رواية موضوع عائلي (الشيخ والبلطجي) الفصل الخامس والعشرون 25 بقلم رحاب القاضي

رواية موضوع عائلي (الشيخ والبلطجي) الحلقة الخامسة والعشرون 25 بقلم رحاب القاضي

رواية موضوع عائلي (الشيخ والبلطجي) الجزء الخامس والعشرون 25 بقلم رحاب القاضي

رواية موضوع عائلي (الشيخ والبلطجي) البارت الخامس والعشرون 25 بقلم رحاب القاضي

رواية موضوع عائلي (الشيخ والبلطجي) الفصل الخامس والعشرون 25 بقلم رحاب القاضي

رواية موضوع عائلي (الشيخ والبلطجي) الفصل الخامس والعشرون 25 بقلم رحاب القاضي

ـــــــــــــــــ 

_لقد انتصرت في معركتي وجئت لاخبرك بمدي سعادتي، ولكن كانت الصدمه عندما جاءت الهزيمة منكَ وطعنتني بسيف قسوتك... 

حطت شهد ايدها علي وشها وقالت بدموع

انت بتضربني يا يونس؟..

مسكها من دراعها جامد وقالها

واكسر رقبتك كمان عشان انا ما اتغفلش ومش انتي اللي هتلوي دراعي يا شهد... 

ذقته بعيد عنها وقالت ببكاء

هو انا عشان عايزه ابقي ام يبقي بلوي دراعك، انت خليك راجل بجد وقولها بصراحه انك مش عايز تخلف مني عشانها عشان حبيبة القلب اللي لسه ما نسيتهاش.. 

يونس بجمود 

زيك زيها هي استغلتني زمان عشان توصل لاحلامها واخدتني كوبري عشان توصل لكلية الطب وفي الاخر راحت اتجوزت حتت عيل ابن امه، وانتي ولا فرق معاكي مشاعري وخوفي وكل اللي جوايا وبصيتي للي انتي عايزاااه وبس... 

شهد بدموع مسكت ايده وقالت

لا مش كده انا عشان بحبك يا يونس عايزه اخلف منك ويبقي عندنا طفل يعوضنا عن كل اللي شوفناه زمان ده حقي انا مش بطلب منك زياده عنه.. 

سحب ايده منها وقال بحده 

اخر الكلام في الحوار ده هتنزليه ونرجع زي ما كنا يبقي اهلا وسهلا.. 

شهد بحزن 

ولو قولتلك لا مش هنزله.. 

يونس بغضب

هطلقك يا شهد واللي ما بعملش حساب لكلمه قولتها ما يلزمنيش.. 

شهد بعدم تصديق 

انت هتطلقني يا يونس؟ .. 

_ما ردش عليها يونس وطلع بره الشقه ورزع الباب وراااه جامد، وشهد دموعها نزلت بحزن ودخلت اوضتها واخدت شنطه فيها هدوم ليها واغلب حاجتها ومشيت.. 

ـــــــ #بقلم_الكاتبه_رحاب_القاضي ـــــــ 

_ وفي المستشفي اللي فيها بسمه خالت نسرين.. 

كانت نسرين قااعده بتعيط واحمد كان قاعد جنبيها وقالها... 

احمد 

انا بجد مش عارف اقولك ايه؟.. 

نسرين بدموع 

الدكتور بيقول ان المرض ده نادر وعلاجه مش موجود طيب اعمل ايه دلوقتي.. 

اجمد مسك ايدها وقالها

انا معاكي يا نسرين وهكلم دكتور صاحبي شغال بره مصر في مستشفي كبيره وان شاء الله نلاقي حل.. 

نسرين 

انا هدخل اشوفها انت تقدر تمشي وشكرا جدا يا دكتور احمد انا تعبتك اووي معايا... 

_ قامت نسرين ودخلت عند بسمه اللي كانت نايمه علي السرير الطبي وجهاز القلب شغال جنبيها، قعدت نسرين علي الارض ومسكت ايدها وباستها، واحمد وقف عند الباب وبصلها بحزن لما عيطت وقالت لبسمه.. 

نسرين 

اوعي تسبيني انا ماليش غيرك انتي ليا امي وابويا وكل حاجه، طيب انتي لو سبتيني يا بوس بوس انا هعيش ازاي انا ازاي هروح البيت ومش هلاقيكي فيه، انا مش هقدر اروح وانتي مش موجوده هناك، نسرين بتخاف تقعد لوحدها في البيت قومي يلا وتعالي نروح سوا.. 

_ فصلت تعيط وجات الممرضه وقالتلها انها لازم تطلع، ونزلت قعدت تحت في المستشفي وهي بتعيط،واحمد كان قاعد بعيد عنها بشويه من غير ما تشوفه وقفل موبيله عشان نور ما ترنش... 

ـــــــ #بقلم_الكاتبه_رحاب_القاضي ـــــ 

_وفي مكان تاني علي النيل.. 

كان محمد قاعد هناك وبيتكلم في الفون مع هاجر اللي قالتله.. 

هاجر 

فهمت بقي الموضوع انا ما كنتش عايزه اتدخل بينهم بس لما توصل انه يقول انه عايز يطلقها يبقي لازم نتدخل.. 

محمد بضيق

خلاص انا هتكلم معاه انا مش فاهم هو ازاي يعمل حاجه زي دي.. 

هاجر

تمام يا محمد وهتعبك تبقي بقي تقولي قالك ايه.. 

محمد 

هاجر ممكن نتقابل بكره في مكان عام بس محتاج اتكلم معاكي شويه ولوحدنا.. 

هاجر بهدوء

حاضر شوف هتكون فاضي امتي وهجيلك.. 

ابتسم محمد وقالها 

بعد الضهر كده هبعتلك لوكيشن المكان اللي هنتقابل فيه.. 

هاجر 

تمام تصبح علي خير... 

_ قفلت معاه وبص محمد لصورة ابنه اللي علي موبيله وابتسم بهدوء، وفي الوقت ده وقف ورااه يونس بعربيته وقاله.. 

يونس 

انت بتعمل ايه عندك هنا؟.. 

محمد بصله وقال

ابن حلال اصلا كنت لسه هكلمك تيجي.. 

