رواية موضوع عائلي (الشيخ والبلطجي) الحلقة الحادي والعشرون 21 بقلم رحاب القاضي
رواية موضوع عائلي (الشيخ والبلطجي) الجزء الحادي والعشرون 21 بقلم رحاب القاضي
رواية موضوع عائلي (الشيخ والبلطجي) البارت الحادي والعشرون 21 بقلم رحاب القاضي
![]() |
رواية موضوع عائلي (الشيخ والبلطجي) الفصل الحادي والعشرون 21 بقلم رحاب القاضي |
رواية موضوع عائلي (الشيخ والبلطجي) الفصل الحادي والعشرون 21 بقلم رحاب القاضي
ــــــــــــــــــــــ
_ طول عمرنا بنسمع عن الفرصه التانيه انها في الاغلب بتكون افضل وما حدش بيذكر اللي حصل قبلها، المعني ان اللي بيقرر ينسي حاجه وجعته وبيبدأ من جديد ويدي نفسه فرصه تانيه يحب بعد ما اتجرح يشتغل بعد اترفد ينجح بعد ما فشل ده مش هروب من الماضي ومش ضعف ده قمة القوه انه ما فضلش مسجون جوه وجعه بالعكس تخطااه وكمل حياته وفي وسط ما هو بيكمل مش بيكرر الاخطاء اللي وقعته في الوجع القديم وعشان كده بتكون ديما الفرصه التانيه افضل..
ـ ده كان. كلام الدكتوره سلوي اللي بتتعالج عندها ولاء، وكان الكلام ده موجه لولاء اللي قاعده قدامها وابتسمت وردت عليها وقالت..
ولاء
معاكي حق انا ما هربتش ومش ضعيفه ومش وحشه عشان اتجوزت علي بسرعه ايوه احنا كتبنا الكتاب بس، انما انا اختارت صح المره دي الفرصه التانيه اللي اديتها لنفسي كانت صح جدا ولو كنت فضلت موجوعه من اللي عملو مازن كان زماني اسوأ بكتير..
الدكتوره سلوي سقفت بهدوء وقالت
برافو واخيراً يا ولاء اقدر اقولك اننا خلصنا علاجنا وانك مش محتاجه تيجي هنا تاني غير لو وحشتك وعايزه تزوريني..
وقفت ولاء وقالت بدموع
بجد يعني انا خفيت يعني انا بقتش بعاني من اي اضطرابات مش هندفع تاني مش هغلط ولا حد. هيقول عليا مجنونه، دكتوره سلوي انا خلاص بطلت اعاني من ADHD بجد؟..
الدكتوره سلوي
ايوه بجد خفيتي ما بقتيش تتعصبي بقيتي بتفكري قبل اي ردة فعل ما بقتيش تتهوري ظبطتي يومك واهتماماتك بقيتي مش بتنسي ولا بتتشتتي معني كده ايه؟..
ولاء وهي مبسوطه جداً
ايه بقي؟..
الدكتوره سلوي
يا بنتي انا لسه بقول انك خفيتي لحقتي تنسي تاني..
ولاء بدموع
لا لا انا فاكره وتمام بس انا عايزه اسمعها منك، ممكن تقوليها كتير قولي اني خلاص خفيت وما بقتش مريضه ارجوكي..
_قامت الدكتوره سلوي وقعدت قصدها ومسكت ايدها وقالتلها بهدوء..
سلوي
تعرفي انا مهما عملت انجازات في حياتي هتفضل احلي فرحه شوفتها فرحتك انتي بتتعالجي عندي من تسع سنين، واتعالجتي بنسبه كبيره معايا لحد. اخر مرحله وظهور مازن في حياتك اللي رجعك. للصفر بس انتي كنتي قويه بجد لما رجعتي تاني واقوي من الاول واللي عملنااه في سنين بسبب اللي حصلك عملتيه في سنه وده يدل علي قوتك وانك عمرك ما كنتي ضعيفه..
حضنتها ولاء وقالت
بجد. شكرا بجد شكرا اووي انا تعبتك كتير معايا بس انتي وقفتي جنبي..
سلوي
المهم انك بقيتي كويسه، يلا بقي اخرجي وفرحي علي اللي مستنيكي بره وفرحي اهلك وكل اللي بيحبوكي..
ولاء مسحت دموعها وقالت
حاضر يا دكتوره حاضر..
