رواية جراح لا تنسى الحلقة الثالثة 3 بقلم أماني سيد
رواية جراح لا تنسى الجزء الثالث 3 بقلم أماني سيد
رواية جراح لا تنسى البارت الثالث 3 بقلم أماني سيد
 |
| رواية جراح لا تنسى الفصل الثالث 3 بقلم أماني سيد |
رواية جراح لا تنسى الفصل الثالث 3 بقلم أماني سيد
لا احد يعلم كم جراح قلبى أرى زوجى مع اخرى اشعر به وبقلبه ينبض لاخرى وانا لازلت حمقاء اعيش على زكرى مجرد زكرى هو لن يتزكرها 😞😞
خرجت منتهى من منزلها واخذت ابنها وذهبت ولكن الزكريات تلاحقها زكريات زوجها اوقات فرحهم واوقات حزنهم يوم فراقه لها ووعوده لها بأن قلبه سوف يظل لها لها فقط ولكن اين الوعود هو مع اخرى انجب منها احبها اغرقها بكلمات غزله اغرقها بحنانه
اصمت اصمت ايها العقل اتركنى الان
صباح اليوم التالى
لبست منتهى لبس كلاسيك مناسب للشغل وحطت من البرفان اللى كان بيحبه زهران
دخلت الشركه وراحت على مكتبها وابتدت شغل ودخل مؤمن عليها
مؤمن : صباح الخير ازيك يا مدام منتهى
منتهى : صباح النور
مؤمن : فاضيه بكره نقابل الدكتور
منتهى : اه طبعا ولو مش فاضيه افضاله وهجيب معايا بباه ومامته
مؤمن: وانا كلمته وحكيتله كل حاجه لان دى اسرار مرضى ولازم الدكتور يكون عارفها عشان يشوف هيتعامل ازاى
مؤمن: تمام بكره الساعه ٨ بليل بإذن الله
دخل عليهم أثناء حديثم عرفات
عرفات : صباح الخير
مؤمن : صباح النور
عرفات: فى حاجة ولا ايه
مؤمن: لأ ليه
عرفات: اصلك واقف مع السكرتيرة مش قاعد في مكتبك زى كل يوم
مؤمن: لأ عادى جيت أسأل عليك واتعرف بالمره على مدام منتهى
عرفات: طيب بقولك عايز ملف صفقه ... هاتوا وتعالى
مؤمن: حاضر هجيبه واجيلك
عرفات: جهزتى الميلات والمواعيد بتاعت انهارده
منتهى : اتفضل يا عرفات بيه
عرفات: لا هاتيهم المكتب
دخلت منتهى المكتب واديته الملفات
استاذن حضرتك هخرج اكمل الشغل
عرفات: لا اقعدى لحد ما اراجعهم وخديهم معاكى عشان لو عزت استفسر عن حاجه أسألك مش ابعتلك كل شويه
منتهى قعدت على الكرسي اللى قدامه وفضلت ساكته
عرفات: مدام منتهى هو إحنا اتقابلنا قبل كده
منتهى : لا للأسف متشرفتش بمعرفه عرفات بيه قبل كده
عرفات بصلها باستغراب لانها ردت عليه بطريقة غريبه هو حاسس انه شافها قبل كده لا هو متأكد انه شافها ريحه البرفيوم ده هو عارفه وعارف اسمه جوردانى
طيب عرف اسم البرفان ده ازاي لو مكنش شامه قبل كده ومسك دماغه وهنا حست انه هيبدا يتعب قررت انها تشتت انتباهه
منتهى : استاذ عرفات
عرفات: نعم
منتهى : فى معاد انهارده هيكون خارج الشركه بس العميل سايب ملاحظه هتلاقيها ورا انه عايز يغير معاد المقابله لو متاح لحضرتك
عرفات: لأ مافيش إمكانية المعاد زى مهو ردى عليهم بكده
