رواية موضوع عائلي (الشيخ والبلطجي) الحلقة السابعة والعشرون 27 بقلم رحاب القاضي
رواية موضوع عائلي (الشيخ والبلطجي) الجزء السابع والعشرون 27 بقلم رحاب القاضي
رواية موضوع عائلي (الشيخ والبلطجي) البارت السابع والعشرون 27 بقلم رحاب القاضي
![]() |
رواية موضوع عائلي (الشيخ والبلطجي) الفصل السابع والعشرون 27 بقلم رحاب القاضي |
رواية موضوع عائلي (الشيخ والبلطجي) الفصل السابع والعشرون 27 بقلم رحاب القاضي
ــــــــــــــــ
لقد كنت لك سنداً في محنتك، ولا كنت اعلم وقتها انك ستلقي بمحنتك هذه داخل قلبي..
_في الكافي بتاع المستشفي اللي فيها بسمه خالة نسرين كانت نسرين قااعده مع سلطان وقدامهم لابتوب وبيتكلمو مع بعض بهدوء، لحد ما جه احمد وقال بعصبيه لسلطان..
احمد
انت بتهبب ايه هنا؟..
سلطان
في ايه يا احمد ايه الطريقه دي؟..
احمد خبط ايديه علي الترابيزه وقال
سؤالي واصح انت بتعمل ايه هنا؟..
سلطان بهدوء
نسرين كلمتني وقالت انها محتاجه شغل بس يكون في وقت قليل عشان تقدر تكون جنب مامتها..
نسرين
خالتي مش مامتي..
سلطان
اهوو عشان تكون جنب خالتها وانا عرضت عليها انها ممكن تشتغل من هنا وخصوصا لما عرفت انك حجزتلها اوضه هنا وانا بعلمها اساس الشغل..
بص احمد بحده لنسرين وقال لسلطان
كتر خيرك يا سلطان تعبناك معانا بس نسرين مش محتاجه شغل...
سلطان بخبث
هو انت بصفتك ايه بتقرر عنها في حاجه زي دي..
احمد زعق فيه وقال
ما يخصكش وتبعد عن نسرين عشان تخصني فاهم يا سلطان..
_قال كلامه ومسك ايد نسرين اللي كانت متدايقه من تصرفات احمد وكانت ساكته ومش قايله اي حاجه، واخدها وطلعو فوق في الاوضه اللي حجزهالها وقفل الباب عليهم وبصلها بعصبيه وقال...
احمد
ايه اللي انتي بتعمليه ده؟...
نسرين بقلق
افتح الباب لو سمحت..
مسكها من دراعها جامد وقال
ردي عليا ليه بتعملي كده، عشان تستفزيني ولا عينك منه اصلا ما انتو كلكم صنف واحد..
نسرين بدموع
انت ايه اللي بتعملو ده انت اتجننت، ابعد عني..
احمد زعق فيها وقال
ردي عليا يا نسرين؟..
دموعها نزلت وردت عليه وقالت
انا كنت بحترمك وبعاملك بطريقه كويسه وبقول عشان انت مديري في الشغل وشخص محترم وجدع، انما بعد تصرفاتك دي انت مااالك اصلا اعمل ايه وما اعملش ايه ؟..
احمد ساب ايدها وبعد عنها شويه وقال
لا ليا يا نسرين عشان بحبك وعشان هكون مبسوط معاكي، انتي البنت اللي كنت بدور عليها...
نسرين بحده
بس انت متجوز وما ينفعش في فرق كبير بينا من ناحية السن ومن ناحية الطبقه الاجتماعيه و..
احمد
كل ده ولا يهمني، ما فيش حاجه تهمني غير انك تكوني عايزاني بجد عشاني انا مش عشان حاجه تاني..
نسرين بتوتر
لا لا طبعا مش هقدر افكر في اي حاجه وحضرتك متجوز انا مش هحط نفسي في خانة اني اكون واحده خاينه، لو سمحت ابعد عن طريقي..
احمد اتنهد بضيق وقال
تمام مش هنتكلم في الموضوع ده دلوقتي، ممكن اعرف ليه كلمتي سلطان؟..
نسرين بجمود
عشان محتاجه شغل وبعد اللي حصل ده انا ما اقدرش اكمل عند حضرتك وكمان هو وفرلي شغل بسيط اقدر اصرف منه علي نفسي وعلي خالتي واقدر كمان اذاكر للجامعه..
احمد بجديه
مش هتشتغلي معاه ولا مع اي حد، ولو محتاجه حاجه انا موجود..
نسرين
هو ايه اصله ده، بصفتك ايه هتعمل كده لو سمحت مش عايزه احرجك كل شويه واقولك خليك في حالك وعلي فكره انا مش محتاجه الاوضه دي في حاجه احنا هنا في مستشفي مش في اوتيل..
احمد قرب منها بهدوء
انتي حالي يا نسرين وما فيش شغل وما فيش حاجه هتعمليها غير لما يكون عندي معرفه بيها عشان انا لحد.دلوقتي مش عايز اتصرف بطريقه تدايقك..
نسربن بعصبيه
لا حول ولا قوة الا بالله هو انت بتفهم منين، وليه مصمم تنفذ كلامك عليا..
احمد بجديه
انا هحترم رغبتك ومش هتكلم معاكي في اي حاجه تخصنا دلوقتي، بس انتي ليا انا وبس برضاكي او غصب عنك وبلاش تستفزيني لاني ممكن دلوقتي حالا اتجوزك وما حدش هيقدر يقولي حاجه تمام يا نسرين.
نسرين وهي بتحاول تبعد عنه
انا ما حدش يقدر يغصبني علي حاجه وحضرتك مش هتدفع اي حاجن تخصني تاني والا والله هاخد خالتي واروح اي مستشفي حكومي..
