رواية أمي لبستني لبس ولاد والسبب الحلقة الثالثة 3 بقلم رحاب القاضي
رواية أمي لبستني لبس ولاد والسبب الجزء الثالث 3 بقلم رحاب القاضي
رواية أمي لبستني لبس ولاد والسبب البارت الثالث 3 بقلم رحاب القاضي
 |
| رواية أمي لبستني لبس ولاد والسبب الفصل الثالث 3 بقلم رحاب القاضي |
رواية أمي لبستني لبس ولاد والسبب الفصل الثالث 3 بقلم رحاب القاضي
ـــــــــــــــــــــ
محمود بحده _
احترمي نفسك واتكلمي مع امي كويس..
قالت هنا _
انا اهلي عمر ما حد منهم مد ايده عليا، ودلوقتي هما اللي هيردو عليكم..
محمود بقلق _
استني يا هنا انتي رايحه فين ده النهارده صبحيتك انتي اتجننتي..
فايزه بحده قالت _
سيبها يا محمود خلي الناس تعرف انها مش هتعمر في جواز....
_سابتهم هنا ومشيت راحت بيت اهلها، واول ما فتحت ناديه الباب لطمت علي وشها وقالت..
ناديه_
يا لهوي هما لحقو يزعلوكي من اول يوم..
دخلت هنا وهي بتبكي وقالت _
وسعي كده يا ماما فين ابويا؟..
طلع ابراهيم اخوها وقال بصدمه _
هنا انتي اي اللي جابك مش المفروض ان احنا اللي نيجي نبارك ليكي ولا الايه اتعكست..
هنا ببكاء ردت عليه وقالت _
لا انا اللي جيت ومش هرجع هناك تاني، ياريت بابا كان سمع كلامك يا ماما..
طلع عبد الرحيم من اوضته وقال بقلق _
مالك يا بنتي في ايه، وايه اللي حصل يخليكي ترجعي دلوقتي...
ردت عليه هنا بحزن _
حصل كتير يا بابا اولهم البنت منال اللي جات وهي ومحمود اللي بقي جوزي فضلو يحبو في بعض قدامي في شقتي، واخرها مرات عمي اللي جات وجابتلي بواقي الاكل عشان افطر بعد ما سابوني لوحدي ولما قولتلها ان بواقي الاكل مكانهم دي يرموها للقطط والكلام مدت ايدها عليا، وجوزي زعقلي بدل ما يقف معايا...
ناديه بحزن قالت لجوزها _
شايف يا عبد الرحيم مش انا قولتلك كده، عجباك الفضايح دي دلوقتي..
اتملت عيون عبد الرحيم دموع حزن وقال _
خلاص يا ناديه خلي بنتك في حضنك وانا ليا كلام تاني مع اخويا اللي طلبها والراجل اللي اتجوزها..
اتنهدت ناديه بضيق وقالت _
طيب ترجع دلوقتي ونبقي نتكلم بعدين، انما مجيتها دلوقتي وحشه في حقنا وحق بنتك، وفايزه مش هتسكت والله واعلم هتقول ايه...
هنا _
انا مش هرجع هناك تاني يا ماما واللي يحصل يحصل..
عبد الرحيم _
واد يا ابراهيم روح ادي خبر لعمك اني عايزه دلوقتي حالا هتلاقيه في المسجد دلوقتي بيجهز لصللاة الجمعه...
رد عليه ابراهيم وقال _
حاضر يا بابا...
_نزل ابراهيم وراح لعمه في المسجد وقال ليه علي اللي عمله محمود وفايزه وراح الورشه وصلاح ادايق واخد ابنه وراح ليهم...
بص عبد الرحيم لمحمود _
انا لما وافقت عليك يا محمود قولت ان اول سبب هو ان بنتي هتاخد ولد. اخويا اللي هيراعي ربنا فيها وهيصونها، مش يرجعها ليا من يوم الصباحيه ودموعها علي وشها..
بص محمود. للارض. باحراح وقال صلاح _
حقك علي راسي انا يا اخويا ووعد مني ان فايزه ما هتطلعش تاني شقة هنا بس غلط البت تسيب بيت جوزها يوم الصباحيه...