منتهى : طيب حضرتك راجعت المواعيد انا شايفه انه مناسب ونخلى المعاد هنا فى الشركه تكون حضرتك خلصت كل الاجتماعات انهارده لان ممكن حضرتك ماتلحقش توصل فى المعاد
عرفات: خلاص تمام وحطى ده شرط ليهم
منتهى حست براحه انها قدرت تشتت انتباهه
ومن جهه عرفات هو مش عايزها تقوم من قدامه عايز يفضل شامم ريحه البرفان بتاعتها
عرفات لنفس
ما الذى تفعله او تنوى اليه انت لا تتزكر شئ ربما يشبه رائحه الماضي الهذا تريدها امامك انتبه لعلقك انها امراءة متزوجه وإن لم تكن فأنت متزوج انت لست خائن تخلص من قربها لك حتى لا تشعر بالضيع الذى تشعر بيه فى حضرتها
عرفات: اتفضلى يا مدام منتهى خلاص راجعت الملفات
منتهى : عن ازنك
ترك عرفات الملف على المكتب وامسك رأسه مره اخرى
اشمعنى دى اللى كل اما اشوفها يجيلى الصداع ده لا لازم ابعدها لازم أثناء تفكيره دخل مؤمن عليه
عرفات: بدون مقدمات مؤمن رجعلى نهله مره تانيه وخلى مدام منتهى معاك
مؤمن: ليه حصل منها حاجه ولا ايه
عرفات بتهرب : لأ أبدا نهله قديمه وعارفه شغلها اكتر من منها عشان كده بس
مؤمن: طالما انت عايز كده خلاص من بكره هنقلها
وقاعدوا يراجعوا الشغل والصفقات الجديده اللى اتعاقدوا عليها
بقولك ايه عايزك انهارده تحضر مكانى الاجتماعات وكده كده امضتك تحل امضتى
مؤمن : انت تعبان ولا ايه
عرفات : لا ابدا بس الفتره اللى فاتت كنت مقصر مع هاله وحبيبه وكنت عايز اخرجهم
اتصل عرفات على هاله
هاله : حبيبي وحشتنى
عرفات : وانتى وحبيبه كمان بقولك ايه بقالك كام يوم كده كنت حاسك مخنوقه ايه رايك انهارده اخدك انتى وحبيبه ونخرج
هاله : بجد
عرفات: طبعا بجد يلا اجهزى وهعدى عليكى
هاله: طيب ايه رايك اعدى انا عليك عشان كمان اشوف مكتبك وتكون خلصت شغل
عرفات اتفقنا
قفلت هاله وجهزت نفسها هى وبنتها ووصلوا الشركة وكانت منتهى قاعده بتشتغل
هاله : مساء الخير لو سمحت عايزه اقابل عرفات
منتهى : فى معاد سابق حضرتك
هاله : انا المدام وهو عارف انى جايه
منتهى : لحظه ابلغه
اتصلت منتهى على عرفات وبلغته بوصول المدام
عرفات: دخليها فورا
دخلت هاله واستقبلها عرفات وشال بنته حبيبه وحضنها وفضل يبوسها
حبيبه حبيبت بابا وروح قلبه
هاله : كده انا هغير منها
عرفات: ليه بس كده انتى كمان حبيبتي بس حبيبه حاجه تانيه روح وقلب ابوها
هاله : ها هتخرجنا فين
عرفات: المكان اللى تشاوروا عليه
مسكت هاله ايده وهو شايل حبيبه بايد وخرج قدام منتهى
عرفات: مدام منتهى تقدرى تروحى لو خلصتى شغلك وبقيت الاجتماعات ادى مواعدها لمؤمن وسابها ومشى وهو شايل بنته فى ايد وحاوط وسط مراته بالايد التانيه
اه يا قلب كنت اعتقد ان ما كنت اشعر بيه اصعب الم لكن الان وجدت الاصعب حينما تحولت خيالاتى لواقع
