رواية ودق قلب الحجر الحلقة الثانية والثلاثون 32 بقلم ميفو السلطان
رواية ودق قلب الحجر الجزء الثاني واثلاثون 32 بقلم ميفو السلطان
رواية ودق قلب الحجر البارت الثاني والثلاثون 32 بقلم ميفو السلطان
 |
| رواية ودق قلب الحجر الفصل الثاني والثلاثون 32 بقلم ميفو السلطان |
رواية ودق قلب الحجر الفصل الثاني والثلاثون 32 بقلم ميفو السلطان
..نزلت اميمه سمعت صياحا لتننزل مهروله تفاجات عندما وجدت بدر َوكرم كل منهم يمسك في رقبه الاخر ونجيه تصرخ وبدار يحاول ان يقف بينهم احست بقلبها يتمزع فبدر ذو عنفوان عن كرم وتحس ان هناك مصيبه سنحدث .زاد وجعها لتصرخ..... بعدو عن بعض انتو ايه جبابره ليه اكده..
توقف العراك ويستدير كل من بدر وكرم لها كانت دموعها تسيل .
اقترب بدر وصرخ ......الواد ده بجي راجلك صوح.
نظرت اليه بسخريه..... تفرج عندك يا بدر.
صرخ ......انطجي بدل ماطلع روحك ادتيه حالك.
نظرت اليه بسخريه....... َماديهوش ليه مش راجلي ليكونش فيه حاجه تمنع يا بدر جول خير همنع نفسي عن راجلي ليه.
استدار بدر ونظر لكرم بغل الذي كان يقف وقلبه سيخرج من مكانه فاميمه تتصرف بغرابه
استدار بدر وهتف.. طلجها يا كرم رجعلي اختي.
اقتربت هيا منه.. ليه يرجعها ليه يا بدر والتار يا اخوي اني داري هناك ليه ارجع خير.
صرخ..... اسكتي انت مش عارفه حاجه.
ضحكت......طب ماتعرفني.
كان كرم يحترق فهيا تعلم الاتفاق وتلاعب اخيها ويتمني ان لا تقل له.
هتف بدر..... عشان اكده ماينفعلكيش خلاص.
هتف كرم ......مين جال اني رايدها وهيا رايداني.
لتنطلق هيا في الضحك والكل يقف مذهولا منها لتنظر اليهم..... بجد ما مصدجاش الجهر اللي محطوطه فيه.
صرخ بدر...... مالك يا اميمه بتتحدتي اكده وتعلي صوتك علي كبيرك.
هتفت بتعحب.. كبيري.. تصدج عايزه اجيب صجات واتحزم وارجص ان ليا كبير وعالي. افرحي يامه ببتك وكبيرها افرحي بولدك االي وداني لبيت ده ورماني رميه مايعلم بيها الا ربنا.بتجول كبيري صوح.... الكبير مايتفجش علي خيته الكبير ما يعملش في خيته اكده يديها لده ولما يرفض يجوله طيب خلاص رجعهالي بت بنوت اصل واد عمي هياخدها.. ايه الجرف ده بتودي وتجيب فيا كت بهيمه اياك طب جولي اني جاعده ليه اتفاج جولي يابن ابوي ان ده اتفاج بدل ماتلعب بيا اكده بدل ماتحرجو جلبي اكده. انت السبب في حرجه جلبي انت اللي رمتني ليه كت مفكر ايه هيحافظ عليا ليه ليه هاه كت مامنه عليا مايلمسنيش.. لتضحك.. بس تخطيطك مامشيش كيف مابدك البت اللي اتحدفتلهم حليت في عنيهَ. ازاي الشواتفه بت العبابده تفلت من تحت يدهم لاه لازمن يعلمو عليها صوح وياخدو ويتمجلتو.. سيبتني ليه يعمل مابداله ونايمه ومامنه فاكره انه اماني ومرتاحه.. حبيته يا بدر حبيت ابن الشواتفه لتقترب ليه ليه ماجولتليش ليه كت وعيت وماتوجعش اكده ليه تعملو فيا اكده ماصعبتش عليك طيب ان راجلي ماعايزنيش. صفحه حكايات ميفو .جالك جلب تجوله رجعها ايه الجرف ده فين كرامتك يا بدر العابد ان ابن الشواتفه مايعوزش بت العبابده....واجف يتبجح جدامك انه مش رايد تجوم توافجه وتجوله رجعها يا جهري منك يا ولد ابوي. اصلي مانفعش لابن الشواتفه فارجع بعد سنه لا ويتجال عليا مابخلفش عشان ابن الشواتفه يطلع من الجوازه كسبان.
