رواية حب مع وقف التنفيذ الحلقة الثالثة 3 بقلم الكاتبة الصغيرة
رواية حب مع وقف التنفيذ الجزء الثالث 3 بقلم الكاتبة الصغيرة
رواية حب مع وقف التنفيذ البارت الثالث 3 بقلم الكاتبة الصغيرة
 |
| رواية حب مع وقف التنفيذ الفصل الثالث 3 بقلم الكاتبة الصغيرة |
رواية حب مع وقف التنفيذ الفصل الثالث 3 بقلم الكاتبة الصغيرة
كانت تمارة لسة نايمة لحد ما والدتها صحتها من النوم
تمارة : سيبيني ي ماما خمس دقايق بس
جميلات : قومي ي بنتي الساعة 10
تمارة بفزع : عشرة يلهوي انتي ازاي متصحينيش ي ماما
جميلات : ما انا بحاول من زمان وانتي مش راضية
تمارة : دا انا يدوبك الحق اغير واروح العيادة
جميلات : ومش هتاكلي
تمارة : لا ي ماما مش هلحق هبقي اكل اي حاجة بعدين
جميلات : انا طالعة وانتي كملي اللي بتعمليه بس متستعجليش نفسك لسة بدري اصلا
تمارة : قصدك اي
جميلات وهي بتخرج من الباب : الساعة لسة 8 اصلا
تمارة بصوت عالي : ماما
تمارة : ما انا اللي غبية بصدقها ليه دي المرة الالف اللي تعملها فيا ولسة بصدق بس بعد كدة مش هصدقها
ضحكت علي نفسها لانها دايما بتقول كدة وبردوا بتصدق (مين اللي مامته معملتش فيه كدة 😂) لبست تمارة وخرجت من الاوضة كانت جميلات جهزت السفرة ومستنياها عشان يفطروا
جميلات : اقعدي افطري كويس
تمارة : بردوا ي ماما عملتي فيا العاملة دي تاني
جميلات : وانا اعملك اي ما انتي اللي نومك تقيل ولو معملتش كدة مش هاقومي ابدا
تمارة : علي العموم شكرا ي ست الكل همشي انا بقي
جميلات : خدي ي بت تمشي فين اقعدي كلي الاول وبعدين غوري
تمارة : ماشاء الله عليكي ي نبع الحنان لما بتتغيري فجاة وبتكوني هتكليني
جميلات : باذن الله هقطع لسانك الطويل دا
تمارة وهي حاطة ايدها علي بوقها : يرضيكي بردوا ي جوجو طب لو عملت كدة مين هيقرفك من كتر الكلام ومن هيصدع دماغك ومين هيهزر معاكي
جميلات : ي بت انتي واخده اللماضة دي منين
تمارة : بالذمة مش عارفة انا جيباها منين بردوا
جميلات : تمام انتي باين عليكي مش هتيجي بالذوق
طلعت تمارة تجري وجميلات مسكت الشبشب ورمته عليها جه غي رجلها فوقعت علي وشها في الارض
تمارة : يلهوي علي الحنية مشوفتش كدة في حياتي
نسيبهم شوية مع بعض وجميلات بتعرفها يعني اي حنية
❣️❣️❣️❣️❣️❣️❣️❣️❣️❣️❣️❣️❣️❣️❣️
اما عند سيف فكان لسة بيجري والكلب بيجري وراه لحد ما دخل الفيلا وقفل الباب بسرعة وهي مرعوب وخايف
اوس : مالك واقف كدة ليه
نط سيف مكانه من الخضة بس اول ما شاف اوس هدي شوية
اوس : في اي ي ابني
سيف : الكلب
اوس : ما تحترم نفسك ي جدع
سيف : ي عم انا كلمتك انا بقولك ان الكلب كان بيجري ورايا
اوس : يعني دا كله عشان الكلب
سيف : ما انت عارف اني عندي فوبيا منهم والله اول ما اشوفها لهحبسها عشان تتعلم الادب
اوس : هي مين دي
سيف : اللي خلت الكلب يجري ورايا
اوس : انا مش مصدق ان في ظابط محترم يكون خايف بالشكل دا
سيف : دا علي اساس انت يعني مش بتخاف من حاجة فاكر ياض الصرصار اللي صحتني من النوم عشان اموته ليك
اوس : ما تخرس ي عم انت
سيف وهو بيصرخ : صرصار
اوس : لا هو انت مفكر اني هصدقك
سيف : والله صرصار بص كدة
بص اوس للمكان اللي بيشاور عليه وفعلا كان في صرصار طلع يجري اول ما شافه وطلع علي الكرسي اللي كان قريب منه
سيف : اول مرة اشوف دكتور محترم يكون خايف كدة
اوس : بطل ي حيوان وموته يلا
سيف : اطلبها مني باحترام الاول
اوس : لو سمحت ي سيف موته ها ارتحت
سيف : ايوة ارتحت
موته سيف بسرعة واتلفت عشان يشوف اوس لكن مكنش موجود حس فجاة بقلم علي قفاه
اوس : بقي انت ي كلب البحر تعمل فيا كدة
سيف : ي عم هو انا عملت حاجة يعني انا غلطان اني موته وانقذتك
اوس : وبتتريق كمان طيب انا هوريك
❣️❣️❣️❣️❣️❣️❣️❣️❣️❣️❣️❣️❣️❣️❣️
بعد مدة كان سيف في قسم الشرطة و قاعد في مكتبه لحد ما دخل عليه العسكري ومعاه واحد مضروب
سيف : في اي ي ابني
العسكري : الراجل دا ي فندم جاي يقدم بلاغ
سيف : تمام سيبه انت وانا هتصرف
خرج العسكري وساب الراجل معاه اللي كان متبهدل بجد من كتر الضرب
سيف : قولي بقي اي اللي حصل
الراجل : ي باشا انا معملتش حاجة وهي ضربتني
سيف : وهي هتعمل فيك كدة من غير سبب
الراجل : ي باشا انا
سيف : اسكت
طلب سيف من العسكري انه يدخل البنت واللي انصدم اول ما شافها لانها كانت البنت اللي سيبت الكلب عليه
سيف : هو انتي ي محاسن الصدف
تارا : هو اليوم كان باين من اول ما شوفت وشك
سيف : لسانك ي حلوة والا هيوحشك
تارا : بقولك اي انا دماغي مصدع
سيف : تمام خودها ي عسكري علي الحجز
تارا : انت اتجننت
سيف : خدها ي ابني
تارا : انت متعرفش انا بنت مين
سيف : لا معرفش ومش عاوز اعرف ويلا اتفضلي علي الحجز ي قطة
تارا : .........
يتبع....
لقراءة الفصل الرابع اضغط على : ( رواية حب مع وقف التنفيذ الفصل الرابع )
لقراءة باقي الفصول اضغط على : ( رواية حب مع وقف التنفيذ )