رواية حكاية حنين الحلقة الخامسة 5 بقلم هاجر العفيفي
رواية حكاية حنين الجزء الخامس 5 بقلم هاجر العفيفي
رواية حكاية حنين البارت الخامس 5 بقلم هاجر العفيفي
 |
| رواية حكاية حنين الفصل الخامس 5 بقلم هاجر العفيفي |
رواية حكاية حنين الفصل الخامس 5 بقلم هاجر العفيفي
عمر بصدمه وعصبيه : انتي بتقولى ايه !!!!
حنين بوجع : بقول الواقع
عمر : حنين انتي مستحيل تعملى كده انا واثق انتي عارفه انتي عملتي ايه ؟ ده ابننا
حنين بعصبيه : ابني لوحدي انت مستحيل تنفع تكون أب ولا زوج انت انسان اناني بلا شخصيه عارف ياعمر أنا بقيت بكر"هك عارف يعني ايه بكر"هك
عمر بسخريه : متقدريش انا متأكد انك بتحبيني وأن أي كلام قولتيه ده من دافع العصبيه بس
حنين بقرف : انا فعلا كنت غبيه أن حبيت واحد زيك
قالت كلامها وقفلت التلفون فى وشه
عمر كان مصدوم من رد فعلها عمره ماكان يتخيل أن حنين تقوله كده ابدا ولو حتي بدافع الغضب
🌹🌹🌹🌹🌹🌹🌹🌹🌹🌹🌹🌹♥️🌹♥️🌹🌹أستغفرووا
حنين قفلت التلفون ودموعها نزلت مش حزن عليه لكن ندم أنها ضحت علشانه بكل شئ وهو ميستاهلش
هدي دخلت شافت بنتها بتعيط راحت عندها وقعدت جمبها
هدي بحنان : برضوا بتعيطي علشانه قولتلك ميستاهلش
حنين بدموع : مش علشانه علشان نفسي بقولك ياماما انا اتصدمت فيه انتي عارفه انا عمرى ماقصرت معاه ابدا يمكن انا اكتر واحده قدمت تنازلات فى العلاقه دي أنما هو لاء دايما كان متكبر وفاكر نفسه دايما صح وانا اقول خلاص انت صح علشان بحبه ومش هخسره علشان خناقه تافهه بس الظاهر الخاناقات مكانتش تافهه هي كانت كافيه توريني حقيقته بس انا كنت هبله ومليش كرامه
هدي ضمتها بحنان وقالت : انتي طيبه وحبتيه بجد من قلبك بس للاسف الحب ده أعمي بيخليكي متشوفيش حقيقة الشخص ال قدامك دايما هتديله فى مبررات وهو هيتساهل فى ده كله انتي مشكلتك انك قدمتي من غير ماتستني مقابل
حنين بدموع : اعمل ايه ياماما انا تعبانه اوى
هدي : تفوقى لنفسك بقا كفايه كده حزن اعملى كل ال نفسك فيه حافظي على صحتك علشان الطفل ال جاي محتاجك
حنين : انا قولتله أن نزلت البيبي
هدي : غبيه مهما كان ال عمله مش من حقك تحرميه من ابنه أو بنته متخليش غضبك يخليكي تعصى شرع الله حتي لو بالكدب
حنين بتنهيده : من غضبي منه قولت كده إنما أنا مش قصدي أكذب والله خلاص حاضر هعمل ال قولتيلي عليه
هدي بابتسامه : حبيبتى انتي احسن انسانه فى الدنيا وال زيك فى طيبة قلبك بقوا قليلين اوي يلا بقا قومي فوقى كده هاله خطيبة اخوكي جايه ومصممه تاخدك معاها تختاروا العفش بتاعها كله
حنين : بس
قاطعتها امها وقالت : مفيش بس ولا حاجه يلا قومي يابت
حنين ضمت أمها وباست رأسها وابتسمت
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
عمر بعصبيه : شوفتي خسرت حنين بسببكم
رحاب ببرود : وانا مالى
عمر : بقولك ايه لولا أن اتجوزتك حنين عمرها ماكانت تقدر تسيبني
رحاب : ماتروح تحكم عليها وبعدين هي اصلا مش بتحبك ودايما كانت بتقولى أن هي بتعاملك كده علشان تعرف تسحب فلوس منك براحتها وبعدين تلاقيها بتعاملك كده علشان تروح تتذلل ليها لحد لما تقنعك تكتبلها الشقه بإسمها ولا حاجه دي حركات ستات وانا عرفاها
عمر : مستحيل حنين مش كده
رحاب : لاء كده وكده كمان وبعدين هي حنين دي احسن مني فى ايه بقولك ايه مش كل شوية هتنكد عليا بسببها انا لسه عروسه وعايزه راحة بال