لتصمت ويحل الصمت للكل ليهتف كرم.. اميمه اني رايدك يمين بالله رايدك
هتفت.....رايدني.. ودا حزن جديد والا تخطيط جد عليك يابن الشواتفه.
صرخ ......لاه اني حبيتك والله حبيتك.
نظرت اليه.. انت دخلت دارنا عشان التار وعشان ماتموتش بس للاسف انت مت خلاص مفيش ميت بيعاود.
هتف بدر..... خلاص اكده بتنا هتعاود.
صرخ كرم..... لاه ماهتعاودش ومرتي عايزها يا بدر وماحدش هياخدها لو جطعوني حتت.
هجم عليه بدر ليصرخ الكل ...اقتربت اميمه بخوف وتقف بينهم لتهتف ......ايه هتجلبوها حريجه اياك عشان ايه عشان كل واحد ينفذ الي عايزه. لتتنهد وتهتف ......عايزين تجلبوها دم عشان حاجه ماتسواش.
هتف كرم...... ماتسواش .....كيف تجولي اكده.
نظرت اليه....... ايوه ماني ماسواش حاجه اللي يتفجو اكده علي حد يبقي مايسواش. اسمعو انتو التنين وده كلامي انتو اتنين رجاله واتفجتو يبقي خلاص الاتفاح يتنفذ.
صرخ كرم..... اني َماههَلكيش لو طلعت روحك.
هتفت......لاه هتهملني يا كرم هتعمل بيا ايه عاد حد بيجبر حد علي عيشته الجصه خلصت لتقترب من اخيها اني هعاود يا بدر واخر السنه هرجع بس لحد مارجع كرم راجلي ماهجبلش تجرب منيه اني بت اصول يا بدر واتربيت عليها لا راجلي يجرب من اخوي ولا اخوي يمس راجلي ومابينا يحصل اللي يحصل ماتتدخلش الا لو جيتلك استنجد بيك. التفتت لكرم ...... علي اكده يابن الناس توافج هاجي معاك نكمل السنه..
وقف كرم محصورا لتقترب نجيه وتشده بعيدا.. عارف يا ولدي لولا اني شايفه الجهره في عيونك وحبك لبتي كت جومتها حريجه علي مرطه نفسها. وافج يا ولدي وعندك بجيه السنه لو عرفت ترجع بتي كيف الورده عهد عليا لاكتم نفس بدر ولا حد يجرب منيكو اني مش جليله اني نجيه بت السوايفه ليا عزوه وناس واجدر اجف واجف بس ماريداش اخسر ولادي اوعدني انك هتجطع حالك يا ولدي واني هجف جارك.
هتف..... والله يا مرت عمي رايدها وعاشجها غلطت بس اتمنالها ترضي.
هتفت......واني يا ولدي خابره ان بتي بتحبك بتي ماتجفش لاخوها اكده كت سابته يخلص عليك اتما بتي جواهها بيحرجها عليك بس نفسها ممروطه يا ولدي بتي طيبه وحنينه هاتها بلين جلبك يا ولدي رجعلها فرحه عيونها.
هتف .....عهد عليا يا مرت عمي لارجعها حبيبه واشيلها علي راسي لتربت علي كتفه وتستدير يلا مع راجلك يا بتي.
هتف بدر...... بتجولي ايه ياما..
هتفت بعنفوان ...بجول الي هيحصل وكلمتي ماهتتكسرش يابن العابد نظر بدر الي كرم بغل .
اقتربت صبا منها وتحتضنها لتهمس .....خلي بالك من نفسك.
لتبتسم اميمه.. جولي يا خيتي جولي كمان وجولي ليكي ولشكران.. وشوفيلنا حد يخلي باله منا لتتركهم وتذهب مع كرم .
