رواية جوهرة القصر المهجور الحلقة التاسعة عشر 19 بقلم منال عباس
رواية جوهرة القصر المهجور الجزء التاسع عشر 19 بقلم منال عباس
رواية جوهرة القصر المهجور البارت التاسع عشر 19 بقلم منال عباس
 |
| رواية جوهرة القصر المهجور الفصل التاسع عشر 19 بقلم منال عباس |
رواية جوهرة القصر المهجور الفصل التاسع عشر 19 بقلم منال عباس
بعد أن اعترف احمد بكل تفاصيل ما حدث واعترف على نفسه ليسلم نفسه إلى الشرطه
يأمر الضابط بوضع الكلبشات فى يد احمد ....
احمد وهو راض تماما بما حدث يوصى شهاب عن سهر ....
أما عصام حاولت جوهرة أن تأخذ عمها معها ولكنه لم يستطع الوقوف ليقع على الأرض ...
جوهرة مع طيبه قلبها صرخت ...
عمى عصام ...دكتور بسرعه
يساعدها جاسر فى حمله ووضعه على السرير
أما سهر فكانت محطمه من كل شئ
أم خاينه اب غير والدها ...وفى الاخير يسجن ...ولكن شهاب كان بجانبها كى تطمئن
وصل عز الدين هو ومريم إلى المستشفى ...
حيث استقبله مدير المستشفى بترحاب فهو صديقه منذ الصغر ..
علم عز الدين ما حدث وشعر بالحزن من أجل الفتاتين سهر وجوهرة وطلب
من جوهرة أن تأتى بأسرتها عمها وسهر إلى القصر ..فالقصر الان ملك لها هى وشهاب ...وخصوصا بعد أن علم من الطبيب أن عصام قد أصيب بالشلل لهول الصدمات التى تلقاها ...وهذه هى الحياة كما تدين تدان ....
مرت أيام عديده فى داخل القصر
كانت جوهرة حمامه السلام على الجميع ... بقلم منال عباس
استطاع عصام أن يتخطى تلك الفترة الصعبه من حياته وتسامح مع سهر فهى ابنته وهذا إحساسه الذى لم يتغير
فقد رباها ...
واليوم هو يوم عمليه سهر لخضوع عمليه بالقلب ....
سهر : انا خايفه اوووى يا جوهرة
جوهرة : قولى يارب ...وان شاء الله انا املى فى ربنا كبير ...
شهاب : وبعدين معاكى يا سهر ..احنا قولنا ايه ...ما تفكريش كتير وان شاء الله تقومى بالسلامه...
ابتسمت له سهر بحب
شهاب : ايوا كدا مش عايز اشوف غير الابتسامه ...يا روح قلبي
كان عز الدين ومريم والدين لها فكلا منهما كان يدعمها ....
نظرت سهر إلى عصام بخجل فهى لازالت تناديه ب بابي
سهر : ادعيلى يا بابى
عصام وهو يجلس على الكرسي المتحرك ...
عصام : بدعيلك يا روح بابي
اخذها شهاب وذهب معهم جاسر وجوهرة إلى المستشفى لاجراء عمليه القلب المفتوح .....
مرت ساعات عديده والجميع فى انتظار خروج الطبيب لتتفاجئ جوهرة بوجود صديقتها ريم هى ووالدها اللواء محمد بالمستشفى...
جريت جوهرة عليها بقلق
جوهرة : حبيبتى يا ريم انتى هنا ليه ...
ريم بخوف : كنت سايقه العربيه وخبطت واحد وهو جوا دلوقتى ...
خايفه يكون حصل ليه حاجه
جوهرة : ربنا يستر
اتى إليهم اللواء محمد
وبعد أن القى التحيه على جوهرة
محمد : للاسف الشخص اللي. خبطتيه مصمم أن الموضوع يوصل للشرطه
ريم ببكاء : يا بابا والله كنت بحاول افادى قطه كانت بتعدى الطريق
محمد : اه بتفادى قطه تخبطى راجل
اتى إليهم جاسر وعانق محمد بود فهو السبب فى زواجه من جوهرة
وعلم ما حدث مع ريم
جاسر : طب ممكن ادخل اتكلم معاه يمكن يغير رأيه ... بقلم منال عباس
وما أن دخل جاسر ليتفاجئ بوجود خالد ( افكركم ب خالد احسن تكونوا نسيتوا مع الاحداث ..خالد دا اللى سيف استعان بيه لفك لغز سرقه الحسابات لشركات جاسر )
جاسر : خالد !! معقول انت اللى حصل ليك الحادثه ...
خالد : وانت عرفت منين يا جاسر ..
جاسر : اصل البنت دى تبقي صديقه جوهرة مراتى
خالد : مستحيل المتهورة دى تكون صديقه جوهرة .