يونس 

طيب تعالي اركب.. 

قام محمد وقاله

معايا عربيتي شوف عايز نروح فين وهاجي وراك.. 

يونس بخبث

لا تعالي عشان هنروح مشوار سوا يلاا... 

_ركب محمد جنبيه ويونس اتحرك بالعربيه، ومحمد بصله بحزن وقال.. 

محمد 

هاجر كلمتني مراتك اشتكتلها من اللي عملتو.. 

يونس بحده 

طلع نفسك انت وهاجر من الموضوع ده.. 

محمد 

طيب افهم ليه يا ابني هو حد يكره ان يبقاله عيل يشيل اسمه، والله بس تشوفه وتاخده في حضنك وانت هتندم ندم عمرك علي اللي بتعمله ده.. 

يونس بسخريه 

وانت ندمت عشان طلقتها مش كده؟.. 

محمد بحزن 

ندمت ومن الناحيتين عرفت قيمة هاجر وطيبتها لما شوفت سم غيرها، وعرفت قيمة ابني لما لقيت انه ممكن يكبر ويبقي متربي مع راجل غيري تخيل كده.. 

يونس بضيق 

تعرف تسكت وبعدين ما انا اللي فيه ده بسبب ابوك وامك.... وانت... 

محمد 

هو احنا مش هنخلص من الحكايه دي.. 

يونس بخبث 

لسه في حته شايله منك جوايا وعشان اصفالك لازم انزل الشيله دي... 

_ قلق محمد من نبرته، ويونس فضل باصص قدامه وهو سايق العربيه وكان باين عليه انه متعصب جدا وبيخطط لحاجه.. 

ـــــــــ #بقلم_الكاتبه_رحاب_القاضي ــــــــ 

_وفي المستشفي.. 

قرب احمد من نسرين وهي قاعده بتعيط وقعد جنبيها وقالها.. 

احمد 

هو انتي مش ناويه تروحي انا مش هفضل ملطوع هنا قدامك للصبح.. 

وقفت نسرين وقالت

انت هنا بتعمل ايه ده الساعه خلاص داخله علي واحده بعد نص الليل.. 

احمد وقف قدامها 

ما انا كنت مستنيكي تروحي عشان اوصلك.. 

مسحت نسرين دموعها وقالت

مم ما انا بخاف اقعد في البيت لوحدي.. 

احمد ابتسم وقالها

يعني عندك 21 سنه وخايفه تقعدي لوحدك، انتي تعرفي ان في امريكا في بنات من وهما عندهم 18 سنه بيستقلو في بيت وحياه لوحدهم.. 

نسرين بضيق 

بس احنا هنا في مصر وانا بخاف اقعد لوحدي ومش هقدر اقعد في البيت ولا ادخله من غير بوس بوس.. 

احمد 

طيب تعالي معايا بس قعدتك هنا ما ينفعش.. 

نسرين بقلق 

هنروح فين وبعدين هسيبها لوحدها هنا.. 

احمد

احنا مش هنمشي من هنا تعالي معايا بس.. 

_ واخدها ودخلو المستشفي تاني وفتحلها اوضه فيها سرير صغير ومنظمه بشكل حلو اووي.. 

نسرين 

هو في كده بجد؟.. 

احمد

دي بتبقي اوض خاصه عشان لو حد مهم جه بيقعد فيها وكده.. 

نسرين 

هو انت عادي يعني تدخل هنا في اي مكان... 

احمد بثقه 

احمم نسرين المستشفي دي بتاعت ابويا وواحد صاحبه دكتور ابويا مستثمر فيها يعني.. 

نسرين 

امم اكمنهم مهتمين اووي بـ بوس بوس زياده شويه، بس يكون في علمك انا برضو هدفع حساب المستشفي.. 

احمد 

المهم نطمن علي خالتك والباقي ساهل يا نسرين، ممكن تنامي بقي.. 

نسرين بقلق 

لا بص انا هبات تحت او مش هنام.. 

احمد 

يا بنتي في ايه المستشفي هنا كلها ناس بره.. 

نسرين بقلق 

هو انت مش بتشوف في الافلام الرعب بيحصل ايه في المستشفيات.. 

قرب منها احمد وقال بهدوء

طيب مدام بتخافي من الرعب بتتفرجي عليه ليه.. 

نسرين 

تسمع عن حاجه اسمها جلد الذااات.. 

ضحك احمد وقالها 

هههههه طيب لو ما عندكيش مشكله انا هبات جنبك هنا علي الكنبه.. 

نسرين بسرعه قالت 

لا طبعا ما عنديش مشكله بس هنفتح الباب شويه وكده كده السرير علي جنب مش في وش الباب وانا هنام وانت هتفضل صاحي اتفقنا.. 

احمد 

والله يعني هتخليني اصحي احرسك.. 

نسرين 

مش هطول والله شويه بس وهصحي عشان اروح اطمن علي بوس بوس.. 

احمد 

لا عادي براحتك يا نسرين.. 

_ وراح فتح حته صغيره من الباب وراح قعد علي الكنبه وفرد رجليه عليها وطلع موبيله وبصلها بطرف عينه وقالها.. 

احمد 

ما تروحي تنامي ولا هتذنبيني علي الفاضي.. 

نسرين ابتسمت وقالت 

حاضر هنام.. 

_ وراحت قلعت الكوتشي بتاعها واتغطت كويس بالغطا اللي علي السرير ونامت، وبصت لاحمد اللي فتح موبيله وكان شكله مدايق وهو بيقلب فيه وقالت.. 

نسرين 

دكتور احمد.. 

احمد بصلها

نعم؟.. 

نسرين بهدوء

شكراً.. 

ابتسم احمد وقال

العفو، نامي يلا وما تفكريش في حاجه سبيها علي ربنا.. 

اتنهدت نسرين وقالت

الحمد لله علي كل حال.. 

_ ومسكت المخده اللي جنبيها وحضنتها ونامت، واحمد قام لف الكنبه الناحيه التانيه بهدوء بحيث انه ما يكونش قاعد قصادها بالظبط عشان تبقي براحتها وهي نايمه... 