احمد
هدفع وابقي كملي شغل عندي وسددي الفلوس دي، وبلاش عند لو سمحتي انا فيا اللي مكفيني اتفقنا..
نسرين بتوتر
طيب، ممكن تبعد بقي..
احمد
هبعد يا نسرين بس كلامي يتنفذ..
نسرين
حاضر ابعد بقي كده غلط..
_ بعد احمد عنها وطلع بره الاوضه وهي ورااه وكانت باصه في موبيلها ومبتسمه، اتعصب احمد وقالها..
احمد
بتكلمي مين؟..
نسرين
اللهم طولك يا روح، مش بكلم حد بس بكره اول يوم رمضان ومبسوطه شويه..
احمد بهدوء
كل سنه وانتي طيبه..
نسرين
وحضرتك طيب بعد اذنك وعلي فكره هبات في بيتي النهارده..
احمد
كويس خلي بالك من نفسك...
_سابها احمد ومشي ونسرين بصتله بحزن وضيق وراحت قعدت جنب خالتها وقالت بضيق..
نسرين
اللي انا بعمله ده غلط ولا صح يا بوس بوس انا بجد مش عارفه اتصرف ولا اخد اي قرار من غيرك قومي بقي عشان خاطري...
ـــــ #بقلم_الكاتبه_رحاب_القاضي ــــــ
_ وفي ناحيه تانيه من نفس المستشفي..
كان يونس قاعد بره اوضة العمليات وجنبيه زهره اللي بتعيط وصبري اللي كان بيبصله بعصبيه، بس هو كان في عالم تاني وكل اللي في باله شكل شهد اول ما وصل بيتها ولاقاها في اوضتها فاقده الوعي ونزفت كتير...
_طلعت الممرضه من عندها وقام صبري بسرعه وقرب منها وقال بخوف ولهفه..
صبري
لو سمحتي اختي عامله ايه هي كويسه؟..
الممرضه
للاسف ما عرفناش نوقف النزيف ولازم تجهض وشويه والدكتور هيخلص العمليه ويطلع يمنكم عليها..
_حط يونس راسه بين ايديه بندم وحزن كبيييير، وبدأ يلوم نفسه علي اللي وصلت ليه مراته بسببه، قرب منه صبري ومسكه من هدومه وزعق فيه وقال بعصبيه..
صبري
انت السبب انا كنت باجي عليها وارجعهالك في كل مره كانت تجيلي زعلانه منك واختي اهي بتموت جوه بسببك انت..
زهره وهي بتحاول تبعده عن يونس
كفايه يا صبري مش وقته ان شاء الله هتكون كويسه يا اخويا بس سيبه الناس هتتفرج علينا كده..
صبري زق يونس جامد وقاله
امشي من هنا اياااك توريها وشك تاني ورحمة ابويا وامي لاطلقها منك غصب عنك...
زهره بخوف
عشان خاطري يا يونس امشي دلوقتي..
يونس بدموع
طيب اطمن عليها الاول وامشي..
صبري بحده
علي اساس انها تهمك او خايف عليها اووي، لو كنت بتخاف عليها ولا تهمك ما كانتش وصلت لهنا، امشي احسنلك بدل ما هتبقي فضيحه هنا...
زهره بخوف
ابوس ايدك امشي هو متعصب دلوقتي ومش هيسكت غير لما انت تمشي..
_مشي يونس ودموعه ماليه عينيه، واول ما ركب عربيته طلع موبيله وكلم يوسف وقاله..
يونس
ايوه يا يوسف روح خد بطه وتعالي علي المستشفي اللي جنب المعرض بتاعنا دي بسرعه..
يوسف بقلق
خير في ايه انت كويس؟..
يونس بحزن
انا كويس بس شهد تعبانه هنا وانا مش هينقع اكون عندها فتعالو انتو عشان اعرل اطمن عليها..
يوسف
حاضر انا هخلي بطه تيجي وتقولهم انها معاك عشان ابوك تمام..
يونس
تمام..
_ قفل معاه يونس واخد عربيته ورااح عند قبر امه اللي في نفس القبر اتدفن اخوه مازن النهارده، وقعد علي الارض ودموعه نزلت بألم وقال..
يونس
كتير اووي اللي بيحصل ده انا تعبت، ليه بيحصل فيا كده ليه حتي بعد ما بقيت غني وحققت كل اللي عايزه ليه لسه تايهه ومش عارف انا عايز ايه، ليه ديماً بفرح اقل ما بزعل، اخويا يموت وفي نفس اليوم مراتي تسقط بسببي وبسبب زعلها مني، تعبت والله ومش عارف اروح فين ولا اعمل ايه...
وفجأه جه وقعد جنبيه عز الدين وقاله
هو اخوك ده مات ازاي سمعت ان سنه صغير؟..
مسح يونس دموعه بسرعه وقال
بسبب الادمان اللي دمر وبيدمر في شباب كتير وبيموتهم بالبطئ..
عز الدين بأبتسامه ساخره
مش غزه بس اللي في حرب يمكن هي في حرب اصعب مننا بس احنا كمان مُحتلين بالمخد*رات اللي بقيت متاحه لاي شاب وممكن تمو*ته وتدمر عيلته واهله، بالبلطجه اللي الشباب وخداها موضه، في التلفزيون اللي بقي بيبعدنا عن الدين وبيقربنا من كل حاجه حرام من خلال الافلام القذره والسفاله اللي بتتقدم فيه واللعب بعقول بناتنا وشبابنا، من خلال الاسعار اللي كل يوم بتد*بح في في الابهات والامهات وهما عاجزين ومش عارفين يكفو اي طلب لعيالهم،ومطالب منك تسكت ولو اتكلمت هتتبهدل في بلدك،انت اله بيستخدمها اللي فوق بيحركها زي ما هو عايز عشان يفضل قاعد في منصبه..."هستناكم بالعيش والحلاوه بعد الكلام ده😁💔"
بصله يونس باستغراب وقال
انت مين اصلا وبتعمل ايه هنا؟..