جاسر : البنت طيبه وهتموت من الرعب برا ...اتمنى تسامحها
خالد بتفكير موافق بس بشرط تيجى لحد عندى وتعتذر ليا
جاسر : حقك يا سيدى ...حاجه تانيه
خالد فهو لديه كرامه يحتفظ بها : لأ اعتذار فقط
عاد جاسر إليهم وطلب من ريم أن تدخل وتعتذر منه ..
ريم وهى تنظر لوالدها ليشير إليها محمد بأن تدخل لها
وما أن دخلت ريم
ريم بخجل وهى تنظر إليه : أنا اسفه يا استاذ ...ليرفع خالد بنظره إليها بذهول
خالد : انتى انس ولا جن
ريم : افندم !!
خالد : آسف ..اقصد ..خلاص ما تتأسفيش ...بس بعد كدا تخلى بالك
حياة الناس مش لعبه
لتبدأ ريم فى البكاء
ريم : والله مش بكذب كان فى قطه بتعدى وانا خوفت اخبطها
خالد : طب ما تعيطيش ارجوكى وشعر بمشاعر مختلطه ..
ريم : يعنى خلاص سامحتنى
خالد : سامحتك يا آنسه .....
ريم : ريم ..اسمى ريم
خالد : عاشت الاسامى يا آنسه ريم
ريم : انا متشكرة اوووى لحضرتك
واستأذنته وخرجت
اطمئن الجميع من أجلها وذهبوا للاطمئنان على سهر
خرج الطبيب ليطمئنهم على سهر ولكنها تحتاج لمرور ٤٨ ساعه لتعدى مرحلة الخطر ....
مر اليومين بصعوبه على شهاب فكان دائما بجانب سهر
أما جاسر فكان نعم العون ل زوجته وحبيبته ...
حضر الجميع إلى المستشفى
والحمد لله تخطت سهر مرحلة الخطر
وبدأت حالتها فى الاستقرار ...
شكر شهاب جاسر عما فعله من أجلهم
واعترف له بكل ما فعله به فى الماضى
جاسر : خلاص يا أبو نسب احنا اولاد النهارده
ليصلا جميعا بالاتفاق على ضم شركات شهاب وعصام وجاسر لتصبح شركه متحدة لكبار الموردين فى الدوله ....
مرت الايام وخرجت سهر من المستشفى ...
قام شهاب بمساعدة كلا من جاسر وسيف وجوهرة ومنى وريم بعمل حفله كبيرة ل سهر للاحتفال بشفائها
وايضا لعقد القران ...
كان القصر مجهز بالزينه فى كل مكان ليصبح القصر المهجور قصرا يتحاكى به كل من يراه ....
حضر المأذون وسأل العروس عن وكيلها لتنظر إلى عصام بحب
سهر : بابا عصام ...تم عقد القران ليقول المأذون جملته الشهيرة
بارك الله لكما وبارك عليكما وجمع بينكما في خير
كان الجميع سعيدا لهما وبدأوا فى تشغيل الاغانى ليبدأوا فى الرقص
زين : لين تعالى ال قصى ( ارقصى ) معايا
لين بدلع : حاضر ... بقلم منال عباس
سيف بضحك ل منى
سيف : الواد زين دا شقى اووووى
منى : هيطلع لمين يعنى ...البركه فى أبوه
سيف : انا ...دا انا غلبان
منى : طبعا ...انت هتقولى ...ليضحك الجميع على حديثهم ...
يحضر خالد الحفل ليتفاجئ بوجود ريم وهى ترتدى دريس ازرق اللون من الساتان وكانت جميله للغايه ...وقف مستمرا امامها
ريم بابتسامه وهى تمد يدها إليه لتصافحه : اهلا يا استاذ خالد
خالد : انتى جميله اوووى
ريم بخجل : شكرا
خالد : هو والدك فين
ريم بتساؤل : ليه
خالد : لو ما عندكيش مانع ...حابب اتقدم ليكى
ريم : بسرعه كدا !!!
خالد : انا ماليش فى اللف والدوران
والحقيقه يا آنسه ريم من يوم ما شوفتك وانتى ما بتغبيش عن خيالى ..
واتمنى أن يكون ليا نصيب معاكى ..ولا فى حد فى حياتك
لترد ريم بسرعه : لا والله
خالد بفرحه : يبقي خير البر عاجله
وذهب لوالدها لطلب يدها
بعد أن رأى اللواء محمد الفرحة فى عيون ابنته ....وافق على الفور
ليهنئهم الجميع
كان اليوم يوم حافل بالأخبار السعيده ...
وبعد أن غادر جميع المدعويين
أخذ شهاب عروسه إلى حجرتهما ليبدأا حياتهم الزوجيه بليله ورديه ....