ـــــــــ #بقلم_الكاتبه_رحاب_القاضي ــــــــــ

_ وفي عربية يونس

 كان محمد مش مبطل كلام خالص معاه، وزعق فيه يونس وقال.... 

يونس

محمد بطل رغي يا حبيبي بطل رغي يا بابا ده انت بترغي اكتر من مرات ابويا ايه ده.. 

محمد ابتسم وقال

شكرا يا اخويا علي الكسفه دي، وبعدين انا مش هبطل رغي غير لما تقولي خلاص هترجعها وتشيل الافكار الحرام اللي تغضب ربنا دي من دماغك... 

يونس بضيق 

لا مش هقول كده وانا دراعي ما يتلويش من مرا يا محمد وقول لهاجر بقي تقولها انها يا تنزله ونكمل يا كل واحد يروح لحاله.. 

محمد بحده 

انت بتفهم منين يا بني ادم دي مراتك وخلاص ربنا زرع روح بينكم انت بصفتك ايه تحكم عليها بالموت وليييه كل ده، او ما كانش خير ما كانش ربنا بعته.. 

يونس 

سيبك من الموضوع ده دلوقتي انا مش طايق اي كلام فيه.. 

بص محمد للطريق وقال

هو انت واخدني ورايح فين انا بدأت اقلق.. 

يونس بخبث 

متوحش امي ورايح ازورها وهاخدك تقراليها شوية قرأن.. 

محمد بقلق

ايييه دلوقتي الساعه 2 بعد نص الليل.. 

يونس وقف قدام المقابر بتاعتهم وقال

انزل تعالي معايا.. 

_ نزل محمد معاه وكانو داخلبن المقابر ومحمد مسك في ايد يونس وقاله.. 

محمد 

بقولك ايه ما تيجي نمشي والصبح وابله تجي معاه.  

يونس

ما تنشف كده يا شيخ محمد تعالي بس.. 

_ودخلو جوه المدفن ومحمد كان ماسك في دراع يونس وحاسس بحاجه غريبه بتحصل، ويونس قاله بهدوء.... 

يونس 

انا كنت زيك علي فكره كنت كل ما اجي هنا اخااف وخصوصا لما شوفته.. 

وقف محمد وقال بخوف 

شوفت مين ان شاء الله؟... 

_راح يونس وقف قدام قبر امه ومسك سلسله حديد مربوطه بالقبر وقال لمحمد اللي كان واقف يتلفت حواليه.. 

يونس 

تعالي خد وانا اقولك مين اللي شوفته.. 

محمد قرب منه وقال

ايه السلسله اللي في ايدك دي وهتعمل بيها ايه؟.. 

يونس بغضب

جايبهالك يا ابن هناء.. 

_خلص كلامه وخبطه في دماغه بأيده جامد، وبسرعه حط السلسله في ايده وقفلها بمفتاح صغير، محمد مسك دماغه بألم وقال... 

محمد 

الله يخربيتك انت بتعمل ايه يا يونس.. 

بعد عنه يونس وقال

باخد حقي عارف ليه مش عايز اخلف ويبقي عندي عيال، عشان ما يبقاش لوحده عشان ما يشوفش اللي شوفته، ما يبقاش بيتضرب ويتذل واخوه ما يدافعش عنه زي ما كنت بتعمل زمان... 

محمد بغيظ 

انت اللي معيش نفسك في وهم وبتظلم شهد معاك، هي لو كانت البت اللي كنت مصاحبها هي اللي حامل كنت هتعمل فيها زي ما عملت في شهد، خليك صريح مع نفسك وخليك جدع وفكني وحياة ابوك انا مرعوب.. 

يونس ابتسم بخبث وقال

لا وكمان اللي شوفته هنا عفريت ظهرلي بدل المره اتنين، انت مش عاملي فيها حماده هلال في المداح اتعامل بقي.. 

_قال يونس كلامه ومشي ومحمد فضل ينادي عليه وهو بيحاول يفك السلسله اللي في ايده، وفجأه شاف خيال حد وراااه، بص بسرعه لقي في واحد ضخم ووشه عليه قماش اسود مداري ملامحه.. 

محمد بخوف 

سلام قولٌ من ربٍ رحيم، ياااا يوووونس الحقني يااااا يونس... 

_قرب منه الكائن ده ومسك حجر كبير من علي الارض، ورفعه لفوق ومحمد قعد علي الارض وتوقع انه هيضربه، بس كان يونس الاسرع لما مسك ايده وقال.. 

يونس 

علي مهلك بس يا شبح، مش عيب تبقي عفريت وتضربه بالطوبه سيبت ايه للعيال.. 

ضحك وقال

هههههه هو انت حد قالك. اني عفريت انت اللي قولت وانت اللي صدقت.. 

بصله يونس بسخريه ومحمد وقف وقال

انا مش فاهم حاجه مين ده يا يونس.. 

_شال  الولد القماش اللي علي وشه وظهر شكله اللي كان طبيعي جدا وانه بني ادم مش حاجه تانيه وقالهم.. 

_ انا كنت هفكه مش اكتر، وانا لو عفريت ما كنتش انقذتك زمان.. 

يونس 

ايوه اومال انت ايه وايه اللبس الغريب اللي انت لابسه ده؟.. 

_انا اسمي عز الدين خلف قاعد هنا بقالي تسع سنين.. 

محمد وهو متخبي ورا يونس

وانت ايه اللي مقعدك هنا برضو؟.. 

عز الدين 

حاجه خاصه يا شيخ محمد، وبالمناسبه انا بحبك جدا وبسمع كل حلقاتك حتي لما كنت بتنزل يوتيوب بس انا كنت من متابعينك.. 

محمد 

تسلم ربنا يخليك، ارجع بقي تابعني علي اليوتيوب تاني.. 

_سابهم عز الدين ومشي، ويونس فك محمد اللي مسك طوبه من الارض وجري ورا يونس وقاله وهو متعصب.. 

محمد 

وحياااة امك ما هسيبك والله لانفخك يا يونس.. 

ـــــــ #بقلم_الكانبه_رحاب_القاضي ـــــــ

_ وتاني يوم الصبح في بيت صبري اخو شهد.. 