عز الدين
انا سبق وقولتلكم ان انا ابقي عز الدين، بعمل ايه هنا انا قاعد معاهم..
يونس
هو انت تعرفهم منين عشان تقعد معاهم هنا؟..
عز الدين
انت قصدك علي مين؟...
يونس
امي واخويا..
عز الدين بحده
انا مالي بامك واخوك انا بتكلم علي مراتي وبناتي هما في المدفن اللي جنبكم ده؟..
يونس
وانت ايه اللي يقعدك جنب ناس ميته اصلا؟..
عز الدين بدموع
عشان انا السبب انهم يبقو هنا، عارف يعني ايه تبدأ من الصفر مع شريك حياتك يساعدك تكبر يتحمل كل ظروفك لحد ما تبقي مليادير مش مليونير وبس..
يونس افتكر شهد وقال
اعرف طبعا كانت بتدعمني في كل لحظه وشريكه بمعني الكلمه ليا..
عز الدين بحزن
وعارف برضو يعني ايه لما توصل لكل اللي عايزه والقرش يجري في ايدك فتهملها وتنكر كل حقوقها وتبدأ بقي تبص بره وتخونها وتظلمها وتدوس عليها وهي تفضل تداري وتداري وفي لحظه كده تنفجر وياريت استحملتها بالعكس قسيت اكتر عليها ولاول مره في حياتي كنت امد ايدي عليها في اليوم ده..
يونس بأهتمام
كمل؟..
نزلت دموع عز الدين وقال
ضربتها جامد ما كنتش عارف انا بعمل ايه ولا ليه، سابتني واخدت بناتي الاتنين كانو توام عندهم ٣ سنين ومشيت ولما فوقت وروحت وراها، اتفاجئ في الطريق انها كانت سايقه بسرعه وعملت حادثه وماتت هي وبناتي.. ما قدرتش بعدها اعيش من غيرهم لحظه واحده وكنت كل يوم احلم بيها واسمع صوت بناتي وهما في عربيه بتتقلب بيهم واصحي الاقيني لوحدي وما بطلتش احلم بيهم ولا باللي حصلهم غير لما جيت وبقيت جنبيهم هنا جيبت بس وجيت هنا سيبت الدنيا وفضلت جنبيهم لحد ما اروحلهم..
قام يونس وقال بدموع
وانا مش هسيبها تروح مني ولا تزعل مني ابداً..
ابتسم عز وقال
برافو خليك جنبيها واوعي تزعل حد وقف جنبك او بيحبك لان ما حدش هيتوجع غيرك بعدها..
يونس
هبقي اجيلك تاني يا عز الدين يا عم الشبح..
_قال كلامه ورااح المستشفي وقابل يوسف وبطه كانو طالعين وقالهم..
يونس
شهد عامله ايه؟..
بطه بغيظ
خلصت العمليه بس تعباانه اووي اخوها روح البيت ومرات اخوها هتقعد معاها وانا هجيلها بكره..
يونس بحزن
هي فاقت طيب او كلمتك؟..
بطه بخبث
ايوه فااقت وكلمتني شويه وجابت سيرتك كمان..
بصلها يوسف بعدم فهم ويونس قال بلهفه
اكيد زعلانه مني قالتلك ايه؟..
بطه بغيظ
قالت عليك واطي..
يوسف بقلق
بس يا بطه..
بطه
وقالت عليك حيوان..
يونس بضيق
طيب
بطه
وقالت كمان عليك ندل وحقير وعرة الرجاله..
يوسف
هو ده اللي قالته شهد ولا ده اللي في نفسك انتي...
بطه
لا اللي في نفسي شهد ما فاقتش اصلا قدامها يجي نص ساعه كده وتفوق..
ضربها يونس بالقلم وقال
غوري من هنا يا بت انتي..
بطه بدموع
جاتك كسر ايدك والله لاقول لعمي حامد بس..
ومشيت من قدامه ويوسف قاله
عيب يا اسطا تضرب الحب قدامي كده..
يونس بغيظ
غور انت كمان من وشي جاتكم القرف يا شوية عرر..
_ قال كلامه ورااح لاوضة شهد واول ما دخل الاوضه لقي زهره قاعده جنبيها وقالها..
يونس
انا جاي اقعد جنبيها ومش همشي تمام..
زهره
صبري روح عشان اسر تعبان وانا فضلت جنبيها عشان هتفوق كمان شويه، خليك جنبيها لحد ما تفوق وانا هطلع اقعد بره شويه بس معلش انا هبات معاها..
يونس بجمود
ماشي يا ام اسر...
_طلعت زهره ويونس قعد علي الكرسي جنب شهد اللي كانت نايمه وشكلها تعباان جدا ومسك ايدها وقال بهدوء..
يونس
انا اسف بس والله ما هزعلك تاني يا شهد..
_وفضل ماسك ايدها وقاعد جنبيها لحد ما بدأت تفوق، حط ايده علي شعرها وقال بهدوء..
يونس
الف سلامه عليكي يا حبيبتي..
بصتله بدموع وقالت بصوت متألم
انا لسه حامل صح؟...
اتنهد يونس بحزن ورد عليها
العمر لسه قدامنا طويل وهنجيب بدل العيل عشره بس انتي قوميلي بالسلامه الاول..
سحبت ايدها من ايده وقالت ببكاء
يعني نزل وبرضو اللي انت عايزه حصل..
يونس بضيق
ده قضاء ربنا يا شهد ما حدش فينا عمل حاجه عشان ينزل..
