 |
| رواية الجميلة والشعر الأبيض (موضوع عائلي 2) الفصل الحادي والثلاثون31 بقلم رحاب القاضي |
رواية الجميلة والشعر الأبيض (موضوع عائلي 2) الفصل الحادي والثلاثون 31 بقلم رحاب القاضي
-ومع كل نهايه ستولد بدايه جديده 🤍🌸
___________
_ وعدي شهر في التاني وكانت حياة ابطالنا مستقره عند بعضهم وسيئه وكئيبه عند آخرين..
_ وفي بيت دارين وصل يوسف هناك واول ما دخل لقاها واقفه قدامه ومبتسمه وشكلها مبسوط. جداً..
يوسف
خير جيباني علي ملي وشي كده ليه؟..
دارين
عندي ليك. خبر حلو جداً..
يوسف ببرود
غيرتي لون شعرك ولا جيبتي عربيه جديده ولا لقيتي تذاكر الحفله اللي كان نفسك. تروحيها هاا قولي عشان اهزأك بسرعه والحق امشي لشغلي..
قربت منه وحضنته جامد وقالت بدموع
انا حامل يا يوسف، كنت عند الدكتور النهارده وقالي اني حامل..
اختفت ابتسامته وبعدها عنه بهدوء وقال
طيب مبروك..
دارين بقلق
هو انت مش مبسوط ان انا حامل ولا ايه؟..
يوسف
لا ازاي طبعا مبسوط، اصلا السبب اللي اتجوزتك عشانه هو الخبر ده..
دارين بحزن
لا ما تقولش كده لو سمحت، انا مش عايزه اكمل الاتفاق اللي كان بينا..
يوسف بعدم فهم
قصدك ايه يعني؟..
دارين
قصدي اني مش عايزه اطلق يا يوسف. انا بحبك وعايزه اكمل معاك للاخر ونربي ابننا مع بعض..
يوسف بضيق
مش هينفع بطه مش هتوافق..
دارين بحده
وانا مالي بيها توافق ولا لا دي حاجه تخصها، يوسف انا عارفه انك انت كمان بدأت تحبني وانا حبيتك والله وحبيت اهتمامك ووجودك، انت ظهرت في حياتي خليتني اقول ان كل اللي عدي ده كان اوهام وان الحب الحقيقي عرفته لما حبيتك انت..
اتنهد بضيق ورد عليها
مش عارف ومش عايز اوعدك بحاجه وما اوفيش بيها، بس انا مش هقدر اسيب بطه..
دارين بدموع
ما قولتلكش تسيبها يا يوسف، انا موافقه لو حتي اشوفك يوم واحد في الاسبوع..
يوسف
ممكن نأجل كلام في الموضوع ده ظلوقتي انا هرجع الشغل وو..
قاطعته وقالت بهدوء
لا ما فيش شغل النهارده ولا حتي هتمشي من هنا انا مبسوطه اووي وعايزااك تفضل معايا..
_ابتسملها بهدوء وقعد معاها زي ما طلبت منه، بس من جواه كان قلقان وخايف من ردة فعل بطه لما تعرف انه عايز يكمل مع دارين..
ــــــــــ #بقلم_الكاتبه_رحاب_القاضي ــــــــ
_ وفي شركة جميله كان زكريا قااعد علي مكتبها وهي قدامه وقال..
زكريا
انا مبهور بيكي انتي خلصتي الشغل الشهر ده بطريقه حلوه وكنتي فعلا مديره كويسه..
جميله
ده بفضلك يا زيكو المهم انا هروح بقي واخد النهارده اجازه وانت عيش مع نفسك..
زكريا
استني انتي خلاص ما بقتيش محتجالي انا اللي همشي والشركه بتاعتك فاضله عندك. حتت الاهتمام بمواعيدك ومع الوقت هتتعودي عليها..
جميله
ليه هتسيبني هتتخلي عني..
زكريا
اييه اللي بتقوليه ده اتخلي عن مين واسيب مين، بصي هو انا مش كنت جاي اعلمك والمهمه تمت بنجاح اهو انا ماليش لازمه هنا.
جميله بدموع
بس انا ما اقدرش استغني عنك يا زيكو انا بتوه لما بتتأخر شويه عليا مابالك بقي عايز تسيبني..
زكريا
ما انا مش هفضل علي طول هنا يا جميله انا برضو عندي مستقبل وعايز اعمل حاجه لنفسي. وانتي لازم تبطلي تعتمدي عليا..
جميله
لا لا انت مش هتمشي ومش هتسيبني بس، انا ما اعرفش اشتغل من غيرك..
زكريا
جو العيال الصغيره ده انا مش بحبه، وعندك. جوزك خليه يشوفلك حل...
جميله
لا انا وعموري بنفهم بعض في البيت بالعافيه وماشيين بالذق مش هيبقي في الشغل كمان..
قام زكريا وقال
مشكلتك مش مشكلتي اوعي بقي خليني امشي..
مسكت في ايده جامد وقالت
والله ما هتمشي يرضيك الشركه تقع تاني..
سحب ايده منها وقال
لا مش هتقع والبركه فيكي مع السلامه..
وقفت قدامه وقالت ببكاء
والله ما هعرف طيب خليك وخد نصيبي اكتبلك تنازل دلوقتي..
زكريا
يا حجه اووعي انا مش عايز حاجه من حد...
_ وسابها زكريا ومشي وهي فضلت قاعده مدايقه، وبعدين سابت الشركه هي كمان وراحت عند عمار..
ــــــــــــــــــــــ
_ وفي الوقت ده في شركة عمار كان قاعد في مكتبه ومعاه بنت شكلها حلو اووي قااعده قدامه وقالها..
عمار
والله يا مدام حياة العرض مش مناسب لشركتي..
حياة
ليه كده يا عمار بيه العرض بتاعنا ممتاز وهيفيد شركتك..
عمار
وانا قولتلكم موافق عليه لو هستثمر في الشركه الجديده انما هنا صعب..
_قامت حياة وقربت منه وهو قاعد علي المكتب وقالت بنبره خبيثه....
حياة
طيب لو قولتلك عشان خاطري يا عمار بيه، انا اول مره اتعامل مع حضرتك ونفسي بجد ما تبقاش اخر مره..
عمار بنبره غاضبه
انتي لو ما طلعتيش بره دلوقتي حالاً انا ا..
_ قبل ما يخلص كلامه دخلت جميله عندهم وقبل ما تتكلم بأي كلمه، انصدمت من شكل عمار والبنت اللي مقربه منه بشكل مش كويس..
عمار بخوف
يا نهار اسود ومنيل بستين نيله..
جميله بدموع
بتخوني يا عمار...
بعدت عنه البنت وقالت بقلق
اا انا ابقي حي..
جميله بحده
اسكتي خالص يا بت انتي، وانت يا بيه رد عليا هااا مخلف منها كام عيل ما انت بتموت في الرمرمه من زمان..
