رواية قلوب قست الحلقة العاشرة 10 بقلم حنين ابراهيم
رواية قلوب قست الجزء العاشر 10 بقلم حنين ابراهيم
رواية قلوب قست البارت العاشر 10 بقلم حنين ابراهيم
 |
| رواية قلوب قست الفصل العاشر 10 بقلم حنين ابراهيم |
رواية قلوب قست الفصل العاشر 10 بقلم حنين ابراهيم
البنت قالت لها انا كل اللي عايزاه يرجعوا لي حاجتي والا هبلغ عنهم
بصيت للمديره قلت لها طب ايه رايك نحاول نحل المشكله انا والبنات مع بعض لو ما لقيناش حل ساعتها نبقى نجيلك واعمل اللي انت عايزاه
المديرة: والله تبقو عملتو جميلة لو حليتو الموضوع بينكم أنا أصلا مش عايزة إسم الجامعة يتشوه بالحاجات دي
اول ما خرجنا سندس إتوجهت مباشرة للبنت وقالتلها بكل برود لو متعرفيش قسم الشرطة فين أوديك عندهم بنفسي
ومشيت وسابت مي مفلوقة بالعياط
بصيتلها بقرف: إتفوه عليك يا هبلة بقيتي في وسطهم زي اللعبة وسبتيهم بيلعبو بيك زي الكورة الشراب ودلوقتي واقفة بتعيطي
وبعدين إلتفتت للبنت وسالتها إنتي إيه الي إتسرق منك: قالت فلوس 3 الاف و إسورة وسلسلة تقال شوية
قولتلها و إنتي إزاي تسيبي ذهبك كده لغاية ما سرقوه
قالتلي ولما أخرج عشان أتعشى كمان أشيله معايا؟ وبعدين إنتي جاية تحاسبيني؟ بصي إنتي وهي عندكم إسبوع في إيدكم لو معوضتونيش عن الي إتسرق إنتو عارفين هعمل إيه
ريحانة بصدمة: إسبوع إيه؟ إنتي شايفة حالتي عايزاني أجبلك المبلغ ده منين
البنت: مليش دعوة إتصرفو
ريحانة: حرام عـ...
البنت بسخرية: ولما تسرقو مش حرام؟
وسابتنا ومشيت و أنا فضلت مقابل البلوة الي إسمها مي وهي بتعيط بصيتلها بضيق و الحل دلوقتي إيه ياهانم سكتت شوية ورجعت تعيط
و أنا رجعت لأوضتي مخنوقة و حاسة إن الدنيا ضاقت بيا مش عارفة أتصرف إزاي ولا إيه العمل رميت نفسي على السرير من التعب حكيت لحليمة الي فكرت شوية وقالتلي إنتي مش كان عندك حلق قولتلها أيوة وبعدين قولتلها بسخرية إنتي عايزاني أدهملها؟ وهي هتقبل بالنتفة الدهب دي؟ أكيد مش هييجو حاجة قصاد الي إتسرق منها
نفخت بضيق و أنا هنهار من العياط أعمل إيه يا ربي أعمل إيه أهلي لو سمعو المرة دي هيكون فيها مو.. تي
فكرت في الشغل عشان أرجعلها النص بس هي إدتني إسبوع بس مستحيل اوصل للمبلغ ده في المدة القصيرة دي
الحل الوحيد كان إني ابلغ ماما بالموضوع بصيت لحليمة بترجي قولتلها عشان خاطري روحيلها بكرة
حليمة: الأحسن تروحيلها بنفسك
ريحانة بتوجس: لاا مش هقدر لان ردة فعلها مش مضمونة ممكن في سعتها تسلمني لبابا و اخويا يد. بحوني فيها
حليمة: طيب عشان خاطرك هروح لها بكرة
اليوم الي بعده سابت تليفونها عندي وقالتلي إنها بعد ما تكلمها هتتصل بيا و تبلغني وصلو لإيه
و أنا رحت للبنت شوية وكنت هسلم على رجلها عشان تعفيني بس هي مرضيتش
