رواية من نظرة حب الحلقة الثامنة 8 بقلم الكاتبة الصغيرة
رواية من نظرة حب الجزء الثامن 8 بقلم الكاتبة الصغيرة
رواية من نظرة حب البارت الثامن 8 بقلم الكاتبة الصغيرة
 |
| رواية من نظرة حب الفصل الثامن 8 بقلم الكاتبة الصغيرة |
رواية من نظرة حب الفصل الثامن 8 بقلم الكاتبة الصغيرة
شريف : رضا السخاوي هو اللي طلب اعمل كدة
مالك : واداك كام في المقابل اخدت كام عشان تبيع صاحبك ي شريف
شريف : ي مالك والله غصب عني هددني انه هيموت بنتي وانت عارف ان بعد موت مراتي مبقاش ليا غيرها خوفت انه يؤذيها ووافقت
مالك بعصبية : كنت تيجي تقولي مش تعمل كدة
شريف : مالك انت عارف رضا السخاوي وعارف شره وانه ممكن يقتل اي حد يقف في طريقه
مالك : وانت غلطان لما قليت مني وافتكرت اني مش هقدر احميك انت وبنتك وانت عارف مين هو مالك الشافعي
شريف : انا قولتلك السبب وانت حر تقدم الفيديو للشرطة واللا لا
مالك : انا مش هطلع زيك وهحافظ علي الصداقة اللي دامت سنين وانت ضيعتها في لحظة
شريف : مالك انت عارفني وعارف اني لا يمكن اخون صاحبي ابدا وعشان كدة عملت اللي طلع في دماغي
مالك : انت عملت ايه ي شريف
شريف : انا صحيح سرقت اوراق المشروع بس هما معايا
مالك : يعني اي
شريف : يعني الاوراق اللي ادتها لرضا مش هي اوراق المشروع انا عملت اوراق تانية مزورة وخليت الاوراق الحقيقة معايا
مالك : شريف انا
شريف : انا فاهمك اي حد كان شاف اللي انت شوفته اكيد كان هيفكر كدة ومش زعلان منك انت دلوقت عرفت الحقيقة لو مش واثق فيا اقدر استقيل واسيب الشغل
مالك : شريف انت في حاجة في دماغك وانا عاوز اعرفها
شريف : انا بمثل اني معاه لاني بجمع اوراق تكشف فساده وهتوديه في داهية
مالك : بس انت لازم تعرف ان رضا ملهوش عزيز وزي ما انت قولت ممكن يقتل اي حد يقف في طريقه
شريف : مش انت قولت انك مالك الشافعي ومش هتخليه يؤذيني
مالك بحزن : انا اسف مش عارف انا ازاي صدقت وفكرت انك ممكن تخوني بس ي شريف انا مش هقدر استغني عنك ومحتاجك جمبي
شريف : وانا معاك ي صاحبي
🥀🥀🥀🥀🥀🥀🥀🥀🥀🥀🥀🥀🥀🥀🥀
في الحضانة وصل زين انس ودخله اما هو فاستني برة عشان يقدر يشوف ملك كلها دقايق وملك جات راحلها زين بسرعة
زين : انسة ملك ي انسة ملك
وقفت ملك وبصتله باستغراب
ملك : نعم في حاجة حضرتك
زين : يعني انا كنت عاوز اسالك سؤال هو انتي وراكي حاجة بعد الحضانة
ملك : وليه بقي ان شاء الله
زين : يعني لو مكنش وراكي حاجة انا حابب اتكلم معاكي شوية
ملك : هو حضرتك فاكرني اي بالظبط انا مش زي البنات اياهم
زين : لا والله انا مقصدش حاجة ابدا انا بس كنت عاوز اتكلم معاكي
ملك : في ايه
زين : لما توافقي هتعرفي ومتقلقيش هنقعد في مكان عامل يعني هنكون بين الناس
ملك بتردد : تمام
زين بفرحة : انتي بتخلصي امتي
ملك : علي الساعة 2 كدة
زين : تمام هجيلك بس تستنيني
ملك : بس متتاخرش
زين : وهو انا اقدر من الساعة 1 هكون هنا مستنيكي
ملك : انا هدخل لاني اتاخرت
زين : اتفضلي
دخلت ملك وهو بيبص عليها ومش مصدق انه هيتكلم معاها
🥀🥀🥀🥀🥀🥀🥀🥀🥀🥀🥀🥀🥀🥀🥀
في الجامعة كانت مكة قاعده مع صاحبتها بيتكلموا
مكة : يعني اخيرا وافقتي عليه
سارة : والله كان بيصعب عليا دا انتي كنتي بتعامليه اسوأ معاملة
نهي : سمعت كلامكم وقررت اديله فرصة
مكة : مش هتندمي ابدا
نهي : هو انتي ليه دايما واقفة في صفه
مكة : لاني متاكدة انه بيحبك وانه مش هيزعلك
سارة : ي بنتي مش هي لوحدها دي الجامعة كلها عارفين ومتاكدين انه بيحبك
مكة : والله كان صعبان عليا لانه كان كمان شوية هيرجاكي ي بنتي
نهي : انا خايفة انه يظلمني ويزعلني
مكة : وهو انتي حد يقدر يظلمك او يزعلك دا انتي قادرة ويحرام هو كان متمرمط بسببك
نهي : هما حددوا ميعاد الخطوبة علي فكرة
مكة : وهتكون امتي
نهي : علي اخر الاسبوع الجاي
سارة : ربنا يتممها علي خير
مكة : انتي بتحبيه ي نهي
نهي : لا طبعا انا بس قبلت لانه زهقني
مكة : انا متاكدة بقي انك بتحبيه بس انتي بتكابري بس عشان تقنعي نفسك بكدة
نهي : ايه الفلسفة دي ي ست مكة
مكة : دي مش فلسفة دي الحقيقة وواضحة اوي كمان
نهي : خلاص ي حاجة اهدي كدة
مكة بتردد : انا كنت عاوزة احكيلكم علي موضوع
سارة : بدال اتكلمتي بالطريقة دي يبقي في مصيبة
مكة : هو موضوع حصل من كذا يوم
نهي : احكي ي كارثة احكي
🥀🥀🥀🥀🥀🥀🥀🥀🥀🥀🥀🥀🥀🥀🥀
في القصر كانت نسمة بتنضف في الصالة لكن قاطعها دخول ثريا اللي اول ما شافتها ابتسمت لها قعدت ثريا ونادت لنسمة
ثريا : تعالي ي نسمة اقعدي جمبي
نسمة : هي العين هتعلي علي الحاجب
ثريا : ايه الكلام دا ي بنتي كلنا ولاد حوا وادم اقعدي
قعدت نسمة وهي متوترة وثريا مبتسمة ليها
ثريا : انتي عارفة ي نسمة اول ما بشوفك بفتكر صاحبتي فيكي شبه كبير اوي منها
نسمة : ربنا يخليهالك ي هانم
ثريا : ياه دا انا مشوفتهاش من اخر سنة لنا
في الجامعة ومعرفش اذا كانت عايشة واللا ربنا افتكرها
نسمة : باذن الله هتكون بخير
ثريا : يارب
نسمة : طب بعد اذنك هقوم اكمل تنضيف
ثريا : اتفضلي ي حبيبتي
قامت نسمة تكمل شغلها وثريا متبعاها وهي بتفكر في الشبه الكبير اللي بين نسمة وصاحبتها
يتبع....
لقراءة الفصل التاسع اضغط على : ( رواية من نظرة حب الفصل التاسع )
لقراءة باقي الفصول اضغط على : ( رواية من نظرة حب )