كان قااعد بيفطر هو ومراته وابنه وكان متعصب جدا، وزهره قالتله.. 

زهره 

ما تفطر يا صبري واستهدي بالله كده.. 

صبري بضيق 

اعمل ايه بس يا زهره انا مش عارف ليه بتعمل كده.. 

زهره 

يا اخويا يمكن هو اللي مزعلها.. 

صبري بحده 

تقول تتكلم مش جات وراحت اتخمدت وسابتني انا اكل في نفسي.. 

زهره بحزن 

ما انت اللي معودها علي كده، من زمان واقولك ما تخوفهاش منك اختك مالهاش غيرك صاحبها وخليها يوم ما تدايق تيجي وتقولك انت مش تخاف منك او تخاف انك تمد ايدك عليها.. 

صبري بحده 

هو انا فاضي اطبطب وادلع يا زهره، وبعدين محسساني اني كنت قايد عليها بالنار في مليون واحده غيرها تتمني ربع عيشتها دي وربنا كرمها هي وجوزها بس انا اختي فقر وبووومه، ومش هسكت تاني ولازم اعرف ايه اللي بيحصل.. 

_قام صبري ودخل اوضة شهد اللي كانت نايمه علي ودموعها علي وشها، ولما دخل عندها صبري قلمت بسرعه وهي مفزوعه وخايفه.. 

صبري 

ايوه كده قومي واقعدي علي حيلك وقوليلي في ايه وايه اللي خلاكي تجيبي هدومك وتيجي؟.. 

سكتت شهد وبصتله بخوف وصبري زعق فيها

ما تنطقي يا بت عملتي ايه؟.. 

شهد اتنفضت بخوف وقالت 

والله العظيم ما عملت حاجه والله... 

زهره بقلق 

بالراحه يا صبري وانزل انت شغلك وانا هتكلم معاها واعرف كل حاجه واقولك.. 

صبري بعصبيه 

اخرسي خالص يا زهره انا ما بقتش عارف اتكلم مع اختي بسبب دلعك ليها.. 

ومسك شهد من دراعها وقال

انطقي يا بت انتي عملتي ايه؟... 

شهد ببكاء 

والله العظيم ما عملت حاجه، هو اللي عايز يطلقني اقعد معاه بالعافيه يعني.. 

صبري بغضب

يا نهار ابوكي اسود عملتي ايه يخلي الراجل عايز يطلقك يا فقر انتي.. 

شهد بعدت عنه ووقفت وقالت 

انا مش فقر وما عملتش حاجه انا كل اللي بيحصلي ده بسببك انت، وبسبب اني يتيمه وماليش حد، المشكله فيك انت اهو قبل ما تعرف حاجه عايز تمد ايدك عليا وتجيب اللوم فيا، انا بيتقل مني وهو بيبيع ويشتري فيا بسببك انت عشان عارف اني بخاف منك ولو جيت هنا انت مش هتجيبلي حقي، عارف هو ليه عايز يطلقني عشان انا حامل وهو مش عايز يخلف مني ها قولي بقي ايه اللي انا غلطانه فيه.. 

فرحت زهره وقالت 

يا الف بركه بقي حد يزعل ان ربنا هيعوض عليه ويبعتله عزوه في الدنيا... 

شهد كانت باصه لصبري بحزن وقالتله

انت عمرك ما كنت ليا مكان ابويا، انت حتي انك بتصرف عليا وبتأكلني وبتشربني بحسك بتعملها واجب وبتزلني بيها علي طول، انا لو لاقيه مكان تاني اروح فيه بعيد عنك كنت روحت ولا اني كنت جيت عندك انا ما بكرهش في حياتي قدك يا صبري.. 

اتملت عيون صبري دموع وزهره قالت بقلق

ايه اللي بتقوليه ده يا شهد ما تخليش زعلك يقولك كلام انتي مش عارفه معناه ايه.. 

صبري بضيق 

انا نازل الورشه، خليكي قاعده ولو كلمك ما ترديش عليه اللي عايزك يجيلي انا الاول.  

_قال كلامه ومشي وشهد راحت نامت وهي بتعيط وبصت لموبيلها وكانت بتتمني ان يونس يكون كلمها او بعتلها حتي رساله بس ما لقتش حاجه.. 

ــــــــ #بقلم_الكاتبه_رحاب_القاضي ــــــــــ

_وفي الوقت ده كان يونس واقف قدام بيت اهل هناء القديم، وبيحبط جااامد بقاله فتره وما حدش فتح... 

يونس بحده 

افتح يا مازن انا عارف انك جوه، لو ما فتحتش هكسر الباب والبيت كله علي دماغك.. 

جاله صوت مازن من جوه البيت وقال

مش هفتح وانت امشي وروح لحياتك كلكم كده خليكم في حياتكم وانا خلوني لوحدي، انا كده مرتاح.. 

يونس بهدوء 

يا عم انا جايلك لوحدي ومش جايب حد معايا، افتح بس اسمع الكلمتين اللي هقولهم وهمشي.. 

_سكت مازن ويونس وقف شويه وكان هيمشي بس مازن فتح الباب وكانت عيونه كلها دموع، قرب منه يونس وقاله.. 

يونس 

لولا ما محتاج حد جنبك لولا ما فتحت.... 

دخل يونس وقاله 

المفروض بقي اخدك في حضني واقولك واحشني والجو ده، بس ده مش مكاني انا ولا دوري انا محمد وامك هيعملو كده واكتر لما يشفوك.. 

مازن بسرعه 

لا لا انا مش عايزهم مش عايز اشوفهم... 

يونس

هما مش زعلانين منك بالعكس بيتمنو ترجع وخصوصا امك دي هتموت عليك.. 

مازن بدموع 

بس انا ما استاهلش اكون معاهم، يونس انت اتربيت مع ابوك وشوفت الاصعب مني ما عملتش زيي العيب مش فيهم ولا فيك ولا في الظروف العيب فيا انا اللي وحش وما استهلش اي حاجه حلوه من اللي كانت في حياتي.. 

وقف يونس قصاده وقاله

انت عامل كده ليه، وبتقعد في البيت المجور ده بالاسبوع واكتر لوحدك ليه.. 