حياه بحده
ما تحترمي نفسك يا بنت انتي ايه الكلام البيئه دي..
عمار بحده
انتي ازاي تكلمي مراتي كده، امشي اطلعي بره والا هطلعك من هنا بفضيحه..
حياة بسخريه
مراتك بقي الاوزعه دي مراتك انت؟...
قبل ما يتكلم عمار جميله قالت بغضب
عندك يا ابن المنشاوي وسيبلي انا الطلعه دي...
_ وبعد اقل من خمس دقايق كانت حياة طالعه بتجري من مكتب عمار وشعرها منكوش ووراها جميله وهي ماسكه الكوتشي وبتجري وراها..
جميله
امسكوها اوعو تخلوها تهرب الصفرا دي...
_ جه عمار من وراها وسحبها من دراعها جامد واخدها ومشيو بره الشركه..
فتح باب عربيته وقال
اركبي يلاا..
جميله بحده
مش راكبه ومش هروح معاك اي مكان ولو عندك دم طلقني يا خاين..
عمار بغضب
ورحمة امي يا جميله لو ما سمعتي الكلام لاكون جايبك من شعرك في الشارع فاهمه ولا لا...
_ خافت جميله من طريقته وركبت العربيه وهو اخدها للبيت واول ما وصلو فتح الباب وسحبها من ايدها جامد ودخلو جوه..
جميله بقلق
ممكن تسيب ايدي بقي..
قالتلهم عايده اللي كانت قاعده في الصاله
في ايه مالكم يا عمار؟..
عمار بحده
في ان الهانم مصممه انها تفضحني..
جميله بدموع
بقي انا عايزه افضحك، طيب يا طنط عايده انا قفشت البيه في مكتبه مع بنت وقريبين من بعض بطريقه مش كويسه يبقي حقي ازعل ولا لا...
عايده بصدمه
اخص عليك يا عمار انت تعمل كده؟..
عمار بجمود
لا طبعا البنت دي كانت جايه لشغل ولما رفضت شغلها قربت مني عشان تغرييني وفي اللحظه دي انتي دخلتي يا جميله، وفرجتي الشركه كلها عليا وطبعا الكل هيقول انك دخلتي لقيتيني بخونك، اما بحافظ علي سمعتك وانتي صفر تفكير لو عيله صغيره كانت هتفهم الوضع اكتر منك..
عايده بحده
عمار خلاص مش كده هي بتغير عليك وردت فعلها كانت سريعه..
عمار بحده
مش كده مش بالطريقه دي، انا بجد زهقت من الطؤيقه دي وطلبت منها تتحكم في تصرفاتها كاير بس هي لا بتفهم ولا بتسمع لحد..
جميله بدموع
شكراً ولا لسه في حاجه تاني هتقولها..
ما ردش عليها عمار وهي قالت بحزن
انا ماشيه رايحه عند ماما..
عمار بجمود
اطلعي فوق يا جميله..
ردت عليه بحده وقالت
مالكش دعوه بيا لما ابقي افهك واعرف اتحكم في تصرفاتي وابطل اغير عليك ابقي ارجع..
_جات تمشي بس عمار مسك ايدها جامد وقال بعصبيه...
عمار
هو انا مش قولت اطلعي فوق، مش هعرف امشي كلامي عليكي كمان..
عايده
اطلعي فوق يا جميله دلوقتي واهدي ما فيش حاجه تستاهل العصبيه دي كلها...
_ بصتله بدموع وسحبت ايدها منه وطلعت فوق، وهو قعد وهو مدايق وعايده قعدت جنبيه وقالت بحده..
عايده
ده كان ليها حق تقلق منك قبل ما تتجوزك..
عمار
ايه اللي بتقوليه انتي كمان ده يا عايده؟..
عايده
بقول الحقيقه يا عمار هو انت مش متجوزها وعارف ان دي شخصيتها ودي طربقتها ودي تصرفاتها بتلوم عليها ليه دلوقتي؟...
عمار
مش بالطريقه دي مش بالهمجيه وقلة الادب يا عايده، هي مش عيله صغيره عشان افضل الم من وراها..
عايده
لا عيله صغيرها وطريقتها عفويه بزيااده وانت عارف كده، ولو مش عاجبك سيبها للي يفهمها..
عمار
اقسم بالله يا عايده لو ما مسكتي لاكون حابسك جوه اوضتك انتي كمان، ايه اسيبها للي يفهمها دي، انتي مستوعبه بتتكلمي عن مين جميله مراتي..
عايده
شوفت مجرد كلمه ما اتحملتهاش فمبالك هي شافتك مع واحده حتي لو مظلوم طبيعي تتعصب ومش لازم تكون عصبيتها زيك هي طريقتها عنيفه شويه..
قام عمار وقال
طيب سبيها دلوقتي وانا هبقي اصالحها..
عايده
بلاش تطول عليها عشان ما تشلش منك اووي..
عمار بضيق
ان شاء الله يا عايده..
ــــــــــ #بقلم_الكاتبه_رحاب_القاضي ــــــــ
_ وفي شقه بسيطه كان قاعد مروان وايتن علي الارض وقالها بضيق....
مروان
بقي انا مروان المنشاوي ابن اشهر مليونير في مصر اتجوز في شقه اوضتين وصاله وكمان ايجار..
ايتن
كفايه عليك انك هتعيش فيها معايا..
مروان
ما هو ده اللي مصبرني..
ابتسمت ايتن وقالت
عمري ما كنت اصدق انك تعمل كده عشاني، تتعب التعب ده كله وتتنازل عن حاجات كتير اي شاب في سنك نفسه يعملها وبقيت بتعمل حاجات كبيره اووي ومتعبه عشاني، هو انا استاهل كل ده عندك؟..
مسك مروان ايدها وقال
اول مره شوفنا بعض فيها لما كنا في تالته ابتدائي كنت مكتئب وطفل رخم وقاعد لوحدي ومش بحب العب مع حد عشان ايهاب وغيره كانو بيتريقو علي اللي المفروض امي زي ما بيسمعو من اهلهم، معادا انتي كنتي بتيجي وتقعدي جنبي وتقسمي معايا سندوتشاتك كمان..
ابتسمت ايتن بدموع وقالت
وانت كنت بتقولي اقوم من جنبك وبتبقي مدايق وانا كنت بقولك لا مش هسيبك عشان كنت بتصعب عليا..
مروان
ولا مره كنت مدايق من وجودك بالعكس انا بقيت بحب المدرسه بسببك انتي، عمري ما انسي لما بطلتي تلعبي مع صحابك وكنتي تيجي تقعدي معايا انا وخلتيني اتغير من صغري بقيت بحب العب معاكي واجري واتكلم مع الناس وعرفتيني علي اهلك وبقيت احب اجي عندكم، فضلتي لحد النهارده معايا وانا لوحدي عمرك ما سبتيني لحظه واحده ضحيتي بأن يكون عندك صحاب تانيه مهمين عوضتيني عن حاجات كتير واولهم اهتمام وحنان امي، تفتكري بعد كل ده كتير اتعب انا كمان شويه عشانك..
