رواية بطل لا يعرف الخوف الحلقة الأولى 1 بقلم نشوة عادل
رواية بطل لا يعرف الخوف الجزء الأول 1 بقلم نشوة عادل
رواية بطل لا يعرف الخوف البارت الأول 1 بقلم نشوة عادل
.jpg) |
| رواية بطل لا يعرف الخوف الفصل الأول 1 بقلم نشوة عادل |
رواية بطل لا يعرف الخوف الفصل الأول 1 بقلم نشوة عادل
-انا موافق اعمل المأمورية دى بس بشرط لازم مراتى تعرف بالموضوع ده
+ يبقى انت بتجازف بحياتك يا يونس انت عارف ان الستات مش بيتبل فى بوقها فولة احنا خايفين عليك
يونس: وهى مراتى هتخاف عليا اكتر منكم وواثق انها مش هتجيب سيرة لمخلوق يا خالد باشا
خالد: مينفعش قولتلك
يونس: يبقى مش هعملها انا اسف جدا
خالد: يا يونس حكم عقلك ومتنساش ان احنا هنتكفل بمصاريف علاج بنتك كاملة
يونس: ولو برضه يا فندم ارجوك سيبنى اعرفها واوعدك انها مش هتقول لجنس مخلوق هى اصلا يتيمة ملهاش اهل وصدقنى هتخاف عليا اكتر منكم
خالد باستسلام: تمام يا يونس معاك ساعة واحدة بس لازم ترجع ع طول اتفقنا
يونس بفرحة: هوا يا باشا عن اذنك
خرج يونس وقعد خالد ع مكتبه ولع سيجارته ولقى ظابط اقل منه بالرتبة اسمه على بيقول: انت متأكد يا فندم ان يونس ده اد المهمة؟
خالد بثقة : ايوة ده انسب واحد يقوم بالموضوع ده لكذا سبب اولا قوته الجسدية ده غير انه بيقدر يتكلم تلات لغات بالرغم من انه مش متعلم
على: ايوة بس متنساش انه مجرم بطبعه
خالد: لا بتفرق بين قاتل وتاجر مخدرات وحرامى وبعدين يونس تاب عن حوار السرقة بداله سنتين من يوم ما بنته اتعمت فى حادثة وكمان سجله هنا هيكون سبب قوى انه يتزرع بسهولة وسط العصابة
على: تمام يا فندم
خالد: عاوزك تقول لسيادة اللواء ان العملية هتبدأ بكرة ان شاء الله عشان الوزارة تكون على علم
على: تمام يا فندم عن اذنك
وصل يونس ع البيت وكانت ولاء فى الصالة بتعيط لما عرفت انه اتقبض عليه واول ما شافته داخل عليها جريت عليه حضنته
ولاء بعياط: ليه كده يا يونس ليه رجعت للحوار ده تانى انت مش حلفت بالله انك مش هتمد ايدك للحرام واقسمت انك هتبعد عنه ده ربنا أنذرك لما ابتلاك ف بنتنا عاوز ايه يحصلنا تانى اسوء من كده
يونس: والله العظيم يا ولاء انا برئ وكل الحكاية انى فى مأمورية تبع الشرطة وكل الحوار ده طعم للعصابة عشان لما اندس وسطهم يأمنوا ليا
ولاء باستغراب: مأمورية ايه؟ وعصابة ايه؟ انا مش فاهمة اى حاجة
بدأ يونس يحكى ليها كل حاجة وبعدها كمل: اصريت انك تعرفى الحقيقة عشان القسم والوعد اللى وعدته ليكى وعشان مقلش من نظرك ابدا ولو جرالى اى حاجة وصيتك حورية خلى بالك منها واعملى ليها العملية خليها تشوف الدنيا من جديد
ولاء بدموع: بعيد الشر عنك يا يونس ده احنا ملناش فى الدنيا دى بعد ربنا غيرك بلاش منها المأمورية دى انا قلبى مش مطمن
يونس: مينفعش يا قلبى انتى عارفانى طالما بدأت حوار لازم انهيه ومش مهم عندى نظرة الناس المهم انتى وبنتى بس طبعا حورية مينفعش تعرف حاجة
ولاء: ايوة بس انت عارف انها متعلقة بيك هتقولها ايه هتروح فين؟
يونس: هى فين؟
ولاء: فى اوضتها
دخل يونس ع حورية اللى عرفت ان هو لما شمت ريحة البرفان بتاعه المميز بيه: بابا انت رجعت يا حبيبى
يونس وهو بيحضنها وبيبوس ايدها: ايوة يا حوريتى وجيبتلك الشوكليت اللى بتحبيها
حورية بفرحة: الله شوكليت خلاص كده هصالحك بقا كنت زعلانة منك عشان اتأخرت عليا النهاردة
يونس: حقك عليا يا حوريتى كان عندى شغل مهم وكمان انا جاى اقولك انى مسافر كام يوم
حورية: مسافر فين وليه؟
يونس: مسافر الصعيد فيه شغل هناك هجيب منه فلوس عشان تعملى العملية
حورية: بس العملية محتاجة فلوس كتير اوى
يونس: هعمل المستحيل عشان اجيبهم واخليكى تشوفى الدنيا من تانى وترجعى المدرسة وتبقى دكتورة اد الدنيا
حورية: طب هتقعد اد ايه؟
يونس: ها .. مش عارف يا حبيبتى بس وقت ما اخلص هرجعلك ع طول
حورية: هتسافر امتى؟
يونس: هحضر شنطة هدومى وهمشى دلوقتى المهم تخلى بالك من نفسك ومن ماما انا سايب راجل هنا
حورية: طبعا راجل متخافش يا بابتى
ودعهم يونس وخرج رجع ع المديرية وقف ادام خالد وقال: انا جاهز يا خالد بيه ايه العملية وووووووووووو...
يتبع.....
لقراءة الفصل الثاني اضغط على : ( رواية بطل لا يعرف الخوف الفصل الثاني )
لقراءة باقي الفصول اضغط على : ( رواية بطل لا يعرف الخوف )