_ قامت ولاء وطلعت بره وهي بتمشي ببطئ بسبب رجلها اللي ما بقتش تمشي عليها كويس، وطلعت فعلا لقيت علي قاعد مستنيها وقرب منها ومسك ايدها وقالها..
علي
علي مهلك يا حبيبتي هو انتي كنتي بتعيطي ولا ايه؟..
ولاء بهدوء
صدق اللي قال ما حدش بياكلها بالساهل، اتعلمت كتير وخفيت من مرضي خلاص ايوه كان الدرس صعب شويه الا انه فوقني وخلاني ابقي كويسه..
علي
لا ثواني هي الدكتوره قالتلك ايه؟..
ولاء بحماس
قالتلي ما اجيش هنا تاني عشان انا ما بقتش مريضة ADHD انا خفيت يا علي انا بقيت طبيعيه انا مش هيتقال عليا متهوره ولا مجنونه تاني..
حضنها علي وقال بدموع
كفااااااااره يا ابو صلاح...
ضربته علي كتفه وقالت وهي بتضحك
يا رخممم بقي...
وبعدت عنه وقالت
تعالي بقي فسحني واكلني ومش عايزه ارجع البيت عايزه اكون معاك اليوم كله...
_علي رجع خطوه لورا وشالها قدام. كل المرضي اللي في العياده وولاء وشها قلب الوان واتكسفت جدا وقالتله..
ولاء
لا لا نزلني عيب كده بجد..
علي
لا ما انا مش كاتب كتب الكتاب عشان يتقالي عيب هااا، يلا بينا...
وهو ونازل بص لراجل كبير وقال
ما تبرقش كده يا حج والله مراتي..
_ ضحكو المرضي كلهم وعلي اخدها ونزل وركبها عربيته واركب جنبيها ومشيو..
ــــــــــــــــــــــــــــــــــــــــ
_ وفي مكان تاني خالص، قدام معرض عربيات كبير جداً وفيه احدث العربيات العالميه وقفت عربية يونس قدامها ونزل السواق وفتحله الباب بسرعه، وهو نزل وهو بيعدل جاكيت بدلته ولابس نضارته الشمسيه وقرب منه يوسف اللي طلع بره المعرض وقال بسخريه..
يوسف
ولا ممثلين هوليود يا ابني الله يرحم لما كنت تقلع التيشرت وتمسك المطوه وتتخانق في الحته فاكر..
يونس بجمود
والله بقي مكان المطوه مسدس لو طلعته وفضيته في دماغك ما حدش هيلومني..
قرب منه يوسف وقاله
واهون عليك يا بيبي...
زقه يونس وهو بيضحك وقاله
ابقي اخليك تكلم شهد تعلمها تقول الكلمه دي..
يوسف
هي عجبتك ولا ايه؟..
يونس
يوسف حل عن دماغي انا مطبق اصلا ومقضيها سفر وانت قاعد هنا مرتاح..
قعد يونس علي المكتب ويوسف قدامه وقال
ما انا هنا شايل الشغل هنا وبعدين انا ما اعرفش اتصرف زيك يا كبير، المهم انت مروح صح..
يونس
ايوه ليه بتسأل؟..
يوسف
عايز اتجوز..
يونس
مش فاهم...
يوسف
ابوك يا يونس..
يونس
يا نهار اسود عايز تتجوز ابويا..
يوسف بغيظ
ما تهزرش يا يونس انت فاهم. كلامي سنه خاطب بطه ومش بيخليني اشوفها غير كل شهر مرتين وكل ما افتح معاه موضوع الجواز يقولي لما بطه تخلص كلية التجاره، بس انا اللي غلطان اني فتحت عنيها وقولتلها تدخل كليه كان كفايه عليها الدبلوم..
يونس بهدوء
هكلمه حاضر وبعدين اصبر مستعجل علي ايه؟..
يوسف
انا مستعجل وعلي اخري جوزوني بقي ده انت رخم انت وابوك...
يونس وهو بيبص في موبيله
طيب اسكت هكلم شهد واياااك تتكلم عشان لو عرفت اني جيت هنا قبل ما ارجع البيت هتقلبها نكد..
يوسف
اتكلم اتكلم ولا كاني موجود اصلا...
رد يونس علي شهد وقال
ايوه يا حبيبتي انا لسه واصل مصر وهركب العربيه واجي علي طول اهوو..
يويف بصوت عالي
كداااب يا شهد هو هنا في المعرض...
_قال كلامه وجري، وشهد قفلت الفون في وشه، وقام يونس جري ورا يوسف وقاله...
