رواية عهد الاسود االجزء الثاني الحلقة الثالثة عشر 13 بقلم زهرة الربيع
رواية عهد الاسود الجزء الثاني الجزء الثالث عشر 13 بقلم زهرة الربيع
رواية عهد الأسود الجزء الثاني البارث الثالث عشر 13 بقلم زهرة الربيع
.jpg) |
| رواية عهد الاسود الجزء الثاني الفصل الثالث عشر 13 بقلم زهرة الربيع |
رواية عهد الاسود الجزء الثاني الفصل الثالث عشر 13 بقلم زهرة الربيع
مفيش علامات اعتداء بس فقدت عذريتها للاسف كده اكيد الي حصلها حصل تحت تأثير مخدر قوي..
اسد نزلت دموعه وداخ جدا بس ضرغام كان ساندو وقال بسرعه ..بس يا دكتوره مكانش على هدومها ...
قاطعتو الدكتوره وقالت..بتحصل يا استاذ
ضرغام مع بنات كتير ممكن يكون نتيجة خوف ذايد قبل ما تغيب عن الوعي المهم حاليا انها مش انسه زي ما حكيت لكم
اسد بلع ريقه بصعوبه وقال بالعافيه..البنت..البنت عامله ايه..كانت..كانت منهاره اهم حاجه تبقى كويسه
الطبيبه قالت للاسف..حالتها النفسيه وحشه جدا وضغطها مرتفع...انا كتبتلها على مهدئات بس اذا الحاله متحسنتش ياريت تزورو طبيب نفسي في اقرب وقت
اسد بصلها بزهول وقال..طبيب نفسي يعني ايه..ليه..البنت حصلها ايه..وعد اتجننت بنتي حصلها ايه
ضرغام واسامه كانو بيحاولو يهدوه وهو كان بيزعق جامد وقال..ردي عليا البنت مالها
الدكتوره اتنهدت وقالت..اهدى با استاء اسد...مش معني انها هتزور طبيب نفسي يساعدها تبقى خلاص اتجننت..حاول تتفهم اكتر من كده علشان تساعد بنتك...عن اذنكم..ربنا معاها
الدكتوره مشيت واسامه قعد اسد على اقرب كرسي ووقف جمبو وهو بيبص لغالب الي كان واقف بعيد ونظراتو كلها شك
عند وعد كانت نايمه وعهد كانت ماسكه ايدها وبتبكي بقوه
شوق حطت ايدها على كتفها وقالت..عهد يا حببتي كفايه كده ارجوكي اهدي انتي كده هتتعبي
عهد قالت ببكا..احنا السبب يا شوق..احنا السبب معرفناش نربيه..دمر بنت ملهاش ذمب..دمر انسانه متستاهلش غير كل خير احنا السبب انا فاشله فاشله اوي ياريت مت ومشوفتهاش بالحاله دي ياريت كنت اتعميت ولا شوفت منظرها كده... وبقت تبكي بقوه
روز كانت بتبكي وقاعده جمب اختها و وليالي قالت بدموع..لا يا طنط متقولش كده انتي مؤمنه وده قضاء ربنا ووعد كمان مؤمنه وربنا مش هيسبها ارجوكي اهدي
عهد لسه هترد روز قالت بغضب..لا هيه معاها حق..هيه وابوه افشل اتنين...انتو فشله..وغير كده اندال ناس غيركم كان زمانهم بيعاقبوه على الأقل لكن لا هو عايش عادي واخره اخدلو قلمين تلاته وانا اختي بتنهار ..بس انا مش هسكت وهسجنه ولو محدش ساعدني هسجنه لوحدي... قالت كده بمنتهى الغضب وطلعت وهيه مش شايفه قدامها
بقلم..زهرة الربيع
عهد كانت بتسمعها بدموع وانهارت بالبكا اول ما طلعت
عند جبران اتصدمو لما عرفو ان رجالة عمه رجعو تاني قال بتعب شديد..اهربي يا حنبن..اهربي بسرعه لو عرف انك عرفتي المكان ده هيدفنك فيه..يلا بسرعه..اخلصي
حنين قالت بدموع ..مش هسيبك يا جبران مش همشي من غيرك قوم معايا يلا بسرعه
جبران قال بتعب..اسمعي الكلام انا تعبان مش قدر اتحرك وده ابويا مش هيأذيني هو جاي يطلعني اصلا ..يلا اخلصي بسرعه رجعوني في الحفره وامشو
