رواية صدفة مجنونة الحلقة الثامنة عشر 18 بقلم زهرة الربيع
رواية صدفة مجنونة الجزء الثامن عشر 18 بقلم زهرة الربيع
رواية صدفة مجنونة البارت الثامن عشر 18 بقلم زهرة الربيع
 |
| رواية صدفة مجنونة الفصل الثامن عشر 18 بقلم زهرة الربيع |
رواية صدفة مجنونة الفصل الثامن عشر 18 بقلم زهرة الربيع
هو فين جوزك ده ..اه قصدك الي بهدلك وزلك واتهمك انك حامل من غيره وطردك من بيتو هو فين بقى مش شايفو
انا هو ...أؤمر..قالها عمار بثقه وغضب بعد ماسمع كلامهم... وصدفه اتفاجأت بصتلو بزهول شديد
عمار بص لصدفه بابتسامه جميله وصدفه للحظات كانت ناسيه كل حاجه وابتسمت بفرحه بشوفتو وغلبتها خطواتها وكانت هتجري عليه تحضنو بس وقفت مكانها لما افتكرت الي عملو واختفت ابتسامتها وقالت بقوه مصتنعه..معاك حق..انا فعلا مش متجوزه ..بس حتى لو فضلت طول عمري من غير جواز مش هتجوزك يا عره الرجاله......ومشيت من قدامهم بعصبيه
عمار بص لطيفها بحزن وعرفه كان هيروح وراها وهو بيقول..صدفه صدفه استني هنتفاهم و
بس قطع كلامو لما عمار مسكو من دراعو وقال بغضب وهو بيضغط على كل حرف بيقوله...صدفه...مراتي..مرات عمار المنزلاوي...اقعد مع نفسك في اي زاوثه وعيدها عشر مرات علشان تحفظها...واياك اشوف طيفك قريب منها
عرفه نفض ايده بعصبيه وقال بانفعال..انت ايه يا اخي حل عنا بقى احنا بنحب بعض ابعد عن سكتنا لو كان عندك دم كان طلقتها من ساعه ما كنا في الاوضه...لو كنت راجل مكنتش هتستحمل ان مراتك تبو،س غيرك
عمار كان هيموت من الغضب بس ابتسم بسخريه وقال...بس انا عارف ان مراتي مباستش حد..وعارف كل الاعيبك حتى موضوع الدكتوره الي جبتوها بس انا مش هعاقبكم ..ابدا ...لما مراتي ترجع قدام عنيكم لحضني ده هيكون اكبر عقاب للتافهين امثالكم ووصل الكلام ده للحربايتين الي بيساعدوك
وسابو وراح ورا صدفه وعرفه كان هيموت من الغيظ ومشي بعصبيه
وذياد اتنهد وقعد يلعب طاوله مع الشباب الي قاعدين ولعب مع واحد منهم وكان ولد صغير وقال... اسمك ايه
الولد قال ...محسوبك شلاطه يا بيه
ذياد استغرب الاسم بس قال بلامبالاه..ما علينا ..العب العب يا شكلاته شكلنا هنلعب كتيييييييير
عمار بقى كان رايح جاي ورا صدفه وكانت بتشتغل وبتجهز الطلبات في المطبخ ومش راضيه تبصلو ولا ترد عليه
عمار قال...يا صدفه حرام عليكي رجلي وجعتني والله اقفي شويه طيب ردي عليا حتى
بس صدفه مش راضيه تقف ولا ترد بس عمار مسكها من معاصم اديها بقوه وزقها على الحيط وبقى مسكها بقوه وبص لعيونها جامد وقال...وحشوني عيونك اوي
بقلمي..زهرة الربيع
صدفه بقت كمان تبص لعنيه جامد واتجمعت الدموع في عنيها وكانت عايز تبكي وتضربه وتسأله ليه عمل فيها كده بس قالت بصوت ضعيف... عايز ايه يا عمار جاي تاني ليه
