رواية نجاح الفاشلين الحلقة السابعة 7 بقلم رحاب القاضي
رواية نجاح الفاشلين الجزء السابع 7 بقلم رحاب القاضي
رواية نجاح الفاشلين البارت السابع 7 بقلم رحاب القاضي
 |
| رواية نجاح الفاشلين الفصل السابع 7 بقلم رحاب القاضي |
رواية نجاح الفاشلين الفصل السابع 7 بقلم رحاب القاضي
ـــــــــــــــــــ
وليد بدموع حاسس اني مش هطلع من اللي بعمله دا بـ اي حاجه
انهارده اتأكدة اننا مش هنرجع تاني زي الأول احنا محدش فينا وقف جمب التاني في تعبه وحزنه كل واحد شايل من التاني في قلبه حاجات متتغفرش..
ام وليد بحزن _
ليه اليأس ده يا وليد انا عمري ما شوفتك كده..
وليد مسح دموعه ورد عليها وقال _
يعني مش شايفه يا ماما، كل واحد شايل في قلبه من التاني اد كده وعمرنا ما هنرجع اخوات وصحاب تاني وده جوانا...
ام وليد بجديه _
اسمع يا وليد انت دخلت التحدي ده بينك وبين نفسك ولما قولت ليك بلاش فاكر وقتها قولت ليا ايه؟..
رد عليها وليد وقال بسخريه _
قولتلك انا عارف صحابي كويس احنا مهما كانت بينا مشاكل اول ما هنتجمع هنتعاتب وهنرجع تاني..
ام وليد _
يبقي خليك ورا احساسك ده للاخر عشان لو حسرت يبقي انت عملت كل اللي عليك واللي حصل ده بتاع ربنا هو مش رايد انكم تنجمعو تاني..
اتنهد وليد بضيق وقال _
معاكي حق يا ماما انا هكمل للاخر، واننا نتجمع. او لا دي حاجه بايد. ربنا..
ــــــــــــــــــــــــــــــــــــــــــــــ
_تاني يوم الصبح نزلت ناني المطبخ وطلعت حاجات كتير وفضلت تعمل اكل كتير، ودموعها بتنزل وهي بتفتكر كلام ملك عن عمار، وفجأه نزل عمار وفتح التلاجه واخد. مايه وجه يمشي وقفت ناني قدامه وقالت..
ناني بحزن _
اسفه..
ضحك بسخريه وقال _
امم دلوقتي اسفه، لا انا اللي اسف انا اللي غلطت لما اتجوزتك في السر بعترف اني كنت انامي وعملت كده عشان ما اخليش حد ياخدك مني، واسف عشان ما قولتش ليكي علي مقابلتي مع باباكي عشان ما تزعليش منه، اسف اني خبيت عنك انك لما بعدتي عني كنت...
نزلت دموعه فا قال ليها بسخريه _
ما فيش داعي اكمل، انا كل اللي كنت عايز اكلمك فيه وانتي رافضه تسمعيني هو اني اقولك اني قربت اووي اخطبك، واقسم بالله ما كنت هقرب منك تاني غير وانتي مراتي قدام الناس كلها،بس انتي ما هانش عليكي تسمعي وتشوفي غير ان عمار وحش...
_خلص كلامه وراح قعد في الجنينه وكانت سما قاعده هناك واول ما قعد جنبيها، فا نامت براسها علي كتفه، استغرب وقال ليها..
عمار _
اوعي يا بنت انتي بدل ما اسامه يجي يشيل دراعي من جسمي..
ضحكت سما اووي وقالت ليه _
هههههه هو ما لوش دعوه بيا، اقعد جنب اخويا براحتي..
جات ملك وقعدت جنبيه من الناحيه التانيه وقالت _
وانا كمان هقعد. جنب اخويا براحتي..
ضحك عمار وقال _
فاكرين لما كان حد بيعاكسكم وانتو في ثانور كنتو بتعملو ايه؟..
سما بسخريه _
كنا بنيجيلك انت اكمنك كنت شمام وبطلجي..
ذقها عمار وقال بغيظ _
قومي يا بت انتي من هنا...
_ضحكو هما التلاته وبعدين بصو لبعض باستغراب انهم بيهزرو عادي كده، وبعدين قامو ودخلو جوه لقيو خالد واسامه قاعدين مع ناني وبياكلو من اللكل اللي عملته..
خالد بخبث _
بقولك ايه يا ناني انا لما اخطب اجيبلك العروسه تعلميها تعمل الحاجات الحلوه دي..
سما _
الله انتي عامله اكل حلو اووي، برغم انه مش لايق علي الفطار بس هاكل...
ملك بحماس _
وانا كمان..
اسامه بحده _
عندك يا ماما انتي وهي، احنا تيم لوحدنا ومحدش عدو منافس لينا هيقعد معانا..
