رواية هل نلتقي الحلقة الرابعة 4 بقلم هاجر عصام
رواية هل نلتقي الجزء الرابع 4 بقلم هاجر عصام
رواية هل نلتقي البارت الرابع 4 بقلم هاجر عصام
 |
| رواية هل نلتقي الفصل الرابع 4 بقلم هاجر عصام |
رواية هل نلتقي الفصل الرابع 4 بقلم هاجر عصام
وصل الباص بتاع الرحله
جميله- ايه يا نيللي اتأخرتوا ليه الباص وصل
نيللي- دقيقه وهنكون عندك خلاص
جميله- تمام
يوسف- صباح الخير ياشباب رحله سعيده علينا
الطلاب- هتبقى سعيده بحضرتك يا هندسه
نور- اسفين على التأخير
يوسف- مفيش تأخير ولا حاجه لسه متحركناش اتفضلوا
نور-!!!!
يوسف بإبتسامه- احنا في رحله يا نور خليكي فريش
نور- كمان لا ده انت هندسه جامد اوي
يوسف- واعجبك كمان
نور في سرها لو لطيف على طول كده ف انت عاجبني يهندسه- اتطورنا جامد يهندسه
يوسف- فين صاحبتك
نور- تقصد نيللي كانت ورايا يا نيللي
نيللي- جايه اهو ثواني
يوسف- اعمل نفسك مش شايفها سيبها هي اللي تاخد بالها انك متجاهلها ولو كلمتك كلمها باحترام ورسمي
الباص اتحرك وبدأ الكل يغني والفرحة باينه عليهم إلا نيللي سانده راسها على الشباك وبتتخيل نفسها وهي بتغرق بتتخنق مجرد التخيل طلعت ازازة المايه بتاعتها وقعدت تشرب ايدها كانت بتترعش جامد نور لحظتها
نور- نيللي اهدي مالك في ايه
نيللي- مش مش عارفه مخنوقه مش قادره اتنفس
نور- هاتي الازازه وفضلت تدعك أيدها وتهديها وخدتها في حضنها
يوسف خد باله منها وكان مركز اوي وقلقان عليها بس مش قادر يروح يكلمها عشان محدش ياخد باله أنه بيحبها
كريم- اسلام تيجي القاهره
اسلام- يلا يباشا شوف سليم
كريم- فل
كريم-سليم تيجي القاهره
سليم- ده ايه الطقه اللي جت في دماغك دي 😂
كريم- نغير جو وناكل
سليم- اهم حاجه الاكل معروفه
كريم- يبقى جاي
سليم- ده كده كده هنتحرك امتى
كريم- على الضهر كده
سليم- فل يحبيبي
كريم- كده فاضل نقول لماما، ست الكل الغاليه
الام- عايز ايه ياسي كريم
كريم- اللي قفشاني دايما كنت عايز اقولك اني نازل القاهره
الام- ده ليه إن شاء الله
كريم- عادي يا ماما نزور مطاعم جديده انا واصحابي نغير جو كده كده النهارده معنديش محاضرات
الام- عشان كده قلتلي لو كان فيه كنت طلعت من بره بره
كريم- لا انا مش بتاع الحاجات دي
الام- اضحك عليا يا واد اضحك على العموم ماشي يحبيبي
كريم- حبيبتي
في اسوان
جميله- نور نيللي فايقه
نور- لا نامت هصحيها
جميله- هي كويسه طيب شكلها تعبان فيها حاجه
نور- لا لا هي كويسه ممكن بردت
جميله- متأكده
نور- ايوه اهي صحيت اهي نيللي انتِ كويسه
نيللي- اه ايوه انا كويسه يا بنات مفيش حاجه
جميله- مش باين عليكي
نيللي- صدقيني انا زي الفل ها وصلنا
نور- اه يلا ننزل
يوسف بيتابعهم من غير ما يبين
محمد- ايه يا هندسه منزلتش ليه
يوسف- نازل اهو الشنط نزلت
محمد- اه وكل الطلاب خدوا حاجتهم ودخلوا الفندق ناقص كام شنطه بتوع البنات
يوسف- طيب تمام اسبق انت
محمد- تمام يا هندسه
يوسف- بنات احنا وصلنا والشنط تحت يلا عشان مفيش حاجه تضيع