يونس
خد ياااه هنا وحياة امك لربيك...
ــــــــــــــــــــــــــــــــــــــــ
_ وفي شقه راقيه جدا في مكان ارقي..
طلع محمد من اوضته وفي الوقت كانت هناء راجعه من برا وهي مدايقه جداً ومحمد قالها..
محمد
صباح الخير يا امي كنتي فين علي الصبح كده؟..
هناء بجمود
احنا مش الصبح الساعه واحده بعد الضهر انت اللي بقيت تنام كتير..
محمد
اعمل ايه طيب ما انتي عارفه البرنامج بتاعي بالليل..
هناء
طيب..
محمد
طيب كنتي فين برضو؟..
هناء بحزن
خليت السواق ودااني لهاجر ابنك كان واحشني وروحت اشوفه...
محمد بهدوء
اااه طيب هو كويس؟..
هناء بسخريه
كويس يا محمد وهو مع امه بس وعايش في بيت جده..
محمد بضيق
تاني يا ماما مش كنا قفلنا الموضوع ده من سنه، وبعدين انتي ليه كل ما تروحي هناك ترجعي مدايقه كده..
هناء بدموع
عشان كان نفسي تربي ابنك وهو في حضنك مش يتربي في بيت جده ويتولد وابوه وامه مطلقين، وانت هنا رايح تخطب وتتجوز السنكوحه بتاعتك..
اتنهد محمد بضيق وقال
زينب مش سنكوحه يا ماما دي بنت مافيش منها والبنت اللي كنت بحلم بيها اصلا، وابني انا مش مقصر معاه في حاجه بس مش هضيع حياتي وكنت افضل عايش مع هاجر وانا مش مرتاح عشانه، هو نفسه ما كانش هيرتاح..
هناء بدموع
هاجر والله برغم كل اللي. وصلتله ده بس انت لسه ما حستش بخسارتها، بنت جدعه وكانت بتحبك وبتتمنالك الرضا ترضا حتي يوم ما اخوك عمل اللي عمله في اختها ما كانتش هتسيبك ده انت اللي قسيت عليها وسيبتها وبرغم كده راحت قالت لاهلها انها هي اللي مش مرتاحه وعايزه تطلق وخلت صورتك كويسه قدامهم للنهارده..
محمد بضيق
يا امي ارجوكي انا مش ناقص تقطيم، بعترف اني غلطت بس في حاجه واحده اني اتجوزت هاجر وكنت فاكر نفسي صح وطلع انه اكبر غلط في حياتي، انا كنت مبسوط الاول معاها بس ما ارتاحتش بعدين..
هناء
ما ارتاحتش بعد ما ظهرت زينب، انت كنت بتتسلي بهاجر ومش هقتنع بأي كلام منك غير كده..
محمد بجمود
اللي يريحك يا ست الكل، بس انا بكره خطوبتي علي زينب وابوس ايدك انا عايز الموضوع يتم علي خير..
هناء بضيق
لو مش عايزني اروح ما اروحش..
محمد
ده انتي لوو ما روحتيش انا مش هروح هو انا ليا غيرك، وابويا جاي علي فكره..
هناء
عارفه ما هو قالي..
محمد
قالك؟! هو بيكلمك..
هناء بحزن
انا اللي كلمته كنت بسأله علي اخوك وللاسف ما عرفش يوصله، وجع الدنيا كوم ووجعي علي اخوك اللي ما اعرفش عنه حاجه كوم تاني...
قعد محمد جنبيها ومسك ايدها وقال بهدوء
ان شاء الله هيرجع وهيكون احسن من الاول كمان..
ــــــــــــــــــــــــــــــــــــــــ
ـ وفي شركة احمد رياض..
كانت هناك قااعده نسرين صاحبة ولاء في مكتب سكرتيرة المدير ودخل احمد وقالها..
احمد
تعالي يا نسرين عايزك..
نسرين
سلطان بيه كلم حضرتك وقال لما تيجي اقولك تكلمه ضروري..
احمد بجمود
كان هنا ولا كلمك فون؟؟...
نسرين
لا اتكلم فون...
احمد
علي موبيلك ولا علي تليفون المكتب؟..
نسرين بعدم فهم
علي تلفون المكتب ليه بس حضرتك بتسأل..
احمد بجمود
اطلبيلي قهوه وتعالي ورايا عشان نشوف عندنا ايه النهارده...