شهد بلوم
لا عملت ما كنتش حابب وجوده من اول ما جه، هو حس انك مش عايزه وما جاش ارتاح بقي..
يونس بدموع
ابوس ايدك بلاش تزوديها عليا وعليكي انا قلبي ما بقاش ناقص وجع تاني يا شهد والله..
شهد بحده
اطلع بره يا يونس حكايتنا خلصت كده..
يونس بحزن
انتي ايه اللي بتقوليه ده، ربنا اراد بكده وانا خلاص موافق نجيب اولاد في الوقت اللي تحبيه وو..
شهد بحده
وانا مش مصدقااك انت بتقول كده وخلاص انا عارفه يا يونس ولما هكون غندك هتبيع وتشتري فيا علي مزاجك ، وايوه انا هخلف وهبقي احسن ام بس من راجل تاني يقدرني كويس مش منك انت..
اتحولت نظراته للغضب وقالها
مش هحاسبك علي كلامك ده يا شهد عشان الوضع اللي انتي فيه ده، بس انا كمان بموت جوايا علي اخويا اللي مات وعلي اللي كان في بطنك برضو حتي لو كنت بغبائي بقول مش عايزه بس زعلت عليه..
شهد مسكت بطنها بألم وقالت
هي لو كانت نور مكااني كنت هتقولها تنزله، كنت هتكره ابنها قبل ما يجي علي وش الدنيا..
يونس بهدوء
حقك عليا انا غلطان بس اهدي وما تتعبيش نفسك..
شهد ببكاء
مش عايزه اشوفك تاني يا يونس مش هرجعلك تاني مش هتحمل مزاجك وانت ساعه بتحبني وساعه لا، مش هعيش معاك لحظه كمان وانت قلبك معاها هي حتي لو كان كلامك عكس كده بس انا عارفه كويس انك لسه بتحبها..
_زاد الم بطنها وتاوهت بصوت عالي ودخلت زهره في الوقت ده وقربت منها وهي خايفه وقالت ليونس اللي كان بيبصلها بدموع وقالت....
زهره
انت عملتلها ايه البت مالها يا يونس..
يونس بهدوء
انا هبعتلكم الدكتور ومش هسيبك يا شهد، وهتفضلي مراتي لحد اخر لحظه في عمري..
_ طلع وبعتلها الدكتور، وفضل مستنيه لحد ما اطمن عليها وبعدين مشي ورجع البيت وراح نام علي طول من كتر التعب اللي شافه اليومين دول....
ـــــــــ #بقلم_الكاتبه_رحاب_القاضي ــــــــــ
_ وتاني يوم في بيت الاستاذ حمدي..
كانت هاجر بتجهز في الفطار مع باباها وامها قااعده وشايله حامد علي رجلها..
هاجر
شايف الاستفزاز يا بابا هو مش ده ابني والمفروض انا اللي اقعد بيه وهي تقوم تجهز معاك الفطار..
فاطمه
شايف البنت اللي مش متربيه دي يا حمدي، بتتكلم وكاني كنت بلعب معاها في الشارع..
حمدي
خلاص بقي هاجر وبعدين ما انا قومت اهو اجهز معاكي..
هاجر بغيظ
تحصلك حاجه انت لو في مره جيت معايا ضدها صح..
حمدي ضحك وقال
ههههه بطلي انتي تجري في شكلها الاول وادخلي صحي اختك خليها تفطر معانا..
طلعت في الوقت ده ولاء وقالت
مساء الخير يا جماعه هو انتو هتتعشو بدري ولا ايه؟
فاطمه
اهي اللي هتجيبلي جلطه اهي..
حمدي
يا بنتي ده الفطار النهارده اول رمضان انتي مش عايشه معانا ولا ايه..
ولاء
نعممم وازاي ما حدش يصحيني اتسحر امبارح انا كده هتعب في الصيام...
هاجر
اتنيلي يا ولاء فاضل سبع دقايق علي المغرب وحاولنا نصحيكي ما كنتيش راضيه تقومي..
ولاء
اااه ما انا كنت تعبانه بصراحه، المهم رجالتك كلموني انتي قافله ليه موبيلك؟..
. فاطمه
رجالتها مين يا بت؟..
هاجر بتوتر
ما فيش يا ماما ده ده هي قصدها علي المسلسل اللي هنتابعه في رمضان...
حمدي
لا طبعا مش هنتابع حاجه غير قنوات القرآن وقناة الجزيره عشان نتفرج علي ابو عبيده وهو بيلسوع في اليـ ـهود ولا الكل*ب
ابتسمت هاجر وقالت
طيب ارتاح انت يا بابا ولاء هي اللي هتكمل معايا الفطار..
ودخلو المطبخ وهاجر زعقت فيها
انتي عبيطه ايه اللي بتقوليه قدامهم ده بره..
ولاء
مش قصدي بس عدي كلمني وبعده محمد..
هاجر بضيق
وعايزين ايه بقي؟
ولاء
محمد عايز يكلمك ضروري، وعدي كان بيطمن عليكي وعلي حامد وقالي ما اقولكيش انه اتكلم وكده..
هاجر بحزن
انا مش عارفه ليه عدي ظهر في حياتي دلوقتي انا بجد تعبت..
ولاء
انتي غبيه يا هاجر اوعي تكوني بتفكري ترجعي لمحمد. بعد كل اللي حصلك منه، ويا ستي يمكن ربنا خلي عدي ظهر في حياتك عشان المره دي تختاري صح..
هاجر بدموع
وحامد هيكون مرتاح مع عدي ولا مع ابوه، خايفه اعمل زي طنط هناء واندم وابقي بحرم اب من ابنه وانا مش عايزه اشيل ذنب حد..
