رواية جراح لا تنسى الحلقة الثانية عشر 12 بقلم أماني سيد
رواية جراح لا تنسى الجزء الثاني عشر 12 بقلم أماني سيد
رواية جراح لا تنسى البارت الثاني عشر 12 بقلم أماني سيد
 |
| رواية جراح لا تنسى الفصل الثاني عشر 12 بقلم أماني سيد |
رواية جراح لا تنسى الفصل الثاني عشر 12 بقلم أماني سيد
زهران: بقولك ايه عايز الشركه كلها تعرف ان منتهى مراتى وان اسمى الحقيقي زهران وان اسم عرفات ده اسم الشهره
مؤمن: اعتبره حصل وهتعمل ايه مع هاله
زهران: هكتب عليها من اول وجديد بس الاول محتاج محامر يخلصلنا الإجراءات دى كلها
مؤمن: خلاص نشوف محامى شاطر كده ويقولنا نعمل ايه بالتفصيل بس انت خلاص نويت ترجع لزهران مش هتكمل كعرفات
زهران: لأ انا عايز ارجع لاصلى اللى مالوش اصل مالوش حاضر
مؤمن: تمام يا كبير هدور على محامى واخد معاد معاه
خرج مؤمن من عند زهران بعد مانتهى من الشغل معاه وشويه ودخلت عليه منتهى ومعاها الدوا
منتهى : اتفضل يلا افتح بقك
زهران: بنسى انا دايما
منتهى : وانا دايما موجوده عشان افكرك
زهران: بس انا بقيت بفتكر حاجات بسيطه يعنى مثلا امبارح وانا سرحان فى لون الحيطه افتكرت انه كان اختيارك والموقف كله عدى قدامى
منتهى : طيب حسيت بتعب او حاجه
زهران: لأ خالص انا كنت كويس كنت بحاول افتكر حاجات تانيه بس معرفتش
منتهى : التزم بس انت بالعلاج وكل حاجه هتبقى كويسه
وكلم الدكتور وشوف هيقولك ايه
عندك حق هبقى اتصل بيه واشوف هيقولى ايه
منتهى : هتتغدى فين انهارده
زهران: انهارده مش يومك
منتهى : طيب وسابته ومشيت راح شاددها من ايديها
زهران: منتهى انا بحاول ماظلمش عشان لو سبت نفسى مش هعمل حاجه غير انى ابقى معاكى وبس
منتهى : انت بقالك ٤ سنين عايش معاها ولما رجعت ادتنى يوم بس المفروض تعوضني عن ال الاربع سنين دول
زهران: انا عن نفسي عايز اعوضك واعوضك جامد كمان بس انتى اللى رافضه 😉
منتهى : انا ماشيه كل ماطرح ماتخب انا غلطانه وجت تخرج تانى راح شاددها
زهران: خلاص نتغدى سوا فى شقتنا كلنا مع بعض ها ايه رايك مبسوطه كده
منتهى: يعنى
زهران: طيب اعمل ايه تانى
منتهى : خليك معانا الاسبوع ده
زهران: طيب وحبيه واقول لهاله ايه
منتهى : هات حبيبه معاك وبالنسبة لهاله كفايه عليها امك هتسليها اوى انا عارفه
زهران: مش عارف ليه معذتكم الزايده لبعض دى
منتهى : صدقن انا كنت بعتبرها زى امى بس
زهران: بس ايه انا عايز أعرف كل حاجه
منتهى: مامتك من زمان مكنتش موافقه عليا
زهران: ليه
منتهى : عشان انت بتحبنى وهى شايفه انى اخدتك منها عموما انا عزراها ومبزعلش منها انت ابنها الوحيد ومن حقها تغير عليك
زهران: ولما انا كنت غايب كانت بتعاملك ازاى
منتهى : كانت بتعاملنى عادى مكنتش بتعاملنى وحش ولا حلو
زهران: طيب وبابا
منتهى : باباك ده حتت سكر من زمان وهو بيحبنى وفعلا عوضننى عن غياب بابا الله يرحمه وكان متأكد برضو انك عايش زى ما أنا كنت متأكدة
زهران: افرضى مكنتش رجعت ولا كنتى عرفتى مكانى او فعلا متت بحق وحقيقى
منتهى : بعد الشر عنك انا لو مكنتش ليك عمرى ما هبقى لغيرك يا زهران انت اللى مربينى على ايدك وكنت بتعلمنى اخد حقى ازاى من اى حد يضايقنى
اول كلمه حلوه سمعتها منك وقولتهت ليك اول طفل عيشتنى فرحه عمرى مانساها ابدا
اول جوازنا كنت مخلينى ملكه مابتمشيش على رجلها عايزنى انسى يبقى بطتلب منى انسى عمرى اللى عشته
حض نها زهران وهو متأثر بكلامها