عبد الرحيم بحده _
البيه ابنك. مش هيكبر ويعقل ويبطل الحركات القليله اللي هيعملها، لا هو متجوز وحده اي كلام ولا حاجه، مراتك تقول للقمر قوم واقعد. مكانك، وانا عارف ومتأكد ان بنتي متربيه ومش هتقصر معاك في حاجه، فاقسم بالله لو ما لميت نفسك وبطلت صرمحه مع البنات انا هعرف اربيك كويس لا هستني ابوك ولا امك سامع يا ولد...
اتوتر محمود ورد عليه وقال _
ااا حاضر يا عمي والله غلطه ومش هتتكرر...
ضحك صلاح وقال _
هههه بس كده انا ماليش دعوه انت وجوز بنتك براحتكم، انده بقي للعروسه عشان ترجع بيتها يلا..
ــــــــــــــــــــــــــــــــــــــــــــــ
_رجعت هنا مع محمود اللي ما اتكلمش معاهت خالص وبقي مل يوم يبات في اوضه تاني غير اوضتهم، وهي قاعده لوحدها ومش بيتكلم معاها غير لو كان محتاج حاجه منها...
_وفي يوم كانت وهي في المطبخ بتجهز الغدا، ودخل عندها محمود وقال..
محمود _
هنا بعد ما تخلصي الغدا ابقي اجهزي عشان هننزل تحت...
سألته هنا وقالت _
هننزل تحت فين، هنروح عند اهلي؟..
رد عليها وقال _
لا هننزل بيتنا تحت عشان في عريس جاي لمياده اختي وبابا قال ننزل عشان نستقبل العريس واهله...
هنا ابتسمت وقالت _
بجد الف مبروك ان شاء الله ربناا يتمم علي خير...
مسك محمود راسه بألم وقال _
الله يبارك فيكي بس لسه ما فيش حاجه تمت..
قلقت هنا عليه وقالت_
انت تعبان ولا ايه؟..
بص ليها وقال _
لا ده شوية دوخه بيجو ويروحو..
هنا _
الف سلامه عليك..
رد عليها وقال _
الله بسلمك كملي االلي بتعمليه انا قاعد بره..
_طلع محمود وقعد بره وبعد شويه طلعت هنا من المطبخ وحطت ليه كوباية لبن جنبيه وقالت..
هنا _
اشرب دي عشان الدوخه اللي عندك..
ابتسم محمود وقال _
شكرا يا هنا تسلم ايدك..
هنا _
العفو..
وبعدين دخلت المطبخ وقالت لنفسها بضيق _
ايه اللي انا عملته ده، وانا مالي بيه يتعب ولا لا، هو اكيد دلوقتي هيفتكر اني واقعه عليه، انا بعد. كده ماليش دعوه بيه تاني...
_خلصت هنا الاكل ولبست فستان عادي ولفت الحجاب من غير ما تحط اي ميكآب عشان متلفتش النظر وتخلي مياده تبقي هي المميزه، ولما طلعت بصلها محمود وقال..
محمود _
والله المفروض انتي ترجعي تلبسي هدوم ولاد زي ما امك كانت بتعمل فيكي...
بصتله بسخريه وقالت _
ليه ان شاء الله خايف عليا من الحسد انت كمان..
رد عليها بسرعه وقال_
مش عايز حد يبصلك ويشوفك حلوه كده...
استغربت كلامه، بس ما اهتمتش وبعدين نزلو وجه العريس وامه اللي كانو مش منزلين عينهم من علي هنا خالص، وقالت ام العريس لفايزه..
ام العريس _
بسم الله ما شاء الله يا ام محمود مرات ابنك زي القمر..
_ادايقت فايزه لانها كانت عايزه تسمع الكلام ده علي بنتها، وردت علي ام العريس وقالت..
فايزه _
شكرا يا حبيبتي ده من ذوقك..
سأل العريس هنا وقال _
هو انتي يا مدام هنا ما عندكيش اخوات زيك كده اصغر منك..
قالت ام العريس بسرعه _
او اكبر منك بس تكون بنفس حلاوتك..
ادايق محمود جدا بس بغيره مش بحقد زي امه واخته، وردت هنا عليهم وقالت بهدوء..