ولاء
لا علي فكره في فرق يا هاجر عمو حامد ما رماش ابنه وطلق طنط هناء زي ما محمد عمل، انتي بتحفظي كرامتك ومشاعرك مش بتشيلي ذنوب..
هاجر بسخريه
والله وكبرتي يا ام بامبرز انتي وبتنصحي اهو..
ولاء بغيظ
بقي كده طيب غوىي انتي اصلا مهزأه..
هاجر
احترمي نفسك يا ولاء والا هجيبك من شعرك..
ولاء ببكاء
هاااجر ده اخر رمصان هقضيه معاكم انا فرحي علي العيد صح؟..
هاجر
بركه من عندك. ياارب، وياارب اجعل نصيبها احسن مني عشان تغور ونخلص..
طلعت ولاء موبيلها وكلمت علي وقالتله
علي يا علي انا ده اخر رمصان ليا في بيت اهلي..
علي
دقيقه يا حبيبتي وهكلمك مش فاضي..
ولاء
انت بتعمل ايه يا علي؟..
علي
انا وعدي بنجهز الفطار النهارده عشان ما نتعبش ماما..
ولاء
ده ايه الصدفه دي انا وهاجر كمان بنجهز الفطار عشان نريح ماما..
هاجر بصوت عالي
يا كدااااابه البت دي يا علي لسه صاحيه وواقفه جنبي تعطلني وبس..
علي ضحك وقال
يا الكسفه اللي انتي فيها يا ولاء..
ولاء بأحراج
احم احم طيب انت عايز حاجه دلوقتي لا صح بالسلامه انت بقي..
_ قفلت في وش علي وراحت جريت ورا هاجر اللي كانت بتضحك عليها...
ــــــ #بقلم_الكاتبه_رحاب_القاضي ــــــ
_وفي بيت الشيخ محمد...
خلص محمد تجهيز الفطار ودخل اوضة هناء لقاها قااعده ماسكه صورة مازن وبتعيط، قرب منها وقعد قدامها علي الارض وقالها..
محمد
انا جهزت الفطار با حبيبتي يلا عشان نفطر..
هناء ببكاء
تاني رمضان يجي علينا واخوك مش معانا، السنه اللي عدت ما كنتش اعرف هو فين وكنت كل يوم ادعي واقول يارب يرجع وكنت عايشه علي امل ان في يوم الباب يخبط ولما افتح والقيه قدامي واخده في حضني، السنه دي الامل ده راح واخوك كمان راح مني..
نزلت دموع محمد وقالها
هو عند الاحسن مني ومنك تعالي ندعيله ربنا يسامحه ويغفرله اللي عملو قبل ما يموت..
هناء ببكاء
لا لا هو مالوش ذنب انا السبب، والله انا السبب انا اللي ما عرفتش اخد بالي منه وامنعه عن الغلط، انا اللي كنت بدخل ريهام البيت وخليتها تضحك عليه انا اللي كنت بشوفه بيشرب حاجات زي الزفت وخوفت اقولك تمد ايدك عليه او تزعله وخوفت اقول لابوه انا اللي سكت وخليته يتمادي في الغلط..
محمد باس علي ايدها وقالها
ابوس ايدك يا امي كفايه والله كده ما ينفع، ارضي بقضاء ربنا وادعيله ربنا يسامحه عشان نتقابل كلما في الجنه يوم الاخره..
مسحت هناء دموعها وقالت
رجعلي مراتك وابنك وانا هرتاح شويه هتقدر تعمل كده يا محمد؟..
محمد بهدوء
هقدر يا ماما عشان انا كمان محتاجهم اوووي جنبي، تعالي بقي نفطر يا ست الكل..
قامت هناء وقالتله
يلا يا حبيبي...
ـــــــ #بقلم_الكاتبه_رحاب_القاضي ــــــ
_في بيت حامد الصاوي..
كانت قاعده عظيمه ومعاها بطه بيفطرو وعظيمه قالت لبطه..
عظيمه
ما تاكلي ياا بت قااعده ساكته ليه؟..
بطه
عمي حامد ما اكلش لقمتين علي بعض وقام..
عظيمه
زعلان يا حبيبتي علي الواد الصايع اللي مات..
بطه بضيق
ربنا يهون عليه يا ماما ده برضو ابنه وحته منه..
عظيمه
اممم ياريت يا اختي ابنه التاني يروح هو كمان وما يبقاش فاضل غير يونس ويورث هو كل حاجه..
بطه بحزن
حرام عليكي يا اما ليه كده، انا قايمه من وشك خااالص...
_ قامت بطه ودخلت اوضة حامد بعد ما خبطت علي الباب لقيته واقف عند الشبااك وماسك سبحته في ايده وعيونه علي السما، قربت منه بطه وقالت..
بطه
تعرف يا عم حاامد احلي حاجه فيك عيونك الخضرا دي اهو لو كان حد.من عيالك ورثها ما كنتش هسيبه غير لما اتجوزو..
ابتسم حامد وقالها
ما كملتيش ليه افطارك؟..
بطه
وانا ازاي اكمل فطار وحضرتك ما فطرتش كويس، تعرف يا عم حامد انت لما جيت تتجوز امي انا كان عندي وقتها خمس سنين وعمي خوفني وفضل يقولي الراجل ده هيعذبك ويطلع عينك وقتها فضلت اعيط واقول لامي لاااا ما تتجوزيش بس هي طبعا كانت دايبه في عيونك الخضرا دي ووافقت..
ابتسم حامد وبطه كملت كلامها وقالت
ولما جيت هنا لقيتك بتعاملني احسن من عمي نفسن وعوضتني اووي عن غياب ابويا ومش بس كده ده انا كمان لقيت يونس احن اخ في الدنيا وبقيت عندي عيله حلوه بحبها وبتحبني، بزعل لزعلكم وافرح لفرحكم..