جميله- تمام ،سبحان مغير الاحوال مين كان يصدق أن يوسف ده يكون لطيف بالشكل ده
نور- كله مستغرب
نيللي- ربنا يهديه كمان وكمان شخصيته كده احلى
نور وجميله في نفس واحد- يتحب
نيللي- ايه العيال الواقعه دي اوعي أنتِ وهي
جميله بضحك- شوف اللي كانت بتموت
نيللي- بعد الشر عني انا حلوه وزي الفل
نور- طب يلا يختي يا حلوه يا زي الفل يلا
نيللي- طب متزقيش
نور- بشمهندس يوسف
يوسف- اتفضلي يا نور عايزه حاجه
نور- كنت قلت لنيللي اعتبري نفسك شايله الماده انا بعتذر بالنيابه عنها هي اه لسانها متبري منها شويتين بس هي مجتهده جدا
يوسف- انا عارف كل ده بس ده مش وقته يا نور احنا في رحله
نور- طبعا انا عارفه بس حضرتك انا اسفه يعني بتتحول في الجامعه ومفيش مكان تاني اكلم حضرتك فيه يعني
يوسف- انسي يوسف بتاع الجامعه وانا هشوف حوار نيللي متقلقيش
نور- شكرا لحضرتك
يوسف- يا بنتي قلنا احنا ف رحله حضرتك ايه بس انا مش كبير اوي كده ده انا ٢٦ سنه بس اسمي يوسف عادي انا مش معقد على فكره
نور بتعجب- بجد انت اقصد حضرتك سامع نفسك
يوسف بضحكه تسرق القلب -اهي دي بقى تقعدك في فنون طول حياتك
نور- لا خلاص عايزين نتخرج
يوسف- متقلقيش هتتخرجوا وبتقديرات حلوه جدا كمان انتوا مجتهدين
نور- شكرا لحضر...
يوسف- يا بنتي بقى امشي يا نور شوفي صاحبتك اللي شيلتها الماده فين
نور بضحك- تمام
يوسف- ايه ياعم قلبي هتحب اتنين ولا ايه بس البت ضحكتها تجنن ايه السكر ده
جميله- كنتي فين يا نور
نور- كنت بكلم يوسف
جميله بانبهار- يوسف بتاعنا ولا حد تاني
نور- هو بتاعنا بس بشخصية حد تاني ايه الكياته دي قطعة مارشميلو في مج كاكاو سخن يخرابي على اللذه
نيللي- دي البنت اللي حيلتنا وقعت على الاخر
نور- ومحدش سمى عليا محدش
جميله وهي بترش عليها كوباية مايه- طب فوقي من الاحلام الورديه دي بسرعه اسبوع ونقابل يوسف البعبع
نور- لا ياستي استغفر الله ربنا لا يعودها شخصيه
الكل ضحك وبدأوا يجهزوا نفسهم عشان ينزلوا يتغدوا ويخرجوا يكتشفوا اسوان
في القاهره
اسلام- انت بتلففنا ليه يا عم هنروح فين
كريم- بيتنا القديم
سليم- عيونك بتطلع قلوب ليه رايح لبنت الجيران
كريم بتوتر- بنت جيران مين يا عم انت انا بس واحشني بيتي القديم اوي وعايز ازور تيته اوي بس مش عارف المكان بردو
سليم- انت كل حاجه مش عارف مش عارف امال نازل ليه
اسلام- مالك ياعم طبيعي يكون مش فاكر هو سايب المكان بقاله كتير
كريم- خلاص يا شباب هناكل ف اي حته ونرجع اسكندريه متسمعوش مني تاني
اسلام- متزعلش يا صاحبي اللي انت عايزه لو عايزنا نقلب البلد حته حته عشان نلاقي البيت احنا موافقين
سليم- والمقابر نشوف كام واحده موجوده ونروحها مفيش مشكله
كريم- لا يا شباب مش عايز خلاص
قعد على الرصيف وضم ايده ودفن راسه جواها وبكى كان نفسي ازور ليلى كان نفسي اقولها اني تعبت لوحدي وان من بعد ما مشيت انا تعبت اوي وحققت حلمي يا ليلى حققت حلمي وبقيت مهندس وحشتيني اوي يا تيته