_ دخل احمد المكتب وهو مدايق ونسرين راحت ورااه وقالتله المواعيد بتاعته النهارده وهو قال..
احمد
تمام واعملي حسابك ان النهارده هتاخر شويه في الشغل..
نسرين
ليه؟..
احمد
عشان اتاخرت في الجامعه وهنعوض الوقت اللي اتاخرته بالليل عشان الشغل ما يتكومش عليا..
نسرين بضيق
حاضر بعد اذن حضرتك...
_ طلعت نسرين وقعدت علي مكتبها وفتح احمد الكاميرا اللي بره من علي لابتوبه وفضل باصص عليها وهي قااعده علي مكتبها وفي الوقت ده موبيله رن برقم نور، اتنهد بضيق ورد عليها وقال...
احمد
ايه يا نور؟..
نور
انت فين يا احمد؟..
احمد
في الشركه خلصت الجامعه وحاليا في الشركه..
نور
اوكي ممكن ما تتاخرش النهارده؟..
احمد بجمود
ليه؟..
نور
عشان مامتك بتدايق وبتطلعهم عليا..
احمد بضيق
يعني مش عشان بوحشك مثلا..
نور بتوتر
اا لا طبعا بتوحشني وو..
احمد بسخريه
ماما اللي قالتلك بقي تقولي كده ولا انتي قولتيها من نفسك..
نور بضيق
هو في ايه يا احمد هو انا بحاول ارضي مامتك ليه مش عشانك انت وعشان افضل جنبك..
احمد
انا مش ناقص اتخانق معاكي وبعدين انا عارف كويس انتي ليه بتعملي كده عشان تبقي زيها، وانا ما بحبش التصنع يا نور...
نور بقلق
طيل ممكن تهدي دلوقتي ولو كلمتك اروجوك بلاش تبين انك مدايق...
_ قفل احمد من غير ما يرد عليها، وعينه جات علي نسرين اللي لسه في اخر سنه في كليتها الا انها متفوقه جدا وبتشتغل معاه بنشاط وممتازه وفي نفس الوقت جميله وهاديه وديما بتجذبه ليها بثباتها والحدود اللي حطاها لنفسها في التعامل مع اي حد الا سلطان ابن عمه والسبب؟؟..
ــــــــــــــــــــــــــــــــــــــــ
_وفي بيت اهل احمد...
خلصت نور مكالمتها مع. احمد وراحت قعدت مع حماتها وصاحبة حماتها، وثريا قالت بجمود..
ثريا
احمد كويس..
نور
ايوه يا ماما كويس..
صاحبة ثريا
قوليلي يا نور انتي ليه سيبتي دراستك انا كنت اسمع انك. متفوقه..
قبل ما ترد. نور ثريا قالت
كانت هتهمل بيتها وحياتها الزوجيه فقررت انها تقعد في البيت..
الست.
امم طيب كده هي مش هتشتغل؟
.
ثريا
لا طبعا هي مش ناقصها حاجه. عشان تشتغل..
نور
طبعا ماما ثريا معاها حق هي اكبر متي وعندها خبره في الحياه غيري انا وانا بتعلم منها..
الست.
بجد يا بختك بمرات ابنك يا ثريا هانم ، انا مرات ابني لو فكرت اتدخل في اي حاجه بس تخص احفادي تعملها مشكله....
ثريا بصت لنور وابتسمت وقالت
نور بنتي مش مرات ابني يا حبيبتي...
_ ابتسمت نور وفرحت بكلام ثريا عنها...
ــــــــــــــــــــــــــــــــــــــــ
_ وفي بيت الاستاذ حمدي..
كانت هاجر قاعده في اوضتها وهي بتتفرج علي صور محمد والحلقات بتاعت البرنامج بتاعه وردود الناس علي كلامه وان بقي ليه محبين ومعجبين كتير اوووي، وابنها فضل يعيط فسابت الفون وقربت منه وشالته وقالتله..
هاجر
بس يا حبيب مامي، شوفت بابا بقي مشهور ازاي احنا لو كنا معاه كنا هنكون مبسوطين بنجاحه مش كده...
دخلت عندها ولاء وقالت
اهو صحي اهو هاتيه شويه بقي...
هاجر
طيب امسكي اهو بس اقعدي الاول لاحسن يقع منك..
قعدت ولاء علي السرير وقالت
هاتيه بقي اهو قعدت...
حطتهولها هاجر علي رجلها وقالت
حطي ايدك تحت راسه، عقبال ما تشيلي ولادك يا حبيبتي..