هنا_
عندي اخت كبيره وزي القمر وطيبه واحلي مني ويا بخت اللي هياخدها، اهي قاعده جنبك يا طنط...
_كانت تقصد بكلامها مياده اللي كانت قاعده بتبصلها بكره هي ومامتها علي عكس محمود وصلاح اللي فرحو بيها...
ام العريس بضيق _
اممم طيب...
ميل محمود علي هنا وقال ليها بضيق _
لو سمحتي يا تطلعي تقعدي فوق او تقعدي في المطبخ عشان ما اقومش اقلبها علي راس عريس الغفله اللي عمال يبص ليكي ده...
استغربت هنا كلامه وما كنتش فاهمه هو غيران ولا زعلان عشان العريس بيبص ليها هي ومش عجباه مياده، بس قامت ودخلت المطبخ وبعد شويه العريس وامه مشيو وما اتفقوش علي حاجه، وفايزه فضلت تزعق وتقول..
فايزه بغيظ _
شوفتو بعينكم اهي طفشت عريس مياده وهي عماله تتسهوك عليهم...
صلاح بحده _
يا وليه اختشي ايه الكلام اللي بتقوليه ده علي مرات ابنك..
فايزه بحده _
دي بنت قليلة الادب ومش متربيه، انتو ما تعرفوش الحركات دي..
اتعصبت هنا اللي كانت واقفه في المطبخ وسامعه كل حاجه وكانت طالعه ترد علي فايزه بس رجعت في كلامها لما سمعت مياده بتقول ليهم وهي بتبكي..
مياده _
لا يا ماما هنا ما لهاش دعوه ده حظي انا اللي وحش، وانا اللي وحشه وما فيش حد هيرضي بيا...
_خلصت كلامها وطلعت اوضتها وهي بتبكي وبعدين اخد محمود هنا وطلعو شقتهم...
محمود _
متزعليش من كلام امي هي بس زعلت عشان العريس ما. طلعش كويس..
بصتله هنا من فوق لتحت وقالت _
ما حصلش خير بصراحه انا ما رضيتش اتكلم عشان مياده وحالتها بس كنت مستنيه الراجل اللي بيقولو انه جوزي يدافع عني..
محمود بضيق _
انتي كنتي عايزاني يعني اتخانق مع امي..
هنا _
انا ما قولتش تتخانق معاها، انت ممكن تدافع عني بكلمه واحده وتخلي امك تبطل تقول كلامها ده عليا، بس انا مش هستني منك حاجه ولو كنت سكت النهارده عشان صعبت عليا مياده، مش هسكت بعد كده لاي حد وانت عارف ان اللي بيقولي كلمه بردها عشره...
بص ليها وضحك وكان لسه هيتكلم بس حس بدوخه وانه هقع علي الارض فسندته هي عشان يقعد وقالت..
هنا _
علي فكره انت المفروض تروح تكشف، ده حال ما يتسكتش عليه خالص...
محمود بتعب _
لا عادي دول شوية تعب وخلاص..
_سابته ودخلت اوضتها وهو كان تعبان اووي ومحتاج يروح للدكتور بس مش بيحب يطلب حاجه من حد، وبعدين الباب خبط وطلعت هنا فتحت ودخل ابراهيم اخوها وقال..
ابراهيم _
يلا يا هنا انا جيبت عربيه تحت..
سألها محمود اللي كان باين عليه التعب جدا وقال _
انتي رايحه فين يا هنا..
هنا _
قوم بس معايا يلا عشان هنروح المستشفي..
محمود _
انتي اللي كلمتي ابراهيم عشان يجي وتخليني اروح المستشفي، خايفه عليا يعني..
اتوترت هنا _
مش وقت كلامك ده، وبعدين انا خايفه تجرالك حاجه والناس يقولو عليا ان وشي وحش عليك..
_ضحك محمود وقام مسك ايدها وسند عليها وراحو المستشفى واتصدمت هي وابراهيم ومحمود لما الدكتور قال ليهم انه عنده مرض خبيث و..
الدكتور _
بس كويس انكم جيتو من بدري احنا لو بدأنا العلاج هيخف اسرع ان شاء الله...
مسحت هنا دموعها بسرعه عشان ما حدش ياخد باله منها وقالت _
طيب يا دكتور هو هياخد العلاج ده فين هنا ولا في المستشفى...