هذه اليد كانت تحاوطنى تملس على كتفى وتضمنى اصبحت لاخرى لكن اين انا الان
انا اراك بدلتنى احببت غيرى يدك التى احتوتنى احتوت غيرى
لا لا لن استطيع الاستمرار هكذا قلبى اصبح ممزق
لن انسى ابدا جرحك فهناك جراح لا تنسى
دخل مؤمن عليها وفاقت من سرحانها
مدام منتهى انتى كويسه
منتهى : انا بخير الحمد لله
مؤمن: عايز اقولك حاجه بس خايف تزعلى
منتهى : لأ قول خلاص اخدت على الوحع
مؤمن: عرفات طلب منى انى ارجع نهله هنا وانقلك انتى عندى مكانها
منتهى : نفذ كلامه
مؤمن: انتى مش زعلانه
منتهى : لأ اسمع كلامه وانقل نهله هنا تانى
خلاص زى ماتحبى بقولك بقيت الاجتماعات انا هحضرها انهارده مكان عرفات هتحضريها معايا
منتهى : اه طبعا بما ان نهله هترجع هنا فطبيعى ان ده هيكون شغلى
حضرت منتهى مع مؤمن جميع الاجتماعات وسجلت كل الملاحظات اللى اطلبت منها
منتهى : مؤمن بيه
مؤمن: بلاش بيه دى انتى دلوقتي زى هاله مدام عرفات بتقولى يا مؤمن وانا بقولها هاله او ام حبيبه حتى لو هو مايعرفش فنادينى باسمى من غير القاب
منتهى : وهو بيسمحلك تقولها هاله كده باسمها عادى
مؤمن: اه عادى
منتهى ضحكت : اصل زمان مكنش بيخلى اى حد ينادى عليا باسمى كان لازم ينادونى بمدام زهران 😂😂 حتى لما خلفت احمد كان برضو بيخليهم يقولوا مدام زهران
مؤمن: واضح ان فى اختلاف بين عرفات وزهران وممكن نستغل ده غى علاجه عشان كده قوليلى مؤمن بس
منتهى : بس مايصحش
مؤمن: لأ يصح بس اسمعى الكلام وعايزك من هنا ورايح تعتبرينى اخوكى الكبير
منتهى: شكرا جدا لزوقك يا مؤمن انت فعلا ونعم الاخ
عند هاله وعرفات
وصلوا مول كبير وحبيبه دخلت تلعب فى الكيدز اريا ومعاها عرفات لعبها شويه وبعدين وصلوا مطعم اتغدوا وقعدوا فى كافيه
هاله: لما بشوفك بتلعب مع حبيبه بحس انك واحد تانى خالص
عرفات: وانا كمان بحس كده بيطلع منى تصرفات تلقائيه حاسس انى عملتها قبل كده تفتكرى ممكن اكون كنت متجوز او مخلف
عند النقطة دى ووقف لسان عرفات عن الكلام
هاله : سكت مره واحده ليه
عرفات: هاله انا عايز ادور على اهلى والمره دى بجد
هاله: اكيد لو كان ليك اهل وشافوا صورتك كانوا حاولوا يوصلولك خصوصاً ان معاك فلوس كتير وممكن تعيشهم في مستوى احلى
عرفات : وممكن ييكونوا اهلى مابيعرفوش يتعاملوا مع التكنولوجيا والنت
هاله : اهدى بس وإن شاء الله خير ولو فى حد من اهلك اكيد هيحاول يوصلك
عرفات: طيب يلا بينا أنا حاسس انى تعبان ومرهق
تانى يوم وصل عرفات الشركه واتفاجئ بنهله قاعده مكان منتهى
عرفات: صباح الخير
نهله: صباح النور
عرفات: مؤمن وصل
نهله : هتصل بمدام منتهى اسالها
مدام منتهى مؤمن بيه وصل
منتهى : لأ لسه مجاش
عرفات: طيب ابعتيلى ملخص الاجتماعات امبارح
نهله : حالا هجيبه من عند مدام منتهى وارجع لحضرتك
