رواية عهدي الحلقة السادسة 6 بقلم نشوة عادل
رواية عهدي الجزء السادس 6 بقلم نشوة عادل
رواية عهدي البارت السادس 6 بقلم نشوة عادل
 |
| رواية عهدي الفصل السادس 6 بقلم نشوة عادل |
رواية عهدي الفصل السادس 6 بقلم نشوة عادل
- هيما اللى جايبه وقالى ان الفون ده لعهد وكمان فيه خط عشان تعملى المكالمات اللى تحبيها من غير ما تستنى تطلبى من حد وتتحرجى
عهد بدموع: بجد انا مش عارفة هرد جمايلكم دى ازاى بس ان شاء الله الايام هتقدرنى وارد ولو جزء بسيط
آية: وبعدين بقا ف الكلام اللى يزعل ده انتى ليه مصممة تعملى فرق بينا وانك غريبة
عهد: ابدا والله انا بعتبركم اهلى بجد ويشهد عليا ربنا
آية: يبقى بطلى كلامك ده وهاتى الفون بقا اسجلك ارقامنا
عهد: اشطا
مسكت اية الفون وسجلت ارقام الجميع ما عدا رقم انس وابراهيم وقالت بخبث: انا سجلتلك ارقامنا كلنا ما عدا رقم انس وابراهيم انت عاوزة رقم ابراهيم؟
عهد بتوتر واضح وهى بتفرك ف ايدها: لا..اه يعنى عشان لو احتاجنا حاجة او كده
اية بابتسامة: اوك سجلته اهو يا سيتى
اخدت عهد الفون وهى عاوزة ترن عليه بس مترددة وبتفكر ف حجة تقولها ليه قعدت تفكر شوية وقالت: هتصل اشكره ع الفون اللى جابه ايه الذكاء ده
بالفعل رنت عليه ولما رد فضلت ساكتة شويه فقال : ايه يا عهد انتى متصلة عشان تسكتى؟
عهد باستغراب: ايه ده انت عرفت ازاى انه انا؟!
ابراهيم: ي بنتى ما انا اللى جايب الخط باسمى وسجلته عندى ع فكرة
عهد: احم ع العموم انا بس حابة اشكرك ع الفون
إبراهيم: لا شكر ع واجب يا سيتى.. وبخبث اكمل: انتى زى أية بالظبط
عهد : زى أية! اه تمام برضه فيه شكر بين الاخوات عادى
إبراهيم: ماشى العفو محتاجة حاجة او ناقصك حاجة
عهد: لا شكرا باى
ابتسم ابراهيم بفرحة على رد فعلها ودخل يكمل المحاضرة بتاعته .... عند عهد رنت ع شروق
شروق: الو مين؟
عهد: انا يا بنتى هو فيه حد فى مصر يعرفك غيرى
شروق بضحك: اعملك ايه ما انتى كل شويه تكلمينى من خط شكل وانتى عارفة ان ممنوع ارد ع ارقام غريبة بتعليمات من سيادة النقيب
عهد: لا يا سيتى خلاص سجلى الرقم ده لانى هكلمك منه ع طول
شروق: بجد يعنى جيبتى فون خاص بيكى خلاص
عهد: احم الحقيقة ان مش انا اللى اشتريته ده ابراهيم عملى سيبرايز وجابه
شروق بتصفير: ايوة بقا الصنارة غمزت وشكلنا هنرفع الشعار ونعلى الجواب
عهد بحزن: معتقدش ي شروق وشكله مجرد شعور من طرف واحد
شروق: ليه بتقولى كده؟!