مسحت دموعها وقالت
انت احسن واحد في الدنيا دي كلها، واول حب واخر حب ليا في الدنيا كلها ومستعده اتحمل معاك اي وضع بس نبقي مع بعض...
مروان بحماس
طيب نشرب الشاي بقي عشان نقوم نشوف اللي ورانا..
قربت منه ونامت براسها علي كتفه وقالت
هنعمل الوان ايه بقي وهنجيب ايه عفش وهناخد انهي اوضه انا وانت...
_ ابتسم بهدوء وفضلو يختارو في تفاصيل بيتهم الصغير البسيط الهادي اللي شبهم في حبهم وعلاقتهم من الاول للاخر، وفعلا ما الحب الا للحبيب الاول في علاقة مروان وايتن بس هاا😂❤
ــــــــــ #بقلم_الكاتبه_رحاب_القاضي ــــــــ
_ وفي بيت المنشاوي، كان قاعد المنشاوي علي الكنبه وشايل أوآب علي ايده..
طلعت جهاد من المطبخ وقالت
انت نيمته ليه يا بابا دلوقتي بس هيفضل طول الليل صاحي..
المنشاوي
هو اللي نام لوحده، امسكي سمي عليه ودخليه جوه..
جهاد
طيب انا خلصت الاكل جوه هدخله واجي اكمل عشان زكريا علي وصول خلاص..
المنشاوي
ماشي وانا هقوم اساعدك..
_ واخدت جهاد ابنها ودخلت اوضتها في الشقه اللي نظامها اتغير وبقيت اوسع بكتير من الاول بعد ما زكريا ضم ليها الشقه اللي جنبهم بتصميم حلو جداً، وبعد شويه جه زكريا وقعد جنب باباه وقال..
زكريا
ما نزلتش يعني المطعم..
المنشاوي
الجو برد وجهاد مش راضيه تخلي أوآب ينزل معايا فقعدت معاه هنا..
زكريا
طيب بص في موضوع كده عايز اتكلم فيك قبل ما اقول لعمار..
المنشاوي
خير ان شاء الله موضوع ايه ده؟..
زكريا
البت جميله صعبت عليا النهارده اول ما قولتلها هسيب الشغل هي فعلا ممكن تحتاس لانها مش بتحب الشغل ده هي موجوده فيه لانه مفروض عليها، وفي نفس الوقت انا عايز اعمل حاجه لنفسي..
المنشاوي
يبقي اعمل زي ما قولتلك قبل كده روح كلم النحله الكبيره مدام. فريده وقولها انك عايز تبقي شريك رسمي وتكبرو الشركه..
زكريا
طيب لو عمار ما وافقش او خاف ان الشركه تفشل بسببي..
المنشاوي
لو عمار بيفكر فيك انك فاشل ما كانش خلاك تدخل وتساعدها من البدايه اخوك اكتر حد. معترف بشطارتك في الشغل، وبلاش تاخد علي كلام حد بيحبك وهو متعصب يا زكريا عشان ترتاح وما تخسرش حد..
زكريا رد عليه بهدوء
معاك حق يا بابا هي البت جهاد فين؟..
المنشاوي
قالت هتدخل تنيم الواد جوه وشكلها هي كمان نامت جنبيه، ادخل صحيها عشان تتغدي لحد ما احط الاكل علي السفره انا...
_قام زكريا ودخل اوضته ولقاها فعلا منيمه أوآب في حضنها ونايمين هما الاتنين..قرب منها وقال..
زكريا
جهااااد جهااااد قومي..
فتحت عيونها وقالت
في ايه هو انا ما اعرفش انام شويه في البيت ده..
زكريا
قومي يا جهاد عشان تتغدي، ومنيمااه ليه بالنهار هيصحينا للصبح..
قعدت وقالت بضيق
بابا اللي نيمه وسيبه نايم حرام تصحيه..
زكريا
مالك ياجهاد قالبه خلقتك ليه؟..
جهاد
مش عارف ليه يعني؟..
زكريا
امم مالكيش حق بصراحه عشان خلاص قفلنا الموضوع..
قامت وقفت قدامه وقالت بلوم
لا ما قفلناش حاجه انا من حقي اروح الجامعه واعيش الجو اللي هناك انت بقي رافض ليه وما تتحججش بأوآب لانه بيقعد طول اليوم مع جده وكمان هنجيب مربيه...
زكريا بهدوء
لا يا جهاد مش هتروحي الجامعه غير في الامتحانات وبس..
جهاد
يا زكريا هندسه دي مش ساهله ومحتاجه مجهود كبير واهتمام..
زكريا
خلاص حولي لكليه غيرها تكون مناسبه لظروفك...
جهاد
ظروفي انا مناسبه وهدخل الجامعه بالطريقه اللي تريحني..
زكريا
اطلعي جهزي الغدا والموضوع ده ما يتفتحش تاني..
جهاد
ليه طيب؟..
زكريا
عشان بغير عليكي يا جهاد ده انا حرمتك تنزلي المطعم وانا مش موجود عايزاني اسيبك تروحي الجامعه ويجيلي واحد في سنك كده يقولي عايز اخطب اخت حضرتك الصغيره صح؟..
ضحكت جهاد وردت عليه
يا زكريا ما انا هبقي لابسه الدبله في ايدي الشمال..
زكريا قربها ليه وقال
وانا قولت لا ومراتي حبيبتي تسمع كلامي، واللي نفسك فيه هعمله الا انك تعملي حاحه انا قولت عليها لا اتفقنا..
جهاد بهدوء
اتفقنا بتعرف تثبتني بسهوله..
_وفي الوقت ده الباب خبط وسمعو صوت المنشاوي بيتكلم مع حد..وبعدين بدأ ينادي علي جهاد اللي قالت لزكريا....
جهاد
انا هطلع اشوف بابا وانت خلي بالك من أوآب..
_وطلعت جهاد بره ولقيت عماد اخوها قاعد مع المنشازي وشكله وملامحه هاديه وكويسه احسن من الاول، ابتسمت بدموع وقالت..
جهاد
عماد انت رجعت امتي، كنت وحشني اووي..
قام عماد وحضنها وقال
وانتي كمان وحشتيني اووي يا حبيبتي، ولا اقول يا ام أوآب....
بعدت عنه وقالت
ايه ده انت عرفت منين زكريا حاول يكلمك ما عرفش..
طلع زكريا من الاوضه وقال
لا كنت بكلمه وكنت بزوره كمان كل اسبوع لحد ما خف..