عرفات: وايه اللى وداه عندها
نهله : هى حضرتك الاجتماعات امبارح مع مؤمن بيه بدالى والملحظات كلها هى اللى المفروض تسجلها وتطبعها في ملف وتبعتها على الميل لحضرتك ولمؤمن بيه
عرفات: طيب ابعتهالى بالملفات
دخلت منتهى لعرفات المكتب وكانت حاطه نفس البرفان اللى كانت حطاه وكانت لابسه فستان ابيض وطرحه زهرى لانها عارفه ان زهران كان بيحب الابيض والزهرى عليها
عرفات عرفها من خطوتها وريحه برفانها اللى خلت قلبه اصبح ينقبض والنفس يتقل ومعدته اصبحت تدغدغه من فرط المشاعر من طلتها
طلتها واه من طلتها اصبحت كالتلميذ الخائف من لعبه فى هاتفه أثناء شرح مدرسه للدرس يخشى ان يراه المدرس ويعاق ب. ه
اتفضلي يا مدام منتهى نهله قاتلى انك حضرتى امبارح الاجتماعات مع مؤمن مش انا قلتلك لو خلصتى شغلك روحى
منتهى : ساريك من البرود ما لم تراه لو انت نسيت حبى ساجعلك تعشقنى مره اخرى وإن كان حبك المره السابقه غير كاف فوعد لن اقصر تلك المره لاجعلك لا ترى انثى غيرى ساجعلك ترانى في كل النساء
الدموع تريح عينى بعد نزولها لكن لا تداوى جراح قلبى ساداوى جراحى وارضى غرورى صبراً صبرا
منتهى : مؤمن بلغنى امبارح ان شغلى هيكون معاه فكان طبيعى بعد نقلى اكون معاه في الاجتماعات
وطبيعى جدا ان الملاحظات تكون معايا عشان ادونها
اثناء حديثهم دخل مؤمن
مؤمن: منتهى انتى هنا صباح الخير
عرفات بصلهم وجواه نار من حذف الالقاب بينهم
وانت مالك يقولها مدام هى تقوله بيه يحطوا القاب يشيلوها انت مالك متنرفز ليه مهو كان طلبك انك تبعدها
منتهى : عرفات بيه طلب الملاحظات فجبتهاله
مؤمن : انا سعيد جدا بوجودك معانا وشكرا على تعبك امبارح فى الشغل
منتهى: لا ابدا انا بتعلم منك فعلا لان حضرتك فى الشغل قائد بيقدر يطلع افضل حاجه في اللى قدامه
عرفات بعصبية: مؤمن عايزك احنا فى شركة مش كافيه بتتعازموا فيه مين شغله افضل
اتفضلي يا مدام منتهى مش مدام برضو اتفضلى على مكتبك وانا هكمل مه مؤمن بيه
اثناء خروجها سمعت عرفات بيقول لمؤمن
انت ازاى تسمحلها تشيل الألقاب بينكم هى عجباك ولا ايه متنساش انها متجوزه
مؤمن: اولا انا حر انا اللى شيلت الاقاب مش انت هى بتناديك بعرفات بيه عادى لما تبقى تشيل الالقاب بينكم ابقى علق وقتها
ثانياً هى متجوزه ومش متجوزهو
عرفات: ازاى بقى فزوره دى ولا ايه
مؤمن: لأ طبعا بس انا ماليش اتكلم عن حياه حد يمكن هى مش عايزه تقول لحد
عرفات : لكن تقولك انت عادى
هنا قفلت منتهى وراها الباب ومشيت تغنى
جرب نار الغيره وقولى قولى ايه رايك ايه رايك جرب واصفلى
يتبع.....
لقراءة الفصل الرابع اضغط على : ( رواية جراح لا تنسى الفصل الرابع )
لقراءة باقي الفصول اضغط على : ( رواية جراح لا تنسى )