الدكتور _
هياخد شهر او شهرين هنا والباقي من البيت..
_وفعلا اتحجز محمود. في المستشفي وقال ابراهيم ليه بهدوء..
ابراهيم _
متقلقش يا محمود انا هروح الشغل بتاعك وهاخدلك الاجازه و...
محمود _
انا مش عايز حد من اهلنا يعرف حاجه ممكن، انا هكلمهم واقول ليهم اني مسافر شغل...
هنا _
لا ما ينفعش انا لازم اكون جنبك وانت لو قولت ليهم حاجه زي دي مش هقدر اجيلك..
ابتسم. ليها وقال _
متقلقيش هيبقي ابرلهيم يجيبك ليا كل يوم ويقول انك بتاخدي كورسات او اي حاجه هتتحل، بس انا بجد مش عايز حد يعرف..
ــــــــــــــــــــــــــــــــــــــــــــــ
_وبدأ محمود العلاج وكانت هنا كل يوم عنده وبتهتم بيه بشكل كبير وهو حب اهتمامها وبقي يستناها كل يوم الصبح عشان تجيله وتقعد. معاه، وفي يوم كانت طالعه هنا من شقتها ولقيت فايزه في وشها وقالت..
فايزه _
علي فين؟..
هنا ـ
واحده صحبتي تعبانه في المستشفى وانا رايحه اشوفها..
فايزه _
ما تقعدي في بيتك بقي وترسي شويه. وكفايه صرمحه..
اتنهدت هنا بضيق _
انا كلمت محمود وقولت ليه وهو وافق ولو عندك اعتراض كلميه واسأليه..
_مشيت هنا من قدامها وكانت هي متغاظه منها جدا، ونزلت تحت جوزها قاعد مع مياده وبيقول ليها..
صلاح _
ها يا مياده ايه رئيك؟..
فايزه _
ايه رئيها في ايه؟..
صلاح _
ابراهيم ابن عبد الرحيم اخويا متقدم ليها..
فايزه بحده _
يالهوي هما عايزين ايه مننا ما يسبونا في حالنا..
صلاح_
سيبك من امك يا مياده وردي عليا..
مياده _
بس ده اصغر مني بسنه. يا بابا...
صلاح _
هما كلهم تمن شهور مش سنه وبعدين هو مش فارق معاه الموضوع، وابن عمك وكويس ومحترم ومش بيفوت فرض في المسجد..
مياده _
اللي تشوفه حضرتك يا بابا..
فايزه بغيظ في سرها_
بس يجي محمود وانا هخليه يطلق بنتهم وبكده ابقي بوظت الجوازتين...
ــــــــــــــــــــــــــــــــــــــــــــــ
_وبعد فتره رجع محمود البيت بعد ما حالته خفت كتير عن الاول وممكن يكمل اخر مرحله في العلاج من البيت لانها بسيطه جدا...
هنا _
انا هدخل ليك الحاجه في اوضتك عشان ترتاح..
محمود _
لا يا هنا رجعي الحاجه بتاعتي في اوضتنا انا وانتي لو سمحتي..
هنا بضيق _
مافيش داعي يا محمود تعمل كده، انت هتبقي مرتاح وانت لوحدك اكتر..
رد عليها محمود _
انا مش هبقي مرتاح غير وانا معاكي وجنبك يا هنا..
هنا بتوتر _
هو معلش في السؤال يعني هو انت بطلت تلكم منال؟..
ابتسم وقال _
هو انتي ما تعرفيش مش ارتبطت بواحد صاحبي واتجوزو في السر والله واعلم هيعمل فيها ايه، الحمد لله ان ربنا نجاني منها ووقعني في طريق بنت اصول زيك..
_فرحت هنا جدا من كلامه وفجأه الباب خبط،راحت هنا فتحت وكانت فايزه اللي ذقتها ودخلت وقالت بعصبيه..
فايزه _
حمد لله علي سلامتك يا حبيبي كويس انك جيت عشان تشوف الهانم اللي قال ايه كانت بتروح الكورس واخوها بيوديها الصبح ويرجع ياخدها بالليل..