جهاد بعدم فهم
خف من ايه انا مش فاهمه حاجه هو كان فين اصلا؟..
زكريا
رد. يا عماد علي اختك وقولها كنت فين؟..
عماد
كنت بتعالج يا جهاد مريت بحرب طويله الحافز الوحيد فيها كان انتي، كنت بحارب فيها عشان ما اضعفش عشان ابقالك الاخ اللي كان نفسك فيه..
جهاد ببكاء
انت يعني اتعالجت خلاص احلف طيب..
ابتسم بهدوء وقالها
والله العظيم اتعالجت يا جهاد، وهمسك شغل بابا وهكون ديما سند ليكي بعد ربنا..
وبص للمنشاوي وقال
واتعلمت اصلي كمان وعملت زي ما قولتلي كنت بصبر نفسي بالقرأن...
المنشاوي
ربنا يبارك فيك يا ابني ويصلحلك حالك..
زكريا
طيب ايه مش هنتغدي يا جهاد..
مسكت في دراع عماد وقالت
مع نفسك بقي انت وابوك انا قاعده مع اخويا ومش هسيبه خالص النهارده..
زكريا
شايف يا بابا اهي بعتك في ثانيه..
المنشاوي قام وقال
هي باعتني لوحدي ما انت كمان معايا، قوم بينا نجهز الاكل..
_ بصلها عماد بدموع سعاده ممذوجه بالحزن والندم علي اللي حصل منه زمان في حقها، ولكن اللي خفف عليه وجود زكريا في حياتها فلولاه كانت هتبقي هي وهو في مكان وحش جداً دلوقتي، ربنا كرمهم هما الاتنين بعيله صغيره لانهم. طيبين قلوبهم صافيه حتي لو غلطو فربنا غفور رحيم، واللي راح لربنا وهو ندمان ونفسه في التوبه هيلاقي العوض الحقيقي والراحه في الدنيا والاخره ❤
_ دعونا لا نحكم علي احد. من ماضيه، فنحن لم نعيش ماضي مؤلم مثلهُ، كل شئ قابل للتغير معادا الماضي لانه يخفي بداخله حياتنا الجديده في المستقبل لذلك لا تجد. احد ينسي ماضيه حتي وان تصنع النسيان..
ــــــــــ #بقلم_الكاتبه_رحاب_القاضي ــــــــ
_ وبالليل في عربية يوسف كان بيسوق وهو متعصب جداً، وافتكر الحوار اللي حصل بينه وبين بطه من شويه..
_ فلاااش بااااااك...
ـــــــــــــــــــــ
يوسف
ها يا بطه قررتي ايه؟..
بطه بدموع
طلقني يا يوسف..
يوسف بحده
انا مش بقولك كده عشان تقوليلي طلقني، انا مستحيل اسيبك انتي فاهمه انتي البنت الوحيده اللي حبيتها وعمري ما هحب حد زيك...
بطه بسخريه
ودارين؟...
يوسف
هتبقي ام. ابني ومش عايزه يتربي بيني وبينها واحنا منفصلين دي كل الحكايه..
بطه قامت من قدامه وقالت
انت صح انت معاك حق والله وانا مش هلومك ولا اقولك ظلمتني والكلام ده، اصلا دلوقتي مكانك الطبيعي مع دارين اللي قدرت تحققلك رغبتك وتخليك تبقي اب، مع البنت اللي بتلبس حلو وبتتكلم لغات وليها معارف كتير وبنت راجل غني جداً هيفيدك في شغلك دلوقتي، انما انا الحب لوحده مش كفايه معايا بس عادي انا هتعود عندي دراستي وهنجح فيها وهعيش حياه تانيه انت مش فيها ومش هيكون فيها اي تضحيه لاي حد غير نفسي..
يوسف بجمود
هطلقها هي عشان لا هي ولا اللي في بطنها يهموني قدك...
بطه ببكاء
وانا بقولك طلقني انا وخليك معاها ومع ابنك او بنتك اللي هتيجي علي الدنيا هما احق بيك مني..
يوسف
وفيها ايه لو فضلتو انتو الاتنين علي ذمتي ما تبقيش انانيه يا بطه..
بطه بسخريه
انا اللي انانيه يا يوسف، بعد كل ده بتقول عليا انانيه بس انا لو انانيه بجد. كنت قولتلك طلقها هي وفكرتك بكام مره ضحيت فيها عشانك وعشان تكون مبسوط، وحاولت اتحمل فكرة وجود وحده تانيه بتكون معاها غيري بس ما قدرتش انا بقيت اخد منوم في اليوم اللي بتكون فيه عندها عشان اعرف انام وابعد التفكير السلبي عن دماغي، انت اللي اناني يا يوسف عايز تتعبني وتخليني اتحمل وضع يكسر اي واحده عشان انت تكون مبسوط.
يوسف بدموع
طيب اهدي خلاص ما حصلش حاجه، انا هخرجها من حياتي ومش هيربطني بيها غير الطفل اللي هتجيبه، كل ده هيكون اسهل عندي من انك تبعدي عني..
_حضنته هي ببكاء وضعف لانها هي كمان خايفه من بعده، لكن هو كان بيفكر في دراين ازاي هيبعد. عنها وهو حابب وجودها وبعد ما علقها بيه بطريقه كبيره..
_بااااااك..
ـــــــــــ
_ وصل لبيت دارين ونزل من العربيه ودخل البيت بخطوات بطيئه، وكانت هي قاعده قدام التلفزيون وبتتفرج علي التابلت اللي في ايدها..
يوسف بجمود
دارين...
بصتله وابتسمت وقامت بسرعه وقالت
كويس انك جيت بص ابننا هيكون في الحجم ده اول ما هولد هيبقي صغير اووي، انا قررت اني هخلي الاوضه اللي جنب اوضتنا تبقي بتاعته هجيبله كل حاجه من دلوقتي بس هتبقي مشكله لو كانت بنت وقتها هغير كل حاجه..
يوسف بضيق
لوحدك هتعملي كل ده لوحدك وما فيش داعي تعشمي نفسك بحاجات مش هتحصل بينا تاني..
دارين بقلق
انت قصدك ايه بالكلام ده؟..
يوسف بدموع
انا اسف بس مش هقدر اكمل معاكي..
دارين بدموع
ليه طيب؟..
يوسف بحزن
عشان ده اتفاقنا من الاول يا دارين..
دموعها نزلت وردت عليه وقالت
بس انا حبيتك وحبيت وجودك في حياتي واهتمامك بيا، هيبقي صعب عليا ارجع لوحدي تاني..
يوسف
بطه مش موافقه وانا ما اقدرش اسيبها..
دارين ببكاء
طيب انا هكلمها وهقولها اني مش هاخدك منها انا بس مش عايزااك تبعد، انت عارف بابي اتجوز وسافر حتي ما جاش يشوفني قبل ما يسافر قالي في رساله انه هيقعد فتره بره مصر، وما عنديش صحاب يسألو عليا ولا قرايب انا ماليش غيرك انت..
