رواية قلوب قست الحلقة الخامسة عشر 15 بقلم حنين ابراهيم
رواية قلوب قست الجزء الخامس عشر 15 بقلم حنين ابراهيم
رواية قلوب قست البارت الخامس عشر 15 بقلم حنين ابراهيم
 |
| رواية قلوب قست الفصل الخامس عشر 15 بقلم حنين ابراهيم |
رواية قلوب قست الفصل الخامس عشر 15 بقلم حنين ابراهيم
في يوم إتصلت بيا ماما بصراحة مكنتش عايزة أرد بس إتكسفت من عائشة هتقول عليا إيه؟
رديت وسألتني عن حالي و أنا كمان سألتها وبعد شوية قالتلي إنهم جايين، هي عادة لازم أهل العروسة يزروها بعد الفرح مفيش مهرب أرفض منه قولتلها هبلغ جوزي و اقولك على اليوم الي هنستناكم تيجو فيه قفلت معاها وروحت قولت لعائشة قالتي أهلا بيهم ينورو و قولي لجوزك عشان ياخد أجازة و يستقبلهم قولتلها ببرود ونخليه يتعطل عن شغله ليه؟ هبقى أقولها تيجي يوم جمعة
المسا جه ياسين منالشغل ولما كلمته قال لي يوم الجمعه مناسب بالنسبه لي اليوم اللي بعده الصبح قمنا انا وعائشه بدري هي راحت تجهز الغداء وانا كنت بنظف وبروق البيت وجوزي طلع بره لما وصلت الساعه 10:00 سمعنا جروس الباب يرن انا قلت في نفسي من هم دول جايين بدري في وقت زايد لي ورحت عشان افتح الباب بس عائشه وقفتني قالت لي استني ووقفت هي على الباب سالت مين نطق راجل كبير وقال لها اخوك فيه وقالت له انت عايز منه ايه قال لها عايزين نتفاهموا قالت له ما فيش تفاهم والمحكمة هي اللي حتحكم بينا
قالها كلامي مش معاكي مع اخوك قالت له روح دور عليه برا لما مشي قلت لها مين ده قالت لي عمي اللي اخذ لنا الورث واحنا رفعنا عليه قضيه في المحكمه قلت لها وصلت لايه قالت لي مشين في القضيه المفروض انها في صالحنا والله اعلم قفلنا على الكلام في الموضوع ده وسبناه للوقت بعد ساعه قوم اهلي تخيلوا مين اللي جات معهم ايوه زي ما توقعته خالتي ام مي انا هنا حسيت الضغط ارتفع عندي ازاي تجيبها معها بعد كل ده اذا كان امي نفسها مش قبلها ازاي تجيب لي خالتي اللي بكرهها
بس اعمل ايه الظروف حتى مت علي اني لازم استقبلها عادي استقبلناهم ورحبنا بهم وبابا كمان قم وتغدينا وصلوا صلاه الجمعه ومشيوا من وقتها وانا ملاحظه اني عائشه تغيرت معايا تماما طول الوقت ساكته وبترد على قد السؤال وبس ولما وصل وقت العشاء رحت اسالها نعمل ايه قالت له وهي باين عليها الزعل ما اعرفش ولا عايزه تعمليها اعمليه رحت قعدت قدامها بحيره وسالتها هو ايه اللي حصل وانت زعلانه من ايه ولو كنت انا اللي زعلتها تقول لي بصت لي وقالت لي انت عارفه اني الكذب مش كويس استغربت كلامها وقلت لها كذب قالت لي مش انت اللي قلتي لي ان خالتك وبنتها هم سبب كل اللي حصل لك سبب تحطيمك قلت لها ايوه وانا لسه عند كلامي قالت لي بس الا انا شفته النهارده ما يقولش كده والهزار والضحك وبعدين لو كانت صح هي سبب اللي حصل لك ما كانتش امك فكرت تجيبها معها
اقول لها ايه وبرر تصرفات امي بإيه؟ ما هي عندها أمي لو كانت أم طبيعية مكانش كل ده حصلي
قعدت جنبها و انا بقولها بعقلانية: طب بالعقل كده كنت عايزاني أعمل إيه لما تجيني لحد البيت أطردها؟ إنتي عارفة إن مش أنا الي عزمتها ماما هي الي عزمتها و أنا مش يهو.. دية عشان أطرد ضيف جايلي و احرجه
عائشة: قصدك إن أنا الي يهو.. دية؟
: يا عائشة مش قصدي بس دي أمي و أنا مكانش ينفع أحرجها قدام خالتي
قالتلي خلاص ماشي و أنا فضلت أتكلم معاها لغاية ما إتأكدت إنها قدرت موقفي ورجعت تضحك معايا
وعدت الأيام و ياسين و عائشة كانو بيلفو على المحاكم عشان ورثهم هي القضية كانت واضحة بس عمهم بنفوذه كان بيعطلها ويخليها صعبة عشان هما ميلاقوش يدفعو حتى أتعاب المحامي وييأسو وفعلا عدت علينا أيام كانت صعبة و كل الي كان بيطلعه من شغله بيدفعو للمحامي حتى إني بعت شوية من ذهبي وإحترنا نعمل إيه تاني لحد ما قررنا أنا وعائشة نساعده قولناله إننا بنفكر نعمل حلويات للمناسبات والمحلات هو كان رافض في الأول بس إحنا ألحينا و قولناله ده شغل من البيت بصلي قالي و دراستك؟
بصتلنا عائشة بصة مش حلوة وقالتله دراسة إيه؟
قالها أنا وريحانة قررنا إنها ترجع تكمل جامعتها
قالتله مقولتوليش ليه؟
قالها دي حاجة بيني وبين مراتي مشفتش إن ليها داعي أقولهالك
عائشة زعلت و أنا قولتله: أنا نسيت مقولتلكش أنا صرفت نظري عن الموضوع
قالي ليه أنا عارف إنك كنتي حابة تكملي
قولتله خلاص فات وقتي دلوقت إلي في سني إتخرجو و إنت عايزني أرجع للصفر و ياسين إقتنع وقفلنا على السيرة دي
وإبتدينا نعمل الحلويات وخلال فترة قصيرة كان ماشاءلله الطلبات بتزيد علينا عائشة بتعمل الحلويات و أنا بساعدها و صنية داخلة الفرن و صنية خارجة في الفترة دي كان بيجيني ألم رهيب أسفل بطني بس كنت بطنش كنت شاكة إنه ممكن يكون حمل لما ياسين و عائشة لاحظو إن تعبي بيزيد أخذوني على المستشفى وهناك إكتشفت إن عندي مشكلة في الرحم ولازملي عملية
للحق هما كان قلبهم عليا ولما عرفو أصرو إنهم يطلعو الفلوس الي حوشوها للمحامي عشان أعمل العملية في أقرب وقت
أنا قولتلهم يأجلو الموضوع لما القضية تخلص بس الدكتور قال مينفعش و عملنا تحاليل عشان يحددو معاد للعملية
لما رجعت للبيت إتصلو بأهلي و قالولهم إني تعبانة هما جم بسرعة وبابا كان بيزعق و أنا لما إديتك بنتي كانت بصحتها و إنتم شغلتوها ليل نهار عشان المحلات
ياسين كان هادي وحاول يراضيه بس بابا أبدا وقاله أنا جاي أخذ بنتي ترتاح عندي في البيت وهي ملهاش عيشة وسطيكم
فضلو يهدو فيه وياسين يقوله كلام إيه ده يا عمي و أنا مش مستغني عنها
بابا بصلي وقالي يلا يا بنتي و أنا قعدت أنقل نظري بينه وبين ياسين لو إخترت بابا هخسر ياسين و لو إخترت ياسين هخسر بابا
بعد تفكير قولته أنا مكاني هنا مع جوزي
بابا إتصدم وحلف عليا لا هيعتب عندي ولا يكلمني تاني
وعملت العملية و إبتديت أتحسن الحمدلله بعد فترة قصيرة كسبنا القضية وطلعلهم ورث كبير من ضمنهم أرض واسعة باع نصها للحكومة بنو عليها مدرسة و النص التاني بنا عمارة فوق المحلات واحد محل مواد غذائية كان ياسين يقعد يبيع فيه و إرتاح من شغله الأولاني و محلين كنا شغالين فيهم انا و عائشة كملنا شغل الحلويات وكان عندنا صيت كبير عائشة إتجوزت صحيح راجل كبير شزية بس طيب و متقي الله فيها
أهلي في الأول كانو مقاطعني بس بعد ما حالنا إتغير إبتدو هما يلينو من ناحيتنا بعد كام سنة بقى عندي بنتين
بالمختصر علاقتي مع إخواتي كانت باردة مش قادرة أسامحهم لأنهم كمان كانو شايفين إلي إتعرضتلو و مكنتش فارقة معاهم بس مقاطعتهمش عشان بناتي بس ميتعلموش الجفا بينهم بس أختي الصغيرة بحبها عشان مكانتش واعية في معضم الأحداث أما أخويا إتجوز و كانت علاقتي معاه شبه مقطوعة بروحله في الأعياد و المناسبات بس زي الأغراب أمي و أبويا بقا الله يسامحهم عشان انا مش قادرة أسامحهم مع إني بزورهم وبعمل واجبي معاهم عشان مبقاش عاقة بس مش قادرة أتحكم في قلبي إلي لسا مجروح من نحيتهم
مي إتجوزت حسب ما سمعت شافت الو.. يل مع جوزها وعيلته وخالتي تقريبا إتجننت
مشغلتش بالي بيهم كتير عشان انا كل الي شاغلني جوزي الله يحفظه و بناتي و حياتي وبس
ودي كان حكايتي بالمختصر أتمنى تقولولي رأيكم فيها
لقراءة باقي الفصول اضغط على : ( رواية قلوب قست )