حنين قالت باصرار ..مش هسيبك للوحوش دول يا جبران والكلام منتهي ده مستحيل يكون اب مستحيل يكون ابوك ابدا قوم معايا لو عايز تنقذني
السواق قال بخوف...انا مليش دعوه انا ماشي دي ناس مبتهزرش ولسه هيمشي مسكت ايده وقالت بسرعه ...ابوس ايدك مش وقتو وقلعت اسوره من ايدها وادتهالو وقالت..دي اخر حاجه معايا..مش فاضل غير اديك الفستان
جبران بصلها بزهول وقال..انتي بتهببي ايه انتي عارفه الطقم ده بكام
حنين قالت بغضب.. انت في ايه ولا افي ايه
جبران طلع سلاحو ووجهو على السواق وقال بغضب..تعالى اسندني يا حليوه..الناس الي مبتهزرش دول تربيتي انا مدربهم واحد واحد ولو مطلعناش من هنا انا الي هسالخك
عند اسامه راح لغالب اوضتو ودخل من غير استأذان وقفل الباب
غالب كان ماسك علبة الاسعافات وبيحاول يعقم جروحه قال...لو جاي انت كمان تديني كلمتين فانا مصدع جدا ومش قادر ولا سامع اصلا ..اما لو جاي تضربني زي اخوك..فياريت تستنالك اسبوع كده لان حاليا مفيش حته سليمه تضرب فيها
اسامه ابتسم بسخريه وقال بدون مقدمات ..ازاي اقنعت الدكتوره تقول الي قالتو ده
غالب اتسعت عنيه بزهول وبصلو بصدمه وبلع ريقه وقال...انت..انت قصدك ايه
اسامه قرب منو وقال..قصدي انت فهمتو كويس..انت ملمستهاش...لو عدت على البيت كلو متعديش على اسامه الثابت
عند جبران كان ماشي بالعافيه وحنين والسواق ساندينو ومشيو بيه بسرعه من طريق تاني لحد ما وصلو للتاكس بتاع السواق ..وكان بعيد مترين تلاته من عربيه عمه بس كانو الجاردات نزلو يجبوه فمحدش شافو
ركبو التاكس وطلعو بسرعه وكان ساند راسو على كتف حنين بتعب وهيه كانت ماسكه منديل وبتنشفلو عرقه وصعبان جدا عليها.
السواق بصلهم من المرايه وقال..انتو متجوزين مش كده
حنين اتفاجأت واتحرجت جدا وجبران بصلو بسخريه وتعب وقال... انت تقرب للحلوه دي
السواق استغرب وقال..لا انا لسه شايفها من ساعه
جبران قال باستغراب..مش معقول تكون قريبي وانا معرفش
السواق استغرب اكتر وقال..لا طبعا ولا اعرف حضرتك
جبران قال بغضب ...يعني لا تعرفني ولا تعرفها...امال مال امك متجوزين ولا مصاحبين ولا شاقطها من الهرم حتى ما تسوق وانت ساكت
السواق قال بضيق..الحق عليا ده جزاتي في الاخر خيرا تعمل شرا تلقي
جبران قال بسخريه...الخير بتاعك وقع عليك باتنين مليون جنيه لو مش عارف تمن الطقم الي معاك...وبص لحنين بغيظ وقال..رزق الهبل على المجانين
حنين اتنهدت وقالت...المهم احنا هنروح فين دلوقتي
جبران قال ..هنطلع على شاليه بتاعي محدش يعرف طريقه هنفضل فيه لحد ما اعرف اكلم بابا واتفاهم معاه..المهم اخرجك بره الموضوع ده
عند اسامه قعد وحط رجل على رجل وقال ..انت ممكن تمشي الفيلم الي عملتو ده على ابوك وعلى محاسن..وعلى البيت كلو انما انا لا...انت ملمستهاش محدش يعرفك قدي قلبك اضعف بكتير من انك تعمل فيها كده..ها بقى اقنعت الدكتوره ازاي
غالب قال بحرج..احم..انا
اسامه قاطعو وقال..دفعتلها..امم..دفعتلها مش كده