سليم ضمه- متعيطش يا صاحبي هنروح نسلم عليها كلنا ونقولها حفيدها بقى اشطر حد وهيبقى الاشطر على طول اطيب قلب فينا
اسلام- خلاص يا شباب قطعتوا قلبي امسح دموعك يا كيمو هنلاقيها بإذن الله
سليم- قوم نتمشى واهو تهدى شويه
كريم- لا انا اتخنقت كانت غلطة مني اني ارجع تاني
اسلام- مفيش حاجه بتحصل هباء يا صاحبي اكيد نزولنا القاهره خير لينا
كريم- يارب
اسلام- ها بقى هتأكلنا فين
كريم بضحك- كنت متأكد انك هتقول كده
اسلام- معلش ما احنا مش مسافرين على الفاضي يعني
كريم- طب يلا
سليم- يلا
في اسوان
جميله- جاهزين يا بنات
نور- اه خلاص خلصت اهو
نيللي- وانا جهزت ايه القمرات اللي انا معاهم دول اخاف تتحسدوا
جميله- لو احنا نتحسد أنتِ يحصلك ايه بس
نور- حلوياتي اللي يتاكلوا اكل يلا عشان يوسف ميعلقناش
نيللي وجميله- عندك حق ده بيتحول فجأه
جروب الرحله
يوسف- كل الطلبه تجهز على الساعه ٤ هنروح في جوله نيليه هتستمتعوا بيها جدا بس خدوا بالكم الجو صعب حبتين
لبنى (معيده وحبيبة يوسف السابقه)- شكرا على المعلومه يا جو
نور- هي الست لبنى مش ناويه تسيب يوسف ف حاله
جميله- كبري دماغك احنا ملناش دعوه بالحوار بتاعهم
نور- لا متغاظه منها عايزه اجيبها من شعرها طب ما هما سابوا بعض بتدلع عليه ليه
نيللي ضربتها على كتفها- والجميل متضايق ليه كده
نور- لا وانا هتضايق من ايه يعني هو الواد حلو اه بس انا هتضايق ليه ايوه ليه
جميله بضحك- عيونك بتطلع شرار من الغيره بس أنتِ مش متضايقه لا
نور- هتحفلوا عليا يعني لا بعد اذنكم بقى هروح اكل عشان ابقى في المود
نيللي- ايوه صح دي لو ما اكلتش هتفرج علينا السياح
الكل جهز واستعد للجوله واقفين مستنيين المركب
نيللي- الله طياره ورق
محمد- يا بشمهندسه على فين
نيللي- ثواني ثواني
محمد- دكتور يوسف لو وصل ولقاكي مش موجوده هينكد علينا كلنا
نيللي- متخافش صدقني
لبنى- هنبتدي شغل الاطفال بقى
نيللي-ده احلى حاجه شغل الاطفال
كنت بعيده عن النيل كنت مبسوطه بالوقت لحد ما قربت منه شفت صفاء النيل كإنه مرايه عاكسه صورتي افتكرت الحلم فقدت توازني واتخنقت
نور- نيللي أنتِ كويسه
نيللي-اه اه
نور- انتِ متأكده
نيللي- مخنوقه شويه هفوق من الهوا دلوقتي هفوق
نور- مش هتلعبي بالطياره
نيللي- لا مش عايزه
جميله- اشتريلك واحده طيب
نيللي- لا مش مشكله خلاص
بحاول ابعد عيني عن المايه بشوف نفسي بغرق
لبنى- يوسف اخيرا وصلت
يوسف-انا متأخرتش اصلا يا لبنى واتمنى تتعاملي معايا رسمي شويه ما رضيتش احرجك على الجروب اللي بينا انتهى
لبنى-مالك يا يوسف انا بتعامل على أننا صحاب
يوسف- انا وأنتِ عارفين معاملتك ايه مش عايز ابوظ السفريه على الشباب، ١٠ دقايق ونتحرك يا شباب اتمنى تنبسطوا بالرحله
يوسف- نيللي ممكن لحظه
نيللي- اه طبعا يا دكتور
يوسف- ده اللي يزعل بقى ما قلنا احنا في رحله خليكي فريش كده
نيللي يضحك- تمام يا هندسه
يوسف- امشي يا نيللي انا اسف
نيللي- طب اقول ايه انا مش عارفه
يوسف- ممكن تنسي سخافتي وقلة الذوق اللي عملتها معاكي
نيللي- محصلش حاجه يا دكتور
