رواية جراح لا تنسى الحلقة العاشرة 10 بقلم أماني سيد
رواية جراح لا تنسى الجزء العاشر 10 بقلم أماني سيد
رواية جراح لا تنسى البارت العاشر 10 بقلم أماني سيد
 |
| رواية جراح لا تنسى الفصل العاشر 10 بقلم أماني سيد |
رواية جراح لا تنسى الفصل العاشر 10 بقلم أماني سيد
دخل زهران وراها غرفة الاطفال
زهران : يا منتهى احنا بنتكلم دى مش طريقه للتعامل بطلى انانيه
منتهى بصتله بدموع: انانيه بعد كل ده انانيه عشان عايزاك ترجعلى ابقى انانيه
زهران: انا كمان عايزك عايز ارجعلك والله عايزك وقلبى مايل ليكى بس اطلق هاله ليه هى معملتش فيا حاجه وحشه ليه اطلقها واتخلى عنها هى وبنتى انا مش خاين ولا قليل الاصل عشان بعد مافضلت معايا ٤ سنين ابعها صعب عليا يا منتهى افهمينى صعب والله بلاش تحطينى بين نارين ارجوكى
سابها وراح قعد على السرير قدامها وحط راسه بين ايديه مش عارف يعمل ايه ولسه كمان دور هاله فى المشاكل مش عارف يراضى مين ولا مين
منتهى : طيب يا زهران انا هديك اخر فرصه
زهران : بلهفة يعنى موافقه تيجى تعيشى معايا
منتهى: لأ طبعا اسمع الأول كلامى وشروطى لو موافق عليها يبقى تمام مش موافق يبقى كل واحد من طريق
زهران : اتفضلى سمعك
منتهى : أولا انا هاجى انا وابنى اعيش هنا فى البيت ده زى ماكنت زمان عايشه وانت تيجى تقعد هنا معانا
زهران : ليه بقى يعنى انا ابقى قاعد في بيت طويل عريض واسيبه واجى هنا طيب لو انا رضيت ابنى زنبه ايه يعيش أقل من اخته
منتهى : أولا ابنك قاعد في بيت جميل ونضيف وفرضا لو مكنتش انت ظهرت بوضعك الحالى كان هيفضل عمره كله فيه وكمان هيتجوز فيه
زهران : طيب اجبلك فيلا في مكان تانى بعيد عن فيلتى
منتهى: لأ هنا انا عايزه اعيش هنا
زهران : حاضر يا منتهى حاضر
منتهى: ثانيا
زهران : هو لسه في ثانيا
منتهى : هنفضل عايشين تحت سقف البيت ده زى الاخوات لحظ ماترجعلك الزاكره
زهران : لأ طبعا ايه اللى انتى بتقوليه ده ومين هيقبل بكده وليه أصلا
منتهى : انت يا حبيبي اللى هتقبل بده لانى مش قادره اتعامل معاك كزهران حبيبي وابو ابنى انا شايفاك عرفات اللى متجوز هاله وعنده بنت هفضل شايفاك كده لحد ماترجعلك الزاكره
زهران : افرضى مرجعتش
منتهى : مانسبقش الاحداث ثالثا شغلى هفضل فيه زى مانا ده مش هيغير شئ
زهران : موافق يا منتهى انا عايزك جمبى مش عشان طمعان فيكى ولا فى ج س مك لا عشان قلبى اللى بيدق كل مايشوفك عشان عايز افضل جمبك
منتهى : خلاص كده يبقى اتفقنا
زهران : طيب ممكن حضن حضن صغنن بريق
منتهى : انسى لما زهران يرجع تانى
عند هاله اتصلت بامها
هاله : الو يا ماما الحقى عرفات عرف اهله
ام هاله : عرفهم ازاى مايمكن يكونوا نصابين
هاله : لأ قالى انا روحت المكان بنفسى غالبا افتكر اعمل ايه
ام هاله: ولا حاجه خالص وحاولى تاخدى اهله فى صفك عشان مايخلهوش يقلب عليكى
هاله: تفتكرى ممكن يجيب اهله يعيشوا معانا هنا
ام هاله : ده مش ممكن يا حبيبتي ده اكيد عشان كده عايزاكى تسحبيهم كلهم فى صفك
هاله : لو جاب مراته معاك
ام هاله: قدامه وقدام اهله عمليها احسن معامله ومن وراها وقعى بينهم
هاله: افرضى معرفتش امسك غلطه عليها
ام هاله: محدش مابيغلطش المهم افضلى انتى الست الاصيله عشان مايفكرش أبدا يسيبك ولو سابك يديكى اللى يعيشك عمرك ملكه
هاله : عندك حق
ام هاله: اهم حاجه طالما هو اتاكد انهم اهله اوعى تبينى الزعل قدامه مثلى انك فرحتيله انه أخيراً قابل أهله