ولاء وهي بتبص للطفل ومبتسمه
شكله امور اووي وعيونه حلوه اووي، انا بقالي اد كده قااعده بره مستنيه اسمع صوته عشان اجي اشيله، بس ان ما كانش اسمه حامد....
هاجر
عمي حامد طلبها مني وما اقدرش اقوله لا ده اول حفيد ليه..
ولاء
بقولك صح انا وعلي قررنا هنسكن في الساحل عشان هيمسك شركة باباه اللي هناك..
هاجر
حلو اووي هنيجي نصيف عندك بقي..
ولاء
لا ما احنا مسافرين بكره الصبح كلنا وانتي وحامد معانا..
هاجر
لا لا الجو برد وحامد اصلا عنده برد لوحده..
ولاء
ما احنا رايحين نشوف البيت هناك وماما وبابا جايين معايا هتسبيني لوحدي ..
هاجر
ما انتي معاكي بابا وماما وشوفي نسرين تروح معاكي...
ولاء
نسرين من لما يونس جوز شهد جابلها الشغل اللي في شركة صاحبه دي وهي مش فضيالي خالص بشوفها صدفه في الجامعه...
هاجر
خلاص انا هبقي معاكي بالفون ولا انتي يرضيكي حامد يتعب..
ولاء
لا طبعا ما يرضنيش، محمد كلمك؟..
هاجر بهدوء
لا ما انا طلبت منه يكلم ماما ويطمن علي ابنه انا اكلمه ليه؟..
ولاء
مش ممكن يكون بيتلكك عشان يكلمك انتي ويقول انه عايز يطمن علي حامد...
هاجر
بس والنبي عشان محمد مش كده هو لو عايز حاجه هيقولها علي طول..
ولاء بحزن
يا خساره بجد كنتو لايقين اووي علي بعض، هو الخسران..
هاجر بدموع
خلاص بقي يا ولاء عشان ماما ما تسمعش مش عايزه حد غيرك يعرف اللي حصل بينا، خليهم فاكرين ان انا اللي سيبته مش هو...
_حطت ولاء حامد علي السرير وقامت حضنتها وقالت بحون علي حال اختها...
ولاء
ما تزعليش ربنا هيكرمك بالاحسن منه والله...
ــــــــــــــــــــــــــــــــــــــــ
_ وبالليل كان يونس لسه في المعرض ويوسف ضحك وقاله..
يوسف
قول انك خايف تروح...
يونس
انت بتقول فيها انا بجد خااايف اروح..
يوسف
طيب بقولك صح احمد رياض عامل قعده كده في اليخت بتاعه وعازمك وعايزك تجيب محمد اخوك معاك...
يونس
فكرتني محمد خطوبته بكره...
يوسف
طيب ابقي هات بطه معاك بقي عشان محمد اخوك عزمني وانا رايح..
يونس
مين قالك اني هروح اصلا..
يوسف
ليه انتو مش كنتو اتصالحتو..
يونس
ايوه بس شهد حالفه عليا ما اروحش ولو عليها تقطعني من محمد اخويا اصلا عشان بقي طليق هاجر صحبتها...
ضحك يوسف وقاله
هههههههه الله يرحم ده انت وهاجر دي زمان شردتو بعض في الموقف فااكر...
يونس ابتسم وقال
بس بنت غلبااانه خساره ان محمد سابها..
يوسف
نصيب المهم انا قولتلك علي عزومة احمد رياض ده لو مش عايز تروح عادي..
يونس
لا ازاي ده احنا شركاء وانا لازم اروح وهجيب معايا محمد..
يوسف
اتفقنا....
_ وقام يونس وطلع بره المعرض واخد عربيته لوحده ورجع البيت اللي لسه مكانه في الحاره بس طبعا اتغير وبقي احلي بيت في الحاره كلها، وطلع شقته علي طول واول ما دخل لقي شهد قاعده قدام التلفزيون ومدايقه...
يونس
لا انا ممكن اخرج تاني علي فكره..
شهد
براحتك..
قفل الباب وراح قعد جنبيها وقال
انا اسف بس والله غصب عني الشغل كتير وو..
شهد
انا فين بقي من شغلك انت بقالك اسبوع مسافر وانا مجهزه وعامله الاكل اللي بتحبه وقاعده مستنياك وانت في الاخر تيجي علي شغلك...
يونس
بجد عملالي ايه اكل..
شهد بعصبيه
ما بهزرش يا يونس، انا بجد زهقت...
