رواية كارمن الحلقة السابعة 7 بقلم مارينا علي
رواية كارمن الجزء السابع 7 بقلم مارينا علي
رواية كارمن البارت السابع 7 بقلم مارينا علي
 |
| رواية كارمن الفصل السابع 7 بقلم مارينا علي |
رواية كارمن الفصل السابع 7 بقلم مارينا علي
كارمن برن عليكى من بدرى ومش بتردى انتى بخير؟
كارمن برقة: ايوة يامازن بخير متقلقش..... خرجت اقابل فارس عشان كنت مخنوقة شوية
مازن بااهتمام: صحيح هتعملى ايه فى موضوع خطوبتك من فارس؟
كارمن بحزن: موافقة اجوزه..... فارس انسان محترم وبيحبنى ومش عايزة اضيعه من ايدى
مازن تمام ياكارمن وانا هكلم فارس نحدد موعد الخطوبة
كارمن بضيق حاولت تخفيه: يعنى انت موافق انخطبله؟
مازن ببرود: وانا هرفض ليه؟ طالما انتى موافقة دى حياتك وانتى حرة فيها
شافتهم جنة واقفين مع بعض فقربت منهم
جنة بغيرة: انت هنا واقف مع ست كارمن وسايبنى لوحدى....
مسك مازن ايد جنة
مازن: كنا بنتكلم بخصوص جوازها من فارس...... كارمن وافقت تجوزه
جنة بفرحة: بجد ياكارمن
هزت كارمن راسها وابتسمت بضيق وبعدها مشيت
جنة بشك: بس ليه حاساها مضايقة
مازن: بتهيألك بس.... المهم وحشتينى اوى
جنة بخجل: انت كمان..... صحيح كلم فارس تحددوا موعد لخطوبته هو وكارمن
مازن بحب: ماشى ياحبيبتي
وفعلا كلم فارس وحددوا الخطوبة بعد اسبوع واحد و مر الاسبوع وجه يوم خطوبة فارس وكارمن كانت كارمن لافته انتباه الكل بجاملها
فارس بابتسامةمصطنعة : طالعة زى القمر
كارمن ببرود: شكرا
فارس بتعجب: شكرا!
كارمن بضيق: اومال عايزنى اقولك ايه يعنى؟
فارس بهدوء: ولا حاجة... وقال فى عقله شايفة نفسك اوى بكرة اندمك انتى وابن عمك
ام جنة: شايفة كارمن عينيها منزلتش من على ابنى انس ازاى!
ام لميس بسخرية: وانتى الصادقة ياختى تقصدى منزلتش من على مازن جوز بنتك الل واقف ورا ابنك... ولا فارس الل طول الحفلة باصص لجنة.... الل عايزه افهمه اما هما مش بيحبوا بعض هيجوزا ليه!
ام جنة: ماتتلامى ياولية بدل مااجيبك من شعرك
عند جنة
جنة: رايح فين يامازن؟
مازن بضيق: فى مكالمة مهمة هرد عليها
جنة بااستغراب: مش هتستنى لما يلبسوا الدبل؟
مازن باانفعال: قولتلك مكالمة مهمه هرد وجاى
مشى وسابها اما جنة عينيها اتملت دموع حاولت تحبسها
عمر بااستغراب: هو مازن راح فين دلوقتي؟
جنة بحزن: خرج يرد على مكالمة وجاى.... صحيح لميس مجتش معاك ليه؟
عمر: لميس قاعدة عند امها من يومين ورافضة ترجع.... حتى كلمتها تيجى مع حماتى حفلة الخطوبة بس رفضت
جنة: انتو متخانقين مع بعض
رد عمر بسرعة وحيرة: ابدا هو انا اقدر ازعلها
جنة: اومال زعلانة منك ليه؟
عمر بحيرة:مش عارف.... ماتروحى تكلميها خليها ترجع البيت
جنة بابتسامة: حاضر ياعمر
انتهت الحفلة طبعا مازن مقدرش يكملها اما جنة كانت حزينة جدا عشان مازن لسة عنده مشاعر اتجاه كارمن
🌹🌹🌹🌹🌹🌹🌹🌹🌹🌹🌹🌹🌹🌹
تانى يوم
كارمن صباح الخير....
جنة: صباح النور..... انتى خارجة ولا ايه؟
كارمن: ايوا هقابل فارس
جنة بااستغراب: هتقابليه دلوقتي؟ ده بدرى اوى وبعدين بيبقى وراه شغل
كارمن بانزعاج: هو الل طلب نتقابل.... عندك اى اسئلة تانى؟
اضايقت جنة من طريقتها معاها بس معلقتش
جنة: لا
كارمن: اوك
جنة فى عقلها: ياترى رايحة فين دلوقتي... وكمان مازن مش موجود من امبارح..... ارن على فارس اتأكد منه
وبعدين جتلها فكرة بس خطيرة شوية انها تراقب كارمن وفعلا خدت عربيتها مشيت ورى كارمن من غير ماكارمن تلاحظ اى حاجة وقفت كارمن عند مستشفى وبعدها نزلت من العربيه طبعا جنة كانت ماشية وراها
جنة فى عقلها: دى مش المستشفى الل فارس شغال فيها ياترى جاية هنا تعمل ايه
استنت كارمن شوية قدام المستشفى لحد ماوصل شخص وكان معاه واحدة منقبة اتكلموا شوية بس جنة مقدرتش تسمع بيقولوا ايه لانها كانت واقفة فى ركن بعيد عنهم عشان كارمن متشوفهاش... الل حصل ان البنت المنقبة انفعلت وضربت كارمن كف وبعدها مشيت والشخص الل كان واقف معاها مشى علطول وراها
ركبت كارمن العربية متعصبة جدا
جنة بصدمة: البنت ضربت كارمن كف! وازاى كارمن مردتش عليها ياترى مين دى! شكلك ياكارمن وراكى حكاية كبيرة ولازم اعرفها
بعدها اتذكرت انها كان مفروض تروح للميس فخدت عربيتها وراحت على بيت لميس
🌹🌹🌹🌹🌹🌹🌹🌹🌹🌹🌹🌹🌹🌹🌹🌹
جنة: ايه الل حصل بس عشان تزعلى منه وتسيبى البيت؟
لميس بانفعال: مكنتش اتوقع ان عمر يعمل حاجة زى دى...