هاله: حاضر يا ماما حاضر
أم هاله : بقولك ايه عايزه فلوس خلى جوزك يبعتلى مرتبى بدرى الشهر ده ال١٠٠٠٠ درهم اللى بيبعتهم كل شهر دول مابقوش يعملوا حاجه الدنيا غليت خليه يبحبحها شويه
هاله: طيب أقوله ايه
أم هاله: اتصرفى ياختى اتصرفى اتدلعى واعملى زى النسوان
قفلت هاله معاها
تانى يوم الصبح صحى زهران وصحى منتهى
زهران : صباح الخير
منتهى: صباح النور عرفت تنام
زهران : جدا جدا جدا اول مره انام بعمق كده من غير مافضل افكر كتير واقلق بليل
منتهى : بقولك ايه رايك تنزل زى زمان تجيب لينا الفطار
زهران : أنا معرفش حاجه هنا
منتهى: جرب انزل كده تتمشى وانت هتلاقيك عرفت وانا هقوم اقلى بطاطس وبتنجان وانت هات فول وعجينه طعميه يلا هستناك تحت نفكر كلنا سوا ماشى
زهران: ماشى وهاخد التليفون عشان لو تهت تنزلى تحبينى
منتهى : مش هتوه ماتقلقش
لبس زهران لبس من لبسه القديم وكان على مقاسه ومنتهى جهزت نفسها ونزلت عند حماها وحماتها
وبدات تحضر الفطار صحى حماها على ريحه الفطار ودخل المطبخ عليها
احمد : والله زمان يا نونو قول للزمان ارجع يا زمان
منتهى : مش زمان أوى انا بحاول
احمد : انا حاسس بيكى وبمشاعرك وعارف ان صعب عليكى الوضع اللى انتى فيه ده بس هسالك سؤال وجوده دلوقتي اصعب ولا لما مكناش نعرف عنه حاجه
منتهى : لا طبعا الأول اصعب
احمد : انا عارف انك زعلانه يابنتى وانك كنتى متوقعه انك تلاقيه ليكى لواحدك زى الاول بس انا واثق انه حتى لو ناسيكى بعقله واتجوز ١٠ هتفضلى انتى لواحدك اللى فى قلبه انا لو اللى بطلبه منك ده صعب بس اتمنى تعمليه
منتهى : اتفضل يا عمى
احمد : مش عايزك تسيبى زهران انا متأكد ان زهران لو رجعتله الزاكره هيندم اوى على جوازه من هاله ارجوكى يا بنتى ماتسيبهوش
منتهى : بس انا مش هقدر اروح اعيش معاه مع ضره
احمد : وانا عمرى ماطلب منك كده ابدا انا مش ظالم بس على الأقل عايز اشوف اللى ابنى كان عايش معاها واعرف ليه رضيت بوضع زى ده وإذا كانت كويسه ولا لأ لأن للاسف هى مرات ابنى دلوقتي
وعلى الاقل ابقى عارف مين مع ابنى ومين عليه انا بقولك كده لان انتى فوق مستوى الشبهات حتى حماتك بلاش تعرف الكلام ده انتى عرفاها ست كبيره ولسانها ليه زلات كده
منتهى : حاضر يا عمى ماتقلقش هفضل معاه وانا اتفقت معاه انى هرجع بيتى هنا تانى اقعد فيه وهو يوم يبقى عندها ويوم عندى
احمد : طيب ليه ما طلبتيش فيلا زيها على الاقل ده اقل حقوقك
منتهى : اولا وجوده هنا هيساعد كتير اوى ان الزاكره ترجعله ثانيا ماله هنا وحش ولما يفتكر وقتها نشوف هنعمل ايه لكت انا حابه نبدأ من اول وجديد فى شقتنا
احمد : ماشى يا بنتى شوفى الصح وانا معامى في اى حاجه وهساندك دايما ها تحبى اساعدك فى ايه
منتهى : ولا حاجه انا خلاص قربت اخلص
احمد : لا انا هعمل الشاى زى زمان دى هوايتى طيب زهران نسى معذور وانتى بقى نسيتى
منتهى: لا أبدا خلاص صب الشاى وانا هحط الفطار اهو
شويه ودخلت عليهم ام زهران
صباح الخير امال فين زهران
منتهى : صباح النور بيجيب فول وطعميه وزمانه جاى
ام زهران: طيب مش ممكن يتوه كده
منتهى واحمد ضحكوا عليها
احمد : لا ابنك كبير ماتقلقيش عليه
منتهى : وغير كده لو تاه هيكلمنى بقولك احمد تبنى صحى ولا لسه
والده زهران: هخش اصحيه اهو
وصل زهران وكان مبسوط اوى وفرحان بجو الحاره ولقى والده بيخرج الشاى
احمد : شايفك مبسوط عرفت تجيب الحاجه