عمار لهنا ومقدرش يستحمل شدها لحضنه بكل قوتو وبقى يحضنها جامد وقال بدموع...وحشتيني وحشتيني قوي يا صدفه ..انا اسف سامحيني...ارجوكي سامحيني وارجعي معايا انا مش قادر اعيش من غيرك
صدفه كانت دموعها بتنزل وقلبها بيدق جامد ومبسوطه لاكن لسه زعلانه منو لسه هتبعدو دخلت صباح وقالت...الله الله في المطبخ
عمار بعد بسرعه وصدفه بقت تبصلها بتوتر وقالت...انا انا مليش دعوه يا خالتي ..هو الي جيه ورايا هنا انا اصلا مش طيقاه وياريت تمشيه واخدت الطلبات وطلعت
عمار اتغاظ منها انها سابتو في الموقف ده وقال ..احم...اذيك يا مدام صباح
صباح بصتلو بابتسامه جانبيه وقالت...تمام يا نن عين صباح ...اقدر اعرف سبب الزياره الكريمه
عمار اتنهدد وقال...انا هحكيلك كل حاحه اصلا محدش هيساعدني غيرك
عند صدفه طلعت وبقت توزع على الناس المشاريب وجات جنى ومعاها علبه فيها اكل بتجبها لصباح وصدفه وقالت لصدفه..اهو الاكل انا هروح الدرس تمام ...
صدفه اخدت منها الاكل وقالت.... طب معاكي فلوس
جنى لسه هترد زياد شافها وقال بفرحه جنى
جني بصتلو بزهول واول ما شافتو طلعت جري من غير اي كلمه وزباد طلع جري وراها وهو بيقول..جني..جني استني ....بس جنى كانت بتجري جامد ومش راضيه تقف
صدفه شهقت بزهول وقالت...هو انت...يا نهار ابوك اسود انت وابن عمك ورجعت عند عمار بعصبيه
عمار كان حكي الي حصل بحرج لصباح... وصباح اتنهدت وقالت..ده الموضوع طلع عاكك يا باشا...انا كنت فاكره انو موضوع صغير واقدر احلو
عمار قال...ارجوكي تساعديني انا ندمان قوي لو صدفه راحت مني مش هقدر اكمل انا ما صدقت لاقيتها
صباح ابتسمت وقالت..متخافش مش هتروح ولا حاجه صدفه دي مفيش اطيب من قلبها ..اصلا بتسامح بسرعه و زي النسمه و
بس قطعت كلامها على دخول صدفه زي الاعصار وقالت بغضب..انتو حد مسلطكو علينا ..انطق..ابن عمك جاي معاك ليه
عمار بص لصباح وقال بسخريه ..لا نسمه الصراحه ..احم...هو ...هو زياد جاي معايا علشان نرجعك
صدفه قالت بغضب..بس..علشان يرجعني
.ولا في حاجه تانيه اتكلم يا عمار احسنلك
صباح قالت بتحاول تهدي الوضع..يا صدفه يا حببتي عماؤ ندمان على كل الي عملو معاكي واعتذر و
صدفه قالت ..الله الله لحق اكل بعقلك حلاوه يا خالتي..بقولك ايه مش هرجع معاه وده كلام نهائي ..ومتقعديش معاه كتير يقعد يسحرلك بعنيه السود دول خدي بالك على نفسك يا خالتي
صدفه قالت كده وخرجت وعمار ضحك بخفه وقال..عن اذنك يا خالتي قصدي با مدام صباح
اما جنى كانت بتجري جامد من زياد لانها مش قادره تتوجهه معاه جريت في نص الشارع وكانت فيه عربيه جايه باقصى سرعه وجنى بتلتفت لها والنور ضرب في عينها وصرخت بقوه بس في اخر ثانيه زياد شدها ووقعو هما الاتنين على الارض
جنى مسكت فيه جامد وبقت تبكي وهيه مش حاسه باي حاجه وزياد قومها وبقى ينضف هدومها ويمسح دموعها وقال بقلق...جنى انتي كويسه.حصلك حاجه.
