رواية في حماية صعيدي الحلقة الخامسة 5 بقلم إسراء ابراهيم
رواية في حماية صعيدي الجزء الخامس 5 بقلم إسراء ابراهيم
رواية في حماية صعيدي البارت الخامس 5 بقلم إسراء ابراهيم
 |
| رواية في حماية صعيدي الفصل الخامس 5 بقلم إسراء ابراهيم |
رواية في حماية صعيدي الفصل الخامس 5 بقلم إسراء ابراهيم
بدر كان مستغرب طريقة كلام فريدة عن هشام و كر٭هها ليه اللي ملوش تفسير لكن سكت وفضل انه ميضغطش عليها تتكلم
بدر بهدوء/ طيب هجوم انا عشان ورايا شغل ولو احتچتي حاجة ابجي كلميني او شيعيلي حد من الغفر
فريدة حركت راسها بطاعة وهي مقررة تنفذ خطتها في المعاد اللي اتفقت مع هشام عشان تقابله فيه ورغم انها مرعوبة احسن يعمل فيها حاجة،، بس لازم تعمل كدة
.............................
بعد كام يوم تحت كانت واقفة جميلة قدام امها وبتتحايل عليها وصفاء قاعدة ببرود
جميلة برجاء / ياما عشان خاطري هي ربع ساعة والله ما هتأخر ،،يدوب هسلم عليها بس وارچع علطول لانها هتسافر ومش هشوفها تاني الا بعد اربع سنين وانتي خابرة انها صحبتي الوحيدة
صفاء ببرود/ واني جولت لا يا چميلة ،، انتي خابرة ابوكي واخوكي زين ولو جالهم خبر انك خرﺟتي لحالك هتبجي مشكلة واني مش ناجصة خناج بسببك
جميلة باقناع / طيب بصي شيعي معايا عوض الغفير يوصلني واهو ياخد باله مني ايه رأيك ؟
صفاء ببرود/ عوض مع ابوكي من صباحية ربنا في الارض ومهيجوش دلوك ،،خلاص محبكش يعني تشوفي صحبتك دي ،،ابجي حدتيها عالتلفون ده بتاعك
جميلة ببرطمة / ياما اني زهجت من موضوع الحبسة دي وخلاص جربت اطفش بسبب اكده
صفاء بصتلها بطرف عنيها بتحذير ومردتش فوطت جميلة باست ايديها وهي بتترجاها
جميلة باصرار/ ابوس يدك ياما وافجي عشان خاطري ،، اعتبريه اخر طلب ليا ،، انا لازم اشوف سلمي لاخر مرة دي صاحبة عمري
نبيل بابتسامة وهو داخل من باب البيت/ خير يا جميلة ،،مالك زعلانة ليه ؟
جميلة بحزن/ بجول لامي تخليني اروح لصحبتي اسلم عليها جبل ما تسافر مش راضية يا عمي
صفاء بغضب / وه بتشتكيني يا بت ولا ايه عاد طب يمين بالله
نبيل وهو بيقاطع صفاء / من غير حلفان يا ام بدر ،، خليها تروح لصحبتها عشان خاطري انا لو ليا خاطر عندك
صفاء باحراج/ خاطرك علي راسي يا حج نبيل بس مينفعش تخرج لحالها اكده الناس تجول ايه ؟
نبيل بابتسامة لصفاء وهو بيشاور علي باسل ابنه اللي لسة داخل من الباب / جيت في وقتك يا باسل ،،وصل بنت عمك عند صحبتها عشان متخرجش لوحدها ،،ها ايه رأيك يا ام بدر اهو كدة مفيش عذر بقي
صفاء بضيق / عنديك حج ،، خلاص روحي ،، بس اوعاكي تتأخري عشان ولد عمك اكيد عنديه مصالح يعملها
جميلة اتوترت وبصت لباسل اللي مردش بس كان باين عليه الضيق انه مضطر يوصلها
جميلة بهدوء/ حاضر ياما ،، هطلع البس ومش هعوج نازلة علطول ،، ربنا يخليك ليا يا عمي
نبيل بابتسامة وحب/ ويخليكي ليا يا بنت الغالي ،، يلا اطلعي بسرعة غيري وروحي
...........................
كانت واقفة فريدة قدام المراية وهي لابسة ومستعدة عشان تعمل اللي خططت ليه عشان تعرف تخرج من البيت لوحدها وتقابل هشام في المعاد اللي اتفقت معاه عليه فكانت خايفة اوي بس مجبرة تكمل للنهاية ،، خرجت من اوضتها ونزلت تحت بتردد بس اتوترت من نظرات صفاء اللي مركزة عليها وهي نازلة لحد ما قربت منهم
صفاء بغموض/ علي فين اكده يا مرت ولدي ؟
فريدة بتوتر/ انا رايحة لبدر الشغل بتاعه عشان عاوزاه يجي معايا مشوار مهم بخصوص معاذ
صفاء بشك/ وانتي فاكرة لما تروحي لولدي الشغل هيرحب بيكي ؟ ده مش بعيد يطلجك فيها ،، خليكي لما يچي وابجي جوليله ويوديكي مكان ما انتي رايدة لكن خروج لوحدك مهينفعش
فريدة باصرار/ بدر مش هيتكلم انا متأكدة لانه عارف اني مش من بلدكم هنا ومعرفش عوايدكم ،، عموما انا هروحله برضه
صفاء بغموض / خلاص نحدته في التلفون ونجوله ولو وافج روحيله
فريدة باندفاع/ لا طبعا ،، اقصد جايز مشغول ولا حاجة ليه نعطله انا هروح ولو مش فاضي هرجع تاني عادي او ممكن اخد بابا معايا
صفاء بسخرية/ ابوكي راح لعمك منصور الارض ،، عموما الباب جدامك بس افتكري حديتي زين وعجلك في راسك تعرفي خلاصك واعرفي انك انتي اللي اختارتي
فريدة خافت من كلام صفاء وحست ان كأنها عارفة انها رايحة تقابل هشام بس نفضت الفكرة من دماغها واخدت بعضيها ومشيت وصفاء وقتها نفخت بغيظ وهي بتتوعد لفريدة وبعدين مسكت تليفونها وطلبت بدر
........................
كان ماشي باسل جمب جميلة اللي محرجة منه لانها عارفة انه رايح معاها غصب عنه وانه بيكر٭ها من ساعت اللي حصل وشايفها مش كويسة فكانت مترددة تتكلم معاه لحد ما شجعت نفسها
جميلة بهدوء/ باسل لو عاوز تمشي انت امشي وانا مش هقولهم انك سبتني ومشيت
باسل بسخرية/ عشان يخلالك الجو مع اللي نازلة تقابليه مش كدة ،، ايه اتفاجأتي ،، فاكراني مش فاهم انك لا رايحة لصحبتك ولا حاجة وانك كنتي نازلة تقابلي اللي عرفتيه جديد ،، ماهو ده شئ متوقع منك
جميلة اتفاجأت بكلام باسل ليها وكانت بتسمعه والدموع في عنيها لحد ما ...
يتبع....
لقراءة الفصل السادس اضغط على : ( رواية في حماية صعيدي الفصل السادس )
لقراءة الرواية كاملة اضغط على : ( رواية في حماية صعيدي )