غالب اتنهد وقال...هو..احم مش بالظبط..هو فيه مستشفى بتشتغل فيها في الاداره وطلبت انها تمتلكها وانا هساعدها في كده بس وكمل بخوف وقال...هتقولهم مش كده
اسامه ابتسم بسخريه وقال..اممم...تؤ.. مش هجيب سيره لحد..وهسيبك تكمل في خطتك ...لاني مأيد الفكره..مش لانها صح..بالعكس دي اكتر حاجه غلط ممكن انسان يعملها..بس لاني مؤمن بان المنح مبتجيش غير من قلب المحن..ومتأكد انك هتقدر في وقت قصير تصلح الغلط ده وتستفيد منو انت وهيه
غالب قال بحزن..انا كنت بفكر زيك يا عمي اني هصلح الموضوع واخليها تنساه في وقت قصير بس بعد ما شوفت حالتها فقدت الامل..مش معقول الحاله الي وصلتها ليها..دي وعد الي كانت تتكسف لو بانت شعره منها..شوفتها عملت ايه قدام الكل...شوفت انا وصلتها لأيه
اسامه حط ايده على كتفو وقال..ده لانها مش في وعيها اصلا ..وعد مهما حصل مستحيل تتصرف التصرف ده الا لو كانت مش حاسه بتعمل ايه..انا بقولك اهوه وبكره تقول اسامه قال... انت هتنسيها كل ده وهترجع زي الاول و
بس قطع كلامه على صوتها بتصرخ بصوت عالي جدا هز البيت لما فاقت.
غالب بصلو بزهول واسامه اتنهد وقال..انسى كل
لي قولتهولك دي اتجننت خلاص..مفيش فايده
غالب قال بدموع..روح شوفها يا عمي ارجوك روح وابقى طمني
اسامه اتنهد وجري على اوضه وعد وغالب قعد على الأرض وهو سامع صراخها ومش قادر يستحملو حط اديه على ودانو ودموعه بتنزل وقال بدموع...اتحملي يا وعد ارجوكي اتحملي علشان اقدر اتحمل
عند وعد كانت بتصرخ وعهد بتحضنها وبتقرالها قرأن قالت ببكا وصراخ...عايزه بابا..عايزه ابويااااا
اسد دخل وهو مش قادر يقف وبيبصلها بدموع واول ماشافتو انهارت بالبكا وهو اتقدم عليها بسرعه وبقى يحضنها بقوه ويهديها وهو منهار اكتر منها
عند حنين وصلو الشاليه والسواق قال ..عايزين حاجه تاني
جبران قرب منو بطريقه مخيفه وقال..اه..هات الطقم الي اخدته
السواق ارتبك وقال..ياباشا الهانم ادتهولي وبعدين انا اتعرضت للخطر و
بس قطع كلامو لما جبران سحب سلاحه وقال..الخطر هتتعرضلو دلوقتي لو مسمعتش الكلام هاتو
السواق اتنفض برعب وطلع العقد والاسوره وواحده بس من الحلقات
حنين قربت عليه وقالت ..سبهولو يا جبران
جبران بصلها بغضب وقال..اخرسي انتي..وبصلو ورفع الحلق قدامو وقال..هيه عندها ودن واحده ولا ايه..وريلو يا بت اودانك لاحسن مش مصدقني
السواق بلع ريقه وقال..اه تلاقيه مسك في جيب البنطلون
جبران قال بسخريه..لا فتش كويس بدل ما افتش انا وساعتها البنطلون وصاحبو هيزعلو
السواق طلعلو الحلق التاني وقال بغيظ.. اهي حاجتك كلها ..ممكن تسبني اغور في داهيه
جبران طلع محفظتو وطلع منها مبلغ كويس وقال..خد اجرتك وحق وقفتك..ومشوفش خلقتك..وبص لحنين وقال... شوفتي الجمله دي.. والله شاعر
حنين هزت راسها بيأس والسواق اخد الفلوس ومشي
وجبران دخل هو وحنين الشاليه
اول ما دخلو مسك تليفونه وبقى يرن لغالب وهو قلقان عليه
حنين قعدت جمبو وقالت..عايز حاجه اعملهالك
اتنهد ورجع راسو لورا بتعب وقال..شكرا
حنين لسه هتتحرك مسك ايدها وشدها عليه وبص لعيونها جامد وقال...عملتي كل ده ليه..ازاي تعرضي نفسك للخطر بالشكل ده..ايه السبب ليه يا حنين
