رواية عشق الفهد الحلقة السابعة والثلاثون 37 بقلم شيماء ناصر
رواية عشق الفهد الجزء السابع والثلاثون 37 بقلم شيماء ناصر
رواية عشق الفهد البارت السابع والثلاثون 37 بقلم شيماء ناصر
 |
| رواية عشق الفهد الفصل السابع والثلاثون 37 بقلم شيماء ناصر |
رواية عشق الفهد الفصل السابع والثلاثون 37 بقلم شيماء ناصر
فتح الباب ودخلها: الباشا مستني ردك وفقتي ولا لا
شهد: تظ فيك انت وهو انا مش هعمل حاجه
جهز مسد/سه ورفعه علي راسها ووو
شهد بخوف اكبر: حاضر حاضر اانا ههعمل الي قال عليه.... واول ما نزل المسد/س ولف يمشي شهد مسكت الب طوب وضربته بيه.... وقع علي الارض بتالم وكان في د*م نازل علي وشه...
بصت برا براحه يمين وشمال وشافت ان في حد واقف في اخر الطرقة راحت تتسحب براحه لحد ما دخلت اوضه فيها شباك بصت من الشباك
شهد: المكان عالي هنزل ازاي...... نهار اسود مفيش وقت فكري.... ملقتش اي حل غير انها تنط من الشباك وبخوف قربت من الشباك ولسه هترمي نفسها علشان تفلت من اديهم لقت الي بيشدها بسرعه لجوه وبيكتم نفسها
شهد: اممممم اممممم...... وبتحاول تضرب فيه بس جسمه كان اقوي منها واغماء عليها......
وصل يوسف سارة علي بتها واستنا لما طلعت العمارة وشغل العربية ومشي...
سارة حطت حاجتها في اوضتها وراحت تنضف الشقه وعملت اكل وبعدين غيرت هدومها ونزلت علي المستشفى تجيب ابوها البيت....
في قصر المرصفاوي 💫🦋
جنة بقلق: ست هانم انتي كويسه
نور بتعب:انا مالي كدا في اي......
عشق سمعت صوت جنة وطلعت لي فوق.. جنة في اي
جنة: المدام نور كانت كويسه من شويه معرفش اي الي حصلها
عشق:انا هشوفها اعملي انتي حاجه دافية ليها
جنة: حاضر..... ومشيت
عشق بتخبط علي الباب: نور انتي كويسه اكلم فهد يجيب دكتور
نور: لا انا كويسه مفيش حاجه شويه تعب بس
عشق: طيب شويه وهجبلك حاجه دافية وهجبلك الفطار ماشي
نور: ماشي....... حطت اديها علي راسها وقامت ترجع......
مراد: يعني اي مش لاقيها هتكون راحت فين ما تدور كويس يازين ما تشوف شغلك تحب اعلمك يعني
زين بحده:انا ظابط وعارف شغلي كويس وبدور عليها اعمل اي تاني ملهاش اي اثر وانا باعت كذا حد يدور عليها اهداء
عدا شهرين ما بين سارة الي بتهتم بي ابوها ورافضة تتكلم مع يوسف او تشوفه وما بين مراد الي بيدور علي شهد ومش عارف يوصلها
في الليل💫
أميرة:مش ناوي تجيب مراتك طولت قوي هناك
يوسف ببرود: هي تيجي وقت ما تحب
أميرة بحنية:مش هينفع كدا انتو لسه عرسان جداد
يوسف:يعني اعمل اي ياماما اروح اجببها بالعافية
أميرة:انت متعصب لي ياحبيبي مقولتش جبها بالعافيه بس علي الاقل روح زورهم شوفها كلمها اطمن عليها
يوسف: عملت كدا ياماما لو هي حابه تيجي هتيجي لوحدها انا مش هجيب حد ولا هكلم حد تصبحي علي خير....
سيد:الحمدلله انا شبعت تسلم ايدك
سارة: اي ده يابابا بس انت مكلتش حاجه
سيد: كلت الحمدلله خلصي انتي اكل براحتك واعمليلي كوبايتين شاي عشان عاوزك في موضوع
سارة:حاضر يابابا......
بعد شويه سارة شالت العشاء ورجعت الاطباق في المطبخ وعملت شاي وراحت البلكونة...
اتفضل يابابا الشاي اهو قولي اي الموضوع
سيد: اقعدي
قعدت سارة قدامة علي الكرسي.....