يوسف بحده
بطلي بقي الكلام ده انتي من زمان كده لوحدك جايه ليه دلوقتي تقولي الكلام ده عايزه تكسبي عطفي عليكي تمام انتي صعبتي عليا يا دارين بس مش هكمل معاكي برضو لاني بعشق مراتي ومش هقدر اعيش من غيرها...
دارين بحزن
طيب وانا وابننا..
يوسف
ما كنتش عايزه اتفقنا هتربيه لوحدك وانا هصرف عليه وبس، عشان ارتاح من زن امي واريح بطه انها ما تبقاش مفكره انها السبب في حرماني من الخلفه..
دارين ببكاء
مش هينفع اسيبك والله انا محتجالك اكتر منها هي عندها يونس اخوها وعندها صحاب وعندها مامتها انا ماليش حد غيرك انت..
يوسف
دارين انتي مش بتحبيني انتي بس حبيتي الاهتمام ووجودي بس...
دارين
لا والله حبيتك بجد...
يوسف بحده
ما بس بقي انتي اصلا ماشيه تحبي علي نفسك افكرك حبيتي كام واحد قبلي، انا همشي من هنا وانتي هتروحي تحبي واحد. تاني عادي..
دارين بألم وحزن من كلامه
لا مش صح انا مش هعمل كده، يوسف انا بتعالج عند. دكتور نفساني انا ممكن اديلك العنوان بتاعه وروح اتأكد منه انا كنت تعبانه بجد. من وحدتي انا مش عايزه ارجع لوحدي والنبي ما تسبنيش عشان خاطري يا يوسف انا بجد محتجالك معايا، ما عنديش مشكله تحبها اكتر مني وخليك معاها اكتر مني بس ما تبعدش خالص..
يوسف بضيق
مش هينفع يا دارين هي مش هتوافق وهتبعد. عني وانا مش هينفع اسيبها تبعد عني..
بصتله برجاء وبكاء وهو قال بجمود
انتي طالق يا دارين طالق بالتلاته..
_ قال كلامه ومشي وهي قعدت علي الارض ودموعها نزلت بخيبة امل وحسره علي حالها... وكأنهُ كُتبَ عليها تبقي وحيده للأبد 💔
ــــــــــ #بقلم_الكاتبه_رحاب_القاضي ــــــــ
_ وفي بيت صبري كانت قاعده شهد مع يونس اللي قالها بهدوء...
يونس
بتتهربي مني ليه يا شهد؟
شهد
يمكن عشان مش عايزه اشوفك..
يونس
شهرين بحالهم ما اشوفكيش استغليتي تعبي وبعدتي عني، عشان انتي متأكده اني لو كنت بصحتي عمري ما كنت هسيبك تبعدي عني الوقت ده كله..
شهد بدموع
عايز ايه يا يونس...
يونس
ورحمة امك وابوكي يا شيخه مرتاحه في بعدك عني..
شهد بغيظ
لا مش مرتاحه عشان انت ابتلاء انا لا عارفه اعيش معاك ولا من غيرك واخرتي هتجنن وبس.
ابتسم بهدوء وقال
مال يوسف طيب، صبري اخوكي بيقول حالته وحشه..
شهد بدموع
بسببك عايزني ارجعلك نفسيته بقيت وحشه اووي..
اتنهد بضيق وقال
زنبهم ايه العيال في كل ده؟..
شهد بسخريه
قول لنفسك لو كنت قدرتني مره واحده ما كناش وصلنا لهنا..
يونس
لا بقدرك وكتير يمكن طريقتي غلط معاكي بس والله العظيم بحبك وحياتي من غيرك وي الزفت بالمعني الحرفي..
شهد
تفتكر ايه الحل هتاخد الولاد..
يونس
مش هعمل كده طبعا عشان ما اوجعش قلبك عليهم وهما بعيد عنك، بس لو رجعتو انتو التلاته يا الف اهلاً وسهلاً...
شهد
يعني هترجعني عشان الولاد وبس؟...
يونس بجديه
طيب بجد بقي بعد ما اطلقنا ورجعنا انتي مش واخده بالك اني بدأت اتغير معاكي بأستثناء شغلك اللي عمري لا كنت هقبل بيه مع الواد الملزق ابو توكه ده؟..
ما ردتش عليه وهو تابع كلامه
ايوه يا شهد اتغيرت وانتي خربتي الدنيا وقت ما وقفتي في وشي وقولتيلي اني اكبر غلطه في حياتك، ولما كلمت ماجي كنت عايز بس اخليكي تسيبي الشغل ده اللي خلاكي تقوليلي كده اللي فضلتيه عليا..
شهد بضيق
خلصت.... بص يا يونس سواء هتتغير او لا دي حاجه ترجعلك وانا لو هرجعلك فهيكون عشان ولادي وبس وانا مش اول ولا اخر واحده تضحي عشان ولادها..
يونس بحده
تضحي؟! هي عيشتك معايا تضحيه يا شهد؟..
شهد بدموع
انت شايف ايه؟..
يونس
شايف انك بتكابري وبس، بتخربي اللي بينا عشان مشكله تافهه عدينا بأصعب من كده ليه بتوقفينا هنا..
شهد بحده
هرجع خلاص مش ده اللي عايزه وهبقي تحت امرك وهقعدلك في البيت واربيلك العيال ولو عايزنا نخلف تاني تحت امرك حاضر وانت اعمل ما بدالك مش هيفرقلي بعد كده حاجه تخصك اصلا..
يونس ابتسم وقال
موافقه نخلف تاني انا نفسي في بنوته شبهي كده..
شهد بغيظ.
ارميلك نفسي من فوق يمكن ترتاح يا يونس وقتها..
يونس قرب منها وقال
هتلاقيني وراكي برضو، طيب والله لو عملتيها هعملها معاكي بجد بقي يونس يعرف يعيش يوم واحد من غير شهد..
شهد بدموع
هه اهو كلام واللي خلاك تعيش من غير نور يخليك تعيش من غيري عادي وهيبقي اسهل كمان عشان انت ما حبتنيش زي ما حبيتها..