مازن دموعه نزلت وقال

عشان ما اتعبش حد انا كده مرتاح وانتو كلكم ارتاحتو.. 

يونس 

وليه كده ما ترجع وسط اهلك وتبقي بني ادم.. 

_مازن راح فتح الشنطه بتاعته وطلع اكياس صغيره وقال ليونس ببكاء.. 

مازن 

في ده انا بعد ما سرقت شقي اخويا اتضحك عليا واتكسفت ارجع تاني واوريهم وشي وفضلت في مصر لا سافرت ولا حاجه، وعرفت راجل بيتاجر في الحاجات دي روحتله باسم غير اسمي وقولتله ماليش حد وهو شغلني معاه وزي ما بيقولو طبااخ السم بيدوقو بقيت ولا اجدعها مدمن.. 

اتصدم يونس وقاله

انت بتقول ايه ليه تعمل كده في نفسك لييه؟... 

مازن مسح دموعه وقال

عشان ده انا الموضوع مش في التربيه انا اللي وحش وفوقت بس بعد ايه متأخر، خسرت اهلي وو وخسرت البنت الوحيده اللي حبتني وحبيتها بعد ما دمرتها، انا ما استاهلش غير اني اكون لوحدي.. 

في اللحظه دي اخده يونس في حضنه وقاله

لا انت مش هتكون لوحدك اخواتك هيكونو في ضهرك يا مازن، وهتتعالج وهتبقي اشكر مهندس في مصر كلها وهتحب وهتتجوز وده كله اللي حصل هيبقي ذكري وحشه بس... 

مازن بعد عنه وقال ببكاء

ما تقولهمش اني هنا مش عايزهم يشفوني كده، مش عايز ازعلهم مني اكتر وو ولو حصلي حاجه اوعي تقولهم اني بقيت كده.. 

يونس 

لا مش هيحصلك حاجه والله انت هتخف وهتتعالج، بص انت ظبط نفسك وما تمشيش من هنا وانا هجيلك بالليل وهاخدك في مكان انضف من هنا وهتخف وهتتعالج وانا معاك ومش هسيبك تمام.. 

مازن 

تمام يا يونس... 

جه يطلع يونس ومازن قاله بحزن

يونس.. 

بصله يونس ومازن ابتسم وقاله

انا اسف يا يونس انت مش وحش انت احسن مني مليون مره، انا اسف اني زعلتك قبل كده.. 

يونس ابتسم وقال

ما تحسسنيش اني كنت ملااك ما انا كنت برخم عليك برضو، والله انا وانت ما فيش عاقل فينا غير الشيخ محمد.. 

_ابتسم مازن ويونس سابه وطلع، وكلم محمد وقاله انه لقي مازن.. 

ـــــــــ #بقلم_الكاتبه_رحاب_القاضي ــــــــ

-وفي المستشفي ...

صحي احمد ولقي نسرين واقفه عند الشبااك ،قام بسرعه وقال ...

احمد 

والله العظيم انا ما كنتش ناوي انام بس عيني غفلت لوحدها 

ابتسمت نسرين وقالته 

عادي والله المهم اني نمت وانت كنت صاحي ده المهم 

احمد 

انتي واقفه ليه هنا طيب ما روحتيش ليه عند خالتك 

نسرين 

ما انا روحت بس الممرضه قالتلي لازم الدكتور يجي الاول عشان هو اللي هيقرر اذا كان ينفع ادخل عندها ولا لا

احمد 

ده روتين علي فكره روحي قوليلها دكتور احمد قالي ادخل اشوفها ولو رفضت قوليلي 

نسرين ابتسمت وقالت 

حاضر خلي بس موبيلك معاك عشان لو دايقني هكلمك تيجي تكرشها من هنا اللي شايفه نفسها دي 

ضحك احمد وقال 

ماشي موبيلي معايا اهو 

-وطلعت نسرين وهي بتضحك وفي الوقت ده لقيت في وشها نور واقفه وهي بتبصلها من فوق لتحت 

نسرين بهدوء 

ازاي حضرتك يا مدام نور 

نور بحده 

نور هانم يا ....انتي بتعملي ايه هنا مع جوزي ؟

اتوترت ياسمين وقبل ما ترد طلع احمد وقال 

مستنيه ايه يا نسرين روحي يلا شوفي خالتك وانا هاجي اطمن عليها برضو 

نسرين 

حاضر يا دكتور احمد بعد اذنكم 

مشيت نسرين ونور قالت 

مين دي وبتعمل ايه هنا معاك في اوضه واحده 

احمد 

الباب كان مفتوح وما اتقفلش خااالص 

-دخل احمد ونور دخلت وراه وقفلت الباب وقالت بعصبيه ...

نور 

بقي انت كنت سايبني امبارح اتحمل كل اللي بتعمله مامتك فيا وبايت هنا مع البنت اللي مش محترمه دي 

احمد بغضب 

لا دي بنت محترمه جدا وما تغلطيش فيها يا نور 

نور بسخريه 

لا والله هي في بنت محترمه تبات مع راجل ما تعرفوش لوحدهم في اوضه في مستشفي 

احمد 

وانتي يفرق معاكي فغي ايه دي حاجه تخصني 

نور 

انا مراتك يا احمد ومن حقي اقولك تبطل تتعامل مع البنت دي 

احمد 

ايه البرود  ده يا نور هانم ، ده جوزك كان بايت مع واحده زي ما بتقولي فين الغيره والعصبيه ولا هو ده اخرك يعني 

نور 

انت عايزني انا اغير من البتاعه دي ، انا عارفه انك بتحبني ومستحيل تخوني 

احمد 

بس انتي حقك تغيري منها من البتاعه دي لانها عجباااني واووووي يا نور 

نور بسخريه 

دي عجبااك وعجبااك في ايه وازاي يعني وانت تقصد ايه بالكلام ده 

احمد 

اقصد اللي سمعتيه يا نور انا مش هكدب ولا الف وادور عليكي انا عمري ما فكرت اخونك ولا ابص لواحده غيرك بس انتي اللي اهملتيني يا نور 