جنى بصتلو بدموع وقالت ...جاي ليه يا زياد
زياد اتنهد وقال بحزن ممكن نقعد في مكان ونتكلم ..ارجوكي يا جني اديني فرصه اشرحلك الموضوع
جني قالت بغضب ودموع..هتشرح ايه..هتقول ايه يا اخي حل عني..كفايه كده
جنى لسه هتمشي زياد مسك ايدها وقال برجاء....لو سمحتي يا جني ..فرصه واحده..اوعدك مش هضايقك تاني
جنى اتنهدت بضيق ومشيت معاه وهيه مش عارفه ليه عايزه تسمعو
عند عمار قعد على طاوله وبقى عينه على صدفه الي كانت بتنزل الطلبات بخفه وابتسامه جميله وشارد في جمالها الساحر بس فاق من شروده على صوت واحد في الطاوله الي وراه بيقول...ااااااخ بس فرسه حاجه تهبل...سايبين لنا البنات الاي كلام دول نختار منهم وحايشين عنا الجمال ده كلو
صاحبو رد عليه وقال..بقولك ايه متجبلناش المشاكل دي بنت اخت صاحبه المكان ومبتطلعش مع الرجاله اخرها بتنزل الطلبات كان غيرك اشطر
شرب الكاس في دفعه واحده وقال..انا مفيش اشطر مني وميتقليش لا ..واتقدم عند صدفه وقال..ايه يا غزال..بقولك ايه..انا هدفع الي ٥ اضعاف الي بدفعو لاي بنت ..بس تحن يا جميل
صدفه قالت بغضب..بقولك ايع.. مش كا شويه هفتح دماغ واحد مش ناقصه مصايب على المسا غور من خلقتي
عمار مقدرش يستحمل اكتر واتقدم عليهم بغضب وقال...فيه حاجه يا حضرت
الشاب بصلو وقال..وانت مالك انا بتكلم مع المزه انت دخلك ايه
عمار قال بغضب مكبوت... ابدا بس الموزه تبقى مراتي وضربو بكس قوي جدا وقعو على الطاوله بتاعتو
الشاب الي كان معاه قومه واخده من المكان وطلعو هما الاتنين بسرعه وخوف
صدفه بصتلو بغضب وقالت..انت بتدخل ليه هتطفشلي الزباين ..مش كل واحد هيكلمني هتجي تعمل فيها عنتر
عمار قال بغضب..ويكلموكي ليه اصلا
.محدش له الحق يكلمك..وبعدين ده كان بيعاكسك انا سمعتو
صدفه ضحكت جامد وقالت...وهو كل الي هيعاكسني هتضربو كده مش هنخلص
عمار قال بغضب وغيره...بقولك ايه كفايه كده يا صدفه تعالي معايا ..انتي اصلا مش محتاجه الشغل ده مش محتاجه لاي شغل
صدفه قربت منو وبصت في عيونه وقالت بغضب...لا محتاجه...محتاجه اشتغل..علشان لما جوزي يرميني بره بيتو رميه الكلاب في نص الليل الاقي مكان اتعايش منو ولا ايه
عمار فضل باصص لعيونها الي بتشع غضب واتكسف من نفسو ومن الي عملو وشاف ان اي اعتذار حاليا مش هيجيب نتيجه مشي من قدامها وهو مش عارف يعمل ايه
عند زياد كان قاعد مع جنى وقال...احم..انا..انا اتعرفت عليكي علشان..علشان يعني انتي فاهمه زي ما بعمل مع بنات كتير بس يعني بيكون برضاهم...بس انتي كنتي حاجه تانيه..كنت لما بشوفك قلبي بيتهز كده مش زي اي واحده..بعترف يوم ما جبتك الشقه كنت ناوي على الغلط والي كانو معايا دول صحابي..او كانو صحابي ..كانو فاكرينك زي البنات الي بنجيبهم ومش هيكون عندك مشكله بس انا بمجرد ما قولتيلي انك مطمنه لانك معايا مقدرتش اعمل فيكي كده ياجنى ..والله من ساعه الي حصل وانا مش عارف انام ...وندمان جدا..صدقيني كل الي قلتوهولك من قلبي انا انا بجد مش عارف اشيلك من بالي حاولي تسامحيني يا جني ارجوكي
جنى بصتلو بدموع وقالت...انت يعني شايف ان الي انت قولتو ده مبرر..شايف ان كده ممكن يتغير موقفي..انا اتصدمت فيك يا زياد صحيح مقضناش فتره طويله سوا..لاكن انا..انا حبيتك..بجد..وكل كلمه قولتهالي وكنت بفرح بيها دلوقتي بقت سكين بتدبحني سبني في حالي يا زباد صدقني مفيش فايده
زياد قال بسرعه....لا..لا مفيش حاجه اسمها مفيش فايده..لازم يكون في امل ..انا..انا اسف ..عاقبيني باي طريقه بس تسامحيني ارجوكي يا جنى.
