 بقلم اسماعيل موسى
 |
| رواية زواج بشروط الفصل الثاني 2 بقلم اسماعيل موسى |
رواية زواج بشروط الفصل الثاني 2 بقلم اسماعيل موسى
البنت دى جميله اوى اووى يا ادم لكن للأسف كل إلى بيتقدملها بترفضه أطباء، محاسبين، وكلاء نيابه، ضباط !!!
ادم ___ايه السبب؟
بيقولو بتطلب تقعد مع العريس على انفراد بعد كده العريس بيطلع وشه بيضرب الوان والموضوع يتفشكل، بص رعد على ادم لكن انا عرفت من مصادرى الخاصه انها مصابه بمرض البنات
ادم __مرض ايه؟
رعد __اسمه الفيمنستاويه، ثم أشار رعد بأيده، هى إلى ماشيه هناك يا ادم، صوب ادم نظره على كارى، كانت أجمل من الأوصاف فعلا، جسد ممشوق، عيون واسعه خضراء، وجه عاجى ابيض، مشيه واثقه ونظره حديديه
ظل ادم مصوب نظرة على كارى، لبسها أنيق جدا لكن خالى من الشوائب وظل شارد اكتر من دقيقه
رعد ___ فيه ايه يا عم؟
ادم ___ انا هاخد والدتى ونروح نخطبها
رعد __ انت اتجننت يا ادم، بقلك بترفض كل الى بيتقدملها؟
ادم ____ مفيش مانع اجرب حظى، مش هخسر حاجه
ظل رعد يضحك _ طبيعة ادم مختلفه عن كارى ومستحيل يوصلو لنقطة تواصل
ادم __ماما انا اخترت بنت وعايز اخطبها
الام __وماله يا ابنى على بركة الله
الساعه 7 مساء كانو على باب شقة كارى، ادم بيطرق الباب بأدب
2
دخل ادم ووالدته شقة كارى، مكنش فيه ميعاد سابق عشان كده البيت كان فيه دربكه، قعد ادم ووالدته وتطرق لطلبه بسرعه، طلب ايد كارى من والدها
والد كارى، انا معنديش مانع يا استاذ اهم لكن كارى هى إلى هتقرر انا مقدرش اغصبها
وكان ادم منتظر اللحظه دى، وصلت كارى بلبس عادى، سلمت على ادم ووالدته، كارى مش متذكره انها شافت ادم قبل كده
بعد اذنك يابا انا محتاجه اقعد مع الاستاذ ادم شويه، بحزن تنحى والد كارى بعيد عنها وقعد مع والدة ادم
توقع ادم ان تسأله كارى شغال ايه؟
لكن كارى فاجأته بجرأه انا ليا شروطى الخاصه
ادم بهدوء، تفضلى
مفيش حاجه اسمها فى البيت الكلمه كلمتك، الكلمه هتكون مشاركه او كلمتى انا
وانتظرت كارى ثورة ادم ودفاعه عن رجولته
ادم معنديش مانع نتناقش
كارى، افهمنى كويس، الكلمه هتكون كلمتى انا جوه البيت وبره البيت
هخرج براحتى، هشتغل، شغل البيت مش هعمله لوحدى ولو انا مشغوله هتعمله انت، الحمل والخلفه هيتأجل شويه لحد ما اشوف نفسى مرتاحه معاك ولا لا
ادم، موافق
كارى، هيكون ليا خصوصيتى وذمتى الماليه إلى اتصرف فيها براحتى
فكر ادم فى سره ، عايزانى طرطور جوه البيت؟
ادم ___مفيش مانع
كارى اخر شرط، علاقتي الاجتماعيه، من حقى اتكلم مع رجال براحتى طالما فى حدود الأدب، انت مش هتحجر عليا انا مش هكون جاريه عندك
ادم يعنى معندكيش مانع اكلم بنات براحتى طالما فى حدود الأدب؟
احمر وجه كارى لحظه، عادى طالما فيه ضروره لكده
ادم __موافق
كارى وانا موافقه
ادم لكن انا عندى شرط كمان
كارى ايه هو؟
ادم ____ مش من حقك تطلبى الطلاق ولا خلع
كارى بغضب طبعا من حقى
ادم ___ ليه تطلبى الطلاق وانا وافقت على كل شروطك؟
كارى ___ يمكن تتغير، او تكون بتخدعنى
ادم ____ انا بحب الست القويه وطول عمرى كنت ببحث عن شخصيه زيك ارتبط بيها، ثم انتى قويه يعنى مش هقدر اغصبك على حاجه ولا انتى خايفه منى!؟
كارى بجفاف ، هخاف منك ليه؟
ادم طيب يبقى متفقين، هيكون فيه شرط جزائى على الشخص إلى يطلب الطلاق
كارى موافقه
يتبع....
لقراءة الفصل الثالث اضغط على : ( رواية زواج بشروط الفصل الثالث )
لقراءة باقي الفصول اضغط على : ( رواية زواج بشروط )