زهران: انا نفسي نرجع نعيش الايام دي تانى
منتهى : يبقى تعالى نهرب الاسبوع ده ونعمل شهر عسل
زهران: هى امى كانت شايفه انى بسمع كلامك مكنتش متأكده صح
لا قوللها تتاكد وخليها تكرهك بزيادة 😂😂😂
منتهى: 😂😂😂😂😂 هىى كده كده كرهانى
زهران: خلاص هخلص انهارده مشوار المحامى اللى هيجبهولى مؤمن ونشوف تحبى نسافر فين
منتهى: اسكندريه
زهران: فى الساقعه دى
منتهى : مش عايز تعيش اللذى مضى يبقى تمشى ورايا
زهران: خلاص انهارده هروح الفيلا اجيب لبس زياده واعرفهم انى مسافر واطمن على ماما وحبيبه وبعدين اجى ابات معاكى ونسافر بكره
اثناء حديثهم دخل خبط مؤمن الباب ودخل مره تانيه وتجاهل خالص منتهى ( خايف ومنتهى واقفه مساكنه نفسها من الضحك )
مؤمن: لقيت محامى واخدت معاه معاد على بليل
زهران: طيب حلو اوى عشان انا بكره مسافر يومين تلاته كده اغير جو
مؤمن: اهم حاجه اوعى تنسى الاسبوع الجاى
زهران: لأ طبعا انسى ايه انا هاين عليا اسافرله دلوقتي بس للصبر حدود
عدى ساعات العمل والشركة كلها عرفت ومؤمن كمان بلغ كل فروع الشركات التانيه وفى خلال ساعات بسيطه الخبر انتشر
خلصت منتهى الشغا هى وزهران وبعدين خرجوا وصلوا البيت عند والدتها ودخلت منتهى اوام كملت مع والدتها تجهيز الغدا واتصلوا بوالد زهران وجه اتغدى معاهم وبلغوا انهم هيسافروا وان احمد هيفضل معاهم عشان مدرسته واحمد الكبير بلغه انه هيجيبه ويوديه ومامتها طمنتها انها هتخليه يكلمها كل يوم وهتهتم باكله
مشيت منتهى راحت شقتها عشان بتجهز شنطت سفرها وحطت فيها كل اللبس اللي كانت بتلبسه فى اول جوازها وكانت محتفظه بيه للزكرى
وصل زهران عند هاله وكانت هاله قاعده مع والدته في الجنينه وحبيبه بتلعب قدامهم مع الداده
هاله : حمد الله على السلامه يا حبيبي اجهزلك غدا
زهران: لا اتغديت
منى لويه بوزها طبعاً مع منتهى صح
زهران: هز راسه باه
منى : طيب وابنك هتفضل حارمه من العز ده لحد امته وهيفضل خو فى مكان واخته فى مكان كده مش ده ظلم ليه يا ابن بطنى
زهران: ده وضع مؤقت يا ماما وبإذن الله قريب والدى هيتجموا مع بعض
منى : وانت هتعرف تقنع منتهى هانم بكده
زهران من جواه عارف ان منتهى اكيد هترفض تعيش مع هاله وده حقها وبرضه امه صح ان حبيبه تبقى عايشه في المستوى ده وابنه عايش في مستوى اقل بس قرر يصبر لحد ما يخلص ورقه كله وتكون منتهى تقبلت الوضع لان واضح انها بدأت تتقبل الوضع واكيد هو مقدر خوفها انه يجيى عليها فى يوم من الايام لازم قبل ما يعمل اى خطوه يطمنها الاول
وبرضه هاله مالهاش ذنب انها تحس ان فى تفرقه فى المعاملة بينها وبين منتهى لان اكيد غصب عنى هيبان ده
قرر يهرب من كلام والدته لانه ماعندوش رد لكل اسالتها
زهران: اه يا ماما هقدر بس هنفضل كده فتره وبعدين انا ابنى مش محروم من حاجه الفرق بس ان هنا البيت اكبر لكن فى حاجات تانيه محتاج اخلص منها الاول
هاله : زى ايه
زهران: هاله دلوقتي بعد مارجع تانى زهران انتى رسميا مش هتبقى مراتى لازم نعقد مره تانيه ولازم حبيبه تتنقل على اسمى الحقيقي
هاله كانت ناسيه الموضوع ده او فاكره انه هيفضل مكمل بعرفات
هاله : اه طبعا يا حبيبي عندك حق
زهران: بقولك ايه انا هسافر يومين تلاته كده شغل
هاله : تحب اسافر معاك
زهران بسرعه : لأ طبعا وبعدين حب يصلح تسرعه : وماما مين هيقعد معاها وحبيبه ماينفعش تسبيها لوحدها برضه حتى لو معاها داداه