يونس
معاكي حق انا حبيت نور وانا يونس الصاوي كبير الحاره وسيبتها وانا زي ما انا حبي ليها وطموحي قليلين، انما انتي شوفتك وانا مش عارف حتي اسمك ولفتي نظري اووي، وشوفتك بعدها تاني في وقت ما كنت بنهي علاقتي بنور ومن المره التانيه دي واخدتي شويه من تفكيري، وفجأه لقيتني بخطبك وعرفت اسمك وعرفت الحاجات اللي من بره دي وبدأت اتعلق بوجودك، واول ما اتجوزتك واتقفل علينا باب واحد عجبتيني اوووي وبعد ما حسيت اني بخسرك لما سقطتي اول مره حملتي فيها اتأكدت اني بحبك ولما شوفت ولادي منك حبك زاد اووي عندي، اتغيرت شويه معاكي والله كان بسبب بعدك عني واهتمامك بغيري حتي لو كانو ولادي، ولما قربت من غيرك كرهت نفسي ورجعتلك وانا ندمان وبضرب نفسي بمليون جزمه، ولما طلقتك شوفت اسود ايام حياتي وما عرفتش يوم ارتاح فيه لحد ما رجعتك ولما حسيت ان في راجل تاني قريب منك وكمان شاغل تفكيرك حتي لو عشان الشغل كنت هتجنن وجوايا نار وعايزك تبعدي عنه بأي شكل وده اكدلي اني بعشقك يا شهد...
مسحلها دموعها بهدوء وقال
عرفتي بقي ايه الفرق بين حبها اللي كان ساهل ورخيص في اخره وحبك اللي من بدايته خاطفني ومخليني مش علي بعضي هو الاغلي وهو الاكتر..
شهد بدموع
وحياة ولادك بتحبني انا اكتر ولا هي؟..
يونس
وحياة ولادي ما بحب حد في الدنيا كلها قدك يا ام العيال..
ابتسمت بهدوء وقال
عديها يا شهد وخلينا نكمل حياتنا سوا لاننا نستاهل نكون مع بعض والدنيا كلها مشاكل فنتحمل بعض يا ستي اضربي واشتمي وزعقي واعملي اللي عايزااه بس ما تبعديش..
شهد بعِند
مااشي بس علي فكره برضو هرجهلك. عشان ولادي..
ابتسك بهدوء وقال
المهم انك هترجعي يا شهد قومي يلا عشان نرجع بيتنا..
شهد
حاضر يا يونس..
_طلعو ولادهم من ورا الباب وهما بيسقفو ومبسوطين من رجوعهم ويوسف جري علي يونس وحضنه وقال بفرحه كبيره..
يوسف
الله عليك يا ابو يوسف يا جامد..
حضنه يزن هو كمان وقال
انا الكبير اسمه ابو يزن..
_ ضحك يونس وشهد كمان اللي دخلت عشان تجهز حاجتها وترجع معاه تاني..
"لو كانت مش متأكده من حبه ما كانتش هترجع ولا هتثق فيه تاني حتي لو كان ايه السبب، لو ما كانتش شافته بيتغير للافضل حتي لو نسبياً ما كانتش رجعت، هي شافت الجانب الحلو فيه عشان بتحبه وهتحاول تصلح الجانب السئ اللي فيه مع الوقت"
_ تفتكرو هتقدر تعمل كده ولا لا، هنعرف في الجزء التالت من #موضوع_عائلي_3❤🙈🌺
ــــــــــ #بقلم_الكاتبه_رحاب_القاضي ــــــــ
_ في بيت عمار المنشاوي...
دخل بيته بالليل ولقي مروان قاعد. في الجنينه مستنيه وهو بيقلب في موبيله...
عمار
انت ما روحتش شغلك التاني ليه لحد دلوقتي؟..
مروان
اجازه النهارده يا بابا، كنت عايز اقولك اني لقيت شقه من كام. يوم ايجار في مكان يعني كويس وصغيره شويه بس اهو هنقعد. فيها انا وايتن فتره مؤقته لحد ما اتعلم بقي كل حاجه معاك وامسك الشغل معاك واقدر اجيب مكان احسن..
عمار
كويس.. المهم حماتك شافت الشقه وايتن ولا لسه؟..
مروان
انا وايتن جيبناها سوا اصلا وهي اللي اختارتها، انما طنط فريده لسه بس هتشوفها قبل الفرح وكده..
عمار
اشمعنا يعني؟..
مروان
بصراحه الشقه لسه مش متشطبه برضو واتفقنا انا وايتن نعمل فيها كل حاجه مع بعض واهو نوفر شويه ولما نخلصها نخلي طنط فريده تبقي تشوفها..
عمار ابتسم وقال
ربنا معاك لازم تتعب شويه عشانها وعشان تتعلم برضو شوية خبره في حياتك..
مروان بنبره دراميه
ابنك الدنيا فرمت وشه يا عمار يا منشاوي...
ـ ضحك عمار وسابه وطلع اوضته وكانت جميله لابسه منامه حلوه جدا وفارده شعرها وحاطه ميكآب بطريقه شك جداً ولما شافته اتنهدت. بضيق وفضلت تتفرج علي التلفزيون من غير ما تتكلم معاه..
عمار بسخريه
ولا يفرق معايا اللي عملاه ده كله علي فكره..
جميله ببرود
انا ما عملتش حاجه اصلا عشان تفرق معاك او لا..
ـ ما ردش عليها ودخل اوضة اللبس وغير هدومه وطلع ناام جمبيها وقال بجمود..
عمار
اقفلي التلفزيون عايز انام..
جميله بغيظ
والله عايز تنام.
عمار ببرود
ايوه..
قامت من جنبيه وقالت
ايوه قول كده ما انت خلاص زهقت، ياريتني كنت سمعت كلامك يا ماما، كان ماله حسين ابن عمي كان زماني شارده في شوارع امريكا بدل الجوازه المنيله دي..
_احدت ملامحه بغضب وقام بسرعه وقف قدامها وهي رجعت لورا كام خطوه بخوف وقالت..
جميله
والله ما كنت اقصد اقول كده بس انت استفزيتني..
مسكها من دراعها جامد وقال
بقي جوازك من حسين ابن عمك احسن من جوازك مني..
جميله
ايه ده مين اللي ما اتربااش اللي قال كده يا عموري..
عمار بحده
ايوه كده اتعدلي وفكري بس تنطقي اسمه لاي سبب تاني قدامي والله ابيتك شهر في المستشفي يا جميله..
جميله بضيق
اسم اهو زعلك واللي انا عملته الصبح كان دمه تقيل عليك، وبعدين انت ازاي تسمح ان البنت تقرب منك كده وكمان تيجي وتهزأني انا قدام. طنط عايده اللي لولاها والله كان زماني في بيت اهلي، بس انا قولت لا برضو انا عاقله وهقعد في بيتي ونحل الموضوع ولو ما قولتليش يا عمار ايه اللي حصل بالتفصيل وربنا لاروح اضربلك مروان عشان مش هقدر عليك انت بس..
عمار مسك راسه بألم وقال
طول اليوم دوشه وشغل واجي الاقي البلوه السودا اللي حبيتها فوق راسي..
جميله
عايزه اروح عند. ماما انا زعلانه منك ومن حقي اغضب عند امي..
عمار بهدوء
انا اسف انا غلطان وقولتلك كلام ما ينفعش كنت اقوله..