يونس مسك ايدها وقال
حقك عليا مش هتتكرر تاني، تعالي بقر نجهز اكل سوا..
شهد بهدوء
انت بتحبني يا يونس؟..
يونس
طبعا والا ما كنتش هفضل معاكي لدلوقتي..
شهد بتوتر
طط طيب انا هشيل مانع الحمل وو..
يونس بحده
لا قولتلك مش وقته...
شهد بحزن
ليييه انا من لما شوفت ابن شهد وانا هموت ويبقي عندي بيبي صغير...
يونس بضيق
مش وقته انا مش جاهز يا شهد دلوقتي..
شهد بغيظ
هو انت اللي هتحمل وتخلف يعني ما كل الغلب هيكون عليا انا...
يونس بحده
مش جاهز اشيل مسؤلية طفل دلوقتي مش عايز ومتكلمين في الموضوع ده قبل كده..
شهد بدموع
يا يونس انا كبرت انا مش لسه عندي عشرين او خمسه وعشرين سنه انا دخلت في التلاتين وفي سن معين انا قربت عليه مش هقدر اخلف فيه وهتكون نسبة الانجاب ضعيفه اووي فيه...
يونس بجمود
هيكون ليها مليون حل يا شهد بس دلوقتي لا..
شهد بحزن
يعني ده اخر كلام عندك..
يونس
ايوه وياريت ما نتكلمش في الموضوع ده تاني..
شهد قامت وقالت
تمام الاكل عندك جوه سخن وكل براحتك انا تعباانه وهنام....
_دخلت شهد اوضتها وهي بتعيط، ويونس فضل قاعد بره وما دخلش جوه خالص...
ــــــــــــــــــــــــــــــــــــــــ
_ وتاني يوم الصبح في بيت احمد رياض..
كانو كلهم قااعدين بيفطرو واحمد قااعد ماسك موبيله وثريا قالتله بحده ..
. ثريا
من امتي يا احمد بتمسك الفون واحنا بناكل ايه قلة الذوق دي..
احمد بضيق
عندي شغل يا ماما ومش هينفع اسيبه..
رياض
خلاص يا ثريا سبيه براحته..
ثريا بحده
انا مش بحب كده والنظام مش هيتغير عنده شغل ما كانش يقعد يفطر معانا..
قام احمد وقالها
انا اصلا شبعت ومش عايز اكل وسوري ازعجت حضرتك يا ثريا هانم..
قال كلامه ومشي وثريا قالت لنور
احمد ماله ايه اللي مزعله؟..
نور بقلق
مش عارفه يا ماما اا..
زعقت فيها ثريا وقالت
اومال مين اللي يعرف، انتي لازمتك ايه هنا اصلاا...
قامت ثريا وهي بتزعق ورياض قال لنور
ما تزعليش يا نور انتي عارفه ثريا ودماغها..
نور بدموع
لا عادي يا اونكل ولا يهمك انا هطلع اوضتي...
_ووصل احمد الشركه بتاعته واول ما دخل لقي نسرين قااعده وماسكه الفون بتاعها وهي مبتسمه، قرب منها وقال..
احمد
خير؟..
نسرين وقفت وقالت
احمد بيه هو مش حضرتك هتيجي الساعه 12 بعد ما تخلص الجامعه..
احمد بجمود
ما روحتش وجيت عندك مانع..
نسرين
لا طبعا اتفضل حضرتك ودقايق وتكون القهوه عندك جوه...
احمد
هو انتي بتقابلي سلطان ابن عمي؟..
نسرين
اوقات بشوفه صدفه بس ليه؟....
احمد
كان منزل استوري وتساب ليكم امبارح..
ابتسمت نسرين وقالت
ااه هو امبارح جه صدفه للكافي بتاع خالتو انا بكون فيه بالليل معاها بذاكر هناك ولما سوفته سلمت عليه وقعدنا شويه والمكان عجبه وطلب مني اتصور معاه وينزل اسم الكافي عنده عشان يوريه لصحابخ وكده..
احمد بغيظ
اممم ربنا يقدره علي فعل الخير... هاتيلي قهوه وبسرعه ومش بحب حد يمسك الموبيل في الشغل مفهوم..
نسرين
مفهوم يا افندم...
_ دخل احمد المكتب بتاعه وكان مدااايق جدا، وكان فاتح كالعاده الكاميرا اللي بره وهو بيراقب نسرين..