اما جاسر ..بعد أن أغلق باب حجرته
جاسر : جوهرة
جوهرة : نعم
جاسر : وحشتينى ..واقترب منها ليقبلها ولكن جوهرة تفاجئه ب ..
بعد أن انتهى اليوم والجميع يشعر بالسعادة ...
اغلق جاسر باب حجرته
جاسر : جوهرة
جوهرة : نعم
جاسر : وحشتينى .واقترب منها ليقبلها
ولكن جوهرة تفاجئه بالابتعاد عنه وجريت على الحمام
استغرب جاسر وذهب ورائها ليجدها
تتقيأ وتتألم ...
جاسر بخضه : مالك حبيبتى بعد الشر
جوهرة بألم : تقريبا اخدت برد فى معدتى ...
جاسر : طب ثوانى اجيب دكتور
جوهرة : مفيش داعى ...انا هتغطى وانام والصبح اكون كويسه ..
جاسر : طب تعالى اساعدك وأخذها من يدها وساعدها فى استبدال ملابسها
واخذها السرير وغطاها وهو ينظر إليها
باستغراب فوجهها لاول مرة يبدوا شاحبا ..مما زاد قلقه عليها
جاسر : متاكده انك مش محتاجه دكتور
جوهرة : لا خلاص محتاج بس انام وارتاح بعد اليوم الطويل دا
قبلها جاسر من جبينها واطفأ النور كى ترتاح ولكنه لازال قلقا على حبيبته....
عند شهاب
يقترب من سهر ليجدها تفرك يديها ويبدوا عليها القلق
شهاب : مالك يا سهر ...
سهر : مفيش بس ..بحاول افتح سوسته الفستان من وقت ما دخلت الحمام ومش عارفه ..
شهاب بضحك : ودا يخليكى واقفه زى الطفل المتذنب كدا واقترب منها اكثر ووقف خلفها وبدأ فى سحب سوستة الفستان للاسفل ويديه تلامس جسدها الرقيق ..كانت تنتفض من لمساته ...شعر شهاب بذلك لف وجهها إليه
شهاب بحب : وحشتينى وانتى بين ايديا ... بقلم منال عباس
سهر : مش هتندم انك اتجوزتنى يا شهاب ؟
شهاب : اندم !!! ليه بتقولى كدا ..
سهر : علشان انا بنت حرا......ولم تكمل فقد وضع شهاب يده على فمها
شهاب : بس يا سهر ..انتى مالكيش ذنب فى اى حاجه حصلت
ثم انا وانتى غلطنا فى حق اللى حوالينا بس ربنا رحيم غفور ....والحمد لله اننا رجعنا عن الغلط قبل فوات الاوان ...
وفى حاجه مهمه ...
سهر : هى ايه ...
شهاب : انك تيجى فى حضنى عايزاك يا سهر قبل ما انفجر ...من اول اليوم وانا منتظر اللحظه دى واغلق النور ليعيشا سويا كأزواج ....
عند سيف ومنى
سيف : منى يا حبيبتي
منى بنعاس : امممم
سيف : نمتى ؟
منى : فى ايه يا ابن خالتى
سيف : لا اللى عايز أقوله ما ينفعش فيه ابن خالتى خالص
تفتح منى عينيها وتسأله
منى : ايه اللى عايز تقوله ..
سيف : عايز اقولك ويقترب منها ويقبلها ..مش عايزة تخاوى زين
منى : يا شيخ ...خضتنى ..
سيف : طب تعالى. ورينى اتخضيتى ازاى لتبدأ معركه من الحب والغرام بينهما ...
عند لين فى مكالمه هاتفيه
لين : ايه رأيك فى فستانى
زين : كان حلو ..بس ما تلبيسيس الفستان دا تانى
لين : ليه بقي
زين : علسان محدس يعاكسك ..عارفه لما نكبر انا هتجوزك
لين : طب هقفل بقي ولما نكبر نتجوز
زين : ماسي ..تصبحى على خير
لين : وانت. من أهل الخير
عند ريم فى مكالمه هاتفيه
خالد : انا اسعد انسان فى الدنيا كلها
ريم : بس يا بكاش هو انت لحقت تعرفنى
خالد : حاسس انى اعرفك من زمان
اعملى حسابك من بكره هننزل علشان نشترى الشبكه
ريم : طب ليه مستعجل كدا
خالد : انا لو عليا كنت اقولك نكتب الكتاب ... بقلم منال عباس
ريم بضحك : يالهوووى دا انت مجنون
خالد : بيكى يا ريمووووو ...
