رواية سر البيت القديم الحلقة الحادية عشر 11 بقلم أماني سيد
رواية سر البيت القديم الجزء الحادي عشر 11 بقلم أماني سيد
رواية سر البيت القديم البارت الحادي عشر 11 بقلم أماني سيد
 |
| رواية سر البيت القديم الفصل الحادي عشر 11 بقلم أماني سيد |
رواية سر البيت القديم الفصل الحادي عشر 11 بقلم أماني سيد
أنس أتأكد بس يا ليلى إنها حامل ومش بتعمل كده عشان تغيظك وتوقع بينا وهتشوفى هتصرف ازاى
ليلى وهتعرف ازاى
أنس هاخدها لدكتور انهارده بليل واعرف
ليلى وانا هكلمك بليل واشوفك عملت ايه
وخد ابقى امسك اشرب القهوه دى شكلك مرهق
أنس بقى يجيلى صداع غريب بتنميل كده مش عارف سببه
ليلى إرهاق انا اخيانا بيحصلى كده من كتر التفكير حاول ماتشغلش بالك بس والصداع هيروح
أنس عندك حق يا حبيبتي انا الاسبوعين دول حياتى كلها اتقلب فيهم والبركه فيكى
ليلى آمال لما تمسك بدالى هنا بعد ما نتجوز هتعمل
أنس مسك ايديها وباسها انا مش عايز غيرك يا ليلى ولو على وجودى بدالك فى الشركه هنا فده عشان اريحك
ليلى مش عايزه اسمع أى وعود غير لما اشوف هتعمل ايه
أنس حاضر يا حبيبتي أى حاجة تؤمرى بيها انا هنفذهالك فورا
خرجت ليلى من عند أنس وقابلت جميله فى وشها
جميله ازيك يا ليلى عامله ايه
ليلى استاذه ليلى يا مدام جميله اتمنى مانشلش الالقاب
جميله بتعرفي تستغلى الأوضاع انتى يا هه يا استاذه ليلى
ليلى بحب اتعلم من اللى حوليا يا مدام وطالما انا اتعاملت معاكى يبقى مافيش مانع لما اتعلك منك
جميله بنرفزه قصدك ايه
ليلى قصدى طلوعك ونزولك كل شويه من مكتب ادهم بحجه شكل ده نسميه ايه
جميله ممكن تقولى برجع حاجه ملكى
ليلى بضحك مش يمكن بقى ملك غيرك وانتى اللى مش دريانه
جميله بعصبية قصدك ايه
ليلى ولا حاجه وشاورتلها باديها باى
اتعصبت جميله من كلام ليلى وقررت تروح لادهم مكتبه تسأله
دخلت جميله المكتب بتهور ودون استاذان
أدهم ايه ده فى ايه ازاى تدخلى كده بدون استاذان
جميله ادهم هو انت ارتبطت
أدهم انتى بتقولى ايه
جميله قولى الحقيقة يا ادهم انت ارتبط فعلا بليلى
ادهم انتى جبتى الكلام ده منين
جميله منها
أدهم ارتبط ولا مارتبطتش يهمك في ايه
جميله ادهم انت عارف انى لسه بحبك و اكيد عارف انى جايه اشتغل هنا بالذات عشان ابقى قريبه منك ونرجع لبعض ارجوك ماتعملش فيا كده انا موافقه ارجع تانى على زمتك واخلفلك بدل العيل ١٠ واقعد فى البيت كمان وما اشتغلش بس بلاش تعمل فيا كده
أدهم عدى الوقت على الكلام ده يا جميله
جميله لأ معداش الوقت انا اهو مافيش فى قلبى غيرك وانت لسه مارتبطش يبقى نرجع سوا
أدهم ومين قالك انى مارتبطش
جميله لو كنت ارتبطت مكنتش استغربت أول ما سالتك على الكلام اللى ليلى قالتهولى كنت جاوبت على طول
أدهم مش يمكن أكون استغربت انتى عرفتى منين
جميله ادهم انا حبك الأول وانا واثقه إن اكيد في حاجه جواك لسه من ناحيتى
أدهم اللى كسرتيه صعب يتصلح يا جميله صعب اوى
جميله ادينى فرصه بس فرصه انا هقدر أصلح كل حاجه
أدهم اتفضلى يا
ليلى ادخلى
ليلى عن ازنكم الظاهر انى جيت فى وقت مش مناسب ولسه هامشى
جميله بصتلها بشماته كلك نظر
أدهم استنى يا ليلى قولت واتفضلى يا جميله على مكتبك
جميله تمام يا حبيبي انا كده كده كنت ماشيه عشان عندى شغل كتير محتاجه اخلصه وسابتهم وخرجت وهى بتبص لليلى بشماته
أدهم ليلى اللى شوفتيه ده
