رواية قلوب قست الحلقة الثالثة 3 بقلم حنين ابراهيم
رواية قلوب قست الجزء الثالث 3 بقلم حنين ابراهيم
رواية قلوب قست البارت الثالث 3 بقلم حنين ابراهيم
![]() |
رواية قلوب قست الفصل الثالث 3 بقلم حنين ابراهيم |
رواية قلوب قست الفصل الثالث 3 بقلم حنين ابراهيم
هو لما قال لي كده فضلت احاول اسحب منه الكلام وقلت له: انا مش عارفه هي بتعمل كده ليه مع اني حذرتها كثير ان الراجل ده بيضحك عليها عمي امين اكد على كلامي وقال لي انه هو كمان نبها كثير خصوصا انه هو عارفه كويس وقالي على المنطقه اللي ساكن فيها
أمين: هي صدقت انه بجد الشريك في الورشه بتاعت ابن خالو؟ ده كذاب هو حي الله شغال فيها معاه والقرش اللي بيكسبه بيصرفوا على مزاجه اصل هو الله يعافينا
المهم أنا خدت منه تفاصيل مهمة و عرفت إسم الولد و عنوانه وهو بيشتغل فين وطلعت و اليوم الي بعده كان وقت التنفيذ رحنا الصبح على أساس رايحين المدرسة بس أنا وحليمة غيرنا طريقنا ورحت على الشارع اللي ساكن فيه اياد حبيب مي بنت خالتي عديت على الورشه اللي شغال فيها من غير ما يشوفني ورحت طلعت على بيته وخبطت عليه ولما فتحتلي أمه بصيت لها وبكل قهرة قولتلها: إنت بقا الي رفضتي تخليه يجي يخطبني
ام إياد بدهشة: إنت مين؟ و إيه الكلام الي بتقوليه ده؟
قومت إنفجرت بالعياط و انا بقولها: أنا مي الي إبنك فضل واعدها بالجواز أربع سنين و خد كل فلوسي و بعتله ذهبي عشان ييجي يتقدملي و في الأخير يقولي إن مامته رفضتني
خرج والد إياد على صوتها وعندما سمع كلامها: قال بصدمة كلام إيه الي بتقوليه ده يا بنتي أكيد في سوء تفاهم حصل ولا غلطتي في العنوان أنا إبني لا يمكن يعمل كده
ريحانة ببكاءو إنهيار: لا مفيش سوء تفاهم و إبنك إياد هو الي ضحك عليا انا أهلي لو عرفو هيد.. بحوني
والد إياد: طب إهدي إهدي أنا هتصل بيه دلوقتي و نحل الموضوع
أنا ساعتها الدم جمد في عروقي إياد لو جه دلوقتي كل حاجة هتبوض و أنا هروح في داهية
وقفت بخوف وفضلت اترجاه يسبني امشي قبل ما يكلمه و إني انا جيت عشان اعرف سبب رفضها ليا هو لو عرف بمجيتي مش هيسامحني وبعد ما إترجيته سابني مشيت و إتصل بيه رجعت جري للمدرسة مع حليمة ودخلنا القسم و الأستاذة بدأت الشرح
وأنا كنت كل شوية ببص لمي إلي بتمد إيدها في شنطتها بتوتر كل شوية و ترجع تبص قدامها
إبتسمت بانتصار لإني عرفت وقتها إن إياد إتصل بيها بعد ما عرف الي عملته ولما مردتش عليه إتأكد إنها خايفة منه بعد الي عملته
فضلت مستنية الحصة تنتهي بفارغ الصبر و اول ما طلعنا لقيت إياد واقف مستنيها أول ما شافها ندهلها وهي راحتله بتوتر وبتلفت بخوف إنه حد يشوفها فضلو ماشين لحد ما دخل بيها مديق كده بين البنايات و نزل فيها ضر.. ب و ش. تيمة وهي مش فاهمة حاجة هو يقولها يا رخـ.. يصة و إزاي جاتلك الجرأة تروحي بيتنا و تقولي لأهلي إني واعدك بالجواز
وهي قد ماتحلف أنها مراحتش مرضيش يصدقها وقالها إنه هياخدها بيت عند والدته عشان تأكدله إن مش هي الي جات النهارده و هي وافقت أخدها وركبو العربية و مشيو و إحسنا أول ما شفنا كده رحنا جري على الكشك قريب مننا عشان نأجر تلفون و إديت لحليمة نمرة خالتي وخليتها تتصل بيها
حليمة وهي بتنهج كانها في سباق: الو ايوة يا خالتي أنا جميلة صاحبة مي إلحقي بنتك دلوقتي جه شاب ركبها في عربيته غصب و أخدها معاه
ام مي: يالهوي اخدها فين
حليمة: أخدها على بيته هي تعرفه و كانت بتطلع معاه و الواضح إنهم إتخانقو عشان وصلت المشكلة لأهلو
مستنش تسمع باقي الكلام وقفلت و أنا إديتها نمرة جوز خالتي عشان متأكدة إن خالتي هتحاول تحل الموضوع سكيتي وده الي انا مش عايزاه
المهم إتصلت بيه وقالتله تعال شوف بنتك النهار ده ركبت مع حبيبها وراحت لبيته وده حصل بعلم والدتها حتى إنها راحت معاهم و إدتلو العنوان الي كان قريب من شغله و هو قفل وراحلهم طيران قفلنا و رجعنا انا وحليمة للقسم نحضر اخر حصتين
وجميلة كانت بتبصلنا بشك إننا سبب الي حصل لمي
وبعد ساعة جالها إستدعاء من الإدارة وهي خرجت مع المشرفة وو
يتبع....
لقراءة الفصل الرابع اضغط على : ( رواية قلوب قست الفصل الرابع )
لقراءة باقي الفصول اضغط على : ( رواية قلوب قست )