زهران : اه بصراحه الناس هنا طيبين ولقيتهم عارفنى وبيسلموا عليا وادونى الحاجه من غير فلوس فرحانين برجعتى تانى ليكوا
احمد : وانت سلمت عليهم ازاى
زهران : قضتها يا باشا ويابيه على اى حد يشوفنى
احمد: 😂😂😂 طيب الحمد لله انك عرفت تتعامل
زهران : امال الباقيين فين
احمد : منتهى فى الطبخ بترص الاكل فى الاطباق وامك بتجهز ابنك وبتصحيه
زهران : طيب هدخل اعرف منتهى انى جيب
دخل زهران المطبخ وكانت منتهى مندمجه في الاكل
قرب منها وقرصها من وسطها اتخضت منتهى وحطت ايديها على صد. رها
منتهى : حرام عليك مش هتبطل عمايلك دى
زهران : هو انا كنت. بعمل كده
منتهى : اه كان مزاج عندك
زهران : إيه ده كنت بقرصك بس 😉
منتهى : ☺️ مش هرد عليك هسيبك تفتكر لواحدك
زهران : غاويه ت ع ذبينى
منتهى : بعد الشر عنك
قاعدوا كلهم على السفره وبيفكروا في جو فى الفه
زهران : ها يا بابا هتيجوا تعيشوا معايا في الفيلا
ام زهران: طبعا يا بنى منا مش هسيبك تانى
احمد : لا يا حبيبي احنا هنجيلك زياره بس انا مش هقدر اسيب بيتى وخصوصاً لما منتهى ترجع مع ابنها ويعيشوا معايا تانى واصطبح كل يوم باجمل كلمه جدو ممكن اسمعها
زهران : عموما انا هبقى يوم هنا ويوم هناك بس انا هكلم هاله تجهز غدا على الاتقل تعرفوا انا ساكن فين وتتعرفوا على هاله وحبيبه قالها وهو باصص على منتهى وخايف من رد فعلها هو مش عايز مشاكل تانى معاها مابيصدق يبقوا متصافيين
منتهى : طبعا يا حبيبي لازم نيجى على الاقل أحمد لازم يتعرف على اخته
زهران : بجد يا منتهى هتيجى تتغدى معانا انهارده
منتهى : طبعا انا يهمنى نلم شملنا بس هنفضل على اتفقنا
زهران : تمام يا حبيبتي عن ازنكم
قام زهران واتصل بهاله
هاله : ازيك يا عرفات من امبارح كده متسالش عليا انا وبنتك هو من لقى أحبابه نسى أصحابه خلاص
عرفات: لأ طبعا بس انتى عارفه اهلى بقالى اد ايه عايز اوصلهم
هاله : اهم حاجه انك مبسوط وانك اتاكدت انهم اهلك
عرفات: اه اتاكدت بقولك يا هاله انا هجبهم واجى كمان ساعتين تلاته كده عايزك تجهزى غدا يليق بيهم سمعانى ويكون من الأنواع الشعبية لان ماما وبابا بيحبوها بلاش السوتيهات دى
هاله : لا طبعا يا حبيبي انا هعملهم الحلو كله كفايه انهم اهلك
عرفات: فى موضوع تانى كده انا طلعت متجوز وعندى ابن كمان اسمه احمد
هاله بصدمه انه طلع عنده ابن
تمام تمام لما تيجي نتكلم واكيد انت مش هتظلمنى صح
عرفات: لأ طبعا هعدل بينكم يا هاله
هقفل معاكى بقى عشان ااكد عليهم
قفل عرفات معاها وراح مره تانيه لاهله
زهران : انا كلمت هاله وقلتلها تجهز الغدا انهارده
قامت منتهى لمت الفطار من على السفره
تمام يا زهران هغسل الاطباق واجهز واجهز احمد
اخدت منتهى احمد ولبسته لبس جميل قميص ابيض وبنطلون جينز وكوتش ابيض ولبست هى شيميز ابيض وبنطلون جينز وكوتش ابيض زى ابنها بالظبط وعملت كيكب رقيق مع لفه طرحه بيضا وكانت زى القمر هى وابنها واهل زهران جهزوا كلهم واخدهم وركبوا العربيه منتهى ركبت قدام وامه وابوه وابنه ورا ووصل زهران الفيلا بتاعته
ام زهران: بسم الله ما شاء الله بيتك ده يا حبيبي
زهران : اه يا ماما وهيعجبكم اوى من جوه
دخلوا كلهم وهاله كانت واقفه فى استقبالهم وسلمت على اهله واول ماعنيها جت على منتهى وقفت مصدومه ولقت منتهى بتبصلها وبتبتسملها بمكر
ياترى هاله هتقدر تسيطر على نفسها
يتبع.....
لقراءة الفصل الحادي عشر اضغط على : ( رواية جراح لا تنسى الفصل الحادي عشر )
لقراءة باقي الفصول اضغط على : ( رواية جراح لا تنسى )