رواية قلوب قست الحلقة السابعة 7 بقلم حنين ابراهيم
رواية قلوب قست الجزء السابع 7 بقلم حنين ابراهيم
رواية قلوب قست البارت السابع 7 بقلم حنين ابراهيم
 |
| رواية قلوب قست الفصل السابع 7 بقلم حنين ابراهيم |
رواية قلوب قست الفصل السابع 7 بقلم حنين ابراهيم
بعد ما الميه ابتدت ترجع اللي مجاريها زي ما بيقولوا لما نجحنا في البكالوريا عملنا حفله انا ومي مع بعض بس هي كانت متاثره شويه بسبب ابوها وكانت مشتاقه ترجع لبيتهم والحل الوحيد لها كان بابا عشان بابا وجوز خالتي كانوا اصحاب وهي عارفه اني ابوها بيحترم بابا اكيد لو طلب منه انه سامحها مش هيكسفوا ولا يرد طلب وبابا في الاول رفض عشان كان خايف يردوا ويكسفه لان الموضوع بينهم كان كبير شويه عدت الايام وقربنا نسجل في الجامعه امي كانت كل شويه تعيط عايزه ابوها يسامحها وترجع لبيتهم وبابا لما شافها كده وغير رايه وقرار انه يكلمه فعلا كلموا اقنعه وخلاها تلقى للبيت وكل الامور رجعت لطبيعتها
بعدها بايام سجلنا في الجامعه انا ومي مع بعض كانت في نفس المحافظه اللي كنا ساكنين فيها بس كانت بعيده شويه واخذت سكن في الاقامه باسمي كنا ساكنين فيه مع بعض
كل وحدة فينا إختارت تخصص مختلف وكنا الصبح كل وحدة تلتهي بدراستها و المسا بنجتمع مع بعض بعد شهرين البت بقى حالها بيتغير و شوية تقولي شوفتي فلانة لابسة إيه شفتي أكل علانة و تقارنهم بنا و إنهم أحسن مننا و أنا اقولها يا بنت الناس كل واحد كاتبله رزقه في الحياة وليه مبصيتيش على الي مشلاقين حتى الرغيف الي في إيدك إحمدي ربنا
لما بتكلم معاها بتقتنع بس شوية و ألاقيها رجعت لنفس المقارنات
أنا شلتي كانت معروفة أنا و حليمة و بنتين إتعرفت عليهم في الجامعة نفس العقلية وطريقة التفكير كنا كل يوم نتجمع مع بعض ونهزر بس مي مكانتش بتحب تقعد معانا حتى لما تقعد تحسيها قاعدة على شوك ما بتصدق إمتى تسيبنا لحد ما في يوم إتعشينا ونظفت الأوضة و قولتلها تعالي نروح اوضة البنات نسهر شوية هي رفصت و أنا سبتها على راحتها و مشيت
قعدت مع البنات وهزرنا وسهرنا لحد ما قربت الساعة على 12 سبتهم و مشيت رجعت على اوضتي كان الباب مقفول وفضلت أخبط اخبط مفيش رد (راحت فين البت دي)
وقتها عدت عليا بنت زميلتنا قالتلي إنتي بتدوري على مي الي ساكنة في الأوضة دي؟
قولتلها ايوة
قالتلي أنا شفتها في الدور الي بعد دا الأوضة كذا بقالها ساعتين هناك
إتفاجئت من كلامها راحت تعمل إيه هناك؟ قررت أستناها شوية أكيد هتيجي بعد دقايق إستنيت مدة ولما بصيت للساعة لقيتها بقت وحدة الصبح وهي مجاتش قمت من قدام الباب ورحت على المكان الي قالتلي عليه البنت
اول ما وصلت إتصدمت من المنظر لقيت رقص إيه و البنات كل واحدة لابسة فوق الركبة و مي قاعدة وسطهم وبتبص لهم وهما بيرقصو لما شافوني وقفو وقالولي إتفضلي قلتلهم لا شكرا أنا جاية أدور على صحبتي اصل المفتاح عندها
مي لما شافتني وقفت وقالتلي اهو إتفضلي وكانت ناوية تدهولي وترجع تقعد معاهم بس انا غمزتها وطلبت منها تحصلني
و أنا خارجة لمحت معاهم علبة دخان أنا إتصدمت أول ما طلعنا برة مسكتها بنرفزة إنتي إتجننتي إزاي تقعدي مع الأشكال دي
كان هتقولي أنا كنت قاعدة بس
برقتلها: إنت تخرسي خالص إمشي قدامي يلا
وصلنا للأوضة وفضلت ابهدل فيها و إزاي تعمل كده هي فضلت تعيط و تقولي أنا كنت قاعدة بس ما إنت شفتيني بعينك
ريحانة: طب ليه مجيتيش قعدتي معانا إحنا كمان كنا قاعدين
مي: يا ريحانة أنا إتخنقت و كنت عايزة أغير جو
ريحانة: من حقك تغيري جو بس كل واحد و الجو بتاعه و إحنا الجو ده ميناسبناش
مي: قصدك ميناسبكيش لوحدك
يتبع....
لقراءة الفصل الثامن اضغط على : ( رواية قلوب قست الفصل الثامن )
لقراءة باقي الفصول اضغط على : ( رواية قلوب قست )