فى صباح يوم جديد على أبطالنا
يستيقظ جاسر على صوت أنين جوهرة
يقوم بفزع ويجرى ليجدها ملقاه فى الارض وتحاول النهوض ويبدو عليها الإعياء الشديد
جاسر : جوهرة مالك ويساعدها فى النهوض ويحملها ويخرج بها من الحمام
جاسر : حصل ايه
جوهرة : مش عارفه حاسه بانقباضات فى معدتى وفجأة حسيت بدوار شديد ووقعت ..
جاسر : لا كدا مش هينفع ...لازم اشوف دكتور ...
واتصل على منى وسألها عن دكتورة ...
منى بخضه : مين اللى تعبان يا جاسر
جاسر : جوهرة تعبانه شويه
منى : الف سلامه عليها ..انا هبعت ليك دكتورة ايناس صاحبتى حالا
شكرها جاسر واغلق الهاتف...
وبعد مرور نصف ساعه
وصلت دكتور ايناس إلى القصر
مريم : مين حضرتك
ليقاطعها جاسر ..دى دكتور ايناس
مريم بخضه : مين تعبان يا جاسر
جاسر : جوهرة يا ماما
مريم : اخص عليك ...مش تعرفنى
وصعدت معهم إلى حجرة جوهرة
وبعد أن كشفت عليها دكتور ايناس
ايناس : حضرتك زوجها
جاسر : ايوا ...خير يا دكتورة
ايناس : مبروك ..قدوم ولى العهد
مريم بفرحه : اللهم لك الحمد
جاسر : تقصدى ..جوهرة حامل
ايناس : ايوا وفى شهر ونص كمان
جوهرة بفرحة : هبقي أم ؟
جاسر : هتبقي احلى ام
جوهرة : وانت اجمل اب ...لتدخل لين
لين : هيبقي ليا اخ ..انا فرحانه اوي
ايناس : دى شويه فيتامينات ومعادن
ودول تحاليل مطلوبه
ودا عنوان عيادتى للمتابعه ..والف مبروك مرة تانيه
شكرها جاسر ..واخذتها مريم للخروج
جاسر : انتى رايحه فين ؟
جوهرة : هقوم احضر الفطار انت ناسي أن عندنا عرايس فى القصر اخويا وسهر
جاسر : لا انسي ...انتى تؤمرى كل حاجه عايزاها هتتعمل .وانتى هنا مكانك ...
جوهرة : بس يا جاسر
جاسر : مفيش بس ...انتى هنا جوهرة القصر ولازم الكل يحافظ عليكى ..
بسببك جمعتى العيله من جديد ...
جوهرة بحب : حاضر يا روح قلبي
لين : احم احم ..نحن هنا
ليضحك كلا من جوهرة وجاسر فتلك الطفله حديثها يسبق سنها ...
تمر الايام
وتتحسن صحة عصام بمساعدة من حوله ....
تداوم سهر على زيارة والدها بالسجن
فقد حكم على احمد بالسجن عشرة أعوام ....
تتفوق جوهرة فى دراستها واليوم نتيجه البكالوريوس
تنتظر جوهرة جاسر على احر من الجمر لمعرفه نتيجتها
جاسر : امتياز ..يا جوهرتى
تقوم جوهرة بفرحة وتحتضن جاسر
وفجأة يتحول الحضن إلى صراخ
جاسر بخضه : فى ايه يا بنتى
جوهرة : الحقنى يا جاسر بوووووولد
تساعدها مريم وسهر فى استبدال ملابسها وخلال دقائق كانوا فى المستشفى .... بقلم منال عباس
يقف الجميع فى قلق
جاسر : هى اتأخرت كدا ليه
مريم : معلش يا ابنى هى ولادة البكريه بتكون كدا ...
مر وقت لتخرج الممرضه وهى تحمل طفل جميل يشبه القمر نسخة من جوهرة
يحمله جاسر بين يديه ويقبله
عز الدين و عصام فى نفس واحد
يتربي فى عزك
شكرهم جاسر ...
مريم : هات حفيدى حبيبي
لين : انا عايزة اشيله
مريم : لما يكبر شويه
يدخل جاسر إلى جوهرة ويحتضنها
جاسر : مبروك حبيبتي ..وحمدالله على سلامتك
جوهرة : الله يبارك فيك
مريم : هتسموه ايه
جوهرة : أخته لين هى اللى هتختار الاسم
لين : هسميه عز زى اسم جدو
عزالدين وهو يحتضن حفيدته : اصيله يا حبيبه جدو
لتبدأ الحياة الاسريه فى وجود عز جاسر ذلك الطفل الجميل لتبدأ حياة أخرى أبطالها اطفال الروايه
زين ولين وعز
.... تمت ...
لقراءة باقي الفصول اضغط على : ( رواية جوهرة القصر المهجور )