ليلى مش محتاج تبررلى حاجه انت من أول ما جميله جت وانت رافض تحكى أى حاجة واتهربت منى فحين انى حكتلك على أنس واللى عمله مع اختى وبعد اللى شوفته دلوقتي واضح أنكم رجعتوا
أدهم لا طبعا مارجعناش لبعض ممكن تقعدى ونتكلم طيب
انا معرفش انتى قولتلها ايه بره لقتها جايه وبتسالنى إذا كنا ارتبطنا انا وانتى ولا لأ طبعا انا مش فاهم هى بتتكلم عن ايه او انتى قولتلها ايه لكن لقتها بتقولى انها جايه هنا عشانى وانها عايزانى اديها فرصة تانيه وهتعمل أى حاجة انا عايزها وبعد كده حضنتنى ولقيتك انتى دخلتى بعدها حتى مالحقتش ابعدها
ليلى واضح انها عملت حاجه كبيره اوى
أدهم هحكيلك يا ليلى جميله بنت خالتى وكنت بحبها بابا كان معترض على جوازى منها لكن انا كنت بحبها وصممت عليها وهو فى النهايه رضخ لطلبى واتجوزنا انا وهى بس هى كانت انانيه عايزه طول الوقت تاخد كل حاجه وماتديش أى حاجة الأول كنت بعدلها وبقول انا كده كده مش محتاج منها حاجه لكن بعد كده هى حملت وانا وبابا كنا مبسوكين وبنفكر هنسميه ايه لو ولد وهنسميها ايه لو بنت ورغم فرحتنا دى هى راحت نزلته وكان سهل عليها عشان كانت لسه فى الاول طبعا مقالتليش انا اللى شوفت الورقة الشغاله جبتهالى عشان كانت نسياها فى جيب الجاكت ولما الشغاله لقتها افتكرتها حاجه مهمه وادتهانى عارفه حسيت بأيه وقتها حسيت بالغدر والخيانه انا كنت مأمن ليها وبديها كل حاجه وهى بمنتهى البساطة رافضه تعمل أى حاجة حتى لو الحاجه دى من حقى
ليلى وانت عملت ايه
أدهم رحت طلقتها غيابى وسبت البيت لحد ما مشيت منه وادتها كل حقوقها لكن من جوايا حاجه انكسرت وصعب تتصلح تانى
ليلى طيب ليه ماحاولتش ترتبط بحد تانى لو انت خلاص بطلت تحبها
أدهم حاولت ودخلت فى علاقات ماتفهميش غلط علاقات سطحيه لكن لقيتهم كلهم شبهه جميله كده فقلت خلاص مش هتجوز
ليلى فى جواك مشاعر ليها
أدهم لأ عشان مشاعرى بدأت تتحرك ناحية حد تانى
ليلى بصتله وصيقت عنيها راح مقرب منها ومسك ايديها
انتى يا ليلى اللى مشاعرى اتحركت ناحيتك
ليلى حاولت تشد ايديها منه لكن هو مسكها أكتر
ليلى انا عارف إن فى مشاعر من ناحيتك اتجاهى انا وانتى كبار بالشكل الكافى اللى يخلينا نعرف مشاعرنا كويس
ليلى بس انا حاليا مش هقدر ارتبط بيك انا كل تفكيرى مع انس ونجوى
وانى اخد حق ليل وقربت اخد حقها
أدهم أنا معاكى يا ليلى فى أى حاجه وهستناكى زى مانتى عايزه بس عايز أتأكد من مشاعرك عايز اسمعها منك
ليلى أدهم انا كمان جوايا مشاعر ليك مش هقدر انكر ده بس
أدهم انا فاهم انتى عايزة ايه يا ليلى وصدقينى هساعدك ومش هتلاقى حد يكون سندك اكتر منى انتى وصلتى لايه معاهم
ليلى أنس ونجوى خلاص ادمنوا وذودوا الجرعات كمان يعنى خلاص اسبوع والحقيقة هتظهر لهم وكمان نجوى بتقول انها حامل
أدهم وانتى هتسبيها عشان الحمل
ليلى مش يمكن ده علامه على حق ليل انها تسقط بنفس الطريقة وانس كمان اللى يعمل فيها كده
أدهم وهو هيعمل فيها كده
ليلى أه وبعدها هواجههم بالحقيقة بس اخر طلب هطلبه منك ممكن وهتكون دى الخطوه الاخيره واخر حاجه
أدهم اطلبى اى حاجه واعتبريها اتنفذت
ليلى أنا عايزه .......
ياترى ايه اللى ناويه عليه ليلى
يتبع....
لقراءة الفصل الثاني عشر اضغط على : ( رواية سر البيت القديم الفصل الثاني عشر )
لقراءة باقي الفصول اضغط على : ( رواية سر البيت القديم )