عهد: كنت بكلمه اشكره ع الفون وكده لقيته بيقولى انتى زى اختى
شروق: ما يمكن بيقول كده عشان يشوف رد فعلك
عهد: مش عارفة بس انا خايفة اتعلق بيه اكتر من كده واكون بتمنى حاجة مش ليا
شروق: ربنا يقدملك الخير يا حبيبتى ويريح قلبك المهم هسجل الرقم وابقى ارن عليكى
عهد: اوك وانا هكلم دادة برضه اطمنها
شروق: بلاش
عهد: ليه؟
شروق: انتى عارفة انها لسه عندهم ومش بعيد الفون يقع بايدهم صدفة ويعرفوا طريقك انا هطمنها عليكى
عهد بحزن: يعنى هفضل محرومة من انى اشوفكم كمان مش هسمع صوتها حتى
شروق: متزعليش يا حبيبتى ان شاء الله الوضع هيتحسن وكل حاجة هتتحل المهم خلى بالك من نفسك
عهد: اوك ي حبيبى وانتى كمان
عدى شهر وعهد بتتأقلم ف البيت اكتر واكتر ودرجة قربها من الجميع بتزيد ما عدا انس مبتحتكش بيه نهائى اما ابراهيم فهو الاقرب ليها
فى الفيلا ...فتحى: ها مفيش اخبار؟
قاسم: فيه رقم بيرن ع اللى اسمها شروق دى متسجل باسم ابراهيم حسن النعمانى ولاحظت ان فيه رقم تانى بنفس الاسم رن ع اللى اسمها سوسن بس مرة واحدة
فتحى: يبقى اكيد البت معاه او ع القليل يعرف طريقها اسمع بقا هتعمل ايه انت هتروح ع المكان اللى ساكن فيه وتسأل جيرانه وتراقب الواد ده وأهله هما اللى هيوصلونا ليها
قاسم: طب ما ابلغ الشرطة احسن ونكبس عليهم ونقول انهم خاطفينها
فتحى بنفاذ صبر: مفيش فايدة ف غباءك خطف ايه؟ لنفترض ان ده حصل وجابوا البت وقالت انها مكنتش مخطوفة وقاعدة بارداتها وقتها هيتقلب السحر ع الساحر وخد عندك محضر ازعاج سلطات مع بلاغ كاذب مع رد شرف وغيره يبقى ازى الحال!
قاسم بغضب: طب افرض طلعت قاعدة معاه فعلا وقتها هقت..لها واخلص من عا.رها
فتحى: اسمع يالا قسما بالله لو عملت اى حاجة بدون ما ترجعلى انا اللى هق.تلك واخلص من غباءك غور اعمل اللى قولتلك عليه
قاسم بغضب مكبوت: تمام
نرجس: انا مش فاهمة انتم بتصطادوا ف المياه العكرة ما البت هربت وعمرها ما هترجع وكده كده الفلوس ف ايدنا عاوزين ايه تانى!
فتحى: تؤتؤ كده ازعل منك ي روحى ده انا بقول عليكى ذكية البت مش موجودة دلوقتى بس هتستقوى باللى قاعدة معاهم وهترجع تطالب بحقها يبقى المفروض نرجعها ونمضيها ع التنازل وبعد كده تغور
نرجس: تغور ازاى وابنك اللى واقع ف عشقها ده؟
فتحى: خلاص نجوزها ليه يتمتع بيها كام شهر وهيزهق ويطلقها ونرميها عادى
نرجس: والله ي فتحى انت إبليس واقف بيضربلك تعظيم سلام
فتحى بغمزة: انا اللى بوسوس ليه ي حب وبعدين انا عاوز اخلص من الحوار ده بسرعة عشان فيه حوار تانى لازم انهيه وافوقله
نرجس: حوار ايه تانى؟!
فتحى وهو بيبوس ايدها: متشغليش دماغك الحلوة دى وكل حاجة فى وقتها هتبان
استغربت نرجس من تصرفه ونظراته ولكنها اتجاهلت ده بسرعة وبانت عادى
تانى يوم فى منزل ابراهيم ...هيام: آية انزلى اندهى لتيتة عشان الفطار
آية: يادى النيلة اشمعنا انا ما عهد اهى
هيام : ي بجاحتك طب عهد بتساعدنى انتى واقفة بالفون زى قلتك اعملى حاجة مفيدة
عهد بضحك: تعالى كملى السلطة وانا هنزل اصحيها
آية: لا هنزل خلاص
عهد: انا اللى هنزل لانى بحب اصحيها
آية: ماشى ي صاحبى مش هضغط عليك
نزلت عهد ودخلت ع غرفة صفاء قربت منها بهدوء: تيتة يلا ي حبيبتى علشان الفطار جهز
لكن مفيش رد .... عهد: ي تيتة يلا يا حبيبتى
برضه مفيش رد هزتها عهد ولاحظت انها قاطعة النفس وايدها متلجة جدا فصرخت عهد: تيتة اصحى يا ماما يا بابا ي ابراهيم الحقونى بسرعة
نزل الكل جرى ...حسن: فى ايه يا بنتى!!
عهد بخوف ودموع: تيتة مش بترد عليا وقاطعة النفس وجسمها تلج
حسن: اتصل بسرعة الدكتور ي انس بسرعة
انس: بتصل اهو يا بابا
وصل الدكتور وفحص صفاء وبعدها قال بحزن: البقاء لله ي جماعة وووووو......
يتبع.....
لقراءة الفصل السابع اضغط على : ( رواية عهدي الفصل السابع )
لقراءة باقي الفصول اضغط على : ( رواية عهدي )