اخدها حامد في حضنه وقالها
عارفه انا ما عنديش تلات ولاد بس انا عندي اربعه انتي ويونس ومحمد ومازن الله يرحمه..
بطه
طيب عشان خاطر بنتك بقي هونها علي نفسك، وادعيله ربنا يرحمه يا عمي..
حامد بدموع
حاضر يا بطه تعالي بقي نكمل الفطار سوا..
بطه
يلا بينا يا قلب بطه، بالمناسبه طيب مش تجوزني الواد يوسف الواد بدأ يعجز وانت لسه مقعدنا كده..
ضحك حامد وقالها
يا بت اتقلي شويه مش كده..
ـــــــ #بقلم_الكاتبه_رحاب_القاضي ــــــــ
_وفي بيت صبري
كان بيفطر هو وزهره وابنه، وشهد نايمه في اوضتها لانها ما كانتش صايمه بسبب تعبها، وكانت ماسكه موبيلها وبتتفرج علي صورها هي ويونس ودموعها ماليه عينيها وافتكرت يوم ما اتصورت الصوره دي معاه وكانت من سنه بالظبط اول يوم رمضان..
_فلااااااش باااك
_كانت شهد واقفه في المطبخ مع عظيمه، وعظيمه قالتلها بهدوء..
عظيمه
تسلم ايدك يا شهد نفسك حلو اووي في الاكل..
شهد
ده من ذوقك يا طنط عظيمه..
عظيمه
بقولك ايه يا شهد بطلي تقوليلي طنط دي، قوليلي يا ماما عظيمه..
شهد بتوتر
هو شرف ليا بس اا..
دخل يونس في الوقت ده وقال
معلش يا مرات ابويا بس شهد مش بتحب تقول الكلمه دي لانها بتفكرها بأمها الله يرحمها..
عظيمه لوت بوزها وقالت
خلاص يا اخويا تقول اللي تقوله، هي البت بطه فين ما تيجي تساعدنا انا هروح اشوفها..
طلعت عظيمه وشهد قالت ليونس
شكراً..
يونس
العفو،، مالك؟..
شهد
انت كنت فين؟..
يونس
بقي كل الزعل ده عشان ما رضيتش اقولك الصبح انا رايح فين؟..
شهد
اممم ما انت خلاص القرش هيبدأ يجري في ايدك وهتنساني ويا عالم بعد كده ممكن تتجوز عليا..
يونس
وكمان جوزتيني عليكي وانا واقف جنبك..
قرب منها وقال
القرش بيجري وما فيش اكتر منه ولو عايز اتجوز هتجوز، بس الاقي فين في حلاوتك كده..
شهد
لا مش هتثبت علي فكره غير لما اعرف انت كنت فين؟..
يونس بهدوء
النهارده كان استلام اكبر شحنه بضاعه لينا وطبعا عربيات اول مره تنزل مصر، وما اقولكيش من اول ما تم الاعلان عنها وكمية المبيعات اللي جاتلنا اد ايه..
ابتسمت شهد وقالت
بجد مبروك يا يونس ولسه ان شاء الله هيبقي المعرض بتاعك اكبر من كده بكتير..
باس يونس ايدها وقال
من نعم ربنا عليا اللي بيحصل ده وانتي، واني اتجوزت بنت زيك يا شهد..
شهد بهدوء
طيب هات موبيلك اصور بيه الاكل عشان الكاميرا عليه حلوه..
يونس طلع موبيله وقال
هنتصور احنا الاول بقالنا كتير ما اتصورنااش سوا..
مسكت شهد فيه وقالت
تمام يلا صورنا...
_ رجعت شهد من ذكرياتها وقفلت الموبيل ومسحت دموعها وقالت..
شهد
ياريتني ما حبيتك ولا شوفتك اصلا يا يونس...
ــــــ #بقلم_الكاتبه_رحاب_القاضي ــــــ
_ وفي المعرض بتاع يونس
كان قااعد يونس بيفطر هو ويوسف اللي قاله..
يوسف
يعني ينفع كده امي تبقي عازمه اوخواتي وجوازهم اول يوم رمضان واسيبهم واجي افطر معاك هنا في الشغل..
يونس وهو بياكل بهدوء
قولتلك روح وانت اللي ما رضيتش..
يوسف
مستحيل اسيبك تفطر لوحدك اول يوم رمضان، هو الصاحب ليه ايه عند صاحبه غير المرمطه..
_خلص كلامه ومد ايده ياخد الفراخ اللي قدام يونس، بس يونس مسك ايده وقاله..
يونس
لو ما سيبتهاش انا هاكل الفراخ بأيدك وانت عارفني في الاكل ما بهزرش..
يوسف ساب الفراخ ويحب ايده بسرعه وقال
في ايه يا عم انت والله بهزر، وبرضو الصاحب مالوش عند صاحبه غير الطفاسه والفجع..
يونس
قولي يا يوسف..
يوسف
اقولك يا يوسف ليه انت مش اسمك يونس..
يوسف بحده
قوم روح يااه يخربيت ابو معرفتك..
يوسف ضحك وقال
ههههههه خلاص خلاص قول عايز ايه؟..
يونس بضيق
هو انت لو مكان شهد ممكن تسامحني..
يوسف
هو بعيد اني هكون مكان شهد عشان مش عارف اتخيلها، بس بالنسبالي لو حد تعبني واذاني ولقيته ندم بجد. وبيحبني وما كانش يقصد يوجعني، هسامحه بس مش بسهوله.
يونس ساب الاكل وقاله
يعني ايه؟..
يوسف
يعني اتحمل زعلها يا صاحبي مهما تعمل ويحصل منها اتحمله وهي ان شاء الله هتسامحك، هات حتت فراخ بقي انت اصلا واخد الحته الكبيره..