صرخ بدر .....مبسوطه اكده يا اما ابن الشواتفه يعلي رجله علي بدر.
لتستدير امه بغضب.. اه كل اللي همك بدر وبس يعلي علي بدر وبس ماشايفش الا بدر وبس انما تشوف مصلحه خيتك لاه تلمح نظره الحب اللي بيجطع خيتك لاه هتلمحها ازاي والبعيد جبله مابيحسش انت ايه عارف مشكلتك إيه.مشكلتك إنك مش عارف إنت عاوز إيه تايه
قلبك وعقلك مش ماشين مع بعض كل واحد منهم ف مكان. .قلبك عاوز حاجة وعقلك بيرفضها او بيطلع حجة عشان يرفضها ..
مهزوز مش ثابت ع قرار . الشخص اللي ما بيغلطش نفسه ده مش بيعش له حبايب ، دايرته دايمآ فاضيه ، لأنه مبيعترفش بالإساءة ، بيفضل يعاني من وجوه انه هو الصح لحد ما يتفرعن جواه الشعور اللي يخليه يخسر انضف ناس في حياته.. حد اناني في نغسه سيد والباقي عبيد بدر عايز ايه والكل يعمل وينفذ سيد الناس وسيد الخلج.. رايح تتفج علي خيتك ايه الرخص ده هيرجعوهلنا باتفاج اصل بتي ماتنفعش للشواتفه رضيتها علي حالك والا عشان مصلحتك وبس التار يروح وترجع البت تجوزها اي محروج من محاريجك.. انت طايج حالك ازاي ايه يا اخي ارحم هو السيد مابينزلش مره يحن عالعبيد.. لتقترب وتخبط صدره اهنه فيه ايه جول حجاره .....متعبي واغش مابتعرفش تحس بوجع الناس وبس. عايز ترجع البت وهيا محروجه وبتحب راجلها ماشفتش حرجتها وخوفها عليه منك يا جاحد كل همك تمشي كلمتك وخلاص.. جولي اجيبلك جلب منين واروح اشتري اخد مكرفون وادور اشحت جلب لولدي يحس بيه حتي لما جبت البت الغلبانه اللي وجعتلك وربنا بلاها بيك برضك مش راضي تحس هتحس ميته جول جبل ماخش تربتي متحسره علي عيالي التنين واحد جلبه حجر وكبر الدنيا جواته والتاني يا حسرتي عليه ماشي وراك كيف البهيمه ماهيحبش ولا يعرفش يحب اصل الحب صعب وخيبه وجعد يجهر في البت لما كرهته وراجع ينح.. نحو بقه يا ولاد العابد وزي ماغفلجتها اني هصلحها.
هتف بدار..... مالك ياما انجلبتي اكده بدل ماتصلحي الحال.
لتهتف بقوه.. اخرس ماتنطجش انت لك عين لك عين يايا بتاع التفعيص والبوس يا جاحد ياللي مابتحسش اسمع البت اللي فوج دي مالكش صالح بيها بجولك اهه اني نجلتها مجعد تاني واياك الاجيك تدخل عنديها.
صرخ..... انت بتبعدي مرتي عني دا ايه المرار ده.
هتف مرتك....... الصلاه عالنبي حوش يا واد. ال مرتك ال من ميته يا غضنفر بتنفرد وتتمطع وتجول مرتك انت ازاي اكده جبروت شارب من البغل التاني انتو ايه .مربيه جوز تيران ينطحو في الخلح بس لاه نجيه بت السوايفه ماهياش جليله وشكران ليها خوال ينهشو جلبك هجومهم عليك واطلع روحك لو ماتعدلت.
بهت وهتف .......عايزه تبعدي مرتي وتخلي اهلك واهلها بيجفولها واني سندها عايزه تعمليلها سند غيري.
هتفت.......سند سند ايه يابو سند هو فين البت عدمت السند من ساعه ماتجوزتك غلبت اجولك البت طيبه وغلبانه خلي بالك منيها خلي بالك دا ماريداش الا الجلب الطيب وانت بالحرف نفس الجبله اخوك شارد وكل الي هامك تجعدها مرتك وتجيب عيال ارنبه تحمل وتولد واخرتها تجولها ماعايزش منك عيال وهكرهه.. هتكره ولدك ايه جلبك ده سو اكده.
