رواية من نظرة حب الحلقة الأربعون 40 بقلم الكاتبة الصغيرة
رواية من نظرة حب الجزء الأربعون 40 بقلم الكاتبة الصغيرة
رواية من نظرة حب البارت الأربعون 40 بقلم الكاتبة الصغيرة
![]() |
رواية من نظرة حب الفصل الأربعون 40 بقلم الكاتبة الصغيرة |
رواية من نظرة حب الفصل الأربعون 40 بقلم الكاتبة الصغيرة
ثريا : طيب قولي رايك
نسمة : موافقة
ابتسم مالك ابتسامة استفزت نسمة وخلتها تزعل انها قالت كلمة موافقة وان حياتها هتتغير
ثريا : علي بركة الله نقرأ الفاتحة دلوقتي وبكرة نجيب الشبكة وتكون خطوبة وكتب كتاب
نسمة : موافقة
قعدوا مع بعض بعد ما اتفقوا لحد ما استأذنوا ومشيوا نزلوا وركبوا العربية
ثريا : واد ي مالك
مالك : نعم ي ماما
ثريا : انت قولت اي لنسمة
مالك : ما انا اتكلمت معاها قدامكم
ثريا : لا مش دلوقتي مش انت قولت انك اتكلمت معاها وعرفتها قولتلها ايه لدرجة خليتها تكون لابسة اسود في اسود
مالك : طيب وانا مالي ي ماما هو انا اللي قولتلها تلبس كدة هي حرة
ثريا : هو في حد قالك اني مبفهمش
مالك : لا سمح الله انتي بتقوليني كلام مقولتهوش ليه
ثريا : يبقي تنطق دي مش شكل وحدة مبسوطة ان خطوبتها هتكون بعد ايام وان في عريس متقدملها انت غصبتها ي مالك
مالك : انا مش قادر ي ماما كان غصب عني والله
ثريا : يعني انت فعلا غصبتها ليه كدة ي مالك دا انت عارف انها اتظلمت كتير في حياتها تقوم انت تيجي تظلمها وتغصبها علي الجوازة دي
مالك : مكنش عندي حل غير كدة
ثريا : ايه اللي حصل ي حبيبي احكيلي ي مالك
مالك : هقولك انا عملت دا كله عشان احميها لان حياتها في خطر
ثريا : تحميها من ايه بس
مالك : من ابويا ايوة بابا هو اللي بيشكل خطر علي حياتها لانه بيراقبها ومركز معاها فمكنش عندي حل غير اني اتجوزها عشان تفضل قدام عيني علي طول
ثريا : تاني رجعت لنقطة الصفر تاني بعد ما بعدته عنكم كل السنين دي وحمتكم ظهر في حياتكم عشان يدمرها هو مش هيستريح غير لما ينتقم مني علي اللي حصل من سنين
مالك : اهدي ي ماما انا هتصرف هحاول بكل الطرق اني احميكم وهمنعه ان يدمر حياتنا انا كبرت ومبقتش صغير واقدر احميكم كلكم
ثريا : انا خايفة عليك ي مالك انا اكتر وحدة اعرف ماجد وانه مش هيتردد في انه يئذيك
مالك : اهدي انتي بس وانا هتصرف ادخلي انتي دلوقتي وارتاحي وانا هروح الشركة ورايا شغل كتير
ثريا : خلي بالك من نفسك ي مالك
مالك : متقلقيش ي ست الكل
دخلت ثريا القصر اما مالك فراح للشركة عشان ينفذ الخطة اللي اتفق عليها هو ورضا وصل ودخل وكان رضا لسة موصلش دخل مكتبه وبدأ شغل لحد ما سمع صوت عالي برة عرف ان رضا وصل
مالك : هو في اي هنا ايه اللي بيحصل
الحارس : الاستاذ رضا دخل وانا حاولت امنعه بس مقدرتش
مالك : تمام انت ايه اللي جابك هنا
رضا : جاي عشان احذرك تقرب من شغلي بعد كدة
مالك : وهو انا عملت حاجة
رضا : مالك متستهبلش انت عارف انا بتكلم عن ايه قسما عظما لو عرفت انك اتدخلت في شغلي بعد كدة لكون مموتك وانت عارف اني مبهددش
مالك : خلصت كلامك اتفضل امشي حالا من هنا
رضا : ماشي ي مالك هتترد ليك بس هتبقي اقوي مليون مرة
مالك قرب منه وعمل نفسه انه مسكه من هدومه وحطله ورقة في جيبه
مالك : انا مبخفش ي رضا واتفضل اطلع برة يلا
خرج رضا من الشركة وهو بيمثل انه زعلان ومتعصب من اللي حصل وركب عربيته طلع الورقة من جيبه
محتواها : بص بعد الشركة هنتقابل في العنوان ***عشان نشوف الخطة هتكمل ازاي واتاكد ان مفيش حد مراقبك
قطع رضا الورقة ورماها في الشارع وراح علي الڤيلة بتاعته دخل وكانت منة هناك مستنياه اول ما شافته حضنته وهي بتمثل انها بتحبه
منة : وحشتني اوي ي حبيبي
رضا : وانتي كمان
منة : في اي ي رضا مالك في ايه
رضا : مفيش بس تعبان من الشغل
منة : لا ي حبيبي في حاجة تانية هتخبي عن منة حبيبتك
رضا : مالك
منة : عمل اي تاني
رضا : بسببه خسرت صفقة بالملايين ومش عارف هعوضها ازاي
منة : وهتسكتله
رضا : وانا هعمل اي يعني
منة : لازم تنتقم منه علي كدة
رضا : ازاي
منة : انا هقولك
🥀🥀🥀🥀🥀🥀🥀🥀🥀🥀🥀🥀🥀🥀🥀
في الشقة عند نسمة كانت قاعدة مع ملك وهي زعلانة وملك قاعدة ومش فاهمة حاجة
ملك : ي بنتي طب عرفيني ايه اللي مزعلك
نسمة : مفيش
ملك : يعني بردوا مش عاوزة تقولي حاجة
نسمة : ي حبيبتي مفيش حاجة عشان اقولها
ملك : نسمة انا مش هبلة وواضح عليكي انك زعلانة ومش مبسوطة باللي حصل دا ممكن بقي تقوليلي ايه السبب
نسمة : انتي اللي شكاكة زيادة بس مفيش حاجة
ملك : تمام انا قايمة بس متتكلميش معايا تاني بدال انتي مش متطمنة ليا ولا بتحكيلي علي حاجة
نسمة : استني بس ي ملك هقولك
ملك : يعني هتقولي زعلانة ليه
نسمة : وامري لله
🥀🥀🥀🥀🥀🥀🥀🥀🥀🥀🥀🥀🥀🥀🥀
كانت جودي قاعدة في الشقة بتاعت حمزة وبتتفرج علي التليفزيون لحد ما سمعت صوت في الشقة خافت وقامت من مكانها وهي مرعوبة
جودي : مين هنا حمزة دا انت حمزة اطلع بقي وبطل هزار
سمعت جودي صوت من وراها اتلفتت واول ما شافته صرخت باعلي صوتها
يتبع....
لقراءة الفصل الحادي والأربعون اضغط على : ( رواية من نظرة حب الفصل الحادي والأربعون )
لقراءة باقي الفصول اضغط على : ( رواية من نظرة حب )