قولت مفيش مفر أروح لمي اتكلم معاها و اطلب منها تطلعني من المشكلة دي لما وصلت لأوضتها قالولي راحت لبيتها هي عادي تتكلم مع ولدتها وتساعدها
المساء حليمة إتصلت و أنا قلبي بقا يدق جامد فتحت المكالمة وحطيتو على ودني وانا ساكتة من قوة الخوف
حليمة: ريحانة أنا كلمت أمك و هي فضلت تلطم و قالتلك إتصرفي وحليها بأسنانك أوعي ابوك و اخوك يعرف مترجعيش غير لما تحليها
فضلت اعيط: يعني إيه الكلام ده؟ إنتي متأكدة إنك حكيتيلها كل حاجة
حليمة: ايوة والله بس هي ااه هي مصدقتش
أنا هنا فقدت املي منها و إتقفلت من أمي نهائي مسحت دموعي وروحت للبنت قولتلها لو عايزة تبلغي البوليس بلغي أنا معنديش حاجة عشان اعوضك عن الي إتسرق بس كل الي أقدر أقوله لك حسبي الله ونعم الوكيل فيكم
هي معملتش اي إعتبار للكلمة دي وراحت فورا بلغت المديرة قالت لها طلع الشكوى للامن عشان هما مش راضيين يرجعوا له حاجتي المديره استدعتني انا وسندس واتصلت بمي قالت لنا جهزوا نفسكم للتحقيق قلت لها انا ما عنديش حاجه اجهز لها لما يجي الامن ابقى نادوني عشان حكون في اوضتي
، مي الصبح رجعت وجابت معها إسورة كبيره وقالت لهم الفلوس هجيب نصهم بكره قالوا لها بس انت هيستدعوك للتحقيق عشان انت كنت معاها في الاوضه وانا وسطهم زي اليتيمه وسندس مسكت في الدليل انها ملهاش دعوه بالاوضه الليله فيها المسروقات لانها مش اوضتها مش حيقدروا يعملوا حاجه عشان يدينوها
انا رجعت اوضتي وانا بعيط وبندب حضي ليه على طول عامل كده؟ فضلت طول الليل اعيط وادعي ربنا يحلها من عنده مع اذان الفجر قمت صليت ودعيت ربنا يطلعني منها ويبين الحق فضلت الصبح افكر لحد ما جات على بالي خطه قمت جري من مكاني ورحت للبنت اللي متهمتنا لأوضتها
و أنا بقولها بخبث: توصي يا بنت الناس حكايه اني مي تجيبلك نص الفلوس عشان تطلعيها من القضيه دي مش داخلة دماغي أنا لما هروح للقسم عارفة كويس هقول إيه؟ ولما أقابل ابوك و أهلك أظن مش هيعجبهم الكلام الي هيعرفوه عنك
بصتلي بعدم فهم
و أنا قربت منها: أخبارك إنت والي ماشية معاه كلها عندي مش بعيد تكوني إدتلو فلوسك ودهبك وجاية تتهمينا بيه
قامت بنرفزة وهي بتصرخ وتشتم: إطلعي برة يا رخـ.. يسة
كانت هتدفعني بإيدها بس أنا نزلتهالها وقولتلها أنا طالعة بس فكري في كلامي كويس وروحي قولي لمي إنت معايا في القضية ولو إتسالت هقول إنك سرقتي معايا قفلت عليا الباب ومشيت
كان عندي معلومات عن البنت دي إنها من النوع الي ملهاش غير في دراستها وبتخاف اوي من أهلها مجرد إني أطلع عليها كلام زي ده هيشوه سمعتها وجبت سيرة مي عشان لما تسمع بالكلام ده تخاف وتضطر هي الي تدفع عن كل حاجة وتشيل الليلة لوحدها أنا مالي
أنا مش وحشة هما الي إضطروني أعمل كده
يتبع....
لقراءة الفصل الحادي عشر اضغط على : ( رواية قلوب قست الفصل الحادي عشر )
لقراءة باقي الفصول اضغط على : ( رواية قلوب قست )