هاله فهمت انه مسافر مع منتهى وبصت لحماتها
هسيبكم انا واطلع اجهز الشنطه
صحيح يا هاله الفلوس كفت
هاله: اه يادوبك كفت مشتريات مامتك لانى زى ماقولتلى جبتلها كل اللى محتاجاه وجبت لحبيبه كمان شويه حاجات
زهران: خلاص هحولك فلوس تانيه قبل ما اسافر
وسابهم وطلع لفوق يجهز حاجته ويغير عشان يروح للمحامى
هاله: شفتى يا طنط من اولها مسافر معاها وبيقولى شغل امال لو افتكر بقى هيعمل ايه
وغير كده هتفضل باعده الولاد عن بعض
منى : انا هبقى اكلمها واكلمه تانى سبيه يوم ولا اتنين كده وهنتصل بيه نجيبه تانى واعمل انى تعبانه وهخليه يرجع
هاله بفرحه: طيب ماتعملى كده دلوقتي عشان مايسافرش
منى : افهمى افرضى فعلا هو مسافر شغل مش مسافر يتفسح نبقى بوظناله شغله لا
الاول أتأكد انها سافرت معاه وتان حاجه لو عملت كده وانا كنت كويسه دلوقتي هيعرف انى بكدب عليه وهيسافر برضه
هاله بإعجاب: طلعتى دماغك كبيره يا حماتى
منى : اتعلمى يا اختى
خلص زهران لبس ووصل للمحامى ومعاه مؤمن والمحامى وعده انه يخلص كل الإجراءات فى اقرب وقت وان جوازه من هاله صحيح بس عشان حقوقها وحقوق بنتها لازم يكتب عليها مره تانيه
وانه محتاج توكيل منه عشان يبدأ من بكره فى الإجراءات
زهران بلغه انه الصبح التوكيل هيكون عنده قبل ما يسافر
تانى يوم الصبح عمل زهران التوكيل للمحامى عشان يبدا الإجراءات القانونية بتاعته وهو سافر مع منتهى
زهران: ها عارفه هتودينا فين ولا هتنسوح هناك
منتهى : لا انت اللى هتودينا زى ما ودتنا قبل كده
زهران: جايبه الثقه دى منين
منتهى حطت ايديها على صدره
من هنا واثقه اننا مش هنرجع القاهره غير لو انت فاكر كل حاجه
زهران: لما نشوف
منتهى شغلت اغنيه عبد الحليم اسبقنى يا قلبي اسبقنى على الجنه الحلوه اسبقى وقول لحبيبى انا جاى على طول يا حبيبي وفضلوا يغنوا مع بعض
وصلوا اسكندريه وتلقائيا زهران وداها الفندق اللى عملوا فيه شهر العسل بتاعهم وافتكر زهران حاجات كتير اوى وفضل يتكلم هو ومنتهى عن زكرياتهم وفرح اوى انه فعلا بقى يفتكر وخصوصاً ان الدكتور قال لمنتهى ان فى اى وقت الزاكره هترجعله
اخر اليوم كان زهران قاعد لواحده على البحر سرحان
جت منتهى من رواه
منتهى : مالك يا حبيبي فى ايه
زهران: مش عارف ختيف اكلمك تزعلى من كلامى او تفتكرى انى باجى عليكى
منتهى : لأ احكيلى
زهران حكالها كلام مامته قبل ما يجيى
منتهى : وأنت رايك ايه
زهران: عارفه انا الأول كنت مستغرب نفسى ازاى بوافق على كلامك وعلى شروطك ومستحمل وكنت مستغرب ليه استحمل وكنت فاكرك انانيه بس كنت بقول معلش دى غيره اكيد لحد لما جينا هنا
منتهى : ايه اللى اتغير
زهران: فهمت فهمت انى مش عارف ازاى هقدر اعيش تانى مع هاله او ازاى هعرف المسها اصلا او انا لو حاولت هعرف المسها عشان كده عرفت ايه شرطتى عليا انك مستنيه الزاكره ترجعلى
عشان انتى عارفه انى بعد اللى عملناه مع بعض وبعد اللى مابينا مش هعرف اعمل كده تانى
بس انا يا منتهى مش خاين عشان افضل معلق واحده جمبى ٤ سنين وفى الاخر ارميها فهمانى
وفى نفس الوقت مش هقدر اعيشكم مع بعض وف نفس الوقت عايز ولادى يعيشوا نفس المستوى فهمانى يا منتهى
منتهى : انا فهماك فهماك ومقدره وضعك ده صدقنى
زهران: مش عارف اعمل ايه
منتهى :
يتبع.....
لقراءة الفصل الثالث عشر اضغط على : ( رواية جراح لا تنسى الفصل الثالث عشر )
لقراءة باقي الفصول اضغط على : ( رواية جراح لا تنسى )