يونس بغيظ
بقينا من اغني ناس في مصر ولسه بتتخانق معايا عشان باخد الحته الكبيره، امسك يا يوسف خدها وكلها ياكش تبعد عينك المدوره دي عن حياتي..
_ اخد يوسف الفراخ وفضل ياكل فيها وهو بيضحك علي شكل يونس المتعصب..
ـــــــ #بقلم_الكاتبه_رحاب_القاضي ـــــــ
_وبعد كام يوم في المستشفي اللي فيها خالة نسرين.. كانت نسرين قاعده في الكافيتريا مع احمد. بيفطرو وبتبصله بضيق وتسكت..
احمد
لو في حاجه في نفسك قوليها بلااش تخبي
نسرين
هو انت مش المفروض تكون مع مراتك دلوقتي وتفطرو سوا، مش من اول رمضان تيجي وتفطر معايا..
احمد بضيق
للاسف هي ما اهتمتش حتي انا فين، ما فكرتش تكلمني وتطمن عليا حتي..
نسرين
ما هو عشان اللي انت بتعمله ده غلط
احمد
لا مش غلط لما احب وابقي جنب اللي بحبه مش غلط..
اتوترت نسرين واحمد كمل كلامه وقال
انا مرتاح هنا يا نسربن انا اللي بعمل كل حاجه انتي مالكيش ذنب..
نسرين بحزن
بس حرام انت كده بتظلمها وبتقول انها ضحت كتير عشانك، اتكلم معاها وافهمها و..
احمد بحده
انتي ليه بتقولي كده بدل ما تقوليلي طلقها عشان نكون مع بعض..
نسرين بجمود
انا ممكن اكون معجبه بيك بصراحه اهو بس مش هكدب واقولك اني.. اني بحبك مثلا لاني عمري ما هسمح لقلبي يحب واحد ملك واحده تانيه حتي لو هيطلقها عشاني مش هقدر استأمنه علي نفسي لانه زي ما طلق مراته عشاني هيطلقني عشان غيري..
قبل ما يرد. عليها جات الممرضه وقالت لنسرين
يا انسه يا انسه خالتك فاقت فووق وبتنده عليكي..
ابتسمت نسرين بدموع وقالت
بجد انا ريحالها بسرعه..
وبصت لاحمد وقالت
تعالي معايا انت لسه هتنحلي..
ابتسم احمد لفرحتها وقال
حاضر يلا بينا...
ــــــــ #بقلم_الكاتبه_رحاب_القاضي ـــــــ
_وفي بيت محمد بعد الفطار..
كان بيفطر هو وهناء اللي كانت بتقلب في طبقها من غير ما تاكل حاجه، والباب خبط وقام محمد وفتح ولقي هاجر واقفه وشايله ابنها علي ايدها..
محمد ابتسم وقال
ده المفجأه الحلوه دي، اكلم المأذون بقي ولا ايه؟..
هاجر
اوعي كده يا عم انا جايه لطنط هناء اصلا، وبعدين انا كنت جايه افطر معاها والمسافه طويله واتاخرت كان مالها حارة الصاوي بس قصرت معاك في ايه ..
_واول ما دخلت قامت هناء بسرعه واخدت منها حامد وحضنته وقالت..
هناء بدموع
يا حبيبي كان واحشني اووي اووي وكمان انتي يا هاجر وحشتيني اوي يا حبيبتي..
هاجر
كنت عارفه اني وحشتك زي ما وحشتيني وجيبت حامد وجيتلك اهو وكمان هسيبه يبات معاكي مع ان فراقه صعب اووي علي قلبي..
محمد
طيب اقعدي افطري عشان ماما مش راضيه تاكل تقريباً من اول رمضان ما اكلتش حاجه..
قعدت معاهم هاجر علي السفره وقالت
هو مين اللي عمل الاكل ده؟..
محمد بثقه
انا ايه رئيك..
هاجر
هي نعمة ربنا حلوه وكل حاجه بس ليها الحق امك ما تاكلش الملوخيه واقعه والرز باين عليه مش مستوي من غير ما ادوق، وبعدين دي لحمه دي بقي في حد في الايام دي معاه يجيب لحمه ويبوظها كمان..
ضحكت هناء وقالت
والله ما في بعد اكلك يا هاجر..
محمد بسخريه
الله يرحم ده انتو حارة الصاوي كلها كانت بتيجي تحجز بينكم فااكرين..
هاجر
ما محبه الا بعد عداوه، وبعدين ما فيش حاجه خلت طنط هناء غاليه عندي غير المشاكل اللي كانت بينا..
_ وبعد ما فطرو اخدت هناء حامد ودخلت بيه اوضتهة وكانت فعلا ملهيه فيه عن حزنها، ومحمد قال لهاجر..
محمد
في قنااه جديده كلمتني هي لسه قناه بتبدأ بس باين عليهم محترمين وهاخد مبلغ كويس فيها والاهم ان ما فيش حد هيتدخل في شغلي ولا في المحتوي بتاعي..
هاجر بهدوء
بجد طيب ربنا يوفقك انا همشي بقي عشان ما اتأخرش..
محمد بحزن
ارجعيلي يا هاجر انا بجد محتاج لوجودك جنبي الفتره دي اووي..
هاجر بجمود.
وبعد الفتره دي ما تخلص هتعمل ايه هتسيبني، عارف يا محمد لما سيبتني اول مره وجيت رجعتني وقتها رجعت معاك وقولت لا لا انت مش هتكررها تاني، بس كنت عايشه معاك وكل حاجه بينا كانت تمام بس كنت حاطه ايدي علي قلبي ومستنيه اليوم اللي هتسيبني فيه احساس كان بيجي كل شويه، وحصل وطلع احساسي صح وسيبتني تاني وبطريقه قااسيه اووي، وانا والله ما هتحمل وجع تاني قلبي ما بقاش متحمل تعب تاني..