عمر اتعصب من كلامها ودخل الاوضه ورزع الباب
وفضل يفكر فى كلام رحاب
عمر : معقول حنين كانت طمعانه فيا !! معقول لما لااقتني اتجوزت حبت تلوي دراعي علشان تحط شروط وتضغط عليا لاء لاء حنين مش كده لاء مستحيل
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
تاني يوم
كريمه : مانتي ال خايبه قولتلك خليه ميعرفش يفكر فى حد غيرك علشان البت دى واكله عقله وانتي المطلوب منك تنسيه كل حاجه
رحاب بغيظ : ازاى ده رايح جاي فى الشقه حنين حنين زهقت ومش عايزني اعمل اي حاجه فى الشقه يقولى لاء دي شقة حنين حاسه ان هي قدرى ومكتوبلى
كريمه : وانتي مش عارفه تشغليه
رحاب : مش عايزني أقرب منه خالص ولا حتي بيطيق كلامي
كريمه : اممم بصى هقولك على فكره حلوه انتي تفضلي تعملى كل ال تقدرى عليه وواحده واحده تقنعيه أن يكتب الشقه بإسمك انتي علشان ال اسمها حنين دي ميكونش ليها قشه هناك
رحاب : بس افرضى رفعت قضيه
كريمه : دي عيله جبانه مش هيقدروا يعملوا كده دول بيخافوا يقربو من باب المحكمه وبعدين الطلاق تم بقاله اسبوعين اهو وهما حتي ولا فى دماغهم حاجه استغلى الفرصه ياعبيطه
رحاب الفكره لمعت فى دماغها وقالت : تفتكرى
كريمه : اه ياختي بس شدي حيلك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
صباح : حنين بنت خالتك أطلقت
سليم بصدمه : اتطلقت !!!
صباح بحزن : أيوه يابني والله صعبت عليا اوى
سليم بتوتر : ط طيب متعرفيش حنين عامله ايه
صباح : اهو الحمد لله أنا هروح اطمن عليها النهارده
سليم : طب ابقي طمنيني
لسه كان هيمشى وقفه كلام أمه
صباح : لسه بتحبها ؟؟
سليم أنصدم من كلام أمه وقال : ل لاء طبعا انتي بتقولى ايه حنين من وقت ماتجوزت وانا حاولت انساها علشان هي ست متجوزه وبرضوا دلوقتي مفيش حاجه اتغيرت هي ست وليها سمعتها عن أذنك
قال كلامه وخرج
صباح بحزن : للأسف منسيتهاش ياسليم يابني انا أمك وحفظاك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
حنين راحت للدكتوره علشان تطمنا على البيبي
حنين : طمنيني يا دكتوره
الدكتوره : والله يامدام حنين انا هكون صريحه معاكي الجنين حالته مش مستقره وده بسبب وزنك ال نزل جدا وكمان عدم اهتمام بالصحه
حنين يخضع : يعني ايه البيبي هينزل
الدكتوره : مقولتش كده بس فعلا لو مهتمتيش بنفسك وبصحتك ونفسيتك للأسف هتفقديه بعد الشر يعني
حنين بحزن : حاضر
نزلت من العياده وكانت واقفه مستنيه تاكسي بس اتصدمت لما شافت عربية عمر واقفه قدامها ونزل منها
حنين بعصبيه : عايز ايه
عمر : هتروحي معايا
حنين : انت مجنون
عمر : لاء مش مجنون احنا هنروح للمأذون وهردك تاني وهتيجي معايا البيت انتي مستحيل تبقي لغيرى
حنين بصدمه : انت ازاى أنانى وحقير كده
عمر بسخريه : والله تقولى زي ماتقول هتيجي معايا بالذوق أو بالعافيه واخوكي ده يبعد عني ويتقى شرى علشان موريهوش وشي التاني
حنين كانت مصدومه منه وقالت : ابعد عني ياعمر علشان هنادي على البوليس
عمر شدها غصب عنها وكان بيحاول يركبها العربيه رفعت أيدها وضربته بالقلم بقوه وهو وشه قلب احمر من الغضب
يتبع....
لقراءة الفصل السادس اضغط على : ( رواية حكاية حنين الفصل السادس )
لقراءة باقي الفصول اضغط على : ( رواية حكاية حنين )