خلتيني اشوف غيرك ادتيني المساااحه اني احب غيرك يا نور 

نور 

لا لا انت اكيد بتهزر مستحيل تحب غيري يا احمد انا اللي ضحيت بكل حاجه انا اللي استحق ابقي مراتك مرات احمد رياض مش هي اللي هتيجي تاخدك وتاخد كل حاجه وصلتلها مني 

احمد 

هو ده اللي فارق معاكي اللي وصلتيله ، بس انا ناوي ابدا من جديد يا نور بعيد عن اهلي وشغل اهلي من الصفر والشغل مع بابا انا اتفقت مع يونس الصاوي هيمسك هو كل حاجه 

نور بعصبيه 

ايه الغباء ده انت كده بتضيع مني كل حاجه حرام عليك يا احمد 

احمد بجمود

انا لحد دلوقتي هكدب اللي حاسس بيه كله وهديكي فرصه يا نور انك تيجي معايا ونبدا من جديد ولو ده حصل هدوس علي كل حاجه جوايا لاي حد وهكمل معاكي 

نور بدموع 

طيب ارجع البيت ونكلم الاول مع اهلك بلاش بالطريقه دي 

احمد 

امشي يا نور اول ما هخلص اللي قولتلك عليه وهستناكي ووقتها هعرف انتي متجوزاني عشاااني ولا عشان ايه بالظبط 

-قال كلامه واخد موبيله ومفتاح عربيته ونزل، ونور مشيت هي كمان، وراح لاوضة بسمه وكانت نسرين عندها جوه وقبل ما يدخل موبيله رن.. 

رد احمد وقال

ايوه يا سلطان انت فينك يا ابني مختفي.. 

سلطان 

هو انت عايزني وظهر ليه يا ابن عمي بعد ما انت وابوك فضلتو الواد البلطجي ده عليا.. 

احمد 

تاني يا سلطان وانت لو ما كنتش غلطان كنت هقف جنبك.. 

سلطان بسخريه 

لا مش غلطان وبعدين شوف الاول اللي عملو يونس الصاوي مع مراتك واللي كان بينهم قبل ما تتجوزها وبعدين تعالي لومني علي اللي عملته مع مراته.. 

_قفل سلطان معاه وساب احمد لتفكيره وهو مش فاهم اي حاجه، هو عرف ان نور ويونس من نفس المنطقه بس ما يعرفش البي بينهم وياتارا ايه اللي بينهم؟... 

ــــــــ #بقلم_الكاتبه_رحاب_القاضي ــــــــ 

_وفي بيت محمد.. 

كان بيكلم يونس وهو مبسوط وبيقوله.. 

محمد 

يا ابني قولي هو فين، هو وحشني اووي وانا اووي اشوفه.. 

يونس

بالليل هعدي عليك وناخده ونخليه يجي لامك يشوفها وانا وهو هنسافر نغير جو.. 

محمد 

تسافرو فين تاني يا يونس انا عايز مازن جنبي.. 

يونس 

طيب مش وقته دلوقتي بالليل ابقي اعدي عليك ونروحله.. 

محمد بضيق 

طيب سلام.. 

قربت منه هناء وقالت بلهفه 

مازن صح انا قلبي حاسس بيه، هو مازن مش كده.. 

محمد ابتسم وقالها

ايوه يا امي هو مازن وبالليل هيكون عندك.. 

اتملت عيونها دموع وقالت 

طط طيب هو فين دلوقتي انا عايزه اشوفه، كويس صح قولي ان احساسي غلط وانه كويس.. 

محمد 

والله العظيم كويس يونس شافه وبيقولي انه زي الفل وبالليل هيجي ويشوفك.. 

هناء بفرحه كبيره 

طيب انا هروح اعمله كل الاكل اللي هو عايزه، وكمان هروقله اوضته وارتبله كل الندوم الجديده اللي جبناها ليه، وانت اسمع هاتله الموتسيكل اللي كان نفسه فيه.. 

ضحك محمد وقال 

ههههه حاضر يا ماما اوعي تنسي البسبوسه بالقشطه اللي بيخبخا لاحسن يقلب خلقته علينا واحنا مش ناقصين.. 

هناء بحماس 

لا طبعا دي اول حاجه هعملها ليه، انت رايح تقابل هاجر مش كده..

محمد بقلق 

تفتكري هترجع مش كده؟.. 

هناء بحزن 

اتمني بصراحه توافق وابنكم يتربي بينكم.. 

_ اتنهد محمد بضيق واخد عربيته وراح عشان يقابل هاجر، اللي كانت قاعده في كافي مستنياااه وقبل ما يجي محمد رن عليها عدي، اخدت نفس عميق وردت عليه وقالت.. 

هاجر

الو.. 

عدي

ازيك يا هاجر عامله ايه؟.. 

هاجر بهدوء

تمام الحمد لله، انت عامل ايه؟.. 

عدي 

اما كويس الحمد لله، بقولك انا كنت ناوي افاتح اهلي النهارده في موضوعنا عشان نحدد معاد بقي ونيجي نقرا فاتحه.. 

هاجر بتوتر

حاضر ماشي.. 

عدي 

انتي مش في البيت ولا ايه؟.. 

هاجر بتوتر

لا ااا انا اا انا بره هقابل محمد قال عايزني في حاجه مهمه تقريبا كده حاجه تخص حامد.. 

عدي بضيق 

طيل تمام هستناكي تخلصي وتكلميني عشان نتفق تمام؟.. 

هاجر 

تمام مع السلامه... 

_ قفلت معاه وفضلت باصه للنيل جنبيها وبعد شويه جه محمد وقعد قدامها وقالها.. 

محمد 

اتأخرت عليكي؟.. 

هاجر 

لا ابداً انا اللي جيت بدري كنت حابه اقعد مع نفسي شويه.. 

محمد ابتسم وقال

عارفه يا هاجر اكتر حاجه زادت من احترامي ليكي، اني كنت فاكر بعد ما هنتطلق هتقلعي الحجاب وهترجعي زي الاول علي الاقل عشان تستفزيني، بس لقيت العكس انك بقيتي احسن وبقيتي تلبسي درسات واسعه وبطلتي تحطي ميكآب اصلا.. 