يوسف- يوسسف اسمي يووسف
نيللي بضحكه خطفت قلبه ومكنش شايف غيرها في المكان- خلاص يا يوووسف
لبنى- ايه الاستخفاف وقلة الادب دي
نيللي- أنتِ بتقولي ايه هو اي هبل
لبنى- لا الهبل اللي بيحصل هنا
يوسف- لبنى أنتِ بتعملي ايه احترمي نفسك
لبنى- انا محترمه ولا ست نيللي تضحك وتتكلم براحتها وانا كلمتى حجر
مسك أيدها وخدها بعيد
يوسف- فوقي يا لبنى قصتنا وانتهت وأنتِ اللي نهيتيها مش انا
لبنى- وانا اهو جايه اعتذر وبقولك نرجع تاني انا بحبك
يوسف- مستحيل اصدقك تاني مستحيل انا بسببك اتدمرت
لبنى- يوسف انا اسفه سامحنى
يوسف- مستحيل مستحيل اسامحك ابعدي عني بقى ملكيش دعوه بأي حد بتكلم معاه فاهمه
لبنى- يوسف انت بتجرحني كده
يوسف-وأنتِ بتعملي ايه أنتِ اللي بتجرحي نفسك طول ما انتِ بتحاولي تقربي مني ولو عايز ارجعلك هرجع بمزاجي انا مش لعبه في ايدك تسيبيها وقت ما أنتِ عايزه وتمسكيها وقت ما تشتاقي
محمد- دكتور يوسف ميصحش كده الناس كلها بتتفرج علينا
يوسف بنرفزه - ابعدي عني احسنلك متظهريش قدامي تاني فاهمه
لبنى- ......(حتى لو عملت ايه يا يوسف انسى اني ابعد انسى)
قعد بعيد عن كل الموجودين هي فاكره نفسها اني هسامحها بسهوله كده ده ايه الجحود ده ايه ده بني ادم لا تطاق قلبي اللي كان يتمنى يفرشلها الأرض ورد بقى يتمنى يخلص من وجودها مبقاش طايقها انسانه معندهاش دم من خبطه في ايده في المركب اتجرح وبدأ ينزف
نور- دكتور يوسف ايه اللي حصل
يوسف- مفيش حاجه أنتِ ايه اللي جابك ورايا
نور- انا مكنتش جايه وراك كنت بصور المكان حتى الفيديو بيسجل اهو
يوسف- انا اسف انا اكيد مصدقك بس ممكن تمشي وياريت متقوليش لحد اللي شوفتيه
نور- مش هينفع اسيبك كده ايدك مجروحه اوي
يوسف- شكرا مش عايز مساعده من حد
نور- دي مش مساعده انا مبساعدش حد من غير مقابل انا هضمدلك جرحك وانت هتنجحني طول السنين الجايه
يوسف بضحكه فيها الم- حلو الديل ده انا موافق
نور- ياروحي على ضحكتك تخطف القلب
يوسف- افندم
نور- انا اسفه اقصد شبه الاطفال يعني ،اهو كويس اني عملت حسابي وجايبه معايا اسعافات اوليه
يوسف- بتعرفي تستخدمي الحاجات
نور- دي حاجات بسيطه يعني مش حاجه هات ايدك
يوسف- حاضر يا دكتور
نور- مين اللي دكتور!!
يوسف بضحك- أنتِ طبعا اشطر دكتوره بتضمد جرحي
نور بضحك- اتريق كويس مش هقدر اتكلم
يوسف في سره-( بتقول على ضحكتي تخطف القلب وهي ضحكتها تصيبك في مقتل)
نور- بتتألم معلش معلش لو بتتألم قول
يوسف- نور انتِ اللي بتتألمي ده جرح بسيط مالك
نور- لا باين كبير لازم تروح المستشفى محتاج خياطه
يوسف- لا مش مستاهل بتبالغي
نور- مش عارفه بس حاسه ان الجرح عميق بتتألم صح
يوسف لا متقلقيش وشكرا ليكي خلصتي بسرعه وكله بقى تمام شكرا
نور- متأكد
يوسف- طبعا اكيد
نور- تمام انا هقوم بقى
يوسف- شكرا بس اتمنى يكون بينا تمام
نور- اكيد
يتبع....
لقراءة الفصل الخامس اضغط على : ( رواية هل نلتقي الفصل الخامس )
لقراءة باقي الفصول اضغط على : ( رواية هل نلتقي )