ــــــــــــــــــــــــــــــــــــــــ
_وبعد شويه في بيت الاستاذ حمدي..
كانت هاجر قاعده لوحدها بعد ما اهلها سافرو مع ولاء وعلي، والباب خبط وراحت فتحت ولقيتها شهد اللي قالتلها..
شهد
اتخنقت معاه ومش لاقيه حد. اشاركه همي غيرك...
هاجر
علي اساس اني ناقصه هموم يعني خشي خشي اما نشوف اخرتها مع ولاد حامد الصاوي...
دخلت شهد وقغلت الباب وقالت
انا مش عارفه ليه مش عايز يخلف مني ولما اجيبله السيره دي بيتحول ليونس القديم فاكراااه..
هاجر
تشربي ايه؟..
شهد
لا انا عايزه افطر عشان عملت نفسي زعلانه وما فطرتش..
هاجر
طيب خلي بالك من حامد لحد. ما اجهزلك الفطار، وقوليلي حصل ايه؟..
_قعدت شهد جنب جامد اللي كان هلي الكنبه وقالت بهدوء...
شهد
قولتله عايزه اجيب بيبي قالي لا ومش جاهز..
هاجر من جوه المطبخ بسخريه
علي اساس ان هو اللي هيحمل يعني..
شهد
والله نفس اللي قولته وفي الاخر عملي مقموص ونام علي الكنبه في الصاله والصبح دخل الاوضه وفضل يخبط في كل حاجه عشان يخليني اصحي، قولت هيصالحني وكده، طلع الحلوف بيصحيني عشان اجهزله فطار..
_طلعت هاجر من المطبخ وهي ماسكه طبق فيه سندوتشات وفضلت تضحك وقالت...
هاجر
والله ما شوفت في برود. جوزك، لا شوفت اخوه كان زيه كده...
شهد بسخريه
هو العيب فينا تعالي شوفي محمد اهو بيتمني الرضا ترضي للبنت اللي هيخطبها...
سكتت هاجر وعيونها اتملت دموع وقالت شهد
انا اسفه والله يا هاجر مش قصدي والله بس يعني اا..
هاجر
لا عادي دي الحقيقه المهم قوليلي ما تحملي وحطيه في الامر الواقع..
شهد
وافرض طلقني وقتها..
هاجر بحزن
لو عايز يطلقك مش هيفرق معاه حمل ولا غير حمل، هو في اكتر من اني اطلقت وانا حامل وولدت وهو بيقرا فاتحه فاكره ما جاش يحضر ولادتي عشان كان بيقرا فاتحه..
شهد بحزن
وقتها بعتلك مامته وعم حامد بس ارجع واقول هو اللي خسران..
هاجر بسخريه
والله ما خسران بالعكس مبسوط في حياته ونجح وما حدش خسر غيري، عادل حياته بقيت تمام ورجع مراته وبقي رجل اعمال ومحمد بقي داهي ديني ومشهور..
نزلت دموعها وقالت
ما حدش بيخسر غيري ده ببص لابني وقلبي يوجعني عليه ذنبه ايه يطلع ويلاقيني لوحدي معاه، وابويا اللي تعبااه معايا وبمصريفي وقاعده وشه هو وامي ومشيلاهم الهم...
شهد بدموع
طيب اهدي خلاص اكيد ربنا ليه حكمه في كل اللي بيحصل ده، اصبري وربنا هيعوضك خير...
مسحت هاجر دموعها وقالت
الحمد لله علي كل حال، خير ان شاء الله وانتي وقفي مانع الحمل اللي بتاخديه ده هو مش عايز عيال ما كانش اتجوز هو كمان...
شهد بقلق
مش عارفه بقي ربنا يستر...
ــــــــــــــــــــــــــــــــــــــــ
_ وفي شركة احمد..
دخلت نور هناك وبصت لنسيرين بكل غرور وكبرياء وقالت..
نور
انتي....
وقفت نسرين وقالت
اهلا وسهلا يا نور هانم اتفضلي..
نور
احمد بيه جوه..
نسرين
ايوه جوه هديله خبر ان حضرتك موجوده..
نور
لا ما فيش داعي انا داخله عنده، هاتيلي قهوه بسرعه وتكون مظبوط..
نسرين
حاضر يا نور هانم....
_ سابتها نور ودخلت عند احمد اللي كان عارف انها داخله وشافها في الكاميرات وقال بجمود..
احمد
جايه ليه هنا يا نور؟..