حنين ارتبكت اوي وقالت..احم..علشان كل ده بسببي لو سبتني للي اسمو ابو نواف ده مكانش حصلك كل ده
ابتسم وهو بيبص لعيونها وقال...بس كده
قالت بسرعه..اه بس..وسبني بقى مش اول ما تشد حيلك شويه تقرفني
بصلها بزهول وقال..اقرفك..ماشي على العموم انا لسه تعبان ومش قادر على المناهده وبصلها من فوق لتحت بوقاحه وقال..لولا كده كان زمانك يا طيري.. في حضني وسريري
حنين دفعتو وبعدت وقالت..انا غلطانه الي زيك المفروض يموت كنت سبتك هناك
جبران ضحك وقال..لهو انتي لو سبتيني كنت هموت..كانو هيرجعو بعد شويه ياخدوني هما رجعو اصلا..انا ثروه قوميه يا بنتي ..وغمزلها وقال..بس انت جامد عجبتيني يالهوي لما خدتيني في حضنك هناك
حنين قالت بسرعه وارتباك..انا مخدتكش في حضني انا كنت بساعدك تشرب واتلم بقى
ضحك جامد وقال..اتلم ازاي بس وانتي هنا..دي باينلها ليله عنب
حنين قالت بقلق..دي باينلها ليله طين على دماغي انا وشكلي طلعتك علشان اقتلك بايدي ومشيت على الاوضه بقلق تحت ضحكاتو العاليه
اتنهد وهو بيبص لطيفها وقال..اخيرا حد خاف عليك يا جبران..والله يجي منك.. ولسه هيروح وراها افتكر غالب بقى يحاول يبعتلو رسايل بس برضو مش بيرد اتنهد وهو بيقرى شوية اخبار بملل في التلفون.. واتفاجأ بتصوير الحفله ولما اسد ضرب ابن اسامه بالقلم ومكتوب عليها شاهد فضيحة اولاد الثابت
قعد بحماس وهو بيبتسم بخبث وبعت الفيديو لاسامه وكتب .. مبروك يا اسامه بيه خد ابنك اتشهر وبقى ترند..قلم تاني ويكسب رحله للساحل
وبعت وهو مستني رده ومبسوط جدا
عند اسامه كان هو واسد وضرغام حاطين كراسي وقاعدين قدام اوضة وعد لانها كل شويه تصحى وتفضل تصرخ وترجع تنام تاني.. وكانو سايبين معاها عهد وشوق وليالي
بقلم..زهرة الربيع
اسامه بص لاسد بحزن وقال..يلا انشف مش كده البنت تعبانه وانت لازم تقويها
اسد بصلو بدموع وقال بسخريه..لو الي حصل معاها حصل مع تاره كنت هتقول كده
اسامه اتنهد بحزن ومقدرش يتكلم فعلا معاه حق الفكره نفسها توجع القلب.... لسه هيرد جاتلو رسالة جبران استغرب انو باعتلو فيديو فتحو وشافو بزهول وغضب ولقا الرساله بتاعته ووقف وهو هيتجنن من الغضب
اما تاره كانت بتبكي في اوضتها ومطلعتش ابدا
فارس كان ملاحظ غيابها واتسحب من غير ما حد يشوفو ورحلها حابب يطمن عليها
اول ما خبط قالت بغضب وبكا..قولت مش عايزه اشوف حد
فارس قال بدموع..تاره ده انا
وقفت بسرعه وفتحتلو وقالت بغضب..عايز ايه جاي تشمتني صح...جاي تقولي ياما قولتلك مش كده
ابتسم بدموع وقال بتلعثم..ابدا..انا..انا جيت لاني لاني قلقان عليكي..مش..مش قادر انام من خوفي عليكي مخنوق اوي لانك زعلانه يا تاره
كان بيتكلم بصدق واضح في عيونه بصتلو بدموع وافتكرت الي غالب عملو وقد ايه حسسها انها نكره قالت بحزم...تتجوزني يا فارس
فارس اتسعت عنيه بشده ووووووو
يتبع....
لقراءة الفصل الرابع عشر من رواية عهد الأسود الجزء الثاني اضغط على : ( رواية عهد الأسود الجزء الثاني الفصل الرابع عشر )
لقراءة باقي فصول الرواية اضغط على : ( رواية عهد الأسود الجزء الثاني )