هاجر بهدوء

انت جايبني هنا عشان تقول الكلمتين دول.. 

محمد 

لا طبعا هو انتي تعرفي ان انا اصلا فسخت خطوبتي.. 

هاجر 

ايوه شوفت الخبر علي الفيس، بس برضو ايه الموضوع اللي انت قولتلي انك عايزني فيه.. 

محمد بهدوء

نرجع.... عايز نرجع يا هاجر.. 

هاجر بصت لنفسها وقالت

استني كده تشوف الزارار فين؟.. 

محمد بعدم فهم 

زرار ايه؟.. 

هاجر بحده 

الزرار اللي انت فاكر انك بعد ما هتسيبني هتدوس عليه وانا ارجعلك، بدور عليه عشان اكسره وارميه قدامك في المايه.. 

جات تقوم بس محمد قال بسرعه 

انا بحبك يا هاجر اما كنت اغبي بني ادم في الدنيا لما سيبتك، انا اسف ومستعد اعمل اي حاجه انتي عايزاها بس نرجع.. 

هاجر بدموع 

لحد امتي هنرجع احد. ما تلاقي الاحسن مني وتسيبني يا محمد، ولا جاي ترجعني عشان ابنك ولا عشان ايه بس اوعي تقولي عشان بحبك عشان انت عمرك ما حبتني.. 

مسحت دموعها وقالت 

انا فهمااك كويس انت اللي خلاك ترجع تفكر فيا تاني هو انك شوفت حد جنبي وبيهتم بيا، في اول مره سيبتني فيها كان عادل موجود وقتها انت رجعتني وانت مش عايز ترجعني بس عشان غرورك ما سمحلكش ان  حد غيرك يكون في حياتك، وانت كان عاجبك موضوع اني افضل زعلانه عليك واربيلك ابنك وانت تعيش حياتك عادي، ايه الظلم ده بزمتك ده يرضي ربنا.. 

محمد بحزن 

والله انا جيت ارجعك عشان انا عايز اكمل معاكي وعشان حامد يتربي معايا ومعاكي وما يحسش بنقص، انا ظلمتك وجرحتك بس ندمت اهو وو.. 

هاجر

هفكر.. 

محمد ابتسم وقال

بجد يا هاجر؟.. 

هاجر بجمود

هفكر في مصلحة ابني وابقي ارد عليك، بعد اذنك.. 

_ قالت كلامها وقامت مشيت وحطت ايدها علي قلبها ودموعها ملت عيونها، وكل اللي جه في بالها وهي ماشيه معاملة محمد ليها زمان وقت ما كانو متجوزين.... 

_تفتكرو بقي هيحصل ايه؟.. 

ــــــــــ #بقلم_الكاتبه_رحاب_القاضي ــــــــــ 

_ وفي بيت صبري.. 

كانت شهد قاعده في اوضتها ومعاها بطه وزهره.. 

بطه 

خلاص بقي يا شهد طيب والله يونس ده غلبان.. 

شهد بسخريه 

هه ااه غلبان مع الكل اللي انا.. 

بطه 

ما تكبريش الموضوع يا شهد وان شاء الله يهدي ويرجعك وو.. 

شهد بحده 

ما كبرش ايه انتي كمان يا بطه، ده لما عرف اني حامل ضربني وكأني بقوله حامل من راجل تاني.. 

زهره 

بلاش الكلام ده يا شهد وبطه معاها حق لو جه ورجعك بلاش تكبري الموضوع وارجعي معاه.. 

شهد بدموع 

ده لو جه اصلا يا بطه، بزمتك يا شيخه هو اللي قالك تيجي ولا انتي جايه من نفسك.. 

بطه بضيق 

انا جيت من نفسي بس عشان شايفه اخويا تعبان من غيرك يا شهد.. 

شهد بحزن 

لا تعبان ولا حاجه تلاقيه مستنيها ترجعله دلوقتي، لو كانت نور مكاني اخوكي كان هيبقي مبسوط دلوقتي...

بطه 

والله انتي فاهمه غلط واهو كمان شويه جاي هو وعمي حامد وهتشوفي انها كانت لحظة شيطان وراحت لحالها...

ـــــــ #بقلم_الكاتبه_رحاب_القاضي ــــــــ

_وفي المستشفي.... 

كانت نسرين قاعده عند بسمه في الاوضه وبتقرأ قرآن علي موبيلها بس فجأه فصل شحن... قامت طلعت بره عشان تتصرف وتجيب شاحن لقيت احمد جاي وفي ايده شنطه.. 

نسرين 

هو حضرتك جيت هنا تاني ليه؟.. 

احمد 

جيت اطمن عليكي... اا وعلي بوس بوس وجيبتلك شاحن وهدوم وو.. 

نسرين 

لا مالوش لازمه انا هتصرف، واسفه جدا يا دكتور علي اللي حصل الصبح واكيد المدام نو.. قصدي نور هانم عملت مشكله لحضرتك و.. 

احمد 

نسرين اهدي ما فيش حاجه حصلت والا ما كنتش هبقي واقف معاكي دلوقتي لو انتي كنتي عملتي حاجه غلط، فما تتأسفيش.. 

نسرين بضيق 

بس هو يعني كان غلط اني افضل معاك في اوضه واحده امبارح وو.. 

احمد قرب منها وقال بهدوء

قولت اهدي ما فيش حاجه حصلت، المهم خدي بس غيري هدومك واشحني موبيلك قبل ما يفصل وتعالي ننزل تحت عشان عايزك في موضوع مهم.. 

نسرين 

لا انا مش هاخد الحاجات دي، انا هروح البيت هغير هدومي واجيب الشاحن و.. 

احمد 

طيب خدي دول دلوقتي وبكره هوديكي البيت، بلاش تروحي لوحدك بالليل كده ليكون العفريت مستنيكي.. 

ضحكت نسرين بهدوء وقالت

ماشي يا دكتور احمد وبجد شكرا جدا، انا هغير فين بس.. 

احمد 

هنا في الاوضه اللي كنا بايتين فيها امبارح انا حجزتهالك عشان تفضلي جنب خالتك براحتك، وكمان ما حدش هيدخلها تاني ابداً.. 