جنة بسرعة: ايوا عمل ايه بقى؟
لميس: االاستاذ غير الباسوورد بتاع موبايله من غير مايقولى
جنة بصدمة: مش معقول.... زعلانة منه عشان كدة!
لميس بانزعاج: ايوا ده معناها انه بيخونى عشان كدة غير الباسورد
جنة بااستغراب: يخونك ايه ياهب"لة ده عمر بيموت فى التراب الل بتمشى عليه بطلى تفاهه وروحي بيتك
لميس بتفكير: اما ماما تيجى هسألها
جنة: وفين امك؟
لميس: راحت لامك البيت
ملحوظة «لميس وجنة جيران»
جنة: غريبة مع ان امك مش بطيق ماما.... وبعدين تعالى هنا مجتيش امبارح خطوبة فارس وكارمن ليه؟
لميس باانزعاج: متجبيش سيرة البنت دى عشان سيرتها بتعصبنى
جنة بتعجب: هو انتى ليه بتكرهى كارمن اوى كدة؟
لميس: عشان كانت دايما شايفة نفسها عليا وكانت تحسسنى انى اقل منها اوعى تكونى مصدقة التمثيلية بتاعتها انها طيبة وملاك والكلام ده
جنة بفضول: تقصدى انها كانت بتمثل
لميس: ده اكيد ياحبيبتي.... البنت دى مش سهلة ابدا
جنة فى عقلها: شكلك فعلا مش سهلة ياكارمن... مش ناوية بئا تعرفينى هما ليه سابوا بعض؟
لميس: تمام هقولك كل حاجه بس متعرفيش مازن انى عرفتك اوك؟
جنة: تمام
لميس: بصى ياستى القصة بدأت من عشر سنين لما مازن شاف كارمن لاول مرة مع عمه الل كان راجع من بلاد برة مفلس فجاب بنته وجه حبها مازن من النظرة الاولى حتى كارمن كمان حبته جدا مازن وثق جدا فيها وشغلها معاه فى الشركة وبعد خمس سنين قرروا يجوزا
جنة بااستغراب : ليه بعد خمس سنين مقرروش يجوزوا علطول ليه طالما بيحبوا بعض؟
لميس:لان كان فى خلاف بين والد مازن ووالد كارمن فالاتنين مكنوش موافقين على جوازهم لحد ماقررت كارمن تتخلى عن والدها وتتجوز مازن من غير موافقته كل الامور كانت ماشية تمام لحد ماجه يوم فرح مازن وكارمن بس الل حصل ان كارمن اهانته قدام الكل وطردته من البيت والشركة بنت الكل"ب استغلت ثقة مازن فيها وانه مكنش بيراجع اى ورق وراها ومضته تنازل عن كل حاجه لانها كانت خطة بينها هيا وابوها عشان يسرقوا املاك
مازن وابوه والد مازن من الصدمة مات...... كارمن ندمت على الل عملته وحاولت تخلى مازن يرجعلها بس رفض نهائى.....بعد كدة مازن قدر بذكاءه يفتح شركة جديدة وبقى بينافس عمه وخسره خساير كبيرة جدا
جنة: مظنش ان بعد كل الل عملته كارمن يكون مازن لسة بيحبها
لميس بلامباله: ممكن....
🌹🌹🌹🌹🌹🌹🌹🌹🌹🌹🌹🌹🌹
عند فارس فى عيادته الخاصة
كان بيقلب فى موبايلة على صور جنة وهيا صغيرة ومخدش باله من كارمن الل دخلت وسمعته وهو بيقول
فارس: بحبك اوى ياجنة
كارمن بدموع: اما انت بتحبها عايز تجوزنى ليه؟
فارس بصدمة: كارمن! انتى هنا من امتى وازاى السكرتيره سابتك تدخلى من غير ماتقولى؟
كارمن بدموع: ده كل الل فارق معاك؟
فارس باارتباك: انتى فاهمه غلط خلينى اشرحلك الموضوع
بدأت كارمن تضحك بهستيريه بعدها سكتت مرة واحدة وقالت
كارمن بهدوء غريب: ايه رأيك اشرحلك انا الموضوع!
يتبع.....
لقراءة الفصل الثامن اضغط على : ( رواية كارمن الفصل الثامن )
لقراءة باقي الفصول اضغط على : ( رواية كارمن )