علت صوتها وقالت _
والله واعلم كان موديها فين يمكن مشغلها وبياخد من وراها فلوس..
زعق محمود فيها وقال _
لو سمحتي يا امي انا ما اسمحش ليكي تتكلمي عنها كده قدامي او من وريا، مراتي كانت بتيجي عندي المستشفي وانا تعبان ومحجوز، وهي واخوها وابويا اللي عرف من ابراهيم كانو هما بس اللي ليا واهلي، وحضرتك كنتي مشغوله بس ازاي تشوهي سمعتها اللي هي من سمعت ابنك ليه الحقد ده مش فاهم، ولاد عمي متربين وكويسين وبيحبونا انتي ليه كرهتينا فيهم..
بكت فايزه وقالت _
انت كنت تعبان وانا معرفش..
محمود _
لو كنتي فكرتي تسألي عليا مره واحده بالتلفون كنتي عرفتي، انتي الكره مالي قلبك خلاكي مش حاسه حتي باولادك...
فايزه ببكاء _
حقك عليا يا ابني..
محمود بحزن _
اتفضلي يا ماما لو سمحتي وياريت متدايقيش مراتي باي كلمه تاني، عشان لو حصل انا هاخدها وامشي من البيت ده كله...
فايزه بحزن _
طيب خليني جنبك و..
محمود _
مراتي جنبي ومش مخلياني محتاج حاجه..
_نزلت فايزه وفضلت تسمع كلام الستات اللي في العماره عليها انها كانت عايزه تشوه سمعت مرات ابنها وانهم مش هيتكلمو معااها تاني لانها واحده بتقول كلام محصلش ويتخاف منها...
صلاح _
بتبكي يا فايزه ايوه ابكي كويس واندمي، كنتي زمان بتغلطي في حق ناديه وولادها بس ولادها وتربيتها احسن منك، ابنها كان متربي عن ابنك مش بتاع بنات وبنتها كانت طيبه وربنا لحق بنتك مياده ومخلهاش تبقي حقوده زيك..
فايزه ببكاء _
الناس بقيت تكرهني وبيخافو يتكلمو معايا..
صلاح _
حقهم اصل مرات ابنك دي بنتك وانتي واحده كنتي بتشوهي في سمعت بنتك هيامنو لنفسهم ازاي معاكي، بنت ناديه وقغت جنب ابنك وخلته يرجع لصحته ويبطل كل القرف اللي كان بيعمله وابنك اتعلق بيها فبلاش تعملي حاجه تخليها تبعد ابنك عنك..
فايزه ببكاء _
انا مبقاش ليا عين اطلع الشارع اصلا واشوف حد..
فرح صلاح وقال _
احسن خليكي هنا يمكن ربنا يهديكي..
_في شقة هنا ومحمود، هنا قالت..
هنا _
انا عارفه انك قولت كده لمامتك عشان انا وقفت جنبك وعايز تشكرني والكلام ده، بس انت مش مؤتر تكمل معايا انا عارفه كويس انك. مش بتحبني ولا عايزني..
رد. عليها محمود وقال _
انا عايزك يا هنا تكملي معايا باقي اللي جاي من. حياتي، هو مين دلوقتي في الزمن ده يلاقي زوجه بأخلاقك وادبك وجدعنتك وجمالك ويسيبها. ده يبقي غبي اوووي..
هنا. بدموع _
وايه اللي غير كلامك بقي؟..
قرب منها وقال _
كنت غبي بس الفتره اللي عدت. اكدت ليا انك احسن بنت عرفتها في حياتي وربنا يقدرني واسعدك يارب يا هنا...
_ابتسمت ليه هنا واخيرا بعد تعب ربنا عوض صبرها خير، وكملت حياتها مع جوزها براحة بال وسعاده..
ــــــــــــــــــــــــــــــــــــــــــــــ
_ واخيراً يا اصدقائي لازم نعرف ونتأكد ونتعلم من القصه دي واللي زيها ان الكلمه اللي هتتقال علي حد بكره هتلف تلف وترجع تترد في صاحبها تاني، وعلي رأي المثل لسانك حصانك ان صنته صانك..
لقراءة باقي الفصول اضغط على : ( رواية أمي لبستني لبس ولاد والسبب )