هتف .....اني هرجعها وهداويها..
هتفت ده لما يكون لسه جواتها ليك حاجه .ماتهملش حاجة وتجصر في حجها وترجع تدور عليها وتستغرب راحت منك ليه وامتي و ازاي !
كانت معاك وبين ايديك ..لا اديتها حب ولا مشاعر لحد ما رصيدك كله خلص منها ..اي حاجه من غير اهتمام مهما طال الوجت صدجني هتسيبك وتمشي .. .. ماتبطلش تسجي الوردة اللي زرعتها و تستغرب ماتت ليه !دانت دعست الورده خلتها فرافيت.
هتف ......اما ارحمي الله يرضي عنك نازله سلخ فينا.
هتفت.......مانتو كبرتو عالضرب. اضرب جوز بهايم والله لو اجدر كت نسلت شبشبي علي وشكو يا ولاد العابد لو فيا جدره كت فرجت الخلج علي خلفه الشوم ام جلوب حجاره. راجع عايز ايه جبت السنيوره تحضن وتبوس وراجع تجول بحبها حبك برص َجراضه تاكل وشك.
صرخ بدار.. اني ماحضنتش ولا اتزفت اني رايد مرتي وهرجعها تبجي ليا العمر كله تجعد اهنه ماتروحش في حته.
لتصرخ امه..... عبده اياك كت اشتريتها لاه البت اللي تجول عليه هعمله لو رايده تمشي همشيها لو رايده تطلجك هطلجها لو رايده تتجوز هجوزها بت عمك هعليها واعملها سند وعزوه وانت تجف جلم اكده جدامها.. اللي مالوس كبير نشتريلو كبير واني هشتري للبت كبرات البلد يجفولك يا جاحد يا فاجد ناسك.
هتف..... جولي زي ماتجولي البت اللي فوج دي مرتي وهتكمل مرتي ولو انطبجت السما علي الارض هتفضل مرتي.
سمعا صوت شكران يصدح عاليا.. ليه يا بدار رايد شكران تبقي مرتك ليه.
بهت واستدار ليجدها تقف محنيه تمسك بطنها وتصرخ باعلي صوت ليراقبها وهيا تقترب
هتف..... ايه اللي جومك من مجعدك انت تعبانه.
هتف .....خايف عليا جوي خايف عليا ليه يا بدار ماتنطج يكونش لا سمح الله خايف عالعيل.
هتفت .....شكران اطلعي فوج انت تعبانه.
صرخت.. يا ريت التعب اللي فيا يهون علي تعب وحرجه جلبي يابن عمي وعمايلك فيا انت واجف تتبجح وتجول مرتك من ميته مرتك ورايد ومهبب انت ازاي كداب اكده ازاي بتتلون اكده انا مامصدجاش ان فيه حد بشع اكده.
اقترب وهتف..... عارف انك موجوعه.
صرخ.. عارف لاه ماتعرفش اني موجوعه انت ماتعرفش حاجه خالص يابن عمي.
هتف.. شكران اني جولت كلام عفش عشان غضبان والله كت محروح ومالمستش البت دي.
هتف.. محروج من ايه عشان خت حبوب عشان كت خايفه منك يا رتني كملت و خدتهَ ماللي لجيته حوصل بجهره وهمه.
هتف بدر..... اعجلي يا شكران هو رايدك يا بت الناس.
انطلقت في الضحك ......شوفو مين بيتكلم.. لتقترب منه وتهتف.. ال صحيح ايه اخبار الاتفاح يا بدر.
هوي قلب بدار وهتف ......اتفاج اتفاج ايه..
لتقترب امه وتهتف اتفاج ايه يا بتي
لتنطلق في الضحك ويظن الكل انها اصابتها لوثه لتصمت فجاه وتنظر اليهم بغل وتهتف...
يتبع...
لقراءة الفصل الثالث والثلاثون اضغط على : ( رواية ودق قلب الحجر الفصل الثالث والثلاثون )
لقراءة باقي الفصول اضغط على : ( رواية ودق قلب الحجر )