جنى اتنهدت وقالت..انا نفسي اصدقك يا زياد بس صدقني بقت بسمع كلامك وانا مش مصدقاه ابدا..مبقتش اقثق فيك يا زياد
زياد قال بسرعه..انا هخليكي ترجعي تثقي فيا ..بس فرصه يا جني ارجوكي
جنى وقفت وقالت اسفه ..انا مش هقدر ولسه هتمشي زياد .فكر شويه وقال بسرعه..اه..صح نسيت اقولك..مش انا كنت عايزك تساعديني في موضوع كده
بقلمي..زهرة الربيع
جنى بصتلو بشك وقالت ..انت بتعطلني وبس صح
زياد قال ..لا ابدا..انا..انا بتكلم بجد..صدفه وعمار متخانقين وكنت عايزك تساعديني نرجعهم لبعض
جنى قعدت لما قال كده وقالت..انت تعرف الي حصل بنهم
عند صدفه فضلت طول اليوم بتتجاهل عمار وهو كان رايح جاي وراها بس من غير فايده
صدغه بعد ما خلصت شغل لاحظت ان بقالها ساعه مش شيفاه افتكرت انو مل ومشي قالت معقوله سابني الواطي ومشي بالسهوله دي
صباح قاطعتها لما قالت ..ايه هنمشي .ولا ايه
صدفه قالت ..اه هنمشي ...بس..بس ..هو..هو عمار مشي يا خالتي
صباح قالت ..لا ابدا..هو هيبات هنا ادتلو مفتاح اوضه من الاوصض وهيبات فيها
صدفه قالت باستغراب..هيبات هنا..وفي اوضه من الاوض دي
صباح قالت..اه وفيها ايه..كان واجب ناخدو معانا البيت ..بس عرفاكي هتشرشحيلي قمت ادتلو الاوضه الي على اليمين..و اخترتلو بنت من البنات واطلعت من وراه بمصلحه
صدفه اتسعت عنيها بزهول وصدمه وقالت..يعني ايه يا خالتي ..يعني ايه اختارتيلو بنت من البنات
صباح قالت بخبث..يعني زي ما سمعتي..الشاب في عز شبابو وعايز ينبسط حاول معاكي طول اليوم لما رجليه وقعت فجاني وقلي مرضيتش يا خالتي..انا هبات هنا والصبح همشي مفيش نصيب بقى..بس عايز منك خدمه عايز اجمل موزه عندك تطبقلي الدولاب فانا فهمت لوحدي وبما انك خلاص هتطلقي منو بعتلو نوال وقلت اهي مصلحه برضو
صدفه قلبها بقى يضرب زي الطبل وقالت..يعني نوال معاه فوق..دلوقتي ..وقبل ما صباح ترد صدفه طلعت زي الاعصار
واول ما وصلت عند اوضه عمار سمعت اصوات ضحك ونوال بتقول...اي اي براحه يا باشا وووووو
يتبع....
لقراءة الفصل التاسع عشر اضغط على : ( رواية صدفة مجنونة الفصل التاسع عشر )
لقراءة باقي الفصول اضغط على : ( رواية صدفة مجنونة )