جميله بحزن
ايوه افتكرت بقي زهقت من تصرفاتي، انت اصلا زهقت من كل حاجه ما انت اخدت اللي عايزه خلاص وبتطفشني منك، بجد شكراً علي قيمتي اللي طلعت ولا حاجه عندك...
عمار قعد علي السرير وحط ايده علي خده وقال
خلصتي كده ولا لسه في فقرات تانيه هتعمليها..
جميله بدموع
يعني انت تزعلني وكمان تتريق عليا وعلي زعلي ده انت بارد اووي بجد..
عمار بغيظ
ياريتك كنتي من النوع اللي تزعل تسكت او تلوي خلقتها انما اللي بتعمليه ده يخليني اضرب نفسي مليون جزمه اني زعلتك..
جميله
مين قالك اني زعلانه انت اصلا ولا حتي غيرك ما يقدرش يزعلني هه قال زعلانه قاال..
عمار
انتي عايزه ايه دلوقتي يا جمله عشان اعرف انام..
جميله
عايزه اروح عند ماما..
عمار
اوكي اجهزي وهخلي السواق يوديكي عندها..
جميله بدموع
شوفت ما صدقت اهو انا احساسي صح...
خبط. ايده علي الحيطه وراها وقال بعصبيه
اعمل لامك ايه، ارضيكي ازاي؟..
غمضت عينها بخوف وفتحت عين واحده وقالت بخوف
ما انا بعمل كل ده عشان تصالحني يا غبي وانت مش راضي تفهم...
_ وفي لحظه اختفي غضبه كله وابتسم بهدوء وباسها من خدها وقال بهدوء..
عمار
حقك عليا انا اسف ما كنتش اقصد. ازعلك ولا اقولك حاجه من الكلام السخيف اللي قولته ده، وتصرفاتك وشخصيتك وكل حاجه فيكي حلوه ولو الناس كلها انتقدتها انا هدافع عنك واقولهم انا عشقتك كده زي ما انتي ومش عايزك تتغيري، بس ما فيش مانع لو نعقل شويه قدام الناس ومعايا اعملي اللي عايزااه..
رفعت ايديها وحاوطت رقبته وقالت
امم هحاول المهم كلملي زكريا يرجع يمسك الشركه عشان مش هروح تاني..
عمار
براحتك انا فقدت الامل انك. تشتغلي اصلا، بس زكريا لو رجع مش هيرجع وهو شغال عندكم..
جميله
اومال هيرجع ازاي هو وجوز امي مثلاً...
عمار
وهو شريك في الشركه وهيكبرها للضعف انا واثق فيه..
جميله
طبعا موافقه بالنسبالي، يكلم. بقي ماما وايتن وانا مش هنلاقي حد. نثق فيه اكتر من زيكو عشان يمسك شغلنا مع ايتن ان شاء الله في اللي جاي..
عمار
يبقي علي خير ان شاء الله، ايه بقي؟..
جميله
ايه؟..
عمار
ايه الشياكه دي كلها من امتي الحاجات دي؟..
جميله
لا ما انا افتكرت اني متجوزه خلاص..
ضحك عمار وقال بهدوء
ههههه بقالنا اكتر من شهرين متجوزين وتقوليلي دلوقتي افتكرت اني متجوزه..
جميله
سبق وقولتلك. اديني وقتي وبعدين نتجوز انت اللي استعجلت..
عمار
انا مستعجل علي الجواز من اول لحظه شوفتك فيها..
جميله ابتسمت وقالت
والله وانا كمان تعرف يا عموري انا كنت مألفه روايه في خيالي ومسمياها الجميله والشعر الابيض، وياماااا كنت بنام وانا بفكر فيك وتاني يوم ابان قدامك عادي ولا كأن في حاجه جوايا ليك، وفجأه روايتي اللي كنت عيشاها في خيالي اتحققت وصاحب الشعر الابيض بقي معايا وجوزي قدام الدنيا كلها...
حضنها جاامد وقال بتنهيده طويله
تعبت عشان اوصلك بس تستاهلي اللي تعبته قبل كده وتستاهلي اتعب عشانك سنين يا جميله، يا اجمل ما رأت عيني..
أَمَّا الفُؤادُ فَحَسبي أَنتَ ساكِنهُ
وَصاحِبُ البَيتِ أَدرى بِالَّذي فيهِ ♥️
_وبكدا خلصت حكاية الجميله والشعر الابيض 🥹❤🌺
ــــــــــ #بقلم_الكاتبه_رحاب_القاضي ــــــــ
_ وفي عربية فيروز وقفت قدام بيتها هي وعز وكانت بتتكلم في الفون وقالت بفرحه كبيره..
فيروز
بجد يا شهد والله جوزك مهما عمل برضو طيب، وكويس انكم رجعتو عشان الولاد حتي..
شهد
ربنا يعدي اللي جاي علي خير، المهم انتي قولتي لعز علي موضوع الحمل..
فيروز
اديني اهو طالعه اقوله بس غريبه ما كلمنيش ولا سأل حتي انا فين طول اليوم، علي فكره ما قولتش لحد غيرك ده حتي اهلي ما يعرفوش لسه..
شهد
يا سيدي علي الاهتمام. المهم اطلعي قوليلو وبكره هنجيلك انا وجميله وتقوليلنا عمل ايه لما عرف بالخبر..
فيروز وهي بتطلع الاسانسير
ان شاء الله يا حبيبتي يلا سلام..
_ قفلت معاها وبعد لحظات وصلت شقتها واول ما دخلت طلعت اول صوره لجنينها وخبتها في ايدها وقالت بصوت هادي..
فيروز
عز انت فين يا حبيبي... عز...
_فضلت تدور علي في الشقه ومالقيتوش وطلعت موبيلها عشان تكلمه بس اخدت بالها من علبه صغيره لونها ازرق موجوده علي السرير وجنبيها ورقه، ابتسمت بهدوء وفكرته عاملها مفجأه زي عادته، بس كانت صدمة عمرها اما بدأت تقرأ رسالته اللي سايبها ليها وكاتب...
" انا أسف يا فيروز بس الشهرين خلصو خلاص وده اللي كنت عايزه من الاول مش ذنبي بقي انك غبيه وصدقتيني، بس والله انا حاولت نكمل اكتر من كده بس زهقت بصراحه وده عيبي انا مش بحب الاستقرار واني اعيش حياه روتينيه، علي العموم انتي بنت جميله وانا قضيت معاكي احلي شهرين في حياتي بس مش عايز اكتر من كده، والعُقد اللي عندك. ده الماظ اعتبريه مكفأة نهاية الخدمه وكمان الشقه كتبتها بأسمك واخوكي سافر بره مصر وامك فتحتلها الكوافير اللي كانت عايزااه اظن كده دفعت التمن وزياده، واوعي بقي تدوري عليا انا خلاص مسافر بره مصر ومش ناوي ارجع تاني، الوداع يا ابله فايزه هتوحشيني "..