محمد بدموع
يعني مش هترجعي يا هاجر..
هاجر وقفت وقالت
ربنا يعوضك ويكرمك بالاحسن مني واحنا علاقتنا هتكون كويسه عشان حامد وعشان انت الشيخ محمد اللي علمني حاجات كتير وكنت سبب في هدايتي اني اصلي واتحجب وحاجات كتير ووجودك في حياتي هيفيدني بس وانت ابو ابني وبس، بعد اذنك..
_قالت كلامها وسابته ومشيت واول ما طلعت من الشقه ونزلت الشارع ودموعها نزلت وراحت قعدت علي جنب في الشارع وفضلت تعيط اوووي، وطلعت موبيلها وكلمت عدي اللي رد عليها وقال..
عدي
بصي يا هاجر لو ناويه ترفضي بلاش مقدمات وقوليها علي طول انا عارف اني كويس واستاهل كل خير بس بلاش منه الكلام ده هيتعبني اكتر..
هاجر دموعها نزلت تاني وقالت
لا انا بكلمك عشان اقولك اني موافقه يا عدي وتقدر تكلم بابا وتتفق معاه علي معاد اللي هتجيب اهلك فيه وتيجي..
عدي
هاجر معايا ولا مين..
ابتسمت هاجر غصب عنها وقالت
ايوه هاجر او ام حامد يلا سلام..
قفلت معاه وبصت للسما وقالت
يااارب انا اول مره في حياتي اختار حاجه عكس اللي قلبي عايزها خليك جنبي ومعايا ويريحني يااارب...
ــــــــ #بقلم_الكاتبه_رحاب_القاضي ــــــــ
_وفي بيت صبري...
كانت بطه قااعده مع شهد في اوضتها وجنبيها علي السرير وبتقولها..
بطه
طيب دوقي كده الكناافه دي، ده حاي انا عملاهالك بأيديا..
شهد
بزمتك يا شيخه انتي اللي عامله الكناافه دي؟..
بطه بتوتر
اا لا بصراحه يونس اللي جايبهم وقالي انك بتحبيهم..
شهد بضيق
طيب خديهم معاكي وانتي ماشيه انا مش عايزه حاجه من حد..
بطه
كفايه بقي يا شهد والله ده خس النص من الزعل اخوه من ناحيه وانتي من الناحيه التانيه ويونس غلبان وابن حلال وبيحبك..
شهد بدموع
بطه اقعدي ساكته يا تمشي...
بطه
لا مرات اخوكي هتجيبلي مكرونه بالفراخ الاول وبعدين همشي..
_ابتسمت شهد وبطه طلعت موبيلها تقلب فيه، وفجأه اتعصبت وقالت..
بطه
تصدقي يونس ده واطي وزباله وما شافش تربيه البلطجي رباية الشوارع..
شهد بقلق
ماله في ايه عمل ايه؟..
بطه بغيظ.
منزله استوري ليوسف علي الاغنيه اللي بتاعت اسمراني عيونه سمرا، والحيوان علق عليها قدام امة لا اله الا الله وكاتب اسمراني ايه ده مصدي يخربيت ام محو الاميه اللي علموه القرايه والكتابه..
_خلصت كلامها وشهد فضلت تضحك اووي، وقالتلها بطه بسخريه..
بطه
وحياة امك بقالي ساعه بضحك فيكي وناقص اتحولك اراجوز وانتي برضو شايله طاجن ستك كده، واول ما هو جات سيرته صوت ضحكتك ملي البيت..
وغمزتلها وقالت
بس يونس دمه خفيف..
شهد
ايوه دمه خفيف..
بطه
وحلو وزي القمر وطيب وبيحبك والله العظيم..
دخلت في الوقت ده زهره وقالت وهي خايفه
الحقو يونس بره واخوكي صبري متعصب وشكل اليوم ده مش هيعدي علي خير..
_ تفتكرو هيحصل ايه؟....
ـــــــ #بقلم_الكاتبه_رحاب_القاضي ــــــ
_في بيت احمد رياض..
كانت نور قاعده في الصاله تحت بتتفرج علي التلفزيون وهي بتشرب قهوه وحاطه رجل علي رجل.. قربت منها ثريا وقالت..
ثريا
انتي لسه عامله فيها هانم يا بنت الاسطي فايز السمكري..
نور بجمود
نعم يا طنط عايزه ايه؟
ثريا بهدوء
قاعده في بيتي بتعملي ايه؟
نور
ده بيت جوزك وانا قاعده في بيته لما هو يبقي يقولي امشي وقتها هبقي امشي..
ثريا
تمام قريب اووي هيقولك تمشي لما يتجوز غيرك، هي ظروفها علي قدها شويه بس عجبااني..
نور بجمود
هنشوف يا طنط ثريا...
_ قالت كلامها وقامت طلعت اوضتها، ومسكت موبيلها واتصلت بحد وقالتله..
نور
ايوه يا عربي الليله تنفذ انا عايزه البنت دي تموت النهارده وقدام عيون الدكتور احمد ومش عايزه اشوف بعدها اي اثر ليك وفلوسك هتوصلك..
وقفلت الموبيل وقالت بحقد
انا مش هرجع للفقر اللي كنت فيه تاني، وهندمك يا احمد علي اليوم اللي روحت وحبيت واحده غيري وهخلي قلبك يتوجع بحق الزل اللي شوفته من امك..
_ تفتكرو بقي هيحصل ايه؟...
يتبع....
لقراءة الفصل الثامن والعشرون اضغط على : ( رواية موضوع عائلي (الشيخ والبلطجي) الفصل الثامن والعشرون )
لقراءة باقي الفصول اضغط على : ( رواية موضوع عائلي (الشيخ والبلطجي) )