رواية حبي الوحيد الحلقة الثالثة 3 بقلم هاجر العفيفي
رواية حبي الوحيد الجزء الثالث 3 بقلم هاجر العفيفي
رواية حبي الوحيد البارت الثالث 3 بقلم هاجر العفيفي
![]() |
رواية حبي الوحيد الفصل الثالث 3 بقلم هاجر العفيفي |
رواية حبي الوحيد الفصل الثالث 3 بقلم هاجر العفيفي
مريم باستغراب : من وقت ماخرجت من عند الدكتوره وانت مش بتتكلم هي قالتلك ايه
إياد بحزن : مفيش
مريم : لاء فيه انت شكلك متغير قولى مالك
إياد مسك إيدها وقال : مريم انتي بتؤمني بقضاء الله صح
مريم بقلق : ايوه طبعا الحمد لله بس فى ايه انت قلقتني
إياد بتردد : ب بصي ه هو
مريم بقلق أكبر : فى ايه يا إياد ؟؟ البيبي فيه حاجه
إياد بحزن : لاء مش البيبي يامريم
مريم بخوف : ا انا ؟
إياد بتمهيده عميقه : مريم للأسف انتي عندك السر"طان
مريم فتحت عيونها بصدمه ودموعها نزلت وقالت : سر"طان !!!
إياد مسك إيدها وقال : صدقيني والله مش هسيبك وهنحاول وهسفرك بره وتتعالجي وتكوني كويسه بس اصبري واهدي
مريم دموعها كانت بتنزل بغزاره وبتقول بكلام متقطع : ي يعني انا هموت خلاص يعني مش هلحق اشوف ابني ال جاى
إياد دموعه نزلت وقال : والله هتكوني كويسه وهتفرحي بالبيبي بس علشان خاطرى توحدي الله واهدي
مريم بدموع : لا اله الا الله أنا عارفه أن ربنا بيحبني اوى علشان كده بيبتليني وانا مبسوطه علشان ربنا يكفر عني ذنوبي انا راضيه راضيه والله
إياد : وانا واثق فى ايمانك وثقتك فى الله وعارف انك هتقدرى تعدي الفتره دي
مريم مسحت دموعها وقالت : ممكن تروحني ؟؟
إياد : تحبي نخرج شويه وتغيرى جو
مريم : لاء أنا عايزه اروح بعد إذنك
إياد مرضيش يجادل معاها علشان متتعبش شغل العربيه وطلعوا على بيتهم
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفروووا
رزق : انا رايح عند مريم اطمن عليها تلفونها مقفول وانا قلبي مقبوض ومش مرتاح
أحلام بسخريه : تلاقيها مبسوطه وفرحانه مع جوزها وانت شاغل دماغك على الفاضي
رزق : بقولك دي بنتي وانا حاسس انها مش بخير ولازم اروح اشوفها
أحلام : طب ماتكلم إياد
رزق : رنيت عليه وتلفونه مقفول برضوا
أحلام : اممم روح ياخويا روح ومتنساش تروح تعطيلها كل ال فى جيبك ماهو انت ملكش غير ست مريم ال بتعطيها كل ال معاك
رزق : بنتي الوحيده ربنا يباركلى فيها وبعدين انتي مش ناقصه حاجه خليكي بقا فى نفسك وفى بيتك وسيبي البت فى حالها
أحلام بغيظ : طيب ماهو ده ال باخده منك
رزق بصلها بقلة حيله وخرج من البيت
أحلام بحقد : ياما نفسي ربنا يخلصني منها بقا
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
إياد : انتي راحه فين
مريم بتعب : داخله عند خالتي
إياد : لاء يلا على شقتنا
مريم : انا مش هقعد لوحدي
إياد : ومين قال كده انا مش هسيبك بالذات النهارده
مريم بسخريه : ومراتك
إياد بنفاذ صبر : قولتلك مية مره انتي كمان مراتي ومقدرش اسيبك لوحدك انسي نيرمين خالص وخليكي فى نفسك ويلا قدامي
مريم سكتت علشان مش قادره تجادل وطلعت شقتها وكريمه شافتهم وطلعت وراهم علشان تطمن عليها