نسرين 

ده ليه يعني؟... 

احمد بهدوء

مش وقته دلوقتي اقولك، روحي يلا ده انتي رغايه اووي.. 

نسرين 

رايحه اهو ما تزوقش بس... 

_ دخلت نسرين الاوضه اللي هتغير فيها، واحمد ملامحه اتغيرت للغضب وافتكر كلام سلطان وقرر ان هيحصل؟.... 

_ تفتكرو هيحصل ايه؟...

ــــــــ #بقلم_الكاتبه_رحاب_القاضي ــــــــــ 

_وبعد شويه في بيت صبري..... 

كان قاعد يونس هناك مع صبري ومعاه حامد.. 

يونس

انا عند قراري ومش هغيره، مش همشي انا بكلمة اختك... 

صبري بحده 

اومال انت جاي ليه؟... 

حامد بحده 

جاي ياخد مراته يا صبري ويحلو الموضوع بينهم.. 

صبري بضيق 

لا لا الموضوع كبير اووي يا حج حامد المره دي، مدام كاره اختي ومش عايزها ما كانش تعب نفسه وجه من الاول ولا تمم الجوازه دي.. 

يونس بحده 

هي قالتلك اني قولتلها كده؟؟... 

صبري 

لا ما قالتش بس افسر ايه اللي انت بتعمله ده، بقي في راجل يا حج حامد ما يبقاش عايز يخلف من مراته غير لو كان مش عايزها.. 

حامد 

هو بس  للموضوع جاله فجأه يا صبري، وخلاص هو مش اا.. 

يونس بحده

لامؤخذه يا حج بس انا قولت مش هغير رأيي، شهد انا قولتلها دلوقتي لا ولسه بدري علي الموضوع ده راحت غفلتني وعملت عكس كلامي ولا عملتله اي قيمه كمان، وانا ما اتخلقتش اللي تمشي كلامها علي يونس الصاوي.. 

صبري 

ومدام انت شايفها كده يبقي علي ما في خيلك اركبه، واختي مدام عايزه حملها يتم هيتم.. 

وقف يونس وقال بصوت عالي

تمام خليها بقي تربيه لوحدها انا لا عايزها ولا عايزه هو كمان... 

وقف صبري وقال بعصبيه 

في ستين داهيه هو انا ما ربيتهاش زمان، عادي جدا زي ما كبرتها وعملتها بنتي، ابنها هيبقي ابني ونبقي نقوله ابوك مات بسيطه.. 

حامد بعصبيه 

اقعد يا صبري وسيبك منه خالص.. 

يونس بغضب

انا ماشي يا حج خلص قعدتك وتعالي واخر كلام عندي في الموضوع ده انا قولته اهو... 

_ قال كلامه وطلع بره البيت وهو متعصب ورزع الباب وراااه جامد.. 

حامد 

لا حول ولا قوة الا بالله، حقك عليا انا يا صبري انا والله ما هعدي اللي عملو ده علي خير، بس قوم خلي شهد تيجي معايا.. 

صبري بغضب 

تيجي معاك فين يا حج، ارجعها لمين وجوزها مش عايزها.. 

حامد

والله انا عارف ابني كويس هيطلع يطلع وينزل علي ما فيش خليها بس تيجي تقعد عندي وما نكبرش الموضوع .. 

صبري 

بص يا حج حامد اكيد مش انا يعني اللي هعرفك الاصول، خلاصة الكلام انا اختي عندي ابنك عايزها يجي وياخدها ويعتذرلها علي الكلام اللي قاله ده، وهي برضو براحتها... 

وقف حامد وقال

ارجع واقوب حقك الكلام مش معاك الكلام مع ابني، وخلي بالك من اختك وربنا يصلح الحال.. 

_واخد حامد بطه معاه ومشيو، وشهد فضلت قاعده في اوضتها بتعيط، كانت عارفه انه هيزعل بس ما توقعتش ان زعله هيكون بالطريقه دي.. 

زهره

انت رايح فين يا صبري.. 

صبري بضيق

عندي شغل تحت في الورشه، نامي انتي انا هتأخر.. 

زهره 

طيب وهو الشغل ده ما يتأجلش لبكره يا ابو اسر، ده انت طول اليوم واقف علي رجلك.. 

صبري 

ولاتعب ولا حاجه، يلا فوتكم بعافيه وابقي ادخلي اطمني عليها... 

ــــــــ #بقلم_الكاتبه_رحاب_القاضي ـــــــــ 

_ وفي عربية علي.. 

كانت ولاء قاعده جنبيه وماسكه الفون بتاعها وبيتصورو هما الاتنين فيديو وبتقول.. 

ولاء

من من... من من تلك المنصوصه عود الخيزران الناشف.. 

علي بطريقه شعبيه

هي بعينها اللي ما تجيش صبااع في حضرتك.. 

قفلت ولاء الفيديو وهي بتضحك وقالت

والله شكلك مسخره وانت عامل زي ام صلاح بتاعت الجرجير كده.. 

علي بغيظ 

تصدقي انا غلطان اني مهزأ نفسي معاكي ومع التيك توك بتاعك ده يا تافهه.. 

ولاء 

طيب انزل هات الاكل لحد ما اظبطه واشيره... 

علي 

تمام بس ما حدش غريب يشوفه.. 

ولاء بخبث

اطمن هو بس هينزل علي الخاص عندي وبس.. 

علي

طيب انا هنزل اجيب الاكل واجيلك.. 

_ ونزل علي من العربيه وولاء كمان نزلت ووقفت بره العربيه، واول ما راح علي يجيب الاكل قرب مازن من ولاء وقالها.. 

مازن 

عامله ايه يا ولاء؟.. 

_رفعت ولاء عينيها من علي الموبيل وبصتله بصدمه ودموع و؟... 

_تفتكرو هيحصل ايه لابطالنا؟... 

يتبع....

لقراءة الفصل السادس والعشرون اضغط على : ( رواية موضوع عائلي (الشيخ والبلطجي) الفصل السادس والعشرون )

لقراءة باقي الفصول اضغط على : ( رواية موضوع عائلي (الشيخ والبلطجي) )

تعديل المقال