سيد: بعد كل الي حكتيه ليا وبعد تفكير في موضوعك انتي ويوسف انا قررت اني مش هخليه يطلقك زي ما انتي عايزه
سارة: لي يابابا انت عارف ان كل ده مكنش صح وكان بسبب نورهان
سيد: حتي لو ده بسبب نورهان والكلام الي قالته بس انتي دلوقتي اتجوزتيه وده نصيبك ارضي بيه ياحبيبتي وارجعي لي بيتك كفايه بق تفضلي هنا انتي ليكي بيتك
سارة: بس انا مش عاوزه ارجع ولا عاوزه اسيبك وده بيتي كمان يابابا انا مش بحبه
سيد:بصي هحكيلك علي حاجه انا مكنتش بحب امك بس حبتها لما اتجوزتها الحب الي بجد بيجي بعد الجواز مفيش حب زي ما انتي فاكره بتوع الايام دي ده جيل مهبب مش عارف مصلحتة فين الحب الي بيجي بعد الجواز بيكون احلي وبعدين احنا معندناش حب قبل الجواز ناسيه اننا صعيدا ولا اي
سارة بتنهيده وهدوء:الحب الي قبل الجواز يابابا بيكمل
سيد: طب قوليلي لي الحب الي قبل الجواز ده مش بيفضل بعد الجواز ولي بيطلقو وفي عيال ما بنهم
سارة: مش عارفه
سيد: علشان البداية مكنتش ترضي ربنا عشان ترضيهم يوسف كويس ياسارة ووقفته جنبك اثبتلي انه راجل فكري وبلاش تمشي وراء كلام الحب بتوع اليومن دول احسبيها بعقلك ولما تعملي كدا هتحمدي ربنا ان يوسف نصيبك.....
فهد خلص شغل وقفل الاب توب....انتي بتعملي اي مش هتنامي
عشق واقفه قدام المرايا: شوف بطني نور قالتلي انها هتكبر انا مبسوطه قوي
فهد: طب يلا اطفي النور ده وتعالي نامي
عشق:نام انت انا هكلم بابا وبعدين انام
فهد فتحلها التلفون وسبهولها ونام عشق راحت تتصل علي هشام
هشام:الو
عشق:......
هشام: الوووو مين
عشق بتردد: ازيك يابابا طمني عليك
هشام: بترني لي؟
عشق: في اي يابابا.... اتصلت اطمن عليك عامل اي
هشام: كويس خير بق عاوزه حاجه
عشق: انا عرفت انك قريت فاتحتك لي عملت كدا ماما مقصرتش في حاجه
هشام: وانتي بتتكلمي في الي ملكيش فيه لي مالك انتي قرايت فاتحتي ولا لا
عشق: عشان انت كدا بتكسر قلب امي بعد السنين والعشرة والعيال الي مابنكو
هشام: فكك من الهبل ده انا من حقي اتجوز مرة واتنين ومحدش يتكلم كلمة واحده معايا
عشق: ماشي يابابا بس لي تهدد ماما كل شويه انك تخرج اخواتي من المدرسه وحاجه اخيره الفلوس الي انت هتتجوز بيها دي مش هتقعد كتير وهتخلص هتعمل اي لما الفلوس تخلص العروسه الجديده هتكون مبسوطه مثلا
هشام: لا ماانتي حبيبت ابوكي وهتجبيلي فلوس سلف من جوزك
عشق: اي الكلام ده يابابا
هشام: عرفتي منين اني قريت فاتحه امك قالتلك صح
عشق بخوف عليها: لا انا ررحت البيت وعرفت من الجيران
هشام: الفرح بعد شهر ابقي تعالي سلام
عشق: الو الووو.....
في التجمع🦋💫
سيف بتريقه:هتعملي اي يااذكاء اخواتك الفلوس الي معانا خلصت هنصرف منين وندفع فلوس الكهرباء والغاز منين؟!!
حور: بابا مش كل يوم تقولي كدا انا مستنية علي نار امتي تيجي الفرصه عشان العب
سيف: انا متاكد اننا هنبات بعد كدا في الشارع بسببك
حور:متخفش اللعبة مش بتحلو لما بنلعب بسرعة وانا مش سهلة برضو عشان العب كدا وخلاص لا لزم احسبها صح بعدين هتشكرني......
امسكي ده فستان تلبسيه وبكرا هنوديكي In the club الي فيه الشخص ده..... ورمي صورته قدامها المطلوب منك تلفي وتعلقيه وده تلفون لزوم الشغل ياشاطره وابقي خلي بالك وبلاش تلعبي بديلك عشان التلفون متراقب وفي حد من رجالتنا هيكون موجود معاكي جوه
شهد باستسلام: تمام... ومسكت صورة الشخص تشوفه وبصدمة وووو
يتبع.....
لقراءة الفصل الثامن والثلاثون اضغط على : ( رواية عشق الفهد الفصل الثامن والثلاثون )
لقراءة باقي الفصول اضغط على : ( رواية عشق الفهد )