كريمه بدموع : عملتوا ايه النتيجه كويسه صح مريم بخير
إياد بحزن : للأسف لاء مريم فعلا عندها المرض ده وفى مراحله الاخيره هي عرفت بس انا خايف عليها اوي لأن سكوتها مش مطمني
كريمه بدموع : ياحبيبتى يابنتي طب مدخلتش عندي ليه علشان اراعيها
إياد : انا هفضل معاها النهارده علشان اكون مطمن
كريمه بدموع : اه ياقلبي يابنتي ربنا يشفيكي يارب ويعافيكي هي فين
إياد : فى اوضتها
كريمه بصدمه : أوضتها ؟؟
إياد بتوتر : ا اه أوضتها هي ليها أوضه وانا بنام فى الأوضه التانيه
كريمه : انا مش هتكلم فى الموضوع ده دلوقتي علشان ده مش وقته بس راجع نفسك يابني راجع نفسك قبل ماتخسر كتير ربنا يهديك
قالت كلامها ودخلت الأوضه عند مريم تطمن عليها
إياد شد على شعره بضيق
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹صلوا على شفيعكم
نيرمين بغيظ : هو تلفونه مبيردش ليه وكمان قفله زمانه مع السنيوره متهني معاها والله لاقهرك عليها
حنان : هي مين دي
نيرمين بتوتر : لاء ياماما مفيش
حنان : ازاى مفيش ومالك متوتره ليه كده
نيرمين : مفيش ياماما هو تحقيق
حنان فين جوزك
نيرمين : عند ست مريم
حنان : ومالك متضايقه ليه هي مش مراته
نيرمين : هو انتي معايا ولا معاها
حنان : انا مع الحق يابنتي انتي الزوجه التانيه وانتي ال واخداه منها وبعدين انا مكنتش موافقه على الجوازه دي من الاول وانتي ال اصريتي
نيرمين : انا مش ناقصه كلام ياماما سبيني بالله عليكي
حنان : ربنا يهديكي وينور بصيرتك يارب واعرفى انك لو فكرتي تأذيها ربنا قادر يرد اي حاجه ليكي دي وليه زيك اتقى الله أنا ماشيه
قالت كلامها وخرجت من البيت ومشيت
نيرمين بغل : ماشى يا إياد ماااااشى
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أذكروا الله
رزق : يعني هي كويسه
كريمه بتوتر : اه كويسه الحمد لله هي بس تعب الحمل
رزق بفرحه : حمل !!! مريم حامل الحمد لله يارب الحمد لله
كريمه حزنت ومكانتش عايزه تقوله على تعب مريم
رزق : انا عايز اشوفها
كريمه : اه طبعا اتفضل البيت بيتك
🌹🌹🌹🌹🌹🌹🌹🌹🌹🌹🌹🌹🌹🌹🌹🌹🌹أستغفرووا
إياد : حتاجه حاجه
مريم بهدوء : لاء شكرا معلش تعبتك معايا
إياد : بطلى هبل بقا أنا تحت أمرك
مريم بدموع : تصدق دلوقتي بس انا مبسوطه انك اتجوزت عليا علشان بعد لما أموت تلاقي حد يكون معاك
إياد قلبه وجعه عليها وقال : علشان خاطرى بلاش الكلام ده انا هفضل معاكي لأخر نفس فيا ومش هسيبك ابدا لحد لما تكوني كويسه وتكوني أحسن من الاول
مريم بتنهيده : ممكن اطلب منك طلب وعلشان خاطرى توافق
إياد: طبعا أؤمرى يامريم
مريم بوجع : انا عايزاك تطلقني يا إياد علشان خاطري ولو كان فى عمرى باقيه ابنك او بنتك حقك تشوفهم بس لو محصلش نصيب أن أكمل معاهم خلى خالتى ال تربيتهم بلاش نيرمين بالله عليك
إياد بصدمه : اطلقك !!!!
يتبع.......
لقراءة الفصل الرابع اضغط على : ( رواية حبي الوحيد الفصل الرابع )
لقراءة باقي الفصول اضغط على : ( رواية حبي الوحيد )