ملك بغيظ _
انتي عاجبك الكلام ده يا ناني..
ناني بغيظ قالت ليهم _
ايوه خلي اكتاف البيه اللي كنتو نايمين عليها بره تنفعكم..
_ضحك عمار وهو بيبص الناحيه التانيه وعرف انها غيرانه عليه، وظهر فجأه صوت وليد اللي قال..
وليد _
استني يا وحس منك ليه خالد واسامه وناني بلاش اكل لان التحدي الجاي عايز معده فاضيه..
اسامه بخوف _
ربنا يستر قلبي مش مطمن..
خالد بسخريه _
هو مش ناقص غير انه ياكلنا صراصير اصلا..
وليد بحده _
والله فكره حلوه بس التحدي ده انت لوحدك اللي هتعمله يا مقرف علي الصبح..
_قعدو كلهم وقال وليد بهدوء وهو بيبص لناني اللي كانت قاعده مدايقه..
وليد _
معلش يا ناني هتعبك تروحي عند الباب هتلاقي كرتونه هاتيها..
ناني بهدوء قامت وقالت _
حاضر عيوني يا وليد...
ابتسم ليها وليد وقال _
يا سلام علي الرقه يا نااس...
عمار بحده زعق فيه وقال _
طيب لم نفسك يا حلو..
_ابتسمو كلهم علي غيرة ناني وعمار علي بعضهم، وجات ناني وحطت الكرتونه ووليد قال ليها تفتحها، واول ما فتحتها لقيت وجبات اكل فا قال وليد..
وليد _
كل واحد فيكم ليه وجبه هياخدها دلوقتي، معاه عشرين دقيقه يكون خلصها..
عمار بحماس _
اوبااا رينجه وفسيخ اقسم بالله انت رجوله يااد يا وليد، بس اقول ليك ايه انا مش هتكفيني واجبه واحده..
ضحك وليد بخبث وقال _
خد يا حبيبي انا عامل حسابك في كتير...
سما بضيق _
بس انا مش بحب الحاجات دي..
وليد بحده _
سمااا اطلعي من جو بنت الناس ده دلوقتي عشان ده تحدي مش عزومه...
خالد وهو بيدأ اكل _
قولي بس يا وليد ايه دخل التحدي في الاكل..
وليد بخبث _
كل انت بس وبعدين اقولك ايه التحدي، في بصل عندك كمان دشله واحده يا اسامه..
_فضلو كلهم ياكلو بس لما راحو يجيبو مايه لقيو المايه خلصانه وما فيش مايه خالص..
عمار بغيظ _
الله يخرب بيتك يا وليد ده انا مش عارف اخد نفسي من الاكل ولازم اشرب..
وليد بحده _
كل واحد يقعد مكانه يلا..
ناني بحزن _
وليد عشان خاطري عايزه مايه عطشانه اووي..
وليد بتاثر قال _
لا لا مش هضعف قدامك يا ناني وهتشاركي في التحدي..
_وفجأه طلع قدامهم علي الترابيزه ست قزايز مايشه مشبره وكانو لسه هيمدو ايديهم عشان يشربو قال وليد بحده..
وليد _
اللي هيمد ايده علي قزازة مايه ويشرب هو وفريقه هيخسر يلا التحدي بدأ وقدامكم تلات سعات وتقدرو تشربو..
لطم عمار علي وشه وقال _
منك لله وعمال تقولي كل براحتك طيب نبهني ان في وفت تحدي علي المايه ده انا خلصت اكلي وكملت مع سما وملك..
سما بغيظ _
احسن عشان اكلت الحته اللي كان نفسي فيها..
عمار بحده _
ياريتني ما كلتها ياريتني سيبتهالك..
ناني بضيق _
لا يا جماعه بجد انا مش هقدر اتحمل وهشرب..
عمار بخبث _
ايوه يا ناني اشربي القزازه ظشبره اهي وبتقول ليكي اشربيني..
خالد زعق فيه وقال _
اخرس يا زفت وانتي اهدي وافتكري اننا خسرانين بفارق اتنين ولازم نعوض..
ملك ببكاء _
لا والله مش قادره...
وليد وهو بيضحك وبيشرب مايه قدامهم _
ههههه المايه تروي العطشان..
اسامه بغيظ _
تتوه في صحرا وما تلاقيش نقطة مايه لمدة شهر قدام..
_عدت ساعتين وكانو هما السته قاعدين يندبو بس..
اسامه بغيظ ـ
مالها الساعه دي ماشيه علي مهلها كده ليه؟..
وليد بخبث _
لو الوقت ده خلص وما حدش شرب هنمد الوقت تلات سعات كمان..
قام عمار ومسك قزازة المايه وقال _
يا اخي ده انت ما فيش احساس خالص، ده من سقي كلب دخل الجنه وانت مذنب سته، هتشرف جنب ابو لهب ان شاء الله..