نزلت دموعها بعد. تصديق وقالت
لا لا مستحيل اكيد بيهزر هو مش هيعمل فيا كده مش هيسيبني دلوقتي اكيد ده. مقلب..
_ ومسكت موبيلها وحاولت تكلمه بس كانت موبياه مقفول فرمته علي الارض وفضلت تعيط بصوت عالي من صدمتها فخيانة وعوده ليها والغدر بيها...
_ وفي الوقت ده في المطار كان قااعد عز وبيتفرج علي صوره معاها وهو مبتسم بسخريه وجات بنت وقفت جنبيه وقالتله..
البنت
بيبي يلا عشان نلحق الطياره..
ابتسملها عز بهدوء
يلا بينا يا حبيبتي..
_ وهو وماشي قفل الفون بتاعه ورمااه في الزباله ومشي مع البنت اللي هيتسلي بيها شويه ويسيبها زي عادته،بس فيروز حامل وهو مشي باقي الحكايه هيكون في الجزء التالت يا شباب 🙈❤🌺
*توضيح
اللي هيكملو معانا في الجزء التالت عزالدين وفيروز ويوسف وبطه وشهد ويونس وولادهم ومحمد واميره ❤
«واخيراً بقي في النهايه عايزه اشكر كل اللي دعموني بتعليقاتهم الطويله اللي كانت بتساعدني وبتديني حماس اني اقعد بالسعات اكتب عشان اشوف ردودكم ديماً، وبعتذر جدا علي التأخير ولاي حد ما عرفتش ارد عليه واتمني يكون الجزء ده بابطاله جميله وعمار وزكريا وجهاد وايتن ومروان يكونو عجبوكم بجد ❤
ــــــــــــــــــــــــــــــــــــــــــــــــــــــــــــــــــــــــــــــــــــــــــ
أقتباس من 👇🏽👇🏽
#موضوع_عائلي
"بيت الهنا"
ـــــــــــــــــــــــــــــــ
_ في بيت شبه راقي ولكنه بسيط جداً وقف حسن اخو عز الدين في نص بيته وقال بنفاذ صبر وعصبيه...
حسن
انا تعبت من العيال والدوشه بقي ساعه مش عارف انام فيها في البيت لا الصغير بيسمع الكلام ولا حتي الكبير..
روز
بابا بابا روفان شدتني من شعري..
حسن بعصبيه
روحي شديها من شعرها انتي كمان ما تجيش تقوليلي
ليلي
جرا ايه يا حسن انت بتسخن الولاد علي بعض، ده بدل ما تراضيهم..
_ وفجأه الباب خبط وراح فتح ودخلت ريناد بنته الكبيره وهي شايله بنتها علي ايدها وقالت..
ريناد ببكاء
طلقني منه يا بابااا انا مش عايزه اعيش معااه تاني..
ودخل وراها جوزها وقال
هو انتي كنتي تطولي تعيشي معايا، ازيك يا خالي عامل ايه وحشني والله..
ريناد
لييه من حلاوتك ولا من حلاوتك يا عود القصب انت، انت كويس يا بابا..
دخل عزالدين عندهم وقال
في ايه مالكم ولا مش مهم حد. يجيب موبيله بسرعه عشان الماتش هيبدأ..
سيف جوز ريناد
استني يا خالو عز كده بقي انا عود قصب يا كوره كفر انتي، واقف ليه يا خالو حسن تعالي ندخل..
حسن
الله يخربيتك علي بيت مراتك علي بيت خالك اطلعووو بره عايز اناااااااام..
ـــــــــــــــــــــــــــــــ
_ وفي بيت يونس الصاوي الساعه الخامسه صباحا ً دخل يوسف وهو بيتسحب وماسك الكوتشي بتاعه في ايده وقبل ما يدخل اوضته مسكه يونس من قفاه وقال..
يونس
كنت فين يا صايع يا رباية الشوارع..
يوسف بقلق
بب بابا اا اكنت بصلي الفجر ودعيتلك..
يونس بحده
بطل كدب انت كنت سهران في بار وسط ناس شمال يا شمال..
وطلع موبيله وحطه قدامه وقال
انت ده ولا مش انت؟..
يوسف
ايوه انا بس ايه الصور الوحشه دي ما بيحطوش ليه فلتر وهما بيصوروني..
ضربه يونس بالقم علي قفاه وقال
انت هتجلطني وده اللي فارق معاك مش فارقه معاك الفضيحه اللي احنا فيها، بقي ابن يونس الصاوي شمام وصايع ليه عملت ايه في دنيتي بس..
_طلعت شهد من الاوضه وهي لابسه اسدال الصلاه وردت عليه بسخريه..
شهد
يا اخويا قول ما عملتش ايه بلا نيله، وانت كنت فين يخربيتك وفين اللبن اللي قولتلك تجيبه طيب ما فيش موز باللبن تاني عشان ما بتسمعش الكلام..
يوسف
لا يا شوشو واهون عليكي ده انا من غير الموز باللبن ببقي مش عايش..
يونس
بس يا تافهه منك ليها واسمع يالا تتظبط وتبقي زي اخواتك يزن بيصلي ومتربي واتخرج من الجامعه وماسك الشغل معايا واختك يارا طلعت الاولي علي الاعداديه علي مستوي الجمهوريه ومؤدبه وزي الفل، انما انت يا عملي الاسود...
ومسكه من هدومه وقال
هتسقط تاني في الجامعه مش هخليك تعيد، ولو مش هتنزل معايا الشغل ورحمة ابويا ما هتطول قرش واحد مني طول ما انا عايش فااهم..
يوسف بقلق
يا بابا ما انا قولتلك انا ماليش في التعليم وماليش في الشغل انا جوزني عائشه بنت عمي محمد وقعدوني في البيت...
يونس بسخريه
هو عمك هيرضي يخليك تبص لبنته تاني بعد الصور دي، ده تلاقيه جايب الشبكه وجاي يرميها في وشك..
يوسف
لا اطمن هخلي واد صاحبي يفلتر عمي من المواقع اللي بتنزل فيها صوري..
شهد
لا ما ابوك بعتهم ليه وسخنه عليك وقاله انك مش متربي وعايز تتربي..
يونس بحده
غوري ادخلي جوه يا شهد..
يوسف بغيظ
انت عملت كده بجد يا بابا؟..
يونس
ايوه محمد ده اخويا وعيشه بنت اخويا وما ارضلهمش بعريس زيك..
يوسف بخوف
يا حوستي السودا يانا ياما ادعي عليك بأيه بس وانت ابويا..
_ تفتكرو ايه حكاية يوسف ويزن هتكون شخصيته ازاي؟
_انتظروني في الجزء التالت من #موضوع_عائلي_3
ــــــــــــــــــــــــــــــــــــــــــــــــــــــــــــــ
#بقلم_الكاتبه_رحاب_القاضي