نور
يعني انت تعمل مشكله وتمشي وانا اتدبس في التهزيئ من مامتك..
احمد
ما تردي عليها وتقوليلها ان مالكيش دعوه..
نور
انت عارف اني مش بحب ازعلها..
احمد
نور انا لما اتجوزتك اتجوزتك عشان بحبك مش عشان ترضي امي وتبقي نسخه منها..
نور قربت منه وقالت
يا حبيبي انا بعمل كده عشان خلاص انتو بقيتو اهلي انا سيبت كل حاجه وبقي اهلي هما اهلك يا حبيبي..
_احمد قبل ما يرد عليها شاف سلطان دخل المكتب وقرب من نسرين ونظراته اتحولت للغضب ونور بصت للي هو باصص ليه وقالت..
نور
هو مش ده سلطان..
قام احمد وقال
خليكي هنا دقيقه وجااي..
_سابها احمد وطلع ولقي نسرين واقفه جنب سلطان وبتضحك ولما شافته سكتت وسلطان قال..
سلطان
كنت هدخلك بس نسرين قالتلي ان المدام جوه..
احمد وهو باصص لنسرين بحده
في حاجه ولا ايه؟..
استغرب سلطان نظراته لنسرين وقال
لا ما فيش بس كنت هقولك ان العزومه بتاعت اليخت اتأجلت لبعد بكره عشان خطوبة الشيخ محمد بكره ويونس الصاوي عزمنا، انتي هتروحي يا نسرين مش كده بما انك تقربيلهم باين..
نسرين
مش عارفه بصراحه وقتها هكون فاضيه ولا لا..
احمد
تعالي يا سلطان وانتي شوفي شغلك لو سمحتي..
نسرين
انا بشوف شغلي كويس جدا..
سلطان
خلاص يا نيروو هو ما يقصدش..
احمد بحده
لا اقصد طول اليوم ما فيش غير السهوكه وبس..
طلعت نور وقالت بقلق
ايه يا حبيبي في ايه.؟..
نسرين بحده
لا انا ما اسمحش لاي حد يكلمني كده ولو السغل عندك بالطريقه دي يبقي طظ فيه..
_ قالت كلامها واخدت شنطتها ومشيت وهو بصلها بعصبيه وسلطان قاله بحده..
سلطان
في ايه يا احمد انت متعصب ليه كده الينت ما عملتش حاجه..
احمد
انا حر في الموظفين بتاعي، نور روحي انا مش فاضي دلوقتي ولما اروح نتكلم وانت يا سلطان امشي..
سلطان
طيب ارد علي يونس الصاوي واقوله المعاد امتي..
_انتبهت نور لاسم يونس اللي بقي يتكرر قدامها كتير بعد ما بقي شريك جوزها وقال احمد بهدوء..
احمد
اي وقت يا سلطان...
_ قال كلامه ودخل مكتبه ونور مشيت وجوها قلق رهيب بسبب علاقة احمد بيونس وان احمد ما يعرفش حاجه عن اللي كانت بينهم...
ــــــــــــــــــــــــــــــــــــــــ
_ وبالليل في بيت الاستاذ حمدي..
كانت هاجر بتعيط وهي خايفه اول ما حرارة ابنها بقيت عاليه جداً بسبب البرد اللي عنده وخصوصا انها لوحدها في البيت، وما لقيتش اي حل تعمله غير انها تكلم محمد..
محمد اللي كان بيحتفل بخطوبته علي زينب وكان في ناس مهمين كتير بيحضرو الخطوبه اللي كانت بالطريقه الاسلاميه، وقربت هناء من محمد اللي قاعد. جنب عروسته وقالتله...
هناء
محمد لازم تروح لهاجر بسرعه ابنك تعبان اوووي ولازم يروح المستشفي حالا وهاجر لوحدها لان اهلها مسافرين..
قام محمد بسرعه وقالها
تعباان ازاي حامد حصله ايه يا ماما؟...
هناء بدموع
مش عارفه هاجر بتكلمني وهي منهاره ومش عارفه تتصرف..
بص محمد لزينب اللي كانت مدايقه وحصل؟...
_ تفتكرو هيروح ولا هيقعد مع زينب؟.
يتبع....
لقراءة الفصل الثاني والعشرون اضغط على : ( رواية موضوع عائلي (الشيخ والبلطجي) الفصل الثاني والعشرون )
لقراءة باقي الفصول اضغط على : ( رواية موضوع عائلي (الشيخ والبلطجي) )