_خلص كلامه وشرب القزازه كلها، وبعد منه الكل شرب واترمو علي الارض..
سما بحده _
خسرنا منك لله يا عمار..
وليد _
كده النتيجه ٤/٣ لفريق عمار..
خالد بحماس قال _
ايه بقي العقاب بتاعهم يا وليد قول..
وليد بخبث _
هينضفو البيت اللي من لما جيتو وهو مكركب..
عمار بغيظ قال _
مش عارف ليه مصمم تخليني ابقي ست بيت شاطره..
قام اسامه وقال _
فريقي المميز ايه رئيكم نطلع نقعد في الجنينه الجو جميل اووي لحد ما هما يخلصو البيت..
سما بغيظ ردت عليه وقالت _
امم فاكرنيا الفلبنين بتوع اهلك..
ضحك وليد وقال _
لا جامده يا سما دي، المهم انا رايح الشغل هغيب ساعه وراجع ليكم يا حبابي..
عمار بغيظ _
تروح ما ترجع يا شيخ..
_فجاه وقع عمار من علي الكنبه وكان متعصب جدا، والكل فضل يضحك عليه..
ــــــــــــــــــــــــــــــــــــــــــــــ
_بالليل كان اسامه قاعد في الجنينه ونزلت ملك ولما شافته ادايقت وجات تمشي فا نده عليها اسامه وقال..
اسامه _
ملك استني..
ملك بتوتر _
خير يا اسامه في حاجه؟...
اسامه بجديه _
ممكن نتكلم مع بعض شويه...
ردت عليه ملك وقالت _
اكيد طبعاً..
قعدت جنبيه بس سابت مسافه بينهم فا قال اسامه بهدوء _
ليه يا ملك ليه كنتي عامله نفسك بتحبيني..
ملك بصت ليه وقالت بحزن _
وليه ما قولتش اني فعلا حبيتك..
رد عليها ملك وقالت _
وليه ما قولتش اني حبيتك بجد؟..
ابتسم ورد عليها وقال _
لانك مش بتحبيني انا كنت صديقك المقرب بس يا ملك، لما سيبت سما قربتي مني عشان الخلاف اللي بينكم انا كنت فاكرك قربتي عشان احنا اصدقاء وكده وانتي عايزه تبقي جنبي، بس لما فهمت قصدك بعدت..
بكت ملك وقالت _
انا بجد اسفه انا حطيتك وحطيت نفسي في موقف رخم اووي..
اسامه بجديه _
اللي كان محطوط في موقف رخم بجد خالد وسما..
سالته ملك وقالت _
خالد ليه، هو اا..
اسامه رد. عليها وقال _
بيحبك وقالي انا وعمار كتير، وسبب بعدي انا وهو انك قربتي مني وهو اخد وقت كبير مفكر اني سيبت سما عشانك تخيلي بقي خالد كان موجوع ازاي..
ملك بحزن _
انا اءاي كنت مؤذيه كده ليه ولسما وليك، انا بجد قرفانه من نفسي و...
اسامه بجديه _
ما تقوليش كده احنا مش ملايكه وكلنا هنا غلطنا وكل واحد عارف نفسه كويس هو غلط في ايه، المهم نصلح الغلط ده قبل ما يفوت الاوان ونتعلم منه ومنكرروش..
ابتسمت ليه ملك وقالت _
لا لا طبعا مش هيتكرر، بس انه بتصلح صعب شويه...
مد اسامه ايده ليها وقال بهدوء _
طيب نصلح شويه منه علي الاقل ونرجع صحااب..
سلمت عليه ملك وقالت _
لا لا احنا هنرجع اخوات تاني يا اجمل اخ في الدنيا..
_فضلو يتكلمو ويضحكو، ومش واخدين بالهم من خالد وسما اللي كانو واقفين بعيد وشايفينهم قريبين من بعض، مسح خالد دموعه وقال بسخريه وحزن..
خالد _
هما الاتنين شبه بعض اصلا..
سما بدموع والم _
معاك حق، هما الاتنين زي بعض يعشموك انهم كويسين وفي اخر لحظه يغدرو بيك..
_قالت كلامها ودخلت جوه وجه خالد يطلع اوضته، لقي ملك قربت منه وقالت..
ملك _
خاالد استني لو سمحت، انا كنت جايه وفاكره هلاقيك في الجنينه زي كل يوم..
بص ليها وزعق وقال _
بطلي كدب انتي نزلتي لاسامه، روحيله ما تخليهوش يقعد لوحده..
_خلص كلامه وسابها وطلع اوضته...
يتبع...
لقراءة الفصل الثامن اضغط على : ( رواية نجاح الفاشلين الفصل الثامن )
لقراءة باقي الفصول اضغط على : ( رواية نجاح الفاشلين )