رواية عروس للبيع الحلقة الأولى 1 بقلم سارة بكري
رواية عروس للبيع الجزء الأول 1 بقلم سارة بكري
رواية عروس للبيع البارت الأول 1 بقلم سارة بكري
.jpg) |
| رواية عروس للبيع الفصل الأول 1 بقلم سارة بكري |
رواية عروس للبيع الفصل الأول 1 بقلم سارة بكري
طلعت بسرعة الشقة ولقيت الباب مفتوح دخلت لقيت فايز قاعد.
=أنت كويس أومال
_لازم أعمل حيلة عشان تطلعى تشوفى شقتنا
=أنت إزاى تكذب عليا بالشكل ده
_ما انا دايما بقولك تعالى نشوف شقتنا
...بس إيه رأيك فيها
قال كلامه وهو بيقرب.........
...................... بسم الله الرحمن الرحيم
_و أنتِ بقا يا حبيبتى بتشتغلى
=اه أكيد بشتغل ممرضة على قدى وبفكر أعمل دكتوراه إن شاء الله
_الله لازم تفكرى فى الجواز ...هو الواحد هيعيش طول عمره لازم تتجوزى!!
=والله يا طنط أهو اللى حصل بقا
انا هنا أتخرجت السنة اللى فاتت من كلية تمريض وعايشة مع ماما وأختى سهيلة وعيالها لأنها مطلقة.
=هى مين دى يا ماما وفتحت معايا تحقيق يعنى ...هى اللى بتصرف علينا؟!
`عيب يا هنا دى تبقى طنط فاتن صحبتى من زمان من أيام المدرسة بس هى ربنا كرمها وأتجوزت مستشار و عيشتها بقت فى العالى ربنا يرزقها ويرزقنا
=اه...هو حضرتك منديانى فى حاجة
`تعرفى طنطك فاتن جايلنا ليه
=أكيد عشان تشوفك وتحقق معانا شوية
`يووه الواحد ميعرفش يغلبك فى الكلام لا يا فالحة دى جاية تطلب القرب
=بجد ... والله سهيلة بنتك دى مرزقة مش قولتلك ربنا هيعوضها
`سهيلة إيه هى عاوزاكِ إنتِ لأبنها خالد
...الراجل شغال شغلة حلوة ...وكيل نيابة و...
=وإيه؟...أنتِ عارفة إن رافضة الجواز
`يبنتى ده محترم و هما عيلة كبيرة بس المشكلة إن...
=قولى يا ماما
`هو أرمل وعنده بنت... انا قولتلها إننا مش هنقبل اه غير لما نشوفه ونعرفه الأول اه الأصول أصول
=أرمل!! ... يعنى انا مش أول واحدة فى حياته كمان وعاوزنى مربية لبنته
`بصى يبنتى هقولك من الأخر انا خلاص كبرت وخايفة عليكِ من بعدى وأختك زى ما أنتِ شايفة مطلقة ومتجرجرة فى المحاكم يعنى القرش مبقاش يكفى
=وشغلى قصر
`يبنتى شغلك ولا بيكفى خالص ... انا عاوزة أرتاح وأشوفك عروسة وفيها إيه لما تشوفيه مش يمكن كويس وتكونى خدتى ثواب تربية يتيمة
=خلاص يا ماما هشوفه.
..........
تانى يوم حضرنا البيت وجاه هو أمه وأخته, أول ما دخلت كنت باصة فى الأرض وساكتة.
`نسيب العرسان مع بعض ...فكيها ها
أحم انا خارجة بقا
بصيتله وأول ما شوفته لقيت واحد منطفى,راجل ثلاثينى تحت عيونه أسود واضح عليه الحزن,لبسه رسمى الى حد ما.
_عاوزة تسألينى أى اسألة
=اه ... ليه جيت تتقدملى!
_أيه السؤال الغبى ده أكيد عشان عاوز أتجوزك
=أمم وليه عاوز تتجوزنى متقولش بتحبنى وحركات لأننا لسة عارفين بعض من قيمة ... دقيقتين وخمس ثوانِ
_لاء مش بحبك ... عشان أكون صريح معاكِ انا كنت بحب مراتى بس ده ميمنعش إن هعاملك بما يرضى الله بس قبل ده انا مش هقدر أشوفك زى هدى الله يرحمها مش هقدر أفتح قلبى لأى ست من بعديها
=طب وأنت معذب نفسك ليه جيب مربية...أسفة مش هقدر أكون خدامة ليك
وقفت ووقف هو كمان_ماشى ده حقك مقدرش أغصبك وانا قولتلك عشان مظلمكيش لو أتجوزنا ... وانا لو عاوز مربية كنت هجيب لكن انا عاوز أم لبنتى
تعوضها عن اللى فقدته
....
`ممكن أفهم ليه رفضتيه,يبنتى ده عريس لقطة هو عشان بنته ...ده انا شوفت صورتها عندها تلات سنين يا حبة عينى صغيرة
=انا محبتهوش عادى
`حرام عليكِ يبنتى والله ضيعتى فرصة من إيدك
ماما خرجت ودخلت أختى سهيلة,اه ما هما بيبدلوا.
~قوليلى بقا وبصراحة
=عاوزنى خدامة لبنته ...مربية يعنى
~هو قالك كده
=قالى مش هقدر أشوفك مراتى زى اللى ماتت ...وقالى أنه بيحبها
~والبنت الصغيرة ...مين عارف مش ممكن تكونى سبب تغيرى حياتهم
يا هنا دول ماتوا وجود ست فى حياتهم هينعش قلبهم, لما تكونى فى حياته مش ممكن قلبه يدق من تانى؟!
صعبان عليا أوى الطفلة الصغيرة,أينعم تفكيرى مش فى الجواز ولا الحب بس
حسيت إن موافقتى عليه ممكن تكون تضحية كبيرة,الأيام مرت على الحدث ده
وماما صحتها فى النازل كان حاجتها للعلاج بيزيد ومرتبى مش مكفيها لوحدها ولا مكفى أختى بعيالها ولا مكفينى.
~انا هدور على شغل
=لا يا سهيلة تدورى إيه عاوزة طليقك يمسك فى الفرصة وياخد العيال
~هنعمل إيه أمك صحتها فى النازل و لازملها دوا و أنتِ يا حبيبتى شغالة ليل ونهار ومش مكفى
سكوت تام, مفيش أى حلول أختى كانت بتبيع من دهبها لحد ما خلص والى ان لقيت ماما داخلة فرحانة.
_هنا تعالى يا حبيبتى ... متقدملك عريس
والمرادى بقا ولا أرمل ولا غيره ده لسة أعزب
=مين ده يا ماما
_بيقول انه عارفك وشغال معاكِ ... دكتور وإسمه فايز
أفتكرته فايز شغال دكتور معانا بس اللى بسمعه عنه أنه مش كويس وبتاع بنات
ولكن قررت نحدد رؤية شرعية و بصراحة حسيت فايز مناسب للظروف اللى عايشين فيها وخصوصا إنى هكون أول واحدة أدخل حياته!
=انا موافقة يا ماما
_مش عارفة ليه مش مطمنة يبنتى ...بصى متستعجليش وإن كان على الحمل انا مش عاوزة دوايا ده
=يا ماما مش مستعجلة وبعدين فايز مناسب ...متقلقيش يا حبيبتى
فى الحقيقة انا مكنتش مطمنة زيها لكن انا عاوزة أريحها وفرصة لما أتجوز فايز يكونوا خلصوا من حِملى
حددنا خطوبة وأتخطبت لفايز بالرغم أنه كان فيه مميزات تخلى أى بنت تحلم بيه لكن كان فيه عيوب أكتر, مكنش بيلتزم بحدود الخطوبة و زى ما بيقولوا open mind.
_وحشتينى يا هنا
=شكرا
_إيه اللى شكرا فيه واحدة تقول لخطيبها شكرا لما يقولها وحشتينى!!
=أقول إيه غير كده وبعدين أنت مش المفروض كنت تروح الوقت اتأخر
_لا ما انا أستنيتك نروح سوا
بعد ما خلصت شغل لقيته مستتينى بعربيته!!
_أركبى
=أسفة يا فايز انا مبركبش مع حد عربيته!
_فيه إيه يا هنا هو انا غريب ... قريب هكون جوزك وبعدين إيه التعقيد ده
=انا معقدة يا فايز
_مش قصدى ... طب أركبى عشان أوصلك وهتكون أخر مرة
=ماشى أخر مرة
ركبت وقعدت بعيد لقيته مسك إيدى فشديتها.
=ده مش البيت
_اه ما انا هطلع البيت أجيب حاجة بس... محضرلك مفاجأة
طلع البيت واستنيته فى العربية,الوقت اتأخر وعدى كتير منه لحد ما لقيته بيرن.
=أنت سايبنى كل ده فى الشارع..!!
_هنا أل..ألحقينى!!
=فايز فيه إيه...فايز ...ياربى أكيد حصله حاجة ... طب هعمل إيه
طلعت بسرعة الشقة ولقيت الباب مفتوح دخلت لقيت فايز قاعد.
=أنت كويس أومال
_لازم أعمل حيلة عشان تطلعى تشوفى شقتنا
=أنت إزاى تكذب عليا بالشكل ده
_ما انا دايما بقولك تعالى نشوف شقتنا
...بس إيه رأيك فيها
قال كلامه وهو بيقرب فزقيته وبعدت وانا برمى دبلته=انا ماشية ودبلتك أهى
شدنى جامد من إيدى_لا يا حلوة دخول الحمام مش زى خروجه و انا بفكر فى اليوم ده من زمان أوى
يتبع....
لقراءة الفصل الثاني اضغط على : ( رواية عروس للبيع الفصل الثاني )
لقراءة